قصة حب اماراتية سالم.........ما أدانيك!!!!!!!!

جااااااااااااااااري
الانتظااااااااااار

السلام عليكم ورحمة الله وبركاتة
هلا بالغاليه تسلمي على هالقصه
الروووعه يالله عاد نبي نعرف شو يصير
لا تتأخري علينا ننتظرج

الله يسلمك alfirdows
ومشكورة على المرور الطيب

مشكورة اختي تغاريد الفلاااا على المرور
وباذن الله بكملها

وانا
جاااري التنزيل
مشكورة على المرور
حبيبتي ** تاليا **

ولا يهمج عيوني الريم_21
عاد انتي تامريني أمر

تفضلوا التكملة


فجت الغشوة

علياء: اقولك انا علياء.... عرفتني؟؟!!!
سالم والصدمة على ويهه
سالم: علياء!!!
عليا: جاب ولا كلمة... اسمعني عدل... اول شي واعدت بنات وبعد من كليتي... ثاني شي بتكلم اي وحدة مني والدرب!!!....ثالث شي انته خاطب!!!!!.... بقولك شي... ســــالم....ما ادانــــــــــــيك ولا اداني شي يتعلق فيك....

سالم: خليني اشرح لج... انا روحي مب مستوعب شي
عليا: ولا حرف ردني البيت .... ولا ارد مشي
وهي تصيح وهو يطالعها وفخاطره ايقول شي بس ما رام الصدمة لين الحين فويهه
ويوم وصلت البيت
بطلت الباب وقالت: انسى رقمي وان اتصلت خبرت اهلي.... والله يهنيك ويا خطيبتك....
نزلت وحست الارض اتدور بها... دوخت وطاحت عالارض... وسالم نزل من الموتر

يصارخ: عليا... عليا!!!... غناتي... شو استوا بج؟؟... والله ما كان قصدي!!
وهي تسمع صوته بس ما تقدر اترد
ويتيمعون الاهل ع صراخ سالم... يوم شافهم يايين .... شلها من الارض... ودخلاها الموتر

الام تصارخ: بنتي!! شو استوا بج حبيبتي؟؟
واتطالع سالم وتسأله: انته شو تسوي هني!!
سالم: نزلها الباص وانا مار اسلم ... لقيتها مدوخة عالارض
الام: يالله ودنا المستشفى
يوم وصلوا المستشفى دخلوا الحوادث
الدكتور سأل الام اذا علياء ماكلة شي
الام: والله ما كلت شي من 3 ايام... بس تشرب ماي تسد يوعها به
وسالم يسمعهم...حطوا لها الجلوكوز.... يوم وعت الام كانت سايرة اتصلي... وشافت سالم...ما استحملت حست بالدوار مرة ثانية... بس هالمرة رجعت على ثيابه...
ونامت مرة ثانية ووعت وحصلت يدتهاوابوها وامها وسالم

فخاطرها: هذا اخر انسان ابغي اشوفه... الخاين
وهو يشوفها وفخاطره: ادري وحاس بكل شي يستوي
اليدة: الحمدلله عالسلامة... ما اتشوفين شر يالغالية
عليا: الله يسلمج
واتطالع ابوها وتبتسم
عليا: ابويه اتولهت عليك...
ابوها: فديت بنتي اللي متولهه علية
عليا: حتى انتي يا اميه
امها: تستاهلين السلامة...
سالم: الحمدلله ع سلامتج..
الكلمة ضربت في الصميم... بس لازم ما تنسى له هالموقف
وما ردت عليه وصدت الجهه الثانية






وكملت في المستشفى يومين وسالم اييها كل صبح وايروح العصر
والاهل ما راموا ايكلمونها عسب يسألونها شو مستوي وياها.... وحتى سألوا سالم... قال انه ما ايعرف...

بعد ما ظهرت من المستشفى... قام سالم يزورهم في البيت.... وهي مسوية طاف له.....
وابوها حس السالفة فيها ان.... وان سالم وايد مهتم فيها .... وهي ولا كانه سالم موجود....
وسالم رمس اهله.... انه ما يبا بنت خالته اللي خاطبيله اياها من سنين .... يبغي عليا....
واهله وافقوا...لانها بنت عرب وناس ومن اهلهم.... وبنت طيبة وتدخل الخاطر

ورمسوا الابو.... بس الابو محتار منوه.... محمد ولا سالم؟؟..... شو الحل؟؟.... ما يبا يزعل حد...
والحل كان عند الام
والحل هو انه في الصيف بيسافرون وبياخذونهم وياهم عسب ايشوفون عليا منو تبا....

مر اسبوع وسالم قطع عسب انه ما يشكون واتشافت عليا بس بعد متكدرة من اللي استوا
والاهل ما خبروها

(وفي الصيف)

الابو قرر يسافرون اوروبا ..... فحجز التذاكر والفندق

خذ شقتين في الكونكورد في بلجيكا.... ورمس محمد وسالم... قاللهم: شوفوا هالسنة... نحنا بنسافر واباكم اتون ويانا... الشقة عندنا والتذاكر علية لاني انا عازمنكم....
واتفاهم وياهم ...

وسلموا عالاهل في المطار وركبوا الطيارة....

كانت عيا يالسة حذال خواتها في ال economy .... ومحمد وسالم وجاسم والام والابو في bussiness
والبنيات حظهم نحس..... سيلانية يالسة جدامهم ريحتها خايسة هي وريلها وعيالها...
علياء: عنبوكم اتسبحوا !!! فضل من ريحة!!!
والصغارية يضحكون..... والسيلانية فرّت شعرها ورا
عليا: وع ... وع... فضّل... قطيعة!!
محمد يا يطالعهم..
محمد: شو مرتاحين؟
عليا: محمد انا فحياتي على السفر اللي سافرته ما شفت سيلانية سايرة بلجيكا سياحة... وبعد اتفر شعرها علينا!! ليش يا ربي ليش؟؟!!
هو سمع كلامها وشاف السيلانية وضحك بصوت عالي
وسالم سار بيطالع محمد شو يسوي... ويطالعه يضحك ويا عليا... عصّب... بس ماقال شي رد مكانه
عليا: هي اضحك اضحك
طلعت من شنطتها عطر ورشته عالسيت اللي جدامها
محمد: شوي ..شوي.. عن ايي فشعرها!!
عليا: هذا اصلا اتمناه... اصلا رشة وحدة ... يطّلع كل اللي يمشي فراسها
محمد: فيها؟؟!!!
عليا: اكيد فيها قمل... يوم ما اتسبح.... شو رايك تيلس مكاني؟!!!
محمد: شو رايج تيلسين عدالي؟؟؟!!
عليا وبتكبر: لا!!!.... انزين وسالم؟؟
محمد: سالم المشكلة....بس ع راحتج انتي الخسرانة.... يالله انا بسير تبون شي؟
عليا: دخيلك فطريجك هات pif paf
عطته ابتسامة مصطنعة
وفخاطرها: شو يسوي سالم ؟ الحب!!
بعد ساعة قامت على ازعاج الصغارية ويتضاربون
وسارت عند ابوها وخذت الدوا وياها
بو جاسم:ها عليا مستانسة؟
ويصدون : محمد وسالم وجاسم يطالعونها
عليا: ابويه طالع الصغارية يتضاربون .... انا الصراحة راسي يعورني وابا انام
الام: انتي يلسي مكاني وانا بسير عندهم
عليا : زين
وسالم مستانس لانه بيشوف الدانة ع راحته
كانت يالسة عدال ابوها وسالم عند الممر يعني يطالعها ع راحته... وجاسم في النص... ومحمد يالس حذال الدريشة
وهي حست انه كلهم يطالعونها.... بس هي مسوية طاف .... خذت الدوا وفجته
بوجاسم: شوها؟
عليا: ابويه دوا الزجام عسب ايرقدني
بوجاسم: عطيني باخذه
عليا: لا تاخذه ولا شياته ... انا باخذه
وشربت الدوا.... ويسمعها سالم وفخاطره: هذي مينونة!!!!
سالم: مينونة
وهي سمعت الكلمة وسوّت طاف... ورفعت ريلها ع جدام ...فظهر شوية بنطلونها.... وهو يطالع وضارب الجايج عنده
صدت صوبه بتعطيه نظرة... عطاها نظرة تحذير
نزلت عباتها ولحفت بنطلونها من الخوف ونامت..... والدوا خدرها
وحسّت مثل المطبة وقامت من الخوف .... ماسكة يد ابوها.... محد خاف غيرها...
عليا: بسم الله الرحمن الرحيم!!
وقامت تقرا المعوذات
بوجاسم:لا اتخافين الا مطبة
عليا: لا اله الا الله
ومحمد يضحك عليها
عليا عطته نظرة: ماعليه انا براويك شغل الله
سالم فخاطره: وليش اتكلمينه؟؟!!! بندي حلجج... وبطليه يوم بتكلميني!!
وياهم سايح اجنبي ....مر الله يعزكم بيسير الحمام وشاف عليا
السايح:can i tell u something?? ممكن اقول شي؟
عليا: ofcourse طبعا
السايح: u r charming انتي جمالج ساحر
بوجاسم: she iz my daughter هذي بنتي
السايح: she can get married from foreigner? تقدر تتزوج من اجنبي؟
سالم فخاطره: خسك الله ... تبا تاخذها وانا موجود؟!!!!
بوجاسم: no she can't,her fiancee is beside us لا ما تقدر خطيبها حذالنا
السايح: i beg u pardon السموووحة
وعليا احمر ويهها ومحمد وسالم يسمعونهم
بوجاسم: بعد هذا اللي ناقص !! يبا ياخذج!!!
عليا: ابويه استويت مشهوورة!!
جاسم: لا اتشوفين عمرج وايد.... في بنات احلى عنج
عليا: انته جاب
محمد: لا... لا.. مافي احلى عن عليا بنت خليفة
بوجاسم: ايلس امدح فيها ... لين ماتتكبر علينا كلنا
سالم: وهو صادق... هي وجيه مب ملحقة
عليا عطته نظرة وقالت: وانته ليش ادخل عصّك فشي ما يخصك؟؟؟
بوجاسم: عليوه ويهّد !!! اتكلمي وياه عدل!!
عليا: ان شاء الله
ويوم وصلوا بالسلامة ... نزلوا من الطيارة ولفح عليهم الهوا البارد
عليا: يا حي الحياة
بوجاسم: هذا هو الزين!!
امها: مغوات الهوا البارد
سالم: يا ويل حالي!!
سلامة وعاشة يتضاربون
سلامة: انتي شلي الشنطة
عاشة: خدامة ابوج!!!
امها: بتنطبون ولا افصخ النعال!!
بوجاسم: استعملي الايتيكيت... انتي مب في دبي!!!
سالم ومحمد وجاسم يطمشون عليهم
ووصلوا الشقة.... كل حد رمى اغراضه وسار ينام من التعب
ناموا لين الصبح الساعة 10
قاموا وضرايب عالحمام... وحمام الابو خربان... سار بيتسبح عندهم
عليا تقرا المجلة... وتصارخ وكل حد يسمعها
عليا: ابويه... ابويه؟!!!
بوجاسم: ها..ها ... اذيتوني!!!
عليا وبدلع: شو اتمنى؟؟؟
بوجاسم: اتمنى 3 رياييل ايونكم ويفكوني منكم
وكلهم يضحكون
سالم: ماعدمج!!
محمد: اسميج سوالف!!!
عليا: ابويه عاد!!!
سالم: ارحمي ابوج... وتعالي طفرينا
الام: شو تبون فطور؟
محمد: خالوه بننزل ناكل تحت... مانبا انتعبج
سالم: عمتيّه من وين يبتي اغراض الفطور؟
الام: من الغبشة ... سرت السوبرماركت اللي فاخر الشارع
سالم: عمتية روحج؟
الام: وياي البشكارة!!
سالم: لا... اتحملي.. يوم تبين شي قوليلي.... او انا بوديج... البلاد ما فيها امان
الام: ان شاء الله
عليا: مب لازم اتوديها... انا بسير وياها
الام: حرام اتشوفينه مستانس؟؟!!!
عليا: حرام اتناقش!!!
محمد: لا مب حرام... بس التكبر حرام
ومحمد وسالم قاموا يتحانون ع بعض... بس ما يتكلمون عن عليا... وردوا ربع مثل قبل
جاسم: يالله بنسير الhaagen daz
سالم: انا ما اتسبحت... باتسبح... وبوديهم السوق
محمد: انا بسير وياك الكوفي شوب... وبعدين بنمر عليهم في السوق
عليا فخاطرها: يا ويل حالي ... بشوفه طول الوقت ويايه!!!!


شو بيستوي بين سالم وعليا.... انتظروا

آآآآآآآآآآآآآآآآآآآآفا وين ا الباقي
:confused:

:clap: ياسلااااااااااااااااااااام عليج ياقلب الورد والفل والنرجس .... وكل شي حلو انتي قلبه ...:clap:

حرام والله حسيت اني بمشي معاهم للسوق ههههههه:D2هههههههههه

:up: بس كالعاااااااااادة ...قمة التشويق والاثارة فعلاً...:up:

الله يعين ع النطرة :sad:..بس لاتطولين تكفين :yes:





تحياتي القلبية

:flower:

السلام عليكم ورحمة الله وبركاتة
هلا بقلب الورد شحالج الغاليه تسلمي عيونج والله
كلج ذوق ما يامر عليج عدو حبيبتي
الغاليه نحن في أنتظارج

أوووووووووووووووووووووووه .. وين التكمله ؟؟ ترى ما رااح أكز في حصة الكيمياء ... كيفج ... لا مب كيفج .. حطي التكلمة ..بليييييييييييييييييييييييييز

وين التكملة اختي؟؟؟ ترا أحنا متابعينك من البداية عاد كملي جميلك وكملي لنا القصة .

وعليكم السلام ورحمة الله وبركاته
هلا حبيبتي الريم_21
الله يسلمك من كل شر ولا يحرمني من طلتك

[movet=right]cute_angel6655
لا لا ما يكون السبب
عاد بعدين اتورط فيج
خلاص خلاص بنزل التكملة[/movet]

الام:خليفة تراه بيسير وياكم اتريوه تحت
محمد: ان شاء الله خالوه
طلع خليفة (بو جاسم) من الحمام واتلبس ونزل
وعطى سالم مفتاح السيارة... كانت في الباركينج تحت... وكانوا مأجرين 3 سيايير

يوم سالم سار بيتسبح.... سارت عليا اتلبست واتمكيجت ولبست عباتها.... ويلست عالبلكونة تشرب الكوفي...وانها اتشوف حد يوايج من الطوبق اللي فوق من الدريشة ويطالعها ويقول: اقولج.... اقولج....

يوم طالعته نزلت راسها.... وسوّت عمرها ما اتشوفه
وسالم واقف عند باب البلكونة والام سارت تتعدل...واتعدل الصغارية
سالم: تسمعينه يناديج... ليش بعد ما تدخلين داخل؟؟!!!!
عليا: توني مخلصة الكوفي...وبسير داخل...
سالم: كلهم عرب فهالفندق
ومب راضية اتشوفه
واتشوف فار يمشي صوبها...
عليا: امايا !!!... الحقي علية!!!!.... واااااي
وتوّها تدخل .... داست على عباتها... ومسكت يد سالم عسب ما اتطيح
وهو مسك ذراعها عسب ما اتطيح
وضحك عليها
سالم: شوفي مرة ثانية ما اتبطلين البلكونة... ولا بيظهر لج الفار
وحس عمره شيخ
عليا: اوهوووه!!! ما ادانيك!!!!
سالم: لا تدانيني... بس انا ادانيج!!!!
عليا: اوهوووه انا سايرة غرفتي!!!
وسالم يضحك .... عرف يرفع ضغطها.... ويتذكر كيف كانت بتطيح عليه لو ما اتمسكت....

اتلبسوا وخلصوا وعليا فغرفتها.... اتفكر في اللي ما اتدانيه... اللي يالس برّع واتفداه
سالم فخاطره: هاي السفرة بتبرظ لعليا ع راحتي... اباها اتكون حقي...
ونادوها عسب تظهر والصغارية نزلوا
وهي توها بتظهر.... لقته واقف عند الباب
سالم: بتنزلين جيه؟!!!!
الام: دخيلك طوّف لها هالسالفة على خير وخلونا نطلع
وعليا يوم شافت امها تمشي.... صدت صوبه وطلعت لسانها.... وبصوت خفيف: كيفي!!!
سالم: ماعليه!!!
ووصلوا السوق ... نزلت الام...وتوها عليا بتنزل
الام: عليا تمي ويا سالم....نحنا بنسير عند الكازا
عليا: ليش؟؟
الام: ترا هاي البلاد سايرتلها من قبل... هو ما يدل ( وتلمح له ) وهو فهم التلميح
وسالم باستعباط: وين يبركنون؟؟؟
عليا فخاطرها: يا غلاستك!!!
طلع سيدي من كيسة وحط اول اغنية لحمد العامري
سالم: اهداء لج... انا ما ببركن... لين ما تسمعينها كلها
عليا تسمع(تشره على قلبي وتزعل...تزعل وتشره ليش يا شوق....وحدك بقلبي وانته الاول... غيرك ابد ما اشوف معشوق)

http://go.3roos.com/bfxH25eSQJm
سمعتها كلها وحست انها تبغي اتقوله احبك.... بس ما تقدر

عليا: سمعتها كلها وفهمتها.... وبسمعك شي رد على هالاغنية... ( وفتحت الاستوديو اللي فتيلفونها).... ( يا خسارة حبنا فيكم حرام... واتضح لي معدنك على العموم..))


http://go.3roos.com/KhzPSzcx594


سالم: يعني اتحبيني!!!!
عليا: احلم اني احبك!!! طب السالفة... لانه اذا رمسنا ... بتكدر مزاجي يا طويل العمر

وبعد هو ما زاد على كلامها... نزلوا من الموتر وهو مب راضي يشل عينه من عليها...
سالم: علاية؟؟
عليا صدت اتشوفه : نعم؟
سالم: ممكن فهالسفرة اتكونين مستانسة... وبعد ما اتكدريني
علايا: على عيني يا طويل العمر
وفخاطره: فديت عيونج
ووصلوا المحل اللي فيه الام واتشروا... وسالم ويا الصغارية...
الام: ها عليو ... شو سويتي وياه؟؟
عليا: ما سويت شي؟
الام: ما سممتيه من كلامج؟
عليا: سممته من الخاطر...
الام: حسبي الله عليج من بنية... شو بيقول عنا الريال؟؟
عليا: خله ايقول اللي يقوله...
الام: احشمي يوم بتشوفينه هو ومحمد
عليا: على امرج...
ويوم خلصوا محمد وصل
محمد: ما شاء الله خميتوا السوق من اول يوم!!
سالم: هذا اول يوم بس
محمد: الله يرحمنا برحمتك
عليا: نص العبالة عليكم...
محمد: باجر يقولون في سوق الاحد
عليا: انا بسير
سالم: يالله شوي ..شوي...
عليا: انا كل مرة اقول ابا اسير ومحد ايوديني
سالم: على ضمانتي انا ومحمد
عليا بابتسامة : صدق؟؟!!!
الام: انتوا ما تعرفون ليش؟
محمد: ليش؟
الام: عسب اتشلون عنها الاغراض...تراها ما اتحب تشل شي الا شنطتها
محمد شافها وقال:ثرج يا باربي هب سهلة!!
سالم يضحك
عليا: اصغر عيالك باربي!!!
محمد فخاطره: امين منج ان شاء الله
سالم: بس عن الهذرة يالله انا عازمنكم عالغدا ...وايسكريم بعد
عليا: ابا ماكدونالد
محمد: سالم ضربت عالعوق... باربي وايد يعيبها ماكدونالد
الام تضحك: طاح فيها الاسم
عليا: ليش اتسموني باربي؟؟
محمد: لانج حلوة مثل صورة باربي اللي شعرها اسود
عليا حست انه ايطالع قصتها واتحجبت
سالم: يالله طوفوا....
ويوم وصلوا هناك اتغدوا...سارت بتطلب الايس كريم اللي تحبه من هناك وردت
سالم: ليش ما طلبتي؟
عليا: ماشي الايسكريم اللي اباه
وسالم يتمصخر: على قولة يدوه... اخ عليهم... ماعليه يوم بنرد البلاد باخذلج اياه
ومحمد:لا!!! انا بسوي طلبية عسب اييبونها من دبي
وعليا اتطالعهم بنظرة احتقار
عليا: ما اكلم الحشاكل!!!
محمد: منو نحن؟؟!!!
سالم: منو نحن؟؟!!!
عليا: هي
محمد وسالم: هي ولا هوووه
ويضحكوون
عليا فخاطرها: ماعليه مردودة لكم...توالفتوا اثنينتكم





شو رايكم راح يصير بين محمد وسالم وعليا... والعنصر اليديد عذبة

و هذا الجزء الثاني عشانكم


ردوا الشقة عسب يرتاحون

(وحزت العصر)
بوجاسم: يالله اتلبسوا بنوديكم حديقة العرب
محمد: حتى فبلجيكا!!! استوليتوا عالحديقة وسميتوها هالاسم!!!!
بوجاسم: لانها كلها عرب
عليا: اصلا هالحديقة يمشون فيها الجلاب وانا اخاف .... ما بسير!!!
بوجاسم: محد بيتم... كلنا بنسير...
عليا: يا ربيييه!!! انا يايه عسب ما اشوف عرب!!
سالم: العرب فكل مكان
واتلبسوا ونزلوا طبعا السيارة ماكفتهم
السيارة الاولى فيها الابو والام....والسيارة الثانية سالم... وكان يتأمل انه عليا اتكون وياه بس الصغارية يبون يسيرون وياه.... والسيارة الثالثة محمد وجاسم وعليا.....
ووصلوا الحديقة... ونزلت الام وسارت اتسلم عالحريم....والصغارية ساروا عند اليهال عسب يلعبون
ومحمد كان اخر واحد ياي لانه ضيعهم...
وعليا نزلت من الموتر وجاسم يلس.... لانه بيتكلم في التيلفون....فظهرت هي ومحمد ف اللي يشوفهم يقول ريال وحرمته .... فشهر العسل...
محمد: ما شاء الله كل العرب هنيه...
عليا: هي والله ... وبييون زيادة...
محمد: اشوف عصا اتمشى...
عليا: منوه؟
محمد: وحدة واقفة ترمس في التيلفون مثل العصا...
عليا: خسك الله هذي من اهلنا
محمد: ليش جيه عصا؟ ما يأكلونها؟
عليا:تاكل بس مايفيد فيها.... بس عليها جمال!!!
محمد: بس مب مثل جمالج!!!...اقولج ربع ساعة .... وبسير اتمشى بتين؟؟؟
عليا: اتصل بي... عسب اترخص منهم
محمد: اوكيك يا كيك
سارت اتسلم عالحريم....ويتخبرون الحريم اذا عليا معرسة؟؟!!
الام: لا هب معرسة هذا ولد خالها...
وكلهم يطالعونها.... لانها كشيخة درجة اولى... لابسة عباة مطرزة بفراشة متوسطة بلون الراينبوه ... فكانت تلفت والشيلة بعد... والمكياج... كانت حاطة بودرة وجحال خفيف وجلوس شفاف...
يلست ويا البنيات... والبنية اللي كان يرمس عنها محمد العصا... حاطة عينها على سالم... واسمها عذبة...
عذبة: اتصدقين اللي يا ويا الصغارية .... خبل بي...
عليا: اها!!
وعليا ميتة من الغيرة... وفخاطرها: عنبوج ما حطيتي عينج الا على حبيبي!!! ... والا لا!!! ليش انا افتكر؟؟... انا مالي خص... اصلا انا مااحبه!!
عذبة: اتعرفينه؟
عليا ببرودة اعصاب: هذا ولد خالي سالم..
عذبة: صدق غاوي!!
عليا احمر ويهها... ويرن تيلفونها...
محمد: الوو... يالله قومي!!
عليا: اوكي
عليا سارت عند امها...
عليا: اميه... محمد بيوديني يمشيني... وباخذ الصغارية ويايه
الام: سيري
عليا وبداعي المجاملة: عذبة بتسيرين ويانا .... بنسير نتمشى..
عذبة: اوكي
محمد فخاطره: هذي شو يايبنها؟
عذبة: السلام عليكم
محمد ومنزل راسه : عليكم السلام
عليا: هذي عذبة
محمد: والنعم!!
عذبة: ينعم بحالك
عذبة وتقرص عليا... تبغيها تنادي سالم عسب يتمشى وياهم... وعليا مغتاظة
عليا: ناد سالم عسب ايي ويانا
محمد: اوكي
سار كلم سالم ورد وياه
سالم: مرحبا
عليا فخاطرها: وليش!!!
عذبة: مرحبتين
وساروا يتمشون وخذوا الصغارية وياهم...
ولزقت عذبة فسالم... وسالم يبا الفكة منها باي طريقة...
ومحمد لازق فعليا... وعليا قلبها وعيونها عند سالم...وشوي وبتصيح...
محمد: تبا اتعلقه باي طريقة
عليا: هاه؟ عن شو اتكلم؟
محمد: عن العصا
عليا: حرام عليك
وهم وراهم
عذبة: انته من وين؟
سالم: من ام القيوين
عذبة: والنعم.... انزين ممكن اطلب طلب؟
سالم: امري
عذبة: ممكن رقمك
هني عليا سمعت الكلام... وصدت اتطالعه بنظرة..
وهو احمر ويهه من هالكلام
عذبة: ادري احراج... بس انته غاوي... وذرب... وابا اتعرف عليك...
عليا فخاطرها: من اول يوم؟؟ لا اتفكر يا سالم اتكلمني!! لاني ما برد
سالم: السموحة منج... ما اقدر... لاني انسان خاطب..
عليا فخاطرها: بعدك اتقول هالكلام؟؟... منو هاي البنية... وليش تباني يوم انك خاطب؟؟؟
عذبة: عادي باتعرف عليك... لين ماتمل مني...
عليا فخاطرها: يا قوة عينج.... الله واكبر عليج
سالم: ما يستوي
عذبة: يالله عاد... انا طالبة رقمك هب بيت شعبي؟!! عشان خاطري (وبدلع)
سالم: فالج طيب
وعطاها الرقم وعليا تسمع..
عليا فخاطرها: اللعين !! الحقير!!
محمد فهاللحظة ايكلمها بصوت خفيف: اتصدقين ... عطاها رقم اخوج...
عليا والصدمة ع ويهها: قول والله!!!
محمد: والله انه يبا الفكة منها!! هههههههههههههه
عذبة: تسلم
سالم: انزين عطيني رقمج
عذبة: انا بدق لك
سالم: لا اتدقين... انا بدق لج... بس عطيني رقمج بساييفه
وعطته رقمها
عليا: عذبة ؟ دخيلج سيري طالعي الصغارية
عذبة ومستانسة: ان شاء الله
عليا: انته مينون!!!!
سالم: عيل ليش اتلزق فية انا ما اباها
محمد: ياريال ... لودقت الحينه؟
سالم: شوفوا شو بسوي...
ودق على جاسم
سالم: جسووم
وخبره كل شي وعطاه الرقم ويا بسرعة عندهم
عليا: واذا اكتشفت الموضوع؟
سالم: خلها اتسوي اللي تسويه... بتفضح عمرها.. انا ماقلت اني ابا اكلمها.. روحها عاجة عمرها علية...
عليا فخاطرها: يا كبرك


شو رايكم راح يصير؟؟؟

يالله وينج؟؟؟؟

السلام عليكم ورحمة الله وبركاتة
مشكورة أختي وجزاج الله ألف خير
وأحنا في أنتظار التكملة أرجوج لا طولي علينا

مشكورة على المرور :.:حوريه:.:

يلا حبيبتي نبي التكمله ..