ساعدوني حبايبي بخبراتكم......

هلا اختي حبيت اساعدج بس مااعرف لاني عمري ماسويت ليزر ولاجربته

بس اقووولج تراااه مكلف ويمكن يفيد ويمكن بعد مايفيد يعني ناس نفعهم والعكس صحيح

وتحملي يمكن يصيدج حساسيه لاسمح الله خلج على الحف احسن وسئلي بعد وشوفي مواضيع سوي بحث وان شاءالله يفيدونج

والسموحه على القصووور

ما اقدر انصحج بكلمة اي او لا

بس انا سمعت عن وحدة صابتها حروق شديدة بسبب الليزر

والله يكفيج الشر يا رب

مشكورين على المساعده

وان شاء الله بعد البنات يساعدوني


وينكم بنات:sad:

اي انا سمعت بعد ان يسبب حساسيه

وشفت جسم وحده صاير فيه بقع بنية وايد جنها حروق و ماراحت الا عقب شهر بس للحين في شوي اثار لها

و ان يبيلج فتره تسوين ليزر بس مايروح كلش يعني بس الشعره تضعف و الطريقه وايد مكلفه

اما الحف العادي ماياخذ وقت و لا يكلف و يصير الجسم ناعم

تسلمين حبيبتي

ماقصرتي

هلا حبيبتي والله ماعندي ادنى فكره عنه

بس اللي اعرفه انه يحتاج لثلاث جلسات او 6 على مااظن ..

وبعد مايروح على طول .. يتم فتره كم شهر ويرجع يطلع مرة ثانية

هذا اللي اعرفه

موفقة يارب ..

تسلمين ياالغايه ماقصرتي

ومشكورة

مرحبا يالغالية

أنا أختي سوت ليزر والحمد لله كل شيء أوكي
وأنا سويت ليزر بعد ..
بس عشان يضبط الليزر ومايرجع لازم تكون الشعرة غامقة ومتينة
لأن لو فاتحة ماتروح
وعشان تعرفين نوعية جلدج إذا حساسة أو لا .. روحي عند دكتور او دكتورة جلد متخصصة ويكون عندهم جهاز ليزر

مشكوره يا قلبي

ريحتيني لان في خاطري

عند من سويتي الليزر؟؟؟؟؟

أنا سويت لليزر حق وجهى وايدى 0 صارحه حلو بس الشعر مايختفى 100 بالأميه لا بس ممكن انج ماتحفينه إلا بالمناسبات القويه
بس يبله فتره يعنى أنا حوالى فوق السنه والنتيجه انه مو الشعر راح بالمره لا فيه شوى اهم بالبدايه بقولوج تحتاجين 4 أو5 جلسات بس كل مارجعتى يقول لا بعد وبعد لين وصلت فوق 9 جلسه وبصراحه وقفت لحد اهنيه0 مره احترق ايدى شوى من قوه الليزر قعد تقريبا 4 اسابيع لين راح اثرها0 بس أذا تقدرين انج تشيلين الشعر وانه خفيف لا تشيلينه باليزر احد وأنا ناويه لازم تروحين حق ناس متخصصين بالهشى مو احد مركز ولا صوالين يطلع شغلهم نصب فى نصب
وسورى على الاطاله

بس حبيت اقولج عن معلومه من رفيجاتي مجربين الليزر
ترى ماينفع للي شعرها خفيف
ينفع للي شعرتها غلييظه وغامجه
ولو شعرج خفيف ممكن يزيده خاصه لو ماكملتي العلاج
لان الليزر يحفز الخلايا انها تطلع الشعر وعقب يحرقها او يضعفها
فلو ما كملتي الجلسات بتتوهقين وبتروح عليج

دلوعه انا شعر جسمى طبيعى مو الغليط ولا الاسود الحين قالى الدكتور انى اشيل بالموس عشان يغلظ
هذا لو حابه ليتك معى الليز

مرحبا اختي صراحة أنصحج لو شعر جسمج غليظ لا تترددين تسوين ليزر، أحسنلج
بس لازم تسوين عند وحدة خبيرة

اممممم أان اسوي ليزر حق ويهي و سويت لحد الحين 3 جلسات و للأمانة الشعر خف وااااايد بس ما راح يعني كل شهر أسوي

و مرات ألجأ للحف في المناسبات الجامدة ..

و بعد بنات خالتي سووا ليزر قبل العرس بس مو الجسم كله بعض المناطق مثل الرجل و الفخوذ و الأباط .. بس تراه يذبح ..

و الأهم من هذا كله لا بغيتي تسوين روحي عند دكتورة شاطرة لكن نصيحة مني لا تروحين عند ألما الرفاعي و لا نوال شعراني ..

عندج بعد المستشفى الأمريكي عندهم طريقة لإزالة الشعر بس مو بالليزر و أرخص بعد ,,

ماقصرتوا بنات على النصايح

((دلوعة قطر)) و ((فلانه)) و ((دوحانيه)) و ((همسة دبي))

الله يوفقكم

انا سويت لوجهي جلسات وايد مادري كم لان كان وبر وبعدين غمج وبعدها خف

انا بغيت حق جسمي بدل لااحف!!

وقالوا لي اسوي عند الما الرفاعي احسن وارخص وانا ما اعرفه

اذا تعرفون اخصائيه اوكي وسعرها مناسب

لان عرسي شهر 1

وما عندي وقت ابي اسوي على الاقل جلستين في شهرين

ابعدي عن الما احرقت ويهي
روحي عند مركز جراحة التجميل عند د مروه ارخص من الما واحسن منها
وما اظن انه يصير تسوين جلستين بشهر واحد