ابنتي عصبية جدا

الله يكون في عونك أختي، مادري شفيهم عيال هالأيام كله عصبيين... آنه ولدي سنة واحدة ومن يغصب يضرب راسه بالأرض أو الباب اواي حائط...

هل حاولتي تاخذينها بالسياسة،، يعني إذا ماعصبتي او سويتي كذا راح أسوي لك هالشي أو اشتري هالشي،، وإذا هي الوحيدة في البيت يمكن بسبب الوحدة...

[frame="6 80"]|؛¤ّ,¸¸,ّ¤؛|الله يعينج على بنتج، بس اصبري عليها وعامليها بالهدوء، وطيعيها في اللي تبيه بدون عصبية..وانشاء الله ربج بيسخرها لج |؛¤ّ,¸¸,ّ¤؛|[/frame]

يوم تعصب احظنيها ... وبوسيها ومدحيها ......... وشوفي كيف بتصير ..!!

شكرا اخواتي على المرور و النصائح

الله يعينج.. بالفعل اطفال هالزمن غير!!!!
بنتي عمرها سنه وتقريبا 3 اشهر تعالي شوفيها لما تعصب تضربي ولما اصرخ عليها ترمي بعمرها على الارض وتبكي من الخاطر.. وعنيده بشكل غريب جدا وما تستسلم ابد؟!؟!؟!؟!

انا اطنشها وما اعبرها وهي بنفسها تبكي وتبكي ولما اتشوفني ما اعبرها تسكت وترجعلي ولا كان صاير شي؟!؟!؟!
ما ادري احس ان الاطفال وايد اذكياء ؟!؟!؟! ما شاء الله عليهم..


{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].





تسلمين حبيبتي هلاوين على تفنينك لصورة ابنتي.. ومشكوره على الهديه الرائعه

شكرا اختي ام سعيده على المرور
هي فعلا لما اطنش بكاءها تسكت من نفسها
لكن
بعد ساعة او اكثر من البكاء المتواصل
لكن بكاءها يثير اعصابي لدرجة اني لا اعود اطيقها
الله يهديها و يسخر لي اياها في خير منه و عافية

أهلين حبيبتي هم الاطفال وقت البكاء لا يطاقون بس ما عليج لما بتكبر بتصير ثقيله.. ربي يهدي اطفالنا.. ويجعلهم من الذريه الصالحه باذنه..

..

وانا الي كنت اظن اني الوحيده الي تعاني من هذي المشكله مع بنتها تصدقون لاحظت هذا الشي عليها من فترة الاربعين كنت احطها بالكرسي تبع الاطفال واذا بكت تعصب وتنزل من الكرسي اذا مومربطه الكل كان يتعجب كيف تتحرك وهي بلاربعين لانها كانت من عصبيتها تزحف وتنزل لتحت من كرسيها والان عمرها 4 سنوات والعصبيه تزيد ماتقل اذا حبت تطلب شي دايما بصراخ واذا ماعجبها الوضع تضرب حالها اوتضرب الي قدامها احيانا حتى تحرجني في بيت اهلي لانها اذا عصبت تد ايدها على امي وابوي اواخواني واذا هدت تعالي شوفي الكلام العجب تقولين موهي الي قبل شوي اعتذارات وتبوس روس وايدين واصلا تنكر ان هي تسوي مثل ذا الاشياء وتقول اصلا الي يمد ايده على امه الله يرميه بالنار وموعارفه ميف اتصرف معها احيانا احس ان هذا غصبا عنها يصدر واحيانا احس انها لاعبه علي باعتذاراتها كانها تقول اسوي الي ابيه وبعدين اعتذر بس احسن طريقه تنفع التطنيش اتركها وبعدها تهدئ ومااقولكم احيانا تطول لساعات لكن هم اتركها بس انا هم انسان احيانا اعصب ومن غير شعور اضربها اواصارخ بوجهها لان موبكل وقت اتحمل دلعها وعصبيتها خصوصا ان ذا الحالات تواجهني اكثر من مره باليوم معها والان انا حامل فماادري شنو صاير لي مااتحملها ودايما اعصب عليها وخايفه اذا ولدت هم اظل ماتحملها وذا الشي يمكن ياثر عليها وعلى شخصيتها تدرون فكرت ادور لها على اخصائي نفسية اطفال يمكن يعطيني حل للمشكله بس ابوها رافض الفكره ويقول لاتعقدين البنت شرايكم ؟؟؟ في احد جرب وهل حصل فايده

حبيبتي الطفل ذكي بطريقه محد يتصورها ..
هيه تحاول تستقل بذاتها و تفرض عليج رغباتها و في الوقت نفسه ما تقدر تلبي احتياجاتها لوحدها فأنتي الاداة اللي تحتاجها و راح تغضب منج في كل مرة تتأخرين عليها أول ترفضين لها طلب

عليج انج تعلمينها انج امها و تحبينها بس ما تتحكم فيج و تفرض عليج كل شي ..
و اذا بكت كلميها بهدؤ و قوليله روحي الغرفه الثانيه ابكي و لما تخلصين انا هنا قاعده انتظرك و احبك
و او انتي انسحبي من الغرفه من غير اي كلمه راح تلاقينها تتبعك و تزيد بالصراخ ..
كلميها بكل هدوء و قوليلها لا تصارخين انا اسمع .. و ما راح اسوي اللي تبغينه


و بعد ما تسكت نسيها السالفه و احظنيها و امدحيها مثلا قولي الله انتي حلوة

شكرا اخواتي على النصيحة
بصراحة انا اتبعت نصائح الجميع مشتركة
و اضفت اليها الدعاء الى رب العالمين
و عم يمشي الحال الحمد لله حتى يرضى
لكن اللي ما قادري اخلص منه هو عصبيتي لان عصبيتها اللي كانت زايدة عن الحدخللتني ما اعود اطيق حالي
فاسال الله العلي القدير انه يروق اعصابي
و انه يعيننا على تربية ابنائنا بما يحب و يرضى