بنات قطر حمام مغربي للعروس ادخلوااا

امممممم مدري ليش انا حظي ردي في هل الاماكن الناس كلهم يمدحون المكان ولين انا رحت يدمروني
رحت دايموند حق الخطوبة عقبها بكمن يوم اللي جتفي وظهري متسلخ من كثر ما فركت

بس ابي اسوي حمام العود قبل العرس بيوم عشان ما انضغط يوم العرس
اذا سويته بتم ريحته ولا بتطير

الفففففففففف مبروك يالغاليه
نصيحتي لج تسوينه قبل ماتحفين جسمج لانج اذا سويتيه عقب بيطلع الشعر بسرعه واذا بتشقرين شقري قبل لاني انا شقرت جسمي عقب الحمام احترق جسمي وطلعت لي بقع حمره ماراحت الا عقب كم اسبووع ... وعلى فكره صالون لارين واااااااايد عجبني حمامهم

أم لولوة:
السلام عليكم ورحمة الله وبركاته .....

انا بعد انصحج اتسوين الحمام المغربي مرة وحدة قبل العرس لأنمفعوله يبان ويستمر معاج لمدة شهر

سويت حمام مغربي قبل عرسي بأربع أيام ( رحت الصالون وسوت لي وحدة تونسية اسمها ام محمد وشغلها نظيف قبل الحف وثاني يوم جات لي البيت وحط لي ماسك للجسم بعد الحف وكانت النتيجة روعة )

اذا تبين رقمها ورقم الصالون انا حاضرة

وكلفني تقريباً600 ريال


تحياتي...............

اختي ممكن تعطيني رقمها

يور انجل والله انا بعد نفس الشي تخيلي لخطوبتي سويت حمام مغربي وشقرت ظهري واحترق وللحين الاثار ما راحت انتي شسويتي اول ما احترق
والله تعقدت ما عرف شسوي

عمري قطر جربي كريم اسمه mebo اذا انا مب غلطانة
ريحته سمسم
هاي الدكتور واصفة لي عشان بويهي حرق من الليزر
وعقب قريت من البنات انه يشيل اثار الحروق :)

جربته بس الاثار للحين موجوده بقع بنيه

انزين جربي union 40 او 4 مدري هاي بعد واصفته لي دكتورتين بس انا ما استخدمته

هلا بنوتات
حيرتونا انا ابي اسوي قبل العيد
واحترت مب عارفه شسوي


وبالنسبه لحمام دهن العود عند دايموند ماجربته بس من كلام البنوتات
انه هو حمام مغربي بس الزياده عليه انهم يعطرونج ويسبحونج بدهن العود والللوشن وماي الورد والعطور من راسج لين ريولج ويقولون الريحه تثبت بالجسم

انزين دلوعتنا شكلج والله بتصيرين حقل تجارب حق البنات يالله قولي لنا وين بتروحين تسوينه حق العيد وعلمينا على النتايج عاد مب تنسين :shy:

الحلم الهادئ
خطيبة الغالي مدحت هنديه تسوي حمام مغربي
شكلي بستقر عليها
عندها نوعين عادي ب 150 وسبيشل ب 350
بعد المشاورات مع اختي قالت لي اسوي العادي الحين واخلي السبيشل قبل عرس قريبتي لان جسمي بيبين من الفستان وجيه
وخطيبة الغالي جربت السبيشل وتمدحه وااااايد وتقول ماتخلي شي ماتحطه لج والنتيجه روعه
والحلو انها تجي البيت فاذا حجزتها بخليها تحف لي حواجبي بعد
عندها حف بالخيط وتسوي حلاوه بعد

ايه هذي اللي تلعوز الحمام؟ "وانتي بكرامه" :pain: بس اذا بتنظفه عدل اوكيك ليش مانجربها بعد ! عندج رقمها؟ طرشيه لي ولا عليج امر ...واذا جربتيها قبلي قولي لنا عنها :)

دلوعه ممكن رقم الهنديه ..

وحفها للحواجب زين ولا لا ؟؟

بنات ترى دايموند مايعرفون حق الحمام المغربي وشغلهم على البركه
مايعرفون طريقة الفرك للجسم اللي اول مره في حياتها تسوي حمام مغربي ترى مابتدري شسالفه لكن اللي تعرف عدل والله بتعصب عليهم

روحي صالون : العالمي للتجميل / المشاطه / شيماء

هذول اروع الاماكن للحمام المغربي لايعلى عليه

وتحياتي

الحلم الهادئ
اي هذي اللي توصخه بس خطيبة الغالي تقول انها تنظفه عقب ماتخلص
وانشالله بجربها وبقول لكم عنها وبطرش لكم الرقم


روح قطر
انشالله بطرش لج الرقم
ومادري اذا حفها للحواجب زين ولالا بس انا بجربها وامري لله لان الدريول مسافر ومب فاضيه اروح الصالونات بهالزحمه

دلوعه ممكن رقم الهنديه ..

وحفها للحواجب زين ولا لا ؟؟


وخبرينا زينه او لا
==========================
عمري قطر اي صالون رحتيه للحمام المغربي

يعني اللحين اشلون عقب مااستقريت على دايموند طلعت عيوبه

عروس الدوحه من عيوني الحين بطرش لج الرقم
ومادري عن حف الحواجب زين ولالا بس بجرب وبقول لكم

تسلمييين دلووعه وخبرينا عن الحف

بنات حد منكم سمع عن برنامج العروسه في صالون سندريلا

بصراحه عروضهم حلوه بس مادري عن شغلهم شلون

حمام مغربي
حمام كريم
سنفره للجسم
بدكيير ومنكيير
حلاوه للجسم كامل للعروس
تبييض للجسم
مساج
مرتين لكل شي خلال شهر ونص
والكورس 1800 شرايكم بنات
ابغي رايكم في هذا الصالون يعني هل هو مستوى المشاطه وجاك

بالنسبه لسميره الباكستانيه شلون برنامجها يكون ممكن تقولون لنا واسعارها بالتفصيل

وتحياتي

الموناليزا

سميرة تسوي لج جلسات للجسم قبل العرس كل شهر مرة
واذا تبين جلسات للشعر كل اسبوع مرة

وقبل العرس تسوي لج جلسة وتحف جسمك وتحط لج خلطات تخليج بيضاء 20 يوم على قولتها ..