مشكلة رفيجتي.......

مساء الخير عزيزتي

بالأول باركي لرفيجتج بالخطبة وعقبال الزواج إن شاء الله

شوفي حبيبتي

أنا ريلي نفس الشي ما يبغيني ألبس تنانير برع البيت وخصوصا حق الدوام

وتناقشنا وايد في ها الموضوع دون حل

واستسلمت للأمر الواقع وقمت ألبس جلابيات ومخاوير

وبعد فترة فاتحته في الموضوع مرة ثانية وقلتله إني بلبس بس يوم أطلع وياه ......... ووافق دون تردد

بس أنا ما سكت عن الموضوع ... كلمته مرة ثانية وثالثة .......... وعاشرة بعد ،،،،،،،،، بالكلمة الحلوة .. بالطيب (يعني مو غصب)

وبعد عدة محاولات وافق ..................... تصدقين وافق بس مع وضع بعض الشروط والملاحظات على اللبس مثلاً هذا أوكي أو هذا لا

وبعدين فهمت ليش هو سوى جذي

لأنه كان يغار علي وايد وما يبغي أي حد يشوف ها اللبس علي غيره


فسلميلي على ربيعتج وقوليلها تحمد ربها إن خطيبها يغار عليها ويبغيلها الستر
وبعدين ليش ما تلبس التنانير حقه بدال ما تلبسهم حق برع

والله بيستانس يوم بتقوله إنها لابسه التنانير حقه مو حق برع
وهو روحه بيغير رايه

وقوليلها بلا هالعناد ترا بينجلب فوق راسها آخر شي

وآسفة طولت عليج (جني قصيت لج قصة حياتي)

أختي ام_يزن

أعذريني على سؤالي

بس يعني إيش مو راضي تلبس تنانير بره؟؟ يعني بدون عباية؟؟

أنتظر الجواب وبعدين بقول رايي

مدااااااام انفينتي مشكووووووره حبيبتي ع راايج والله لايحرمنا منج وينولج كل خير يااارب والله يبارج بحياتج
بس والله هيه وااايد عصبية وتبي كل شي بالقوة متعودة حتى في بيتهم بس بخليها تقرا ردج وانشاء الله تقتنع ...


هلا حبيتي همس القلوووب
لا هيه اكيد تلبسها مع العباية مفتوحة او مغلقة بس هوه يريدها تلبس جلابيات كلش
وتسلمي عزيزتي ع مشاركتك وردج

اذا كانت تحت العبايه والعبايه ساتراها في رايي انه هدي غيره زايده وتحاول تفنعه اما لو كان من غير عبايه فمعاه حق ولو نفذت كلامه افضل لها

والله انه اشوفها مافيها شي اذا بتلبس التنانير من تحت العبايه ...... بس لو انه مكان رفيجتج وزوجي طللب مني هالشي اكيييد بوافق وبلبس الللي هو يقول لي علييه او في البدايه باسايره بس بالكلمه الطيبه مثل الاخت اللي قالت عن نفسها فووق .. بتشوفينه يليين وبيرضا ...... والله يوفقج ويوفق رفيجتج ..:shy:

خليها توافق
وبعد الزواج تقدر تقنعة بأي شيء بالمسايس والكلمة الطيبة

نفس مشكلتي بس اناا اكبرر لوووووووووووول انا مشكلتي زوجي ما يرضى البس بدلات تنانير وبنطلونات بره بس اناا احب البس ستايلي الكويتي ... وخصوصا اني في غربه وماحب البس عبايه وايد .. بس اهو مصرر اني البس عبايه علي طول واان اقوله تو الناس خلني استانس واتكشخ بس شكلي بارضى بالامر الواقع والبس العبايه قبل لا تنقلب علي...


تحياتي

العناد مع الرجل ابد لا ياتي باي حل

لانه الرجل لا يحب المراه العنيده

المفروض تتناقش معاه باسلوب ودي وليس بعصبيه وعناد

خلها توافق اول شيء بعدين على فترات تحاول انها تفتح السالفه

بس سالفة العناد والعصبيه خل تنساها لانها سبب للانفصال والمشاكل

غااااليتي سمراااء السودان اشكر لج ردج وهيه اكيد بتلبسها تحت العباااية

حبيبتي عالية المقام مشكورة ع الرد وانا بعد قلتلها نفس كلامكم بس هيه تخاااف تعطيه مجااال يفرض رايه عليهاااااا


سالي عزيزتي اشكر لج مشاركتك وردج وانشاء الله خير

حبيبتي De3LaT_7aBeBY الله يعينج بس انا اقولج نفس الشي البسي العباااية احسن دام ريلج يرضيه هالشي
ومشكوورة ع المشاركة

حبيبتي نوووسه مشكوووره ع مشاركتك وكلامك ماعليه غبااااااار وعسى تقتنع ........

حبيبتي انا ريلي كان وايد مشدد علي وكنت امتثل لكلامه ويوم كنت افاتحه بالموضوع يقول لا تراجعيني بهالموضوع وبعد فترة من زواجنا ويوم شافني ما اعانده من نفسه قال البسي الي تبينه لا ويشتري لي من نفسه تنانير روعه

[frame="7 80"]انا انصحج تسمعين كلام ريلج احسن....وبعد الزواج تفاهمو[/frame]

السلام عليكم و رحمة الله و بركاته

أختي العزيزة...

المشكلة أختي مش في زوجك صديقتك...المشكلة في صديقتك نفسها...

العناد و العصبية ما تنفع مع الرجل أبدا ابدا أبدا...

يعني اليوم تخانقوا على حكاية التنانير...بكره على حكاية ثانية...و بتستمر حياتها خناقات و عناد على أشياء بسيطة...

كلنا أزواجنا فرضوا علينا أشياء...لا تضعي مكياج...بلاش الكحل...بلاش الكعب العالي...و ردّينا عليهم و مشينا كلامهم طبعا...و كل شيء بالمسايسة بيصير...و زوجك لوحده بيقتنع...

بس أول ما يشوف منك عناد أو عصبية...خلاص بيركب راسه و تصير مشكلة...

الله يهدي صديقتك...قوليلها الحياة الزوجية محتاجة مرونة أكثر...

الله يهديها إن شاء الله...

أختي ام_يزن

مثل ما قالوا الأخوات العناد مع الرجال ما ينفع

خليها توافق الحين وبعدين صدقيني راح تغير رايه وبتسوي كل شي في بالها

لكن لا تبدي حياتها بعناد وعلى موضوع بسيط مثل هذا..


والأخوات ما قصروا


و السلام عليكم ورحمة الله وبركاته

السلام عليكم ورحمة الله وبركاته ....

اول شي باركلي حك اربيعتج على الخطوبة.....

في وايد اشياء بتصادفها في المستقبل من اراء بس لازم هي اتكون حكيمه

والحرمة تقدر اتغير في ريلها وايد اشياء بس الصبر زين......

وحبيبتي ...انا ريلي كان جذي....يغار موووت وما يحب يشوفني البس تنانير
برع البيت وخاصة يوم اسير ادوام .....

بس فهمته شوي شوي اني البس حكه واتعدل جدامه......

لان الريال ما يحب الناس يشوفونج وانتي قاعدة تتكشخين حك غيره....

وان شاء الله خله اتفهمه بالايام بيفهم......


الله يسر امورهم ويلم شملهم...

أفااااااااااااااااااااااااااااااااااااا
يعني الحين يوم ما يلقون سبب حق
الضرابه ، يدورون اي شي ما يسوة
ويتضاربون بسببه؟؟

المفروض انها تستانس عشانه على
الاقل يحبها ويغار عليها وما يبا حد
يشوفها بنظره مب زينه..

في حريم واااااااااااااااااااااااايد معرسات
منقبات وما يبين منهن شي ولا يلبسن التنانير
بس في بيوتهن ماشاءالله عليهن يتفنن
حق رياييلهن

اللي اعرفه ان الريال اول ما يخطب ويملج
يبتدي يفرض آراءه وطلباته بس الحياة
تستمر بينه وبين حرمته عقب الزواج
عشان كل واحد يكون عرف الثاني وطبايعه
وعرف كيف يسايسه وكل واحد منهم
يتنازل عن شي عشان حبه للثاني

تدرين السالفه بصراحه تضحك وايد

خلي ربيعتج تدخل المنتدى وتشوف المشاكل
اللي تنطرح بخصوص البنات اللي يبغن يعرسن
ويتمنن ووووووو وبعد الزوجات اللي يشتكن
من عدم غيرة الزوج او عدم حبه

خليها تهدي اعصابها وتهدا وتتعوذ من الشيطان..

الله يهدي الجميع

حبيباااتي أم يزوي / الجميلة /مرموم / همس القلوب ظ الخطيرة/ Runaway Bride

بصراااحة اشكر تعاونكم عندي وربيعتي تسلم عليكم وااايد وتشكركم كثير كثير وانشاء الله تكون وحدة من بناات عروووس في القريب العاجل وهي استانست وااايد من كلامكم ونصايحكم وانشاء الله بتاخذ بنصيحتكم

والله يوفقكم جميعا ويرزقكم كل خير

مع ان وجهي مو وجه نصايح
بس انا بالنسبة لي ما يصير تهدم بيتها وحياتها بهذي السهولة ..تناقشه بالاول يمكن له وجهة نظر هي مو منتبهه لها...
وباركي لها ....

شكرااا ليول حبيبتي ع مشاركتج وافا عليك من قال ان ويهج مو ويه نصاايح الكلمة الطيبة زينة وتسلمي عزيزتي

بكل صراحة مستغربة من الموقف الغريب لزوجها ؟

ايش الفرق بين التنورة او الجلابية او البدلة بجميع انواعها سواء كانت بنطلون او تنورة خاصة انها بتلبس عباية فوقها ؟

الغيرة شي والغيرة الزايدة شي والتحكم شي ثالث

موقفه مو مفهوم على الاقل بالنسبة لي

اهم شي انها ما تعاند ... بس تحاول تفهم وجهة نظره ... وهالشي يختلف من وحدة للثانية يعني فيه حريم يقبلون تحكم الزوج بلبسهم

وفيه حريم لأ

يعني هي ايش رايها ؟ هل تقبل في المستقبل يفرض عليها اشياء ثانية بخصوص لبسها حتى لو كان لبسها ما عليه كلام ؟؟؟؟