تعبت من زوجى

وعليكم السلام ورحمة الله وبركاته



أختي الكريمة (بنت التجاري)

أكيد إللي زوجج يسويه شي غلط ويأثم عليه بس هذا مو معناه إنج تهدمين بيتج علشانه

ولا إنج تكرهين زوجج علشان هالشي.. أنتي قلتي إنج تحبينه وتموتين فيه

فلا تكرهينه علشان زلة ممكن يتركها..

كل إللي عليج تسوينه إنج تحاولين تبعدينه عن هالأفلام وتحاولين تنبهينه حق خطر

مشاهدة هالأفلام والأثم الكبير إللي ياخذه ولا تنسين تدعين له دايم في صلاتج

صلي الحاجة وقومي الليل وبإذن الله ربي راح يصلح حاله..


الله يهدي زوجج ويصلحه ويجعله قرة عين لج..


و السلام عليكم ورحمة الله وبركاته

اشغليه عنهم في وقت ماهو يحب يشوفهم

قولي له خطر نخليها بالبيت شيقولون الناس عنا

الله يهديه ويصلحه

اختي بنت التجاري لا تخلين هالسبب يوقف بينكم
احمد ربك ماراح للي اخطر من كذا وانتي فاهمه قصدي زين
حاولي انك تتفاهمين معه على هالشئ خلي الحوار لغتكم وصدقيني اغلب مشاكل البيوت مايحلها الا الحوار خصوصا اذا انكم تمونون على بعض وماحد يخاف من انه يناقش الثاني بخطئة
واذا حسيتي انه بيروح يشوف هالافلام على طووول قومي انتي بدورك وظيعي جو هالافلام بطريقتك يمكن انتي اول ماشفتيه بهالغلطة على طول نفرتي منه وماعاشرتيه من قلب عشان كذا استمر على اللي هو فيه
مالك الا الحيلة من له حيلة فليحتال لازم تعوظينه وتحسسينه بالأمان عشان مايضطر انه يرجع لهالأمور

والله يعينك ياختي ويوفقك ويهدي زوجك ويصلحه وتشوفينه بأحسن حال وانتي كذلك

الله يعينك اختي الغالية ويثبتك..
من جد مثل ماقالو البنات حاولي تشغلينة وتناقشية بالموضوع بشكل هادي وبوقت تحسي فية انة ممكن يتقبل منك اي شي..
وبنفس الوقت توكلي على العلي القدير وادعي لة دعوة صادقة...والله يهدية ويصلحة..
اللهم اميـــــــــــــــــــــــــــــــــن..

أختي الله يهدي سرك
بس بدي نبهك لشغلة...انتي ما سألتي نفسك عن السبب الي خلاه يشوف هل افلام؟؟
يمكن في مشكلة هو مو قادر يعبر عنهااو بيستحي منك...أنتي شجعيه وأسأليه بكل لطف
والله يخليكون لبعض

الله يهديه ان شاء الله

دايما ادعيله

اختي ،، البنات ما قصروا ،،

بس انتي بعد خذيها بروح رياضيه

يمكن فترة وتعدي .. انتي هم ساعديه عشان ما يلجأ لهالاشياء ،، علميه حركات يديده وحلوه ..

ولا تخلين غلطه وحده تهدم حياتكم ومو بالصعوبه تتعالج

تقدرين تقترحين عليه انه يتخلص من الاشرطه او القنوات خوفا من عقاب الله وسولفي معاه بهدوء ورويه ،، واذا ما تبين توضحين له انج تعرفين عنه يطالع .. قولي له ان زوج وحده تعرفينها جذي ،، وقعدي انتقدي الموضوع وقولي ان شي ما يرضي الله ولا رسوله وانه يهدم البيوت ووو ..

واهم شي حبيبتي ابتعدوا عن اكل الحرام لأنها اكثر شي يولد هذا الشئ ،، اقصد ان لا تأكلو من اي مطعم لا تعرفو لحومه من اين جائت او لا تعرفوا عن طريقة ذبحها .. لأن سالفة الاكل الحرام وايد تأثر في النفوس وتقسيها وما تخليها تعرف الحلال من الحرام ..

اتمنى اكون افدتج وما طولت عليج ..

اختج

ريم