شو الاشياء اللي اتزيد الطلق

والله ما تتخيلين كيف احاتيج الله يطمنج ان شالله ويولدج بالسلامة وتشوفين بنوتج

شوفي حبيبتي انا من كثر ما كنت اقرى في المنتدى عرفت انه اذا الوحدة كان فيها طلق صدقي تشرب الزعتر او القرفة عشان يزيد لكن اذا ما زاد يعني طلقج خفيف او كاذب ...

العلاقة الجنسية تزيد وايد وهالشي عن تجربة ... ومن كلام البنات بعد ... غير جي انتي لاحظي بعد الانتهاء من الجماع بتحسين بتقلصات وعوار في البطن .. ممكن هالشي يزيد الطلق .. حتى لو كان هالشي متعب اتحملي ..

انا بعد عن نفسي شربت الخروع وايد كم مرة وما كان يفيدني لأني كنت اشربه بعد المشي ... لكن الصح انج تشربينه قبل المشي .. يعني شربي لج كم ملعقة مع اي عصير وعقبها بشوي اطلعي امشي ...

انا جي سويت ونفس اليوم الفجر ربيت الحمدلله بس سبحان الله كلها تساهيل رب العالمين ... طبعاً بعد الخروع بتحسين بمغص شديد لين ما يسهل بطنج عاد والباجي يكون في الانتظار

طمنينا حبيبتي . هالي اعرفه ..

واعرف بعد انه وحدة من ربيعاتي تأخرت نفسج وكلت لحم بعير وربت نفس اليوم ...

انا سمعت عن زيت الخروع .. مرت اخوي شرت نص الغرشه فليل .. ثاني اليوم تسهلت وربت ..

وفي المرتين نفس الشي .. تشرب خروع واتربي ثاني يوم

والتساهيل عند رب العالمين ..

وترى الياهل له يوم وبيطلع .. لا تحاتين وايد

عيون و لورا والله هالخروع مخرعني الصراحة ..مب راضية اقرب منه .. و الطلق يقل و يزيد .. بس الرحم مب راضي يفتح غير 1 سم ..مع ان الدكتورة مال الوصل اتقول خلاص عنق الرحم ناضج .... و اليوم سرت مستشفى خاص زيغتني .... اتعرفون شو قالت لي

اول ما حطت التراساوند قالت لي ماشي ماي حول الياهل و اول ما بيج الطلق بيموت .. فال الله و لا فالها النحيسه


هاي ماتيفا من ويلكير ... بس انا طوالي على الوصل .. وقالت لي الدكتورة الحمدالله فيه ماي متوسط و راوتني اياه بالشاشة بس قالت خلاص لازم مول ما اتطولين اكثر لأنه شكله الياهل ما يتغذى عدل من المشيمة مع انها مب متكلسة

و ربي يستر .. ييت اجهز اغراضي و اروح المستشفى باجر

حبيبتي لا تصبرين زود انتي بجر يعني مالج خبرة لوصار شي لاسمح الله او حسيتي بشي غريب ما بتعرفين لأنه بيكون شي يديد عليج ..

وترى مب زين اتطولين وايد لو حتى قالوا عملية ارضي ... لأنه فعلا البيبي يبدا يتنفخ وولادتج بتستوي صعبة الله لا يقول ان شالله.. القصد في الصعوبة انه مثلاً اللي مب مطوفة موعدها وزن البيبي مثلا بيكون 3.100 او زيادة بشي بسيط اما اللي ايطولون يكون 3.800 او ازيد او اقل.. شفتي كيف؟؟

غير جي الياهل يبدا يطلع فضلاته فيج .. غير مشكلة الماي ...

انا كانوا يقولون لي ان الرحم عندي طري وجاهز من الثامن بس ربيت في اخر 10 ايام من التاسع ..

الله يسهل عليج شدي حيلج نبا البنوته تعيد وياج

الله يعنك والله ما صرت ادخل كثير المنتدى منامي للبيت رجعت عشان اعيد مع زوجي بس الله يعينك
وتر الخوف يضيع الطلق
وكل ما جاتك طلقه ادعي انه تزيد ويزيد فتح الرحم
واذا مافيه ماى للجنين لازم قيصريه ولا تمشين
لانها صارت معي ببنتي وكان الماء حول الجنين تقريبن فنجان قهوه
وقالت الدكتوره لا تمشين والجماعلالالالالالالالالالالالالا
وقالت ولاده قيصري لو ما ولدت خلال الخمس الساعات الجايه
بس قعدت امي تدعي وما قلت لي وانا بعدادعي والحمد لله ربك ييسرها والرحم انفح الرحم 2ونص اخذت طلق صناعي عشان طلقي خفيف
والله ييسرلك ويولدك يارب با الف سلامه
وارضي بلي يقولونه لك لمصلحتك وللي في بطنك
وانشاء الله ربي يعطيك ساعه طيبه وتولدين طبيعي والف سلامه

حبيبتي عروس اللولو
امشي ثم امشي ثم امشي
شوفي ماشالله علينا انا وبدر البدور شدينا بالمشي وولدنا
حتى لو تحسين بالم طنشي وامشي
الله يقومك بالسلامة ياعسل
والله ادعيلك من قلب

الله يقومج بالسلامه ويسهل عليج..

الجماع..والزعتر والقرفه هم اللي فادوني..