استفسار بسيط جدا

اهم شي لون غرفة النوم اختي لاتستعيلين ابدا
وانا انصحج باللون البيج
عشان انشالله بعد الزواج لو حبيتي تغيرين مابتتعبين ابدا
اللون البيج يناسب كل الالوان
تقدرين تشترين طقم شراشف وملاحف احمر
ومع شوية شموه ومخدات صارت الغرفه حمرا
ومع شوية ديكورات ثانيه صارت زرقا
اقصد اللون البيج يمشي مع كلللل الالوان فما بتتعبين معاه لو حبيتي تغيرين
والبيج احلى من الابيض لان الابيض الحين موضه قديمه
والبيج هادي اكثر

وفي النهايه انتي وذوقج

نفس كلام دلوعه وانصحج بالبيج او الابيض

الالوان تاثر في الانسان بشكل فظيييع حتى لو كنا ما نحس فيها .. يعني الالوان الغامقه ما تصلح لغرف النوم لانا كئيبه ... فأنصحك بالالوان الفاتحه و الهادئه لغرف النوم

انا شفت في قناة الرأي

مهندسة الديكور صبغت غرفة الام والاب حيطه وحده لون الاحمر على البني وباقي الحوطات لون الاوف وايت
وايد رهيب بالديكورات والابجورات

لانه هالالوان تعطي جو رومنسي وحميمي وينفع حق الازواج