اول مشاركه فعليه اتمنا انهى تعجبكم

آه ياجود الحزن وياي والفرحه شحوح ....ضايع بهمومي الغبرا بوسط المعمعه
أشتكي لوسادتي دنياي وأسمعها تنوح .... كنها بعضي وبعضي وينه منهو معه ؟


حبيبي الدحمي بعد ان تطلقت منك وأنا اعيش في دنيا غريبه ..
فنظرات الناس من حولي قد تغيرت فأصبحت مثل الشمبانزي وسط الغزلان ..
ومثل البعرصي اذا مر من جنب عربجي ولزقه بزبيريته باقرب جدار كم انا تعيسة يا الدبي ..
كم انا تعيسة مثل تعاسة بدريه يوم عبدالله يعطي سعود طراق يحبه قلبك



آه يا الدحمي .. هل نسيت أحلامنا ..
هل نسيت أحلامنا يالنذل كم مره حلمنا اننا نجيب ولد ونسميه على اسم ابوي فوزي
واذا كبر نوديه للملاهي ونشتريله البوت اللي يولع مثل سيارة العسكريم آه يالدحمي آه


بحياتي لم اتخيل ان يجي اليوم اللي ترمي فيه ورقة الطلاق بوجهي كنت كل شي بحياتك .
. كنت انا هواك اللي تنفسه .. كنت عيونك اللي تطالع فيها ...
كنت انا الجمر اللي تحطه بالمعسل تتذكر يوم انك تغازلني اذا اظلم الليل ؟؟ كنت تقولي :
انت مثل بوري السياره اللي تضربه وما يتالم
ووجهك مثل شعر الهندي اللي يلمع كنه مغسول بمرق
آه يالدحمي آه

كنت أشك ان تملك ذرة احساس ..
لكن اللحين تاكدت ان مافيك خير ابد
لمعلوميتك انا كنت عارفه انك كنت خاطب بنت عمك سويّر قبل ما تخطبني
.. وانهم ردوك ..
وانا بعت عمري وجازفت فيك صحيح ان شعرها ناعم وانا شعري اذا لمسته يتكسر من اليباس
وصحيح ان خشمها كنه سيف وانا خشمي منفرش ..
وصحيح ان عيونها وساع وانا يالله يالله تشوف
عيوني بمجهر
بس هذا ما يعطيك الحق انك تطلقني يالنذل
وآه يالدحمي آه

انا ما انكر ان فيني عيوب يا الدحمي ..
انا ما انكر ان اشاخر وانا نايمه وما انكر ان ريحتي كنّها فطيس
من قل التسبح
وما انكر ان اظافري ابيض واسود من الطماله
بس لاتنسى بعد انك انت رضيت فيني ودايما تقولي اهم شي الأخلاق .. أهم شي الأخلاق ..
وين الأخلاق اللحين يالنذل وآه يالدحمي آه

وقبل ما أنهي رسالتي ..
أحب اذكرك بشي تتذكر يوم انك كنت دايم تلاحقني
بعد ما اطلع من المدرسه يوم معك الونيت موديل 77 ابو شراع
تتذكر يوم تجي ومعك الثور اللي مركبه بالصندوق ..
يوم اسألك وش هالكلب اللي مركبه معك
وقلتلي انت هذا مو كلب هذا ثور تتذكر هذاك الموقف ؟؟
تراني كنت أحاكي الثور ما أحاكيك انت


خلهم ينفعونك .. دامهم يعجبونك
اليوم تضحك شفاتك .. بكرا تبكي عيونك عساهن للفضخ






طليقتك : موزه