ضروري للمتزوجات والمخطوبات....!!!!!@@

اختي الله يعينج
بس غريبه يا اختي دايما البنات بعد الملجه يتعلقون بخطيبهم وايد وتكون احلى الحظات بحياتهم وينتظرون هل مكالمات

اختي ليش مومتقبلته؟
اسلوبه موحلو معاج؟
بس من كلامج انا زين معاج وقاعد يدلعج فليش مومتقبله هشي منه؟

اختي ممكن السبب يكون انج اول ماشفتيه رسمتي له شخصيه واسلوب انتي تحبينه بخيالج
فتفجأتي بشخصيه واسلوب غير

والراحه من الله تيي
فأختي اذا انتي موقاده تتأقلمين معاه خلاص كلمي اهلج وقوليلهم انا ماحبيتهم وخل ينتهي كل شي
وقبلها اختي صلي صلاة استخاره
وشوفي الشي الي يريحج

ويارب ينحل كل شي بخير وتكونين سعيده ومرتاحه معاه او بدونه

واخيراا اختي سمعي كلام قلبج وعقلج وفكري بتأني
واتمنى ماتتأثرين بكلام احد
خلي القرار من تفكيرج

عشان ماتلومين احد

واتمنى اني افدتج

اختج كويتيه

الكل يصير معاه هالشي

انصحج لاتتهربن منه حاولي اسمعي له وابتدي بالاهتمام فيه بعدها يجي الحب ان شاء الله

والله لايحرمكم من بعض

انا رايي من راي اختي كويتية

صلي استخارة وان شاء الله الله بيساعدج

وان شاء الله حياتج تكون كلها سعاده Xسعادة

اختي سهام كل وحدة على حسب شخصيتها، يمكن انتي من النوع اللي ما يتأقلم بسهولة
وايد من البنات جي يصير فيهن
الله يسر عليج انشاالله

عزيزتي.. هذا النفور اللي تحسيه مش طبيعي.. لا تتجاهلي الموضوع وتقولي بكرة يتغير.. استخيري وفكري شو ممكن يكون منفرك منه.. وإذا شي ممكن يتغير كلميه بأسلوب حلو وحاولي تخليه يغير الشي اللي يكرهك فيه.. وإذا شي ما يتغير أو أنك ما بتعرفي السبب.. لازم تكوني جريئة وقوية وتكلمي أهلك وتخبريهم.. أنت بعدك على البر لا تتزوجي إنسان ما بتتحملي تسمعي كلامه الحلو..
الله يوفقك لما فيه الخير..

والله يعلم يمكن عين اقرائي سورة البقرة والمعوذات والرقيه الشرعيه
والله يتمم على خير اختي

«®°·.¸.•°°·.¸¸.•°°·.¸.•°®»هلا
أختي أنا حصلتلي نفس المشكله
في واحد خطبني من الأهل ووافقت عليه من غير ما اشوفه . شفته قبل الملكه بيوم وكنت راسمه شكله غير عن الحقيقه ولما شفته حسيت أني ما أريده بس ما قدرت أخبر أهلي بهذا الشئ تمت الملكه وحاولت أني أحبه بس ما قدرت ولأنه الله كاتب أنا ما نكون لبعض صار الفراق. أنا الحين متزوجه من واحد ثاني بس مرتاحه كثير. أختي إذا الله كاتب أنكم تكونو لبعض فهذا بيصير وإذا كاتب أنكم ما لبعض بيصير شئ وبينهي الموضوع.«®°·.¸.•°°·.¸¸.•°°·.¸.•°®»

لا تستهيني بشعور النفور اللي تحسين فيه لانه من رايي مب طبيعي
صلي استخاره اكثر من مره وان شاء الله بتتعدل الامور سواء بالزواج او الانفصال

اختي نفورج هذا اكيد له سبب وانا اتوقع ان السبب منج انتي مب منه هو

يمكن نفس ماقالوا البنات كنتي تحلمين بشخص له مواصفات وحاطته في بالج لكن لما شفتيه ما عيبج ما ناسب اللي في بالج ويمكن انتي تبين شخص ثاني وتفكرين فيه عشان جي مب قادرة تتأقلمين مع خطيبج

واحتمال يكون ريلج ما عنده اسلوب ودمه ثقيل بس انتي الوحيدة اللي تقدرين تحكمين على سبب النفور هذا وتشوفيله حل اذا كان العيب منج ف حاولي تغيرين من نفسج اما اذا كان العيب منه ف اتركيه احسن

اهلين خواتي
معليش انا مو قادره ارد على كل وحده لحالها
بس راح اقولكم انا العام نفس الشئ ملكت وكنت مره عادي
بعدين لما صرت اكلمه مدري وش فيني نزل فيني كره للرجال
مو طبيعي صرت ما اطييييييييقه ابداا

المهم صار لي نفس الحاله بعد مع خطيبي هذا الثاني
مدري ليش والله احاول بشكل مو طبيعي
اني اطمن نفسي واكبره بعيني
بس مو بيدي كل شئ يصير غصب وفوق ارادتي
طبعا هذي المره مستحيل اقول لأهلي
لأني سويتها قبل فيهم
والله كان يذبحوني والناس تحكي فيني
مافيه شئ قدامي الا اني اداري حزني
واغصب نفسي
واشوف بعد الزواج وش يصير


طيب الله يخليكم ايش لازم اسوي اللحين؟
تخيلوا مالي نفس اي شئ
مالي نفس اروح السوق
وافكر واخطط لزواجي
كل تفكيري شلون اتخلص من اللي انا فيه
والله مرررررررررررررره تعبت
ومافيه احد يحس فيني

الله يخليكم اشيروا علي وش اسوي؟؟

اختي سهام اله يعينج
الله يفرج كربتج يالغاليه بس اتوقع هذا الشي يصير عادة
صلي استخارة والله يوفقج
اختج******متيمة الامارات

انا متزوجة ...وبغيت اسأل كم صار لك من الملكة؟وهل سألتون عنه زين وانتين ويش رايك بأخلاقة ودينه وعلاقته بأهله كل هالأشياء
تحخليك تعرفيه زين والله يوفقك ياسهام.

اختي سهام الله يوفقك وانا انصحك صلي صلاه الاستخاره ولا تستعجلين برفض الرجال
واذا كان بأمكانك تأجلي موعد الزواج فهو يكون احسن لتاخذي وقت كافي عشان ماتظلمين نفسك للمره الثانيه
واقول لك تجربه احد الاخوات القريبات ليه انخطبت لولد خالتها ومن البدايه مو مقتنعه فيه بس من محاولات الاهل معها اقتنعت وتمت الخطبه وقبل موعد الزواج بشهور بسيطه اتصل فيها وماعجبتها طريقه كلامه وهي صغيره بالسن وهو كذلك فمن عدم فهمهم للحياه وصغر السن من موضوع تافه طلبت فسخ الخطوبه والشاب كان يحبها حب كبير وحاول يردها بس كانت مصره على رائيها وهو مثال للخلق والدين وبعد اربعه شهور من فسخ الخطوبه تزوج بفتاه صغيره وهو يعيش بسعاده وبيرزق بمولود قريبا وهي ندمت اشد الندم والنتيجه مرضت نفسيا وقبل شهر حاولت الانتحار وحالتها الان سيئه الله يشفيها فنصيحتي لك وللي تعاني مثلك لاتستعجل ابدا والحياه بالمعاشره وهي ستكتشف فيه اشياء ان شاء الله تكون في صالحها وكل انسان يجهل اشياء ولكن الحياه تعلمنا
والمعذره طولت عليك والله يوفقك يارب

متيمة الامارات

ان شاءالله راح اصلي الاستخاره
والله ماراح يخيبني سبحانه
جزاك ربي الف خيرررر





سينابونه
اهلين اختي
صار لي شهر مملكه
وزواجي الشهر الجاي
وابوي سأل عنه بالعمل وامدحوه
انا احس اخلاقه كويسه
وهو مو عايش مع اهله بحكم عمله






كنافة بالقشطة
اهلين اختي
الله يعطيك العافيه
بس انا ماندمت على اللي رفضته
بس سبحان الله مدري وش سبب هالكره اللي ينزل على قلبي
بس بقولك وش اللي دايم يصغره في عيني واتمنى اعرف
هل هي صدق اسباب مقنعه او لا ؟؟
انا واياه كلنا اعمارنا 24 هذا اذا ما كان اصغر مني بأشهر ماحبيت اسألته بالضبط عن تاريخ ميلاده
عشان مايضيق صدري زياده لما اكتشف انه اصغر مني
الشئ الثاني ان شهادته ثانوي وانا اعلى منه يعني
بس مع كذا عنده وظيفة كويسه ويقول انه بيكمل جامعه
تتوقعين عشان كذا ماحبيته؟؟
وربي حتى ماني قادره افهم نفسي

والله يعطيكم الف عافيه

اختي سهام الله يوفقك يارب

ترى اللي فيك كله وساوس شيطان وابغيج تركزي على المميزات الحلوه اللي فيه وتجاهلي الاشياء اللي ماتحبينها يعني الدراسه مب سبب والعمر بعد مب سبب لكرهك له

في بنات وااااااااااايد هي تكون جامعيه وباحسن المناصب وهو شخص عادي لكن الود والالفه يجمع مابينهم

وفي بنات واااااااااااااااااايد اكبر من ازوجهم بسنتين وثلاث واربع والله لكن الحمدلله الله موفقهم

لاتهتمي بصغائر الامور اللي الشيطان يكبرها في عينك واقرئي المعوذات على نفسك وانتي اللحين متملكه وغيرك يتمنى ومب لاقي صدقيني وعليك انك تحببي زوجك في نفسك وقولي لنفسك ان هذا الزوج اللي اختارني من بين الملايين وربي ربط من بيننكم انتي في نعمه من عند الله حاولي ان تقدري هذه النعمه اللي انتي فيها

استانسي وانبسطي واعملي لك جدول للمشتريات ترى هاذي اللحظات حلوه لا تفقدينها بسبب الوساوس اللي مالها معني

ما اقول غير الله يتمم لك على خير وتفرحي بخطيبك ويحبب قلبك فيه ويألف بينكم يارب بالود والرحمه قولي آمين .

تحياتي لك

اختك في الله / الموناليزا

عزيزتي بقولك اولا الحب مايكون عادة الا لما تشاركين الطرف الاخر يعض المشاعر

حاولي تفكين عقدتك من حكاية مااتقبل كلامه الطيب معي

واقنعي نفسك انك تستاهلي هالكلام لانك صرتي حياته وحبه

قولي لنفسك هو زوجي حبيبي حياتي قلبي حاولي في البداية راح تصعب بعدين راح تلاقي نتيجة

انك بديتي تتقبليه

وماانسى دايم ادعي ربك وفي كل سجدة انه يوفقكم ويكتب بينكم المودة والمحبة والرحمة

وبعد كذا لو حسيتي الامور لازالت

معناته في شي اخر في نفسك مو قادرة تواجهينها

ودعواتي لك بالتوفيق عيوني

حبيبتي سهام,
مثل ما قالت أحد خواتنا العمر مش مشكله و لا حتى الدراسه
المهم طريقة التفكير.. و بعدين ما تنسي ما في حد كاااامل أبد الكمال لله تعالى
فمثل ما انت راح تتقبلي عيوب منه هو راح يتقبل عيوبك..صح
و بعدين بصراحه يا بنات انا حسيت المشكلة هذه مع سهام و مع كثير قبلها
مرات قصر فترة الخطوبة يأثر او حتى طولها يؤثر بعد خير الامور الوسط..
فممكن انتي شوي ما متقبلاه لأنك بحاجه لوقت اكثر معاه , محتاجه تعرفيه او يتقرب منك اكثر قبل الزواج
استغربت انك ما تعرفي بأي شهر مولود..
اذا انت ملكت يعني هدا زوجك ..ما تستحي او تنفري
خليكي صريحه معه, و متجاوبه الأهم..اكيد هو حاسس فيكي علشان هيك بدلعك..
ليش بيتصل فيكي يعني؟ علشان يتودد لك و يكسب حبك..
بادلي الكلام الحلو. و اعرفي يوم ميلاده .. حتى تكثر المناسبات في حياتكم
أنا شهر يوليو الي فات كان يوم ميلاد زوجي , و اول يوم ميلاد نكون مع بعض
جبت له هدية مغلفة بشكل حلو و مليانه اغراض"قميص , ازراره وشوكولا....وو"
و كتييير فرح.. لما تفرحين احد تحسي شعور غير شكل كيف لو كان زوجك؟
احكي معه , اعرفي شو بحب شو بيكره, و بدوره راح يسألك
اتكلمي معه أكثر , و بعدين شوفي اذا راح تحبيه او لا..
و ممكن تروحي معاه هو تشتري اغراض و تشوفي القاعات و هذا كله..
وأهم شي كمان,
صارحي حالك يا حبيبتي.. ليش هدا الكره شو سببه بالضبط
ما في شي من ولا شي..
ممكن موقف سابق او خوف من شي.. مهما كان تغلبيه عليه
و اشعري بنعمة الله
هدا زوجك, "و جعلنا بينكم مودة و رحمة"
يعني مهما صار هو ماله غيرك بالمستقبل و انتي مالك غيره..
و ما يكون كل كلامك جدي .. تكلمي عن اي شي يخطر على بالك
أكل, طلعه, سفر, سوالف الناس
اي شي..
والله يوفقك لكل خير يا غاليه
طمنينا

عيييين وماااصلت على النبي ..... أنا أقوووول صلي استخااااارة :eek2:

مرحبا

تزوجت وصار الطلاق بعد 4 ايام
والسبب اني خفت من الجنس وهو ملزم كلش
مدري وش صار وهو مارضى يصبر
بصراحه الموقف كان مررررررره يخوف
بالنسبه لي
وهو كان مره متهور ومررررااااااااااهق
بمعنى الكلمه
مدي كيف احتاست السوالف وصار الطلاق
وانا اللحين تطلقت ولسه بكر!!!


بلييييييييييييييز بنات
لاتوافقون الا لما تكونون مقتنعين
ميه بالميه
من ناحيه العمر والتعليم
والله يعوضني
ويوفقكم يارب