اهل زوجي احسهم غير عن العوايل الثانيه

الله يعينك اختي بس انتبهي من حرمت اخو زوجك يمكن انها تنقل كلام لاهل زوجك عنك وتقولهم انك تتكلمين فيهم وبعدين على فكرة في بعض امهات الازواج الله يهديهم لماتشوف ولدها يحب زوجتة تغار وتحاول انها تخرب على زوجة ولدها لانها اخذت ولدها منها وانتي اهم شي انتك طنشين وتعاملينها بالطيب وتعاملينها مثل ماتعاملين امك والله يحنن قلبها عليك.....

السالفة فيها إن ؟؟؟؟؟؟؟؟؟؟؟؟؟؟؟؟

احذري من مرت اخو ريلج شكلها موسهلة ...............................:mad2:

نصيحتي الك تخلي علاقتك فيون رسمية وما تزوريون الا مع زوجك ...والله رح تدعيلي اذا هيك عملتي لانو هيك ناس ..بدون هيك معاملة..خليكي تئيلة ورح تبقي فوق راسون

حالك من حالي
و"حسبنا الله و نعم الوكيل"

مشكورين حايبي عالنصااااااااااااااااااااااااااايح وانا احاول ابين لمرت اخو زوجي انها ماتنقل لي الكلام بس اخاف اقولها وتزعل

وراح امشي عطريقتكم وانشالله خييييييييييييير

دعواتكم

والي عنده لايبخل

الحمدلله تعدلت الاحوال وسويت الي قلتولي عليه ووقفت مرت اخوهم عند حدها وسبحان الله مرتاحه من ذاك اليووووم والعمه رااضيه علينا وريلي اسعد مخلوق فالدنيا

الله يعينج
الحمدالله مش متزوجه
ما شي غير صدعت الراس

طنشي الحقران يقطع المصران

خليج بس ويا ريلج


خليه هوه يلاحظ انج مب مقصره

بس كلامهم طنشيه ماعليج

انا حاسة ان راس الافعى هي مرت الاخو الجديدة هي الي خربت علاقتج باهل زوجك ويمكن بعد مسوية لج سوا مب بعيد ,عيل ليش تغيروا عليج
وهي ليش تتعمد اتيب لج اخبا ر الرمسة عنج والقال والقيل
انصحج انج تبتعدين عنها وتقولين لها لا تيب لج اخبار انتي مب ناقصة وما تحبين تسمعين اي كلام عنج
وحاولي تتاكدين ان كان حد مسويلج شي مع اهل ريلج عشان ما يحبونج.والله يهديهم.

شوفي اختي اللي بقولج اياه خلج انتي الاحسن دايمن صدقيني ريلج بيشوف انج انتي كيف تعاملين اهلج وبتكبرين في عينه ومع الايام والله بيعرفون انه هم الغلطانين بس وبيعرفون انهم ظالمينج وكما تدين تدان

اقولج وايد بتسمعين...انا عمتي من ظهر اخو ريلي من البيت ومرته وعياله استلمتني ...الله يعين بس انا قولها ان شاء الله واسوي الي اباه..هذي هيه الحياه عزيزتي المهم هالشي ما ياثر على علاقتج ويا ريلج...

[grade="00008B FF6347 008000 4B0082"]حبيبتي حاولي تنطشين رمسه حرمه اخو ريلج .... وعامليهم بالزين وكوني احسن منهم واو طنشيهم موووول عسب ترتاحين .. هذا رايي ...[/grade]

همس القـلوب:
وعليكم السلام ورحمة الله وبركاته



أختي الكريمة أم طالب

قصتك هاذي عارفتها لأنها تصير وايد وهالشي صاير في عائلتي بعد..

عندنا مثل في البحرين يقول، ما يتحجى لك إلا إللي يتحجى فيك ما ادري اذا معروف

بباقي دول الخليج.. أنا ما أحب أظن بالناس بس هالشي واضح..

وتأكدي إن إللي ينقل لك كلام هو نفسه يتكلم من وراك..

يعني مثل ما هي كانت تجيج وتقول لج والله هم يقولون عنج كذا وكذا

شي طبيعي أنها تروح لهم وتقول لهم أنج تقولين عنهم كذا وكذا

وأنتي بنفسج قلتي أنهم كانوا يفضلونك أنتي ويقارنونها فيج فيمكن

شعللت بينكم بسبب الغيرة وعلشان تكون في نظرهم هي الأفضل..

وأنتي ساكنة في شقة لحالك وهي معاهم بالبيت فشنو تتوقعين بيصير..

إللي عليج تسوينه إنها لما تجي وتقول لج شي تنهينها وتقولين لها ما أبي أسمع

وإذا فرضنا على سبيل المثال قالت شي روحي واجهي أهل ريلج وقولي لهم

ليش قلتوا عني هالكلام.. ولا ترتكبين أخطاء الناس إللي قاعدة أشوفهم حوالي

أنتي ما كرهتي أهل ريلج إلا من الكلام إللي قاعدة تنقله لج وإللي يمكن يكون ملفق

وأهل ريلج ما قاعدين يتصرفون معاج جذي إلا والسبب الكلام إللي قاعد يوصلهم

وهالأمور تكون من أثار الغيبة والنميمة إللي الله سبحانه وتعالى نهى عنه في كتابه الكريم

((يَا أَيُّهَا الَّذِينَ آمَنُوا اجْتَنِبُوا كَثِيراً مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ)) سورة الحجرات آية 12

أختي الكريمة لا تتكلمين عن أهل ريلج قدام أحد علشان ما ينقله العذال بطريقة غلط

وإذا احد نقل لج كلام عنهم ، واجهيهم أفضل لج ولهم ولا تبقون عايشين على إستنتاجات ..




الله يوفقج وييسر أمورج


و السلام عليكم ورحمة الله وبركاته

الله يعطيكي العافية على كل اللي قلتيه اختي ((همس القـلوب)) كنت بقول نفس الكلام بس لقيتك سابقتني وانا مواجهه مثل هالأشكال وايد وترى لما تخبرك شيء اول حاجه تقولها : (((امانة لاتعلمين احد والله يذبحني زوجي لو يدري معلمتك او ناقله لك كلام ))
واهي تنقل عنك الكلام اللي تبي وانتي لما تسمعين كلام اكيد تعلقين عليه اذا نيتها سيئة بتنقل كل حركه وكلمة تعلقين فيها على كلامها
يكفيها سوء انها تنقل لكي مايوغر الصدور ويعبيء القلوب حقداً لو كان صحيح

رفيعة الشااان:
السالفة فيها إن ؟؟؟؟؟؟؟؟؟؟؟؟؟؟؟؟

احذري من مرت اخو ريلج شكلها موسهلة ...............................:mad2:

...........

السلام عليكم ورحمة الله وبركاته

الغاليه في كل بيت كل حماه تغار من مرة زوجها.. هذا الشي طبيعي جدا.. لان الام تحب تشوف ان ولدها يتم تحت اوامرها مش اوامر زوجته..

الحمدلله انا وزوجي نسكن بروحنا.. وعن نفسي اسمع ان حريم اخوانه يسوون مشاكل بين الام وازواجهم واخوات الزوج!؟ والازواج من النوع بيراضون اي الاطراف الام والا الاخت والا الزوجه؟!

لان تصير حزازيات وسوء فهم وما في بيت ما فيه مشاكل.. علشان جيه انا افضل ان الزوج والزوجه يسكونون بعيد.. ويطنشون الاشياء الي تصير..

عن نفسي الحين انا حامل وفوق هذا اشتغل ساعات عمل طويله.. فما قمت ازور اهل زوجي لاني ما اصدق احصل ويك آند علشان اريح شوي.. فتجنبتهم وما قمت ازورهم والحين حماتي قامت تسال شو فيها حرمتك؟! يعني حتى اذا زوجي عطاها السبب اقص ايديني اذا اقتنعت لان الحماه هذي طبيعتها بتطلع الغلط على حرمة الزوج.. بس خله باجر بنتها بتحمل بعدين بتحس صح!؟

وانا شي واحد احطه في بالي ان هذي امه وباجر انا بصير ام وجده.. ونحن اوادم نغلط ومحد كامل.. وما بحرم الام من ولدها لان الجنه تحت قدمها مش علشاني بخلي الولد يتضارب مع امه..
وبعد احط شي في بالي باجر بناتها بيتزوجون وبعدين هي بتفهم كل شي..

عديها وطنشي الموضوع.. صدقيني التنطنيش وايد بينفع.. لا تكبرين الموضوع وطنشي السالفه..

خخخخخخخخخخخ شقول ياغاليتي احسن شي طنشي والله راح تتعبين انا تدرين عمتى تدخل بكل شي حتى بلبسي ودايما تقولى لاتشترين ولاتخسرين وحتى بيت ابوي لوبيدها منعتنى تخيلى مره كان زوجى موصلنى الجامعه قالت ليه ليش توصلها سمعتها باذوني احين اسمع مني واطلع مني اهمشي زوجى مايأثرون عليه

مرحبا اختي ام طالب
الله يعينج و يصبرج
بس الغاليه لا تخلين هالسالفه تنكد عليج عيشتج ويا ريلج
مب لازم تجاملين على حساب نفسج و احاسيسج
سوي الي يريحج
و مرت اخو ريلج .. احسن لو ما تيب سوالفهم و انتقاداتهم
لا تستحين منها .. قوليلها بلييز خلاص .. الله يحفظهم ونا مسامحتنهم لو يقولون عني شي
و انتي مب الوحيده الي تعاني من اهل ريلها
انا بعدني ما عرست .. تخيلي بس خطوب
و مظاربه ويا ام خطيبي و خواته و بينا مشاكل
الله يعين عقب العرس بتستوي حلبة مصارعه ... ههههههههههه
كثري من الدعاء
عندي دعاء وايد حلووو
قولي
( اللهم ملكني قلب من احوجتني اليه )
و ربي يسهل امورج و يفرج عنج هالمشكله

ياااابنت الحلال
دام لك بيتك الخاص وحياتك الخاصه وشوله تتضايقين؟؟
تر مو لازم يحبونك!سوي اللي عليك وخليك مطنشه

حبيبتي والله وانا منج ما ازعل ولا لكدر خاطري المهم زوجي وانا مستريحين
انا مأساتي مثلكم بس انا غرفتي مقابل غرفتها|| والله للزقه خخخخخخخخخخخخ
تصدقون اول صباحيتي بطلت باب الغرفه وقالت شلابسه استروا عليهاخخخخخخخ
يالله صبح خير احيانا تقول لي متى قافلين الحجره وييي ويي :angry:
بس عقب عرفت لهم اول شي اي شي يوصلني اواجهه بينهم علشان احرجهم
واعرف الصدق ثاني شي اقول راي بكل ثقه ولا حد له خص فيني
بس ترى ماكنت كذا ....:sad: :confused: ....................... نتيجه الانفجار ماقدروا يسكتوني
يقولون اني ملسونه بس ولله مستريحه ............... الصراحه راحه صح اتهاوش
بس بسرعه ارضى وهم يدرون مااخلي بقلبي شي.......... اخر شي قالت لي عمتي
ولي متى وانتي على الاب توب قلت ماقدر لاني اغازل خخخخخخخخخخخخخخ
شسوي بطت كبدي..............قالت ليش ريلج مايغنيج قلت لها لا المرأه ماشي يشبعها
الله يعين بس اغلب الاوقات انحاش بيت هلي:gum:

حبوبه انا بصراحه احس مرت اخو ريلج تزيد من عندها و الا تألف لانه سبحان الله كيف انجلبت الآيه ،، شكلها غارت منج من كثر ما يقارنونها بج

و اتذكري دايماً : " إن بعض الظن إثم "

و اصبري عليهم و مثل ما يعاملونج عامليهم و العين بالعين و السن بالسن و البادي أظلم