ممكن حل؟؟؟؟

وعليكم السلام ورحمة الله وبركاته



أختي الكريمة (هموووووووم)

أول شي أقول لك مبروك على الخطوبة وربي يتمم لك الزواج على خير

بالنسبة لمشكلتك ، أنا ما أشوف إنها مشكلة وحلها سهل بإذن الله..

شي طبيعي تكونين مستحية منه وما تتكلمين معاه وايد ولأن للحين ما عرفتي

طبعه وما عرفتي هو شنو يحب وشنو يكره وشنهي إهتماماته..

وإللي أبيج تعرفينه أن كل موضوع يجر معاه موضوع ثاني، يعني مثلا

إذا اتصل فيج بعد الدوام، سأليه عن الدوام شنو صار معاك وشنو طبيعة شغلك

وبتشوفين السوالف تنجر لحالها.. وعلشان تفتحين موضوع شاركيه بكل شي في حياتك

يعني إذا رحت السوق مع أهلج، لما تكلمينه قولي له صار كذا وشريت كذا

حاولي تتذكرين مواقف صارت لك علشان تقولين له..

وهدي بالك عزيزتي ولا تفكرين شنو بتقولين له لأن أي شي بتفكرين فيه ما بيطلع

وقتها.. خلي كلامك معاه عفوي وحطي في بالج إنه شي عادي وطبيعي يصير جذي

لأنه إنسان جديد في حياتج..

شاركيه بكل شي يصير في حياتج وبتشوفين السوالف تطلع لحالها :)


الله يوفقج إن شاء الله وبشرينا بالأخبار الطيبة


و السلام عليكم ورحمة الله وبركاته

عزيزتي
اولا مبروكم والله يتمم عليكم
ثانيا لاتحسسين نفسك انك بمشكله
ولاتحطين ببالك ان على غلط
وانك انسانه ماتسولفين
اذا حسيتي فعلا انك تسولفين بقد متقدرين خففوا المكالمات بحيث ان اذا اتصلتوا ببعض تلقون كم من السوالف تتناقشون فيها
حاولي تشوفين المواضيع الي تعجبه ويحب يتناقش فيها وشاركيه فيها مبدئيا لحد ماتعرفينه ويعرفك
اما انك تفكرين بايش تسولفين
صدقيني عمر السوالف تكون تخطيط
لذلك لاتعقدين الامور وتضيقين صدرك
وعمر الحب والتفاهم كان بكثرة السوالف او بقلتها

انتي لاتحبين خطيبك

تسلمون كلكم على ردودكم والله رفعتوا من معنوياتي

حبيت أوضح إني والله أحب خطيبي... عسب جيه أنا أفكر بهالموضوع وايد...........

صح إنكم قلنولي لا تكبرين المشكلة... أنا سألته وقلت له لأني لازم أعرف شو يحب وشو مايحب... إستحى يقول لي بس طرش لي مسج وقال لي صراحة حياتنا إستوت مملة وروتين... لأني أحبج أقولج أنا مابي أحرحجج ولا أضيج فيج بس المفروض على أخبرج لأنه علاقتنا مبنية عالصراحة....
أنا والله أحبه ومابي أضيج بخاطره أبيه يعرف إشكثر كلامه يهمني ..... والله أحبه يا ناس..............

بس شو أسوي؟؟؟؟؟؟؟؟؟؟؟؟؟؟؟؟؟

حبيبتي غيري من سوالفك

قولي له يسولف عن حياته عن ربعه

عن اي شي يخصه وشاركيه بكل شي يقووله

وانتي حاولي تغيرين من اسلوبك

تكلمي عن اي شي حتى لو اتفه الامور
والسوالف بتطلع لحالها

وقولي حتى لو قصص كانت تحصل ايام الطفوله
لان هالسوالف ماتخلص وسالفه تجر سالفه
يعني لو قلتين له موقف انحرجتين فيه بيتذكر هو وبيقول موقف ثاني
وانتي بعد بس يقولك هالموقف بتذكرين شي ثاني
وصدقيني لو قلتين له كل شي حتى السوالف الصغيره التافهه بتكبرين في نظره وبقول انك تصارحينه بكل شي

قولي له ويش الاشيا اللي تحبيها و بعدها بقولك ويش يحب بدون ماتطلبين ومنها تعرفين اذا فيك شي مايحبه تغيريه
قولي له كيف تحلمين تكون شقتكم
قولي خططك وكل شي وبساعدك وبيتفاعل معاك
وانشالله قدرت افيدك

[frame="2 80"]][®][^][®][خططي انتي وياه لمستقبلكم، ولما تتكلمون بتتبادلون الافكار][®][^][®][[/frame]