اعتذر انه ما عنده فلوس العيد وفي النهاية هو اللي شراله هدوم العيد وخلاني

[grade="2E8B57 4B0082 2E8B57 4B0082 2E8B57"]لا غلطانة والف غلطانة بعد

وانتي عملتي إلي هو يبيه بالضبط ... انك تطلعين قدام اهلك واهلك بصورة مش كويسة ويطلع هو المظلوم...

وكونك حلفتي انك ما تاخذين منه مصروف هم هذا إلي بفرحة...

بالعكس هو مسئول عنك امام الله واما الناس وواجب عليه يكسيك ويهنيك وإلي ما عندوووووش ما يلزمووووووش>>>> مثل مصري[/grade]

السلام عليكم و رحمة الله و بركاته

غلطانة أختي....ما كان صارختي و لا عملتي مشكلة...

بالعكس كنتي أحرجتيه...و طلعتيه غلطان قدام أهله و أهلك...

و قلتي له...توقعت عامل لي مفاجأة ...أول عيد يمر علي و عليك...كان نفسي ألبس لبس جديد أمامك...و نقضي مع بعض وقت ظريف...

بس واضح إني أفكر في الموضوع لوحدي...

و شوية كلام عتب...كان راح ينحرج...

لكن الآن...لا هو أعطاكي لبس عيد...و لا أعطاكي فلوس...و إنتي غلطانة في نظر الجميع !

إن شاء الله يكون عيد سعيد عليكي...

السلام عليكم ورحمه الله وبركاته

والله يا زهره .. انا اقولج صلي استخاره في خطيبج ... وشوفي هل انتي مقتنعه فيه ولا لا .... اكره شي على الزوج الي يستهين في زوجته في الامور والمناسبات والريال الكريم يبين في المواقف هذي اما حركه عطا فلوس حق خواتك خليني اقولك منظره جدام اهلج علشان يقولون الريال مسكين ماقصر عطا خواتج .. وماقصر ..... النوعيه هذي موجوده ...... الله يعينك اختي الكريمه وفكري عدل اذا للحين ما تزوجتو اكره شي في الريال القابض يده والرافع ..... القابض البخيل والرافع الي يضرب ..

تحياتي واتمنى اني افدتج ... شي يبط الجبد

أختي مثل ما قالوا الخوات

العلاقة بعد الزواج علاقة خاصة جدا بين الزوج و زوجته

و إذا انت معترفة انه ريلج مب بخيل

كان لازم انج تتبعي طريق الدلع

او أي طريقة انت تعرفين انها تنفع مع زوجك
و في الآخر ممكن تسوي مثل ما قالت مرموم

تحرجية بس بأدب و بدون ما تطلعي الغلطانة

الحين نصيحتي
انج تصلي ركعتين عسب الله يهدي ريلج

شكرا حبيباتي

انا وزوجي تصالحنا وعطاني كل اللي ابيه

بس بعد شنو ..

بعد ما اكتشفت شقد اني عصبية

وسببت له ولي الالم الشديد؟؟؟

اوعد ربي اني اغير اسلوبي في التعامل مو بس مع زوجي

الا مع كل الناس

وهذا وعد قدام ربي بليلة العيد

وعساكم بخير وصحة وعافية

زهوره شلون تصالحتووا؟؟ يعني عطاج فلوس وشريتي للعيد والا لا؟؟ تصدقين الظاهر انتي الي استعجلتي علي الريال قبل لا يبرر موقفه ... الله يسعدكم ويهديج انشالله

الله يكون في عونج بس اانتي ليش وافقتتي تعيدي اول عيد بدون ملابس؟؟؟؟؟؟؟؟؟؟؟؟؟
حسسيه بالذنب وبزعلج عشان يحس بالغلط ؟؟؟؟؟؟؟؟
المفروض يشتريلج وعقب يعطي خواتج ....................

أصلا يستاهل الي سويتيه فيه,, عشان يعرف انتي شنو تحبين و شنو ما تحبين من البداية...

يختي صج بحرينية, مسيجينه و كله ساكته و لي عطوها الي تبيه أو حتى أقل تسكت و تتحسف بالطريقة الي خذت فيها حقها...

خلج قوية من البداية.. ماعليج من الي يقول لج هوني الأمور ترا الرياييل ما ايون الا بالعين الحمرا..

مشكورين يا خوات

اعرف شقد تحسون بالاخوة اللي جمعتنا عبر المنتدى

وتصالحنا لانه حسسني بالغلط على طريقته

الحمد لله على كل شي

مصيبه هالرياييل هم اللي يسببون المشاكل ويطلعون الزوجة هي اللي غلطانة وتعتذر لهم

عجبييييييييييييييييييييييييييييييييي

زين انكم تراضيتو


الله يهنيج وياه

الحمدلله يوم تراضيتوا
الله يوفقج و يهنيج ..
والصبر مفتاح الفرج

المتميزه 1:
وش ذااا ماينفع معه الكلام اللطيف والله لاافضحه عند اهله واهلي لين يصير رجال
انتي زوجته مو خدامه عند ابوه او عنده
لازم يحترمك ويقدرك ويحقق كل طلباتك خيتي
وش ذا موو احترام حشى ذا اهانه والله العظيم اهانه
حسبي الله ونعم الوكيل لاامثال ذولا الرجاله الطراطير

انا مع اختي المتميزه كلامج صح ميه ميه وبعدين اختي لا تزعلين علي يا قلبي بس في احد يتزوج فنان الفنان معروفه دااااااااااااااااااايم اناني وما يهمه الا نفسه ودك اللي يفضحه TV............. وانتي لا تزعلين نفسج طنشي يا قلبي لنا اذا ما طنشتي ما راح تمشي الحياة الله يوفقج يا رب

ارناق:
مصيبه هالرياييل هم اللي يسببون المشاكل ويطلعون الزوجة هي اللي غلطانة وتعتذر لهم

عجبييييييييييييييييييييييييييييييييي

انا معاج والله مئه في المئه

السلام عليكم و رحمة الله و بركاته

يا أخوات الله يخليكم...

الأخت إصطلحت مع زوجها...و مثل ما قالت...

شكرا حبيباتي

انا وزوجي تصالحنا وعطاني كل اللي ابيه

بس بعد شنو ..

بعد ما اكتشفت شقد اني عصبية

وسببت له ولي الالم الشديد؟؟؟

اوعد ربي اني اغير اسلوبي في التعامل مو بس مع زوجي

الا مع كل الناس

وهذا وعد قدام ربي بليلة العيد

وعساكم بخير وصحة وعافية

فخلاص ما في داعي تقوموها على زوجها...و تخلّوها تعلن الحرب عليه...

هم لسه بأول حياتهم...و يا ما مشاكل تصير...و بعدها يتصالحوا...

الله يهدي الجميع...

حبيبتي صح السالفه انتهت
بس لا تخلينها ترجع بشكل ثاني
و بعدين نصيحه مني
و عبارة خليها حلق في ودانك مثل ما يقولون اخوانا المصرين

اطلعي من اي معركه اب اقل الخساير ... هذه عبارة دايما اكررها و اعيش فيها
حتى لو كنت غلطانه اطلع خسرانه شوي و مب زعلانه على اللي خسرته

و يوم تبين شي من ريلج تقدرين تاخذينه انتي حواء
و ان كيدهن لعظيم
لاتخلينه يقص عليج
و لا تقولين ما باخذ منه شي .. لا حبيبتي خذاج و خذا مسؤوليتج وياج ...

حبيبتي يمكن صج ماعندة فلوس كلمي بهدوء وافهمي منة الموضوع