@كل وحده تدخل وتسأل عن اي شي تبيه عن المكياج@

مشكوره اختي سفيره عالرد الوافي
بالنسبه لبودرة الصباح شحط تحتها ؟؟؟
شرايج بستوب شايننق من فورايفر ""؟
افضل ماركه للرموش الطبيعيه ؟؟ وللسهرات ؟
شلون نثبت الكريستالات عالوجه ؟

خاص:
مشكوووووووووووره علي الموضوع ياريت تخبرينا ايهم احسن من بودرة ماك تك ولا فكس؟ وايش الفرق و كمان بغيت اعرف شنو حسن شي تنصحينا فيه من كيرلايون ؟؟

غاليتي خاص

شكراً لمرورك وبالنسبه لأجوبة اسئلتك كالتالي:


بالنسبه لسؤالك عن بودرة ماك كلهم ممتازين ،،

أما بالنسبه لماركة كرويلاين،،، هو المكياج المائي،،،، هي ماركه بروفيشنال تستعمل دائماً للحفلات والأعراس،، وطبعاً كل أغراضهم روعه لاكنها بعض الشيء غاليه،، فأنصحك تاخذين من عندهم الشادوهات المائيه جداً روعه وكذلك الأرواج ،،، وطبعاً الكونسيلر ومثبت المكياج،،، وخافي العيوب،،،


سفيرة فوق العاده

Cute_JuMaNa:
اختي معلش عندي سؤال
وين احصل كحل يعطيني هاللون الازرق اللي في الصورة
وياريت تديني اسم اكتر من ماركة لان معظمهم غير موجود بمصر

غاليتي كيوت جمانه

اولاً سامحيني لاني عدلت على مشاركتك صغرت الصوره،،، لان كان حجمها كبير جداً

ثانياً بالنسبه لسؤالك هذا مش كحل،، هذا شدو عادي مرسوم بريشه دقيقه مثل ريشة الكحل،،، وطريقته عباره انك تبخين مثبت سواء كان مثبت شعر او اذا عندك مثبت مكياج ترشين على الفرشاه ومن ثم تغمسين الفرشاه في لون الشدو الأزرق،،، وطبعاً لازم يكون بودر علشان يقدر يمسك الفرشاه،، ،ثم ترسمين خط تحت العين ما ابقاء ذقنك تحت وعيونك الا فوق حتى تتمكنين من رسم خط متساوي ويكون خفيف،،


ان شاء الله اكون أفدتك،،،


سفيرة فوق العاده

شكرا سفيره على الموضوع الرائع وانا ما بحط ميكياج على وجهي بس بحط كحل على عيوني وكمان مسكرا


بس للاسف ما بعرف احط مسكرا بطريقه منيحا لذلك بتمنا منك اذا فيكي تساعديني وتوضحي لي الطريقه وخصوصي انو رموشي طوال
شوي ولذلك ما بعرف كيف بدي احط مسكورا اذا فيكي تساعديني مع صور بكون شاكرا الك

the dreamer:


مـشكورة أختي سفيرة ..
آسفة قبل ما اقرأ جوابك على استفساري .. بسألك هالسؤال
معليـش أنا الحين مستعجلللللللللة بطلع ...

شوفي هالصورة


وش رايك في الكريستالات الموجودة على الفم ...؟؟
حلوة ؟؟
ودي احطها في العيد .. تنفع ؟؟ و لا حقت زواجات و عزايم كبيييرة؟؟
.. أنا ناوية احط كريستالات ذهبي على روج تقريباً لحمي ..وش رايك ؟؟
حلو ؟؟

والسؤال الأهم وين القاها ؟؟

مع جزيل الشكر ... و الله يعطيك العافية ..
عيوني معليش تعبتك ..

هلا حبيبتي

the dreamer

بالنسبه للكريستالات ما انصحك تحطينها في العيد خاصه انك بتكونين عند اهلك وغير كذا الأكل والحلوى والطلعه والدخله،، وهي تليق اكثر حق الأعراس وخاصه للعروس

وتنقيتك للألوان روووعه بس تكون الكريستالات ذهبي فاتح مب غامق،،،


هالكريستالات صمغها منها وفيها وممكن تحطينها على الحواجب على الشفايف زوايا العين على الخدود وتعطي شكل جذاب فبدال ما تحطينها على شفايفك جربي في مكان ثاني،، هذا لو هي صدق بخاطرك تحطينها في العيد،،ن

اما وين تنباع فبتلاقينها في محلات المكياج الكبيره مثل ماك، كرايولاين قد شفت عندهم،،،


سفيرة فوق العاده

um_m:
الله يعطيج العافيه ان شاءالله

الغاليه أبغي أعرف شو الألوان من المكياج وبالذات الروجات إللي تناسب البشره الحنطيه ، لأني حاليا حامل ومسمره وكل ما أشتري روج واستخدمه ، أحسه ما يجملني

أبغي أكون بالعيد حلوة ياريت تساعديني ، في اختاير ألوان مكياجي

وجزاج الله خير

هلا غاليتي،، ام _م

اولاً دعواتي لك بالسلامه،،، ويتهنى في عزكم ان شاء الله

ثانياً ،، بالنسبه لسؤالك عليك إستعمال أرواج رقيقه وشفافه مثل حددي شفاتك باللون البيج اللحمي اطلي شفتيك بأحمر الشفاة البيجي الطبيعي أنصحك بلانكوم رقم 250،ثم استخدمي جلوس شفاف لإضفاة لمعة جذابة على الروج،،ن


ابتعدي عن الالوان الغامقه وكذلك الفاتحه جداً ،،، وإختاري الألوان اللحميه المائله للأحمر البسيط،،،


سفيرة فوق العاده

منتهى الأناقة:
مشكورة حبيبتي سفيرة فوق العادة..:up:

موضوع رائع مثل صاحبته...:clap:

الله يخليج لنا و لهذا المنتدى ...:up:

منتهى الأناقه

اولاً الشكر لله وحده

ثانياً يا صاحبة العطر الفواحـ،،، لا تحرمينيــ طلتك يالغاليه
ولا تحرمينا من خبرتك كذلك،،، فكلنا بحاجتك،،


سفيرة فوق العاده

همبايه:
صباح الخير يا عرايس

الغالية

سفيرة فوق العاده

انت وينج عني من زمــــــــــــــان

انا فعلا محتاجة خبرتج في هالمجال ،، لاني عروس ومعلوماتي في الميك آب محدوده

فبليز اتحمليني واتحملي اسالتي

اول شي بالنسبة لكريم الاساس ،، انا بشرتي عادية او ممكن تقولين مختلطه فا شو احسن كريم اساس عشان اسير آخذه وخلاص ،، انا حاليا استخدم كريم اسا ماك وبودرة ماك ،، هو حلو بس حابه اغير فتنصحيني بشو؟؟؟



وياريت تشرحين لي طريقتج في وضع كريم الاساس ،، وهل تحطينه حوالين العين ولا يفضل الكونسيلر ،،، وشو رايج فالكونسيلر الي من جفنشي؟؟؟


وبالنسبة للبودرة الي بعد كريم الاساس ،، في بودره عند جفنشي الي مقسمة اربع الوان وفيها شوي لمعه شو رايج فيها؟؟؟ وهل لازم بعد كريم الاساس احط بودره؟؟؟


والبودره الي مثل الطحين متى احطها؟؟؟ وهل هي حلوه ولا بتخلي ويهي مغبر؟؟؟


وياريت تحطين لي اسماء ارقام ارواج حلوه ومميزه من مجموعتج



ومشكوره حبيبتي ،، ادري ثجلت عليج وايد بس شو اسوي عروس وما اعرف في المكياج

واتريا ردج بفارغ الصبر

غاليتي همبايه


شكراً لمرورك،، والله يتمم لك على خير،، والف مبروك مقدما،،،
غاليتي،،، لا تترددين في اي سؤال حياك الله وللكن ياليت تمرين على ردودي السابقه لانها بتساعدك كثير ومعظم اسئلتك إنسألت من البنات وجاوبتهم،،،

وعلى فكره مرورك على إسئلة البنات وأجوبتي بيفيدك كثير في اكثر من عروس إسألت وانا جاوبتها فمري ولا عليك امر

نبدأ بسأسئلتك



اول شي بالنسبة لكريم الاساس ،، انا بشرتي عادية او ممكن تقولين مختلطه فا شو احسن كريم اساس عشان اسير آخذه وخلاص ،، انا حاليا استخدم كريم اسا ماك وبودرة ماك ،، هو حلو بس حابه اغير فتنصحيني بشو؟؟؟

غاليتي لا تنسين اني لازم اشوف بشرتك ولونها علشان احدد لك،، لكن
انصحك بكانبو وإختاري البودره المضغوطه والمائله للون الكريمي مب الوردي،،، تراها روووعه،،، وجربيها عندها قبل لا تشترينها ،،، وهي اثنين في واحد كريم اساس مع بودره ،،، وتسعملينها بالماي

فور ايفر عندهم اساس روعه ،،، مري عليهم وشيكي،،


وياريت تشرحين لي طريقتج في وضع كريم الاساس ،، وهل تحطينه حوالين العين ولا يفضل الكونسيلر ،،، وشو رايج فالكونسيلر الي من جفنشي؟؟؟


اذا انتي عادهً تستعملين الكونسيلر فبدايه ضعي الكونسيلر تحت العين وحوالي العين ثم ابدئي بتوزيع كريم الأساس من غير المرور على الكونسيلر،،، ثم وزعي طبقة البودرة بشكل كامل على الكونسيلر وكريم الأساس،،،

بالنسبه لكونسيلر جفنشي بصراحه ما عندي ادنى فكره،،، لاكن بإذن الله سأتأكد لك عن الموضوع ،،، انصحك بكونسيلر ماك وHR



وبالنسبة للبودرة الي بعد كريم الاساس ،، في بودره عند جفنشي الي مقسمة اربع الوان وفيها شوي لمعه شو رايج فيها؟؟؟ وهل لازم بعد كريم الاساس احط بودره؟؟؟


طبعاً لازم تحطين بودره بعد كريم الأساس،،، وشيء اساسي،،، وللبودره اللي سألتي عنها زينه لاكن انصحك باللوس بودر،،، واللي بنتكلم عنها بعد شوي،،


والبودره الي مثل الطحين متى احطها؟؟؟ وهل هي حلوه ولا بتخلي ويهي مغبر؟؟؟

طيب اللوس بودر وانا كتبت عنها قبل شوي مري على موضوعي،،، في احدى أسئلة البنات،،

انصحك فيها وهي تعطي لوك مخملي جذاب مثل اللبنانيات والعرايس اللي دايماً نشوفهم وليس معنى مغبر،،، وهي مثبته للمكياج،،، وفعلاً انصحك بها لانك عروس ومحتاجه لوك جميل وجديد


وياريت تحطين لي اسماء ارقام ارواج حلوه ومميزه من مجموعتج

ماك،،، الوانه اللحميه ،، الورديه،، الموف،،، ولو ذكرتي لون بشرتك اساعدك اكثر،،، وما اكذب عليك عندي كريولاين بعد روووووعه،،، وانصحك تاخذين بالمجموعات،،، ارخص لك واحلا لك،،

وعلى فكره انا ما اعتمد في الروج على استعمال لون واحد انا اضع ثلاث الوان متداخله،،، يعطي رونق وجمال للشفاه مثل الفنانات والعرايس



انا في خدمتك ،،،


شكراً واذا احتجتي اي شي انا حاضره


سفيرة فوق العاده

سفير فوف العاده

جزاك الله ألف ألف ألف خيـــــــــــــــــــــــــــر

ماتتوقعين قد أيش إستفدت !!

عزيزتي إذا ماعليك أمر ! انا أرسلت لك رساله عالخاص

أتمنى إنك تشوفينها

:):)

اهلين اختي سفيره فوق العاده

انا شفتج استااااااااااااااااااااااااااااااانست و حدرت الموضوع سيده :)

شفت في رد كاتبه عن مثبت كرااايولان انا من يومين شريت من عندهم ميكب ممكن تعطيني اسمه و كيف استخدمه؟

sadlove:

السلام عليكم ورحمة الله وبركاته

أختي الكريمة...

أود ان اسأل عن كونسيلر ذو نوعيه جيده وسعره مقبول.. يعني له قدرة على إخفاء الهالات بطريقه جيده..

وسؤال اخر.. بشرتي من النوع الشاحب الذي لا حياة فيه..حتى مع المكياج ابدوا كالمريضه,,فما رأيك في كريمات او مستحضرات إضاءة البشرة والتي توضع قبل المكياج واذا عندك منتج منها ارجوا اخباري بإسمه..

واكون شاكرة لك..

غاليتي sadlove

بالنسبه للكونسيلر ،،، ياليت تمرين على ردودي السابقه بتلاقين الرد،،، بالطريقه وبكل شي


بالنسبه لسؤالك عن بشرتك ،،، غاليتي انتي اللي تخلين المكياج حلو بإبتسامتك وبروحك المعنويه،،، لاحظت من لقبك انك حزينه،،، ومهما سويتي ما راح يفيد غيري ما بداخلك وتفائلي للحياه وما في شي الا بيد الله،،،، وبالنسبه لك انصحك بماك ،،، ودائماً اختاري الألوان الزاهيه لعينيك وشفتيك،،، فهو يغير من منظرك ويجعلك اكثر تفاءلاً وجمالاً


سفيرة فوق العاده

عذب القوافي:
موضوع مميز

تسلمين يالغلا:flower:

غاليتي

عذب القوافي


والله مرورك المميز،،، واسعدتني بهالطله

لاحرمتك ولا حرمتي غاليك،،


سفيرة فوق العاده

FLoOoOoOoNA:
السلام عليكم ورحمة الله وبركاته ... أختي سفيرة فوق العادة...أولا بغيت أشكرج على مجهودج و ردودج والله يعطيج العافيه...

أنا مب واايد فالمكياج..بس يالسة اتعلم خطوة خطوة...سرت حق العيد وشريت كريم أساس من ديور و شادوهات من ماك...وسويت بروفه حق أول يوم العيد...طلعت اوكي...بس المشكلة افتحت العين والبودره...أنا مااستخدم كونسيلر....ممكن أعرف شو أحسن ماركة كونسيلر..؟؟

وبعد البودره اللي أستخدمها ماتخفي العيوب وااايد وهي من بودي شوب اللي نتستخدمها مع الماي....خاطري افبودره ثانية و بدون ماااي...ممكن اتساعديني فيها؟؟

وطلب أخيييييييييير<<< أدري اني مصختها وماانعطي ويه...:o

مكياج اول يوم العيد بيكون وردي و أزرق...وعندي شدوهات عجيبة من ماك....ممكن ادليني على طريقة حلوة عشان ارسم فيها عيني...

والسموحة حبيبتي عالاطالة....

هلا غاليتي فلونا

شكراً لإطراءك الجميل،،

بالنسبه لأسئلتك،،،


أنا مب واايد فالمكياج..بس يالسة اتعلم خطوة خطوة...سرت حق العيد وشريت كريم أساس من ديور و شادوهات من ماك...وسويت بروفه حق أول يوم العيد...طلعت اوكي...بس المشكلة افتحت العين والبودره...أنا مااستخدم كونسيلر....ممكن أعرف شو أحسن ماركة كونسيلر..؟؟

مري على ردودي بتلاقين اللي تبين


وبعد البودره اللي أستخدمها ماتخفي العيوب وااايد وهي من بودي شوب اللي نتستخدمها مع الماي....خاطري افبودره ثانية و بدون ماااي...ممكن اتساعديني فيها؟؟

حبيبتي عليك بماك روحي لهم عندهم بودرات رووعه


مكياج اول يوم العيد بيكون وردي و أزرق...وعندي شدوهات عجيبة من ماك....ممكن ادليني على طريقة حلوة عشان ارسم فيها عيني...

سوي المكياج السموكي واللي طريقته مثبته في ركن المكياج والعطور،،، وبتلاقين طرق واجده للرسم،،، وخلي اساس العين كحلي ومن تحت الحاجب الإضاءه البيضا ومدموج به اللون الوردي وكذلك الكحلي ،،،


سفيرة فوق العاده

عمري قطر:
مشكوره اختي سفيره عالرد الوافي
بالنسبه لبودرة الصباح شحط تحتها ؟؟؟
شرايج بستوب شايننق من فورايفر ""؟
افضل ماركه للرموش الطبيعيه ؟؟ وللسهرات ؟
شلون نثبت الكريستالات عالوجه ؟

هلا غاليتي عمري قطر

حياك الله

بالنسبه لبودرة الصباح شحط تحتها ؟؟؟
حطي تحتها كريم مرطب ،، خذيه من كلينك،،


شرايج بستوب شايننق من فورايفر ""؟
بالنسبه لمستحضرات فور ايفر كلها روووعه،،، وانصحك بها


افضل ماركه للرموش الطبيعيه ؟؟ وللسهرات ؟
انتي تقصدين الرموش التركيب ولا نوعية الماسكرا؟؟؟؟ ياليت توضحين اكثر


شلون نثبت الكريستالات عالوجه؟؟؟
الكريستالات الخاصه بالوجه تجي جاهزه وعلى طول تلزق يعني لزقها منها وفيها


سفيرة فوق العاده

مشكوره لقييت الرد عسؤالي من ردج عوحده قبل :)

شكرا عجهودج

عاشقه الاسلام:
شكرا سفيره على الموضوع الرائع وانا ما بحط ميكياج على وجهي بس بحط كحل على عيوني وكمان مسكرا


بس للاسف ما بعرف احط مسكرا بطريقه منيحا لذلك بتمنا منك اذا فيكي تساعديني وتوضحي لي الطريقه وخصوصي انو رموشي طوال
شوي ولذلك ما بعرف كيف بدي احط مسكورا اذا فيكي تساعديني مع صور بكون شاكرا الك

غاليتي عاشقة الإسلام

يرجى المرور على هذه الروابط،،، فيها الشرح بالتفصيل عن الرموش وطريقة وضع الماسكرا

الموضوع الأول من الأخت بيان


الموضوع الثاني من سفيرة فوق العاده


سفيرة فوق العاده

fofo2:
سفير فوف العاده

جزاك الله ألف ألف ألف خيـــــــــــــــــــــــــــر

ماتتوقعين قد أيش إستفدت !!

عزيزتي إذا ماعليك أمر ! انا أرسلت لك رساله عالخاص

أتمنى إنك تشوفينها

:):)

هلا حبيبتي فوفو

ان شاء الله برد عليك على الخاص

سفيرة فوق العاده

حاشمه_نفسي:
اهلين اختي سفيره فوق العاده

انا شفتج استااااااااااااااااااااااااااااااانست و حدرت الموضوع سيده :)

شفت في رد كاتبه عن مثبت كرااايولان انا من يومين شريت من عندهم ميكب ممكن تعطيني اسمه و كيف استخدمه؟

حاشمه_نفسي

شكراً عزيزتي على المرور،، لاهنتي ولا هان غاليك،،
والله يونس خاطرك مثل ما ونستيني بكلامك

غاليتي بالنسبه لطلبك


اسم المثبت: Fixier Spray
ماركة المثبت: Kryolan
شكل المثبت: علبه لونها ازرق بسماوي وفيها صور ثلاث وجوه
سعره بالريال القطري: 150 ريال علبه صغيره،، علبه كبيره 300 ريال
إستعماله: بعد ما تخلصين من مكياجك كله رشي رشتين او ثلاث فقط على وجهك وبعدها بتحسين وجهك يشد بس عادي بس لا تكثرين اكثر من هالكميه


سفيرة فوق العاده

سفيرة فوق العاده:
هلا غاليتي the dreamer

افضل واكس لإخفاء الحواجب واكس كرويولاين بلا منافس انا استعملت انواع كثيره لاكن مثل كرايولاين ما لقيت،،، وطريقة استعماله جداً سهله بالفرشاه تغطين الشعر الزائد وترسمين حواجبك ،،، ولاتخافين لانه طبقه تغطي الحاجب ولا يبين ابد ان خافي حواجب

ما يحتاج كونسيلر بعده انتي بعد ما تحطينه وزعي طبقة البودره وابدئي مكياجك


ان شاء الله تكونين فهمتي


سفيرة فوق العاده

الله يعطيكـ العـافية .. أختيـ ،،
أنا اليوم:) ناويـ ه ادور و اشتري واكس كرويولاين .. و ان شاء الله يا رب القـاه ..

سفيرة فوق العاده:

بالنسبه للكريستالات ما انصحك تحطينها في العيد خاصه انك بتكونين عند اهلك وغير كذا الأكل والحلوى والطلعه والدخله،، وهي تليق اكثر حق الأعراس وخاصه للعروس

وتنقيتك للألوان روووعه بس تكون الكريستالات ذهبي فاتح مب غامق،،،


هالكريستالات صمغها منها وفيها وممكن تحطينها على الحواجب على الشفايف زوايا العين على الخدود وتعطي شكل جذاب فبدال ما تحطينها على شفايفك جربي في مكان ثاني،، هذا لو هي صدق بخاطرك تحطينها في العيد،،ن

اما وين تنباع فبتلاقينها في محلات المكياج الكبيره مثل ماك، كرايولاين قد شفت عندهم،،،

^ـ^ شورتك و هداية الله ...
على قولتك يمكن تصلح للعرايس أكثر ...

و يسلمووووو يا عسسسل