خطيبي مستوي مب رومانسي

لااااااااااااااااا لاتفكرين في اللانفصال مب معناته انه ثقيل انه خلاص مافي حياااااااااه لاتفقدين الامل وحاولي قد ماتقدرين انتي خلج ثقيله وعادي واهم شي ماتعاتبينه واذا هو عاتبج وقالج ماتتصلين قوليله انت في قلبي ومابي اعطلك عن شي اذا اتصلت ...خلج ثابته معاه ولاتحنين ولاتتشرهين ولاحتى تكلمين بنفس مب حلوه بالعكس حسسيه باهتمامج بس بثقل.........حرام تخسرون بعض ويمكن هو فيه شي حد مضايقه ولاصايدته مشكله صدقيني انا كنت هالشكل مع خطيبي لكن عكسج انا كنت اوكي معاه وفجأة تغيرت عليه مع اني احبه وايد لكن كانت عندي مشكله ماقدر اقولها له وكانت وايد تاثر علي لدرجة اني قطعته وماتصله بس اذا هو اتصل ارد وساعات مارد على مسجاته واذا اتصلي اقوله بنام تعبانه وكل هذا لاني مابيه يحس ان انا فيني شي ليييييييين هو قام يثقل علي ويطرش لي مسجات تعبر ان هو بيكون جنبي وانه متضايق بدوني وبكتبلج بعض هالمسجات طرشيها له وصدقيني كل شي ينحل بهدووء وانتي لاتفكرين بالانفصال الا اذا حسيتي بشي واحد؟؟؟؟؟؟ ان هو متحسف او مب مرتاح معاج وصدقيني هالشي بيبين بعد ماتحاولين بكل الطرق............وهذي هي المسجات الي كان يطرشها خطيبي وأثرت فيني مع اني كنت مثل الصخر ماحس وغرقانه بهمومي
1)) مابيك بالقوه ..ولابيك بالطيب
أبيك من كيفك تحس بحنيني
مابيك تقبل باخر العمر وتغيب
أبيك دايم بين رمشي وعيني
خذني وغربني عن الناس تغريب
مابي اشوف انسان غيرك بعيني
---------------------------------------------------------------------------
2)) ياعيون الكون لاتضايقت قلي
عشان أحس بضيقتك وأتضايق
يكفي تلمح لي وأنا أجيك كلي
أضيق من شانك ولو كنت رايق
احنا اتفقنا نشكي لبعض ياللي
تخفي بضحكة عيونك حقايق
--------------------------------------------------------------
3))مابيك كلمه قلتها قبل أمس من كثرة جفاك؟؟
وانته صرخت وقلت : لايابعد عمري ابيك!!
أنا ياغالي مقصدي مابيك تتركني وراك
بس انت يالغالي ترى قاطعتني الله يهديك
ترى الاكيد انك اذا فارقت ماينقص غلاك
تروح لومية سنه ترجع على حطة يديك
-----------------------------------------------------------------------------
4))أبيك ولاأبي غيرك ......ولاغيرك يعوضني
أشوف الناس غير الناس وانت اللي مجنني
واذا صرت فحياتك غلطه؟؟أرجوك صارحني
وأبعرف دنيتك تظلم والاأنت ظالمني؟؟
معذب في هوى حبك ولكن كيف ترحمني؟؟
-------------------------------------------------------------------------------
5)) تعاااااااااال محتاج قربك لاتضيعني
خذني من الصمت والحرمان والضيقه.....
محتاج لك حيل قرب يانظر عيني
الصبر عنك حبيب الروح ماطيقه
جيتك وحزن البشر ودموعهم فيني
مثل الذي بالصحاري ناشف ريقه
---------------------------------------------------------
هالمسجات كانت متقطعه كل كم يوم يطرشلي واحد لين قلبي بدا يعورني وبديت احس فيه لاني حسيت اني بخسره وفكرت انا ليش اسوي بشخص يحبني هالشي هو شذنبه.............صدقيني كان يكلمني وانا ارد عليه ردود خايسه وايد ولاعطيه ويه لين قام يتصلي كل يوم قبل لانام يقول بس حبيت اتطمن عليج واقولج تصبحين على خير وقبل لايسكر يقول في فخاطرج شي علي؟؟
وايد كان يكس خاطري وايد صبر علي والحين انا حسيت وانشالله بعوضه ..........بليز حاولي وقوليلي شبتسوين وابتعدي عن الانفصال حاليا

السلام عليكم
اختي لاااااااتفكرين بالانفصال ....... خلي يكون تفكيرج ابعد من جذي .... انتي بعدج صغيره وتوكم ببدايه الطريج .... خلي الانفصال اخر الحلول فديتج ...... انتي الحين طبقي الحلول اللي عطوج اياها خواتنه في المنتدى وانشاءالله تفيدج ... ولازم بتكون البدايه جذي لانه بعدكم ماخذتو على الوضع .. وانشاءالله الله بيسهل لكم اموركم .. وربي يوفقج

السلااااااااااااااااااااااااااام عليكم جميع


و مشكووووووووووره كل وحده اهتمت و ردت علي .. الله يجزيها كل خير..

انا ما قررت انفصل الا عقب ما استوت سالفه قبل العيد .. سالفه صدق صدق انقهرت منها وخلتني اتخذ هالقرار .. بس الحمدلله يوم العيد تصالحنا و رجعت المياه الى مجاريها .. ويمكن بفضل دعاء وحده فيكم

والحين انا مثل ما تقولولي احاول اثق عليه ... المشكله لوهو جي كان من البدايه كنت ما بحس بالفرق بس هو كان غيييييييييير والحين تغير من جي اعاني ..


^^روز^^ =
حسب ردود البنات احس اغلب الرياييل جي..يوم تهتمين فيه يلبسج ويوم تلبسينه يهتم فيج .. ليش هالمعادله العكسيه ماعرف .. الله يهدي اللي عندي واللي عندج .. يخليهم يحسون فينا يارب


امل مفقود = لا فديتج مب بس عشان جي .. استوت سالفه خلتني اتخذ هالقرار بس الحين خلاص تصافت القلوب و ان شاء الله ما يتكرر الشي اللي استوا بس انتي ادعيلي


خطيبة الغالي= اذا مضايق من شي بيقول لاني سالته اكثر من مره بس ماشي فايده .. والحينه الحمدلله تصالحنا بس ماوددي نرجع شرات قبل ..يعني انا اسال وانا اهتم وهو لا عالبال .. حتى ساعات احس انه مل مني .. عالعموم تسلمين عالمسجات انا سيفتهم عندي في الكمبيوتر قلت يمكن بحتاجها وان شاء الله ما احتاجها .. ويلين قلبه و اكسر خاطره مثل ما كسرتي خاطر ريلج والله يهنيكم ..



عالية المقام= الحلول كانت اني اثقل عليه .. واناحاولت اثقل عليه من قبل بس هو يعرف ...ويبدا يقاطع ويوم اساله يقول لانج انتي تتغلين عليا وتلبسيني كيف ما تبيني اقاطعج .. قوليلي شو اسوي في هالحاله




اختكم
احب عيمان

ما قول الا الله يعينك

ليش هالقرار ياقلبي صبري ترى كل الرياييل نفس الشي تتوقعين لو تركتيه بتحصلين واحد احسن انا جذي مرات افكر انفصل بس اقول لو انفصلت بحصل واحد احسن ؟؟؟؟؟؟؟؟؟:think: