عندي اكثر من 6 طبخات مصورة للحين ما حطيتها لكم ورمضان بيخلص وانا ما نزلتهم
المهم امس سويت طبق جديد من وحي ابتكاراتي رغم انه سهل والكل يعرفه يمكن بس انا سويته بطريقتي واول مرة اجربه
كان زوجي عازم اللي معاه في الدوام على فطور كامل يوديه لهم هناك ...... من ضمن اللي سويته هو داوود باشا سويت اكثر من مقدار وبقى عندي من الدجاج فقلت خليني اجرب شي ثاني غير مرقة الطماطم وكانت النتيجة روعة
جربوها
المقادير
كرات دجاج مقلية وجاهزة ( طريقتي لداوود باشا )
كريمة حامضة
كريمة سائلة
فطر
بقدونس طازج
ملعقتين زيت زيتون
فلفل أسود / ملح
الطريقة
1- بعد ما تسوي كرات الدجاج وتقليها اتركيها على ورق ماص عشان يمتص الزيت
2- ضعي مقلاة متوسطة على النار واضيفي زيت الزيتون وشرائح الفطر المقطع وحركيه على نار متوسطة
3- اضيفي الكريمة الحامضة والكريمة السائلة
4- اضيفي كرات الدجاج وقلبي
5- غطي المقلاة بغطاء واتركيه يغلي على نار خفيفة جدا low او على رقم 1 مع التقليب باستمرار
6- بعد ان تتأكدي من نضج كرات الدجاج وتماسك المزيج اضيفي الفلفل الأسود
وضعيه في طبق التقديم ثم رشي البقدونس الطازج على الوجه
وقدميه مع فوتشيني بالكريمة والزبدة ( وكالعادة الديجتيال مو واضحة على آخر صورة )
وبالعافية على قلوبكم
جميع الحقوق محفوظة لمنتدى عروس وعلى من ترغب في النقل ذكر المصدر للأمانة