سلطانه و اللي يحبون كيراليون يدخلون

اهلين حبيبتي
بس ليش جذي كودتلج اغراض شوفي انا جربت كاريولان جربت المصحح وحلو وخاصه لطريقه الخشم اللي تسويها حليمه بولند
بس مانصحج تكثرين منه بكل وقت يعني خليه لمناسبه احسن لان حسيت يجفف البشره
انا جربت كاريولان اللي يجي على شكل اصبع عرفتيه ؟ هذا كان حلو بس اذا تم عندج فتره ورديتي حطيتيه راح يكتل عالويه من جذي ماقمت اشتري منهم مره ثانيه
البنات يمدحون الشدو بس انا ماجربته

اسمحي لي الغالية ماني من الكويت لكن حبيت أفيدج بخصوص هالماركة .. أول شي هالماركة للبروفيشنال لأنها ثقيلة خاصة الأساسات ..

انا عندي الفاونديشن 3 درجات البيج الفاتح والمتوسط والبني .. بصراحة يغطي لدرجة إنج ما تشوفين ملامحج عدل قبل لا تضيفين البلاشر وجذي .. يعني لما تخلصين وترسمين عينج و قبل اللمسات الأخيرة ما تشوفين خشمج ولا شفايفج من كثر ما هو ثقيل ..

و استخدم الفاتح ككونسيلر و ساعات ما استخدم و البيج المتوسط لباقي الوجه أما البني لرسم الخشم .. و على فكرة لازم تحطين فوقه بودرة تثبته لأنه كريمي و الكريمي يلزق و لا تستخدمينه الا للمناسبات لأن مثل ما قالت الأخت ينشف البشرة ..

و لآن ماركتهم ثقيييييييييييلة عشان جذي تحسين بطبقات على الويه اذا الكريم بروحه طبقة تغني عن كل الطبقات !!!!!

الشادوهات عندهم حلوة و حطيها بالماي عشان تثبت وانا عندي الباليته درجات الفوشي و الأسود مع الرمادي ..

جربي عندهم اللب ستيكس الدائري اللي فيه كذا درجة حلو لكنه طافي ,, الحلو في هالنوع إنه يعطي لوك طبيعي و تقدرين بعد تحطينه كأساس قبل الغلوس ..

هذي تجربتي مع هالماركة و إن شاء الله تفيدج ,,

حبيباتي اللي تعرف وين القى هالماركة في الشرقية او البحرين ياليت تقولي

مشكورين كوين اوف لف و دوحانيه علي الردود ومافي فرق بينا حبيبتي دوحانيه كلنا خليجيات و ذوقنا قريب من بعض بس تصدقون بالفعل اهي تنشف الوجه لاني علي مدى يومين قاعده احط علشان اتدرب عليه و نشف ويهي لان بالتنظيف تطلع روحي لحد ما ينظف ويهي .
راح اثقل عليكم شويه وهو ياريت تعلموني اشلون احط الغامق علي الخشم ؟؟ وترى انا خشمي إذا ضحكت او ابتسمت ينزل فما ادري اشلون اسويها اخاف يزيد من مظهر نزول الخشم ياريت تفيدوني و مشكورين

عندي نصيحه
بالنسبه للخسم
المكان النازل ظلليه بالبني
او باللون الغامج
بس بشكل خفيف لاتكثرين
وطريقة تصغير الخشم بانج تحطين اللون الغامج عالمناطق اللي تبين تصغرينها
مثلا عالجنبين
اتمنى اكون افدتج

مشكوره دلوعه قطريه بس اشلون احطه علي الجبين؟؟ و هل ماراح يبين ان وجهي مرقع بكذا لون؟

هلا حبوبة

اول شي نصيحه لوجه الله ماعليييييييييييييييج من هالبياعات والله راح تشهرين افلاسج من سبتهم!!! و ان طاوعتيهم ما بتخلصين

المهم

انا عندي الكونسيلر اللي على شكل حمرة...وايد زين بس ثقييييل يعني استخدمه للمناسبات

و عندي كريم الاساس اللي ياي 3 درجات بعلبه وحده و انتي تخلطينهم على كيفج...هذا بصراحه وااايد عجبني خصوصن اني اقدر استخدم الدرجة الغامجة لاخفاء العيوب و الفاتحه لاظهار المناطق اللي تبين تكبرينها

يعني على سبيل المثال انا خشمي ظعيف بس شوي طويل فاحط شوية من الغامج على ارنبة خشمي من تحت و على الاطراف احط اللون الفاتح عشان يكبر شوي

و ماعندي خدود فاحط شوية من الفاتح عند خدودي

و عندي منهم الشدو الاسود المائي ...هذا استعمله كشدو او كحل سائل

بس لا تعتمدين اساساتهم بشكل يومي لان بشرتج بتنعدم و بتتعب ...مكياجهم عمومن للمناسبات وااايد زين و ثبااات درجه اولى

الله يهنيج باللي خذتيه و المرة الياية لا تستحين من البياعه و اخذي اللي تبينة و عارفته بس ;)

انا استخدمت من عندهم الشدوهات تجنن

بس البودره مالتهم وايد ثقيله تصلح للمناسبات

مشكوره سارونه علي النصايح بس حسافه ما اشفت اللي تقولين عنه كريم الاساس اللي ياي 3 درجات بعلبه وحده حسااااااااافه يلا المره الثانيه اشوفه ومشكوره بندور علي الرد اسعدتني بمرورك