~*¤®§(*§أم تـحــت المـجـهـــــر (1) جـمــــــانـة §*)§®¤*~ˆ°

ها فوانيس اشوفج تتصفحين ما ودج تسئلين انتي بعد؟؟:think:

شكلها فوانيس فاتحة الصفحة بس هههههههههههههههههه

ماشالله عليج جمانة مب مقصرة ..

انزين كل كم مرة كنتي تسيرين المستشفى تراجعين ؟؟

وكم مرة سرتي المستشفى وانتي في التاسع على اساس انج شاكه انها ولادة وتطلع لا ؟

موضوع حلو ما شاالله ...مشكوره عيون :)

جمانه

يعطيج العافيه حبيبتي..و يحفظلج حسين و يجعله صالح بار بج و بابوه :)

انا عندي سؤال على قدي بما اني بعدني ما صرت ام ولا حامل :)...

كيف حملتي..؟؟ كنتي تحسبين ايام التبويض و غيره...؟؟
وهل عانيتي من اي التهابات قبل الحمل؟؟ و شو نوعها؟؟
ليش اتأخرتي في الحمل؟؟ كان فيه اسباب؟؟

هلا ابعرايس عرووووس العسل...
ماأحس اني افمنتدى...أحس اني يالسة في ديوانية حريم...
الله يعطيج العافيه يا جمانه..
أنا بعد عندي سؤال.. بس شوي محرج...اتحمليني الله يخليج...أحس وااايدات يبون يعرفون الإجابه...

قبل لاتعرفين انج حامل...أكيد كنتي تحسبين متى أيام التبويض اللي يستوي فيها حمل و تتأكدين انه يتم فيها لقاء،،،فهل وقفتي اللقاء قبل أيام التنويض و بديتي فيهم؟؟

ويزاااااااااااج الله ألــــــف خيـــــــــــر....وصدق من قال"اسأل امجرب و لاتسأل طبيب"

هلا و غلا جمانة

البنات ماشاء الله مب عاطيني فرصة

أمر على الموضوع اتطمن عليكم

^_^

انا رججت مره ثانيه و عندي سؤال

شنو شعورج يوم عرفتي انج حامل و شلون عرفتي ؟؟
و شلون خبرتي زوجج و اهلج ؟

وانا بعد رجعت وعندي سؤال.........كيف قدرتي تميزين بين الألم العادي وألم الولاده؟

انزين كل كم مرة كنتي تسيرين المستشفى تراجعين ؟؟

وكم مرة سرتي المستشفى وانتي في التاسع على اساس انج شاكه انها ولادة وتطلع لا ؟

عادي، كل شهر مرة.. على اساس ان حملي طبيعي وما فيه عندي اشياء تهدده..
بس في الثامن صار كل اسبوعين مرة,,
وفي التاسع كل اسبوع مرة..
رحت موعدين في التاسع ، وفي يوم موعدي الثالث بالضبط ولدت..!


ما رحت ولا مرة، لأني كنت اترقب اعراض الولادة اللي حافظتها حفظ من هني..
اذكر اني لما امشي وايد خصوصا في الجامعة كان ينزل علي سائل وردي نقطة او نقطتين ، واقول الحين بيي الالم واولد، لكن عادي.. ولما ذكرت هالشيء للدكتورة في موعدي المعتاد كشفت وقالت الرحم مفتوح من 1-2 سم، وولادتج قريبة.. كثري مشي.. وفعلا بعد اسبوع بالضبط ....
انفتح كيس الماي ، ولما راجعت المستشفى قالوا لازم ترقدين لأن كمية الماي اللي قاعدة تطلع وايد ونخاف على الجنين يتعب من قلة الماي..
بس يعني.. ما ردوني شرات بعض من الناس :D2

الله يعافيج يا آنجل آيز ويرزقج الذرية الصالحة بإذنه

كيف حملتي..؟؟ كنتي تحسبين ايام التبويض و غيره...؟؟
وهل عانيتي من اي التهابات قبل الحمل؟؟ و شو نوعها؟؟
ليش اتأخرتي في الحمل؟؟ كان فيه اسباب؟؟

احسه السؤال متعلق كمان بسؤال اختي فلوووونة

قبل لاتعرفين انج حامل...أكيد كنتي تحسبين متى أيام التبويض اللي يستوي فيها حمل و تتأكدين انه يتم فيها لقاء،،،فهل وقفتي اللقاء قبل أيام التنويض و بديتي فيهم؟؟

امممم ما دري شقولكم... انا ما حسبت ايام تبويض مع اني كنت اعرفها، بس لأن دورتي اساساً كانت غير منتظمة فحسيت انه مافيه جدوى من الحساب دام ما عرف متى بتيي الدورة القادمة..

عانيت من التهابات قبل الزواج ، بس الخجل :o منعني اقول لأحد!! ولأني ادري ان رحت للدكتورة بتكشف على ذاك المكان ورغم محاولات امي واختي المستمرة ما رضيت...
بعد الزواج تجرأت شوي .. واذكر عطتني كريم موضعي بالاضافة الى كبسولات.. عاد شنو نوع الالتهابات يا انجل ايز ما ادري ..

لهالاسباب كنت مترددة اراجع الدكتورة بشأن تأخر الحمل وعدم انتظام الدورة، كنت خايفة اكشف وتفجعني اني ما اقدر احمل .. وزوجي مسكين ما كان يبي يحسسني بأي نقص او يضغط علي فخلاني براحتي.. لما طلبت منه بنفسي نروح المستشفى نفحص ونعرف السبب..
كان بعد سنة و4 شهور..او 5 شهور..
طبعاً التحليل الاولي كان تحليل السائل المنوي للزوج ، وطلع سليم.. <<< اكيد سليم قلت لروحي لأنج انتي اللي ما بتحملين..
وعطتني موعد في اليوم 21 من بداية الدورة عشان اعمل تحليل هرمونات.. وسويته...
ويوم طلعت النتيجة اتصلت الدكتورة وقالت لي نتائجج سليمة 100% وقالت فيه ارتفاع بسيط في هرمون الحليب بس ما يمنع الحمل...
قلت لها .. عيل شنو السبب؟
قالت يتج الدورة هالشهر؟
قلت ها؟ لا.. هي صح متأخرة بس متعودة عليها دائماً تتأخر..
قالت روحي افحصي الحمل بعدين تعالي نشوف الوضع...
ولا رحت فحصت الا صج حـــــــــامل !!! :D





بعد حملي قريت في نشرة عن تأخر الحمل ان نسبة كبيرة تصل الى 20% من الازواج المتأخرين في حملهم، يحملون بعد الزيارة الاولى للطبيب، وذلك لأن الاطمئنان يتحصل والراحة النفسية بالحديث الى مختص يهتم بما يؤرقهم ، ويزيد بالتالي فرص الحمل نتيجة تحسن النفسية...

الحمدلله اني كنت منهم.. وادعو كل من ترغب في الحمل لا تتأخر في مراجعة الطبيبة والحديث اليها...

هلا فيج يا ام اسولة كل مرة ..

شنو شعورج يوم عرفتي انج حامل و شلون عرفتي ؟؟
و شلون خبرتي زوجج و اهلج ؟

حللت يوم الجمعة بعد صلاة الفجر...
كنت قبل بليلة حاطة قلم التحليل اللي شريته من الصيدلية تحت وسادتي عشان ما انساه <<< خايفة يشرد منها :D2
تكرمين وانا في الحمام لما شفت النتيجة تجمدت والعيون مفتوحة على وسعها.. ما صدقت خصوصا ً اني كنت احلل من قبل كذا مرة ولا يطلع فيه حمل..

بعدين ما دري شصار فيني اضحك ودموعي تمشي على خدي..
طلعت ركيييييض لزوجي وكان يقرأ قرآن بعد الصلاة وهجمت فــــــــــلان انا حامل...
عاد لا سويت حركات ولا مفاجأت ولا شيء

لكن صدمني بردة فعله الباردة: متأكدة؟؟ هذا القلم مضمون نتيجته؟؟ انتظري لبكرة نروح المستشفى نتأكد.. وواصل قرايته !!!!!

عاد انا من زود فرحتي ما حطيت بالي وياه.. ورحت اتصلت لأختي لآنها تدري عني بحلل وبشرتها وبعدين الى امي.. تخيلي هالاتصالات الساعة 6 الصبح يوم الجمعة الناس نيام وانا مسوية ربشة ..

بعدين يوم صار الضحى نزلت خبرت عمتي ونزلت دمعتها لأن ريلي بكرها .. وحضنتها انا بعد..

الله لا يحرم احد من هالنعمة وهالفرحة..

وهلا فيج يا GOOD MOTHER

وانا بعد رجعت وعندي سؤال.........كيف قدرتي تميزين بين الألم العادي وألم الولاده؟

تصدقين سؤالج وايد وايد مهم..

واعرف ان حوامل الشهر التاسع يعانون وايد الالام من جذي دوم يحسبونها الالام الولادة..

انا رحت المستشفى على اساس ان كيس الماي انفتح عندي ، والا ما كان عندي ولا نتفة الم..

ورقدت هناك تحت ملاحظتهم يوم كامل، بعدين جاء الالم..

الم الولادة يفرق عن الالام العادية للشهر التاسع فيه انه يشمل البطن والظهر في نفس الوقت ، وساعات الفخوذ بعد..

وتحسين ان فيه شيء يبي يطلع..

واهم نقطة انه منتظم، يروح ويرجع..

يمكن اول شيء تكون الفترة بين الطلقة والثانية وايد ، عن نفسي كان يمكن نص ساعة او ساعة الا ربع..

بعدين تدريجياً تقل الفترة.. تصير كل ربع ساعة ، عشر دقايق ، خمس..

اهم شيء وقت ما تييج الطلقة والالم انج ما تصارخين او تتعبين روحج وتعصرين، لا تعصرين الا اذا قالت لج الدكتورة...

وقت الطلقة مارسي تمارين التنفس.. تحصلون شرح لها هني في الركن..

بصراحة فادتني وايد وادخرت جهدي الى الوقت الصعب..

صباح الخير ام حسين

ترى انا متابعة بس من بعيد لبعيد

اذا شفت سؤال عن الولادة ما اقرأ اجابته

حلوة المعلومة اللي تقول ان الحمل يصير بعد الزيارة الاولى بسبب العامل النفسي .... احسه معقول

يعطيك العافية

ماشالله عليج يا جمانه....ومشكورة عالرد

ماشالله عليج يا جمانة

قدها وقدود ...

يالله استمري هههههههههههههه

بجهز لج اسئلة وان شالله بتلقينهم قريب

صباح الخير ام حسين

ترى انا متابعة بس من بعيد لبعيد

اذا شفت سؤال عن الولادة ما اقرأ اجابته

صباح الورد يا احلى رومي...

ترا انا ما اكتب اشياء تخوف..بالعكس اعمد دائما الى التطمين.. انتي رجعي واقري اللي كتبته، واذا خفتي شعرة ، لج الحق.,

ها محد وده يسألني بعد قبل ما اروح الجامعة؟!

يالله انا انطرج ترجعين علشان تجاوبين علي....ادري غثيتج.... :gum:

وقت الولاده ماستخدمتي اي شي يخفف الوجع؟؟؟ اكسجين مثلاً؟ وشو كان تأثيره؟ :think:

عانيتي من مشاكل في التاسع مثل الحموضه والامساك؟ وشو كنتي تسوين علشان تخففين المعاناة؟

مرحبا والله بضيوف جمانه

عزيزتي ام حسين خبرينا..

شو الشي الي كرهتيه في شكلج وقت الحمل ؟؟

شو الشي الي شربتيه قبل الولادة عشان يسهل عليج ؟؟ وحسيتي منه فايدة ؟؟

بانتظار ام حسون

السلام عليكم خواتي

استمروا في الأسئلة بس الأجوبة ان شالله بتكون بعد الظهر من يوم الاربعاء على الأقل

الأخت جمانة عندها امتحان يوم الاربعاء واعتذرت مقدماً ان ما قدرت تدخل النت..

اسألوا عن الي تبونه هيه بتجاوب كل شي مجرد رجوعها ان شالله

1- جمانة.. بعد كم يوم ،شهر نسيتي ألم الولادة ؟؟