ابي حبيبي يرجعلي ..خاني مع .....!!!

.....انا مابي شي غير انه يتغير و يصير انسان ثاني ..ابيه يلتزم ف صلاته و ويودر سوالف البنات و الديسكو ...

أنا مو فاهمه هل هو زوجك أو حبيبك وبس؟؟؟

الله يهديك حبيبتي... إنتبهي لنفسك... وشيليه من بالك...

وإنتي صيري إنسانه ثانيه إنسيه وإهتمي في صلاتك وإقرأي قرآن واجد وكل ما حسيتي إنك تفكري في هذي الأمور تعوذي من الشيطان.. ووقت الفراغ حقك سوي فيه أشياء تنفع آخرتك...

عاده الأمور إللي تجي من الشباك ما تجي من الباب ما تتم... ودايم تنتهي بالنهايات هذي... وتفتكرين إن هذي هي ثاني وحده تعرف عليها... لا هذي رقم عشره إذا ما كان عشرين...

كل يوم يقص له على وحده ويروح يدور على غيرها يوم ثاني...

يا أختي

الله يهديكي

المفروض انج من شفتي عليه هالسوالف لا تفكري فيه و لا تحطيه في بالج

واحد عايش بالحرام

ليش تربطين حياتج معاه

هذا أكبر دليل على عدم احترامه لك ( اسمحيلي)

نصيحة

ابتعدي عن هالسوالف و ادعي ربك يرزقك الرزق الحلال

السلام عليكم ورحمه الله وبركاته...

اختي الكريمه اول شي من اسلوب كلامك انا احس انك توك الصغيره وتوك ما طلعتي من القشره

ثاني شي انتي من صجك راميه نفسك على واحد ما يستاهل ليش خلصوا الرياييل في العالم .. اختي انتي الحين ما فكرتي في هلج لو صادوج او عرفو شي عن علاقتج معاه ياليت بعد بيخطبج جان بنسكت ما بنقول شي .. راح مع اجنبيه ولا فلبينيه ولا عشر نار تحرقه اهو وياها .. انتي شعليج منهم الي بيعج بيعه ....:down:

بكره يتقدم لك واحد .. وجان يطلع هذا نذل ويفضحك ويسوي لج سوالف انتي فكرتي بنفسج ... وبهلج الي ايش بيكون موقفهم لمه هذا الشخص يفضحج..ولا وتتصلين تترجين فيه .. على ايش ..... خليه يولي عنك ... الحب لا مو عيب بس لمه يكون غرضه شريف ونظيف .. انتي مو محتاجه حبه انتي كنتي محتاجه حب واهتمام من اي احد عشان تحسين انج عايشه بالدنيا او تبين تحسين حالج حال ربيعاتج الي عندهم حبيب ... اختي الي يطالع الناس يتعب والامور هذي ما تجيب غير شيئن اثنين بي ما في ثالث

الأول شــــــــــــــــــــرف البنت
الثاني فضيحه الاهـــــــــــــــــــل.....

اهو لازوجك ولا خطيبك ولا حتى متكلم عليك .. يعني ايش علاقتك فيه... ومثل ما قلت قبل لو كان متقدم لك او خطيبك او في مشروع زواج قلنا معلش نطوف الموضوع والله ليش تطوفين الموضوع الحين المتزوجات الي يشفون ازواجهم تخونهم يطلقونهم ويبعونهم بنعال .. وانتي تلاحقينه عشان يتركه عساه ما تركها انتي شكو تحبيه بكره تنسينه انتي ما قعدتي معاه سنين وبنين وبكره بتضحكين على نفسج على هالنوع من العلاقه ويمكن تعضين على اصابع الندم لمه يفضحك........................

اهتمي بنفسك واشغلي نفسك بدراستك بالمنتدى هذا الحلو وشوفي واطلعي على مشاكل البنات الي يشيب منها الراس .. ... واقترني بخير الصديقاتي الي يساعدونك في دينك واتمنى انك تهتدي وتفكري بنفسك انتي اغلى من ان احد مثل هذا يخليكي تجرين وراه ...

تحياتي ولك وحاضرين لك في اي شي تبيه واعذريني اذا اسلوبي كان قاسي شوي

غاليتي

متكدره

إذا هو ما صان عشرتج وحافظ عليج وجاج من الباب مثل ما قالوا اخواتي قبلي فماله داعي تربطين نفسج به
حتى لو انج حبيتيه صدقيني هو ما يستاهل هذا كله ،،، لانه لو يستاهل هالشغله كان مارضا عليج ولا جرحج

البدايه غلط من الأول مفروض ما توصلين لهالمواصيل
لاكن الحمدلله انج فقتي من السبات اللي كنتي فيه،، اي نعم الحب يعمي،، بس صدقيني ربي رحمج منه
وزين انج كشفتيه الحين،،، لانج اذا عقب شهور حبيتيه هالكثر شلون لو مر عليكم زمن،،، يمكن تعطينه روحج بعد

ديري بالج منه اختي الغاليه،،، وبعدين ما تسوى تضيعين نفسج علشانه،، اهم ما على البنت شرفها

حافظي على نفسك وشرفك واسم عائلتك وارجعي لربك ،،، وصدقيني ربي بيعوضج بالأحسن منه وبالحلال

الله يخفف عليج ويبعد عنج كل مكروه


ولا عاد تكلمينه هالخاين،، حتى ما صان العشره

[grade="00008B FF6347 008000 4B0082"]السلام عليكم

اختي الغالية ليش تتكلمي عنه وكانه زوجك او خطيبك

والحين رمضان ادعي ربك يساعدك انك تنسيه

انتي عاجبك الي تسويه بروحك

تجاهلي كل الي صار واستغفري ربك

ادعي دايما ربك يرزقك بزوج صالح ويبعدك عن ها الامور

وحتى لو حاولتي تعدليه وبهدلتي نفسك شو دراك انه ناوي يتزوجك

حبيبتي الانسان يغلط بس ما يستمر بغلطه بها الطريقة يعني تعرف عليك وبعدها اعجب بثانية بغض النظر من تكون

وانتي بس تحرقي اعصابك وبعد هذا كله شو تستفيدي

غضب ربك

تحرقي باعصابك وتضيعي وقت على شي ما يسوى

حاولي ما تجلسي وحيدة ابدا

على طول اجلسي مع أهلك

اعملي صداقات مع بنات ملتزمات

وصدقيني بعدها بتندمين على كل لحظة تعبتي فيها نفسك على الفاضي

طمنينا عليك

لو احتجتي احنا بخدمتك

وصدقيني لو شغلتي وقتك بها المنتدى الرائع وفيه كل النواحي الشاملة اقرأي بكل الامور وابتعدي عن اي شي يذكرك فيه

واحنا معاكي دائما [/grade]

حبيبتي متكدرة صدقيني اللي يسير في هالطريق ما عمره يحصل غير الاشواك والهم والحزن غيري الطريق وسيري في طريق احسن عنه طريق الايمان بالله والتمسك بالكتاب صدقيني عزيزتي لا احد ولا هو راح ينفعج في آخرتج اهتمي بنفسج واعتبريها تجربه ومرت عليج واخذتي درس فيها ويا ما ناخذ من الحياة دروس تعلمنا تعلمي من هذه التجربة وشوفي الحياة بمنظور ثاني وقوي ايمانج بالله واتخذي قرار انج راح تتغيرين نحو الأفضل في شهر رمضان شهر الخير والبركة هو اختار حياته وطريقة وانتي بعد لازم تختارين طريق ثاني وابدي حياة نظيفة ويديدة وإذا هالكثر يهمج امره ادعيله بالهداية وادعي لشباب المسلمين والمسلمات بالهداية والصلاح وصدقيني ما راح تندمين

السلام عليكم ورحمة الله وبركاته


أختي الكريمة (متكدرة)

أنا ما راح أبدأ كلامي معاج بالعتب ولا راح ألومج على علاقتج معاه لأن

الموضوع صار وأنتهى.. راح أتكلم معاج عن إللي تمرين فيه الحين..

أول شي أسلوبج بالكلام عنه يعطي إنطباع للقاريء أنه مو بس حبيبج بل زوجج

وسؤالي لج من عطاج التصريح برسم حياتج معاه على أنه زوج لج؟؟ بتقولين لي

أن ما يصير معاه كل شي يصير مع الأزواج وأعتقد فهمتي إللي أقصده بس بعد

أنتي شايلة همه وكأن هالإنسان زوجج ومعاج ببيت واحد وهالشي ما يجوز يا الغالية..

أمر أخر أختي أنتي تقولين أنه خانج وأنا أقول لج هو ما خانج هو خان الله عز وجل

فليش تتضايقين إذا هو يطلع مع أجنبية وهو بفعله أغضب رب السموات والأرض؟؟

من أحق بالغضب على هالإنسان الله أو انتي؟؟

لا تأسي على إنسان عصى الله وإللي عليج إنج تدعين له بالهداية..

عيشي حياتج أختي وتقربي من الله عز وجل وأشغلي نفسج بكل ما يرضي الله

وأتركي هالإنسان لوجه الله وبإذنه تعالى راح يعوضج بإللي أحسن منه

وراح يعوضج الله بمن يخافه .. وتذكري قول الله عز وجل:

((إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ))



قلتي (هو رفضني و فضل الاجنبية علي)

ليش تحزنين علشان فضل أجنبية؟؟ هو فضلها لأسباب أعوذ بالله منها

وهذا يدل على نقص عقله وتفكيره وبعده عن الله عز وجل..

افتخري بنفسج لأنج أطهر منها وأشرف منها وأنتي عندج نعمة هاذي الأجنبية

إللي تقولين عنها محرومة منها وهي نعمة (الإسلام)

أحمدي الله وأشكريه وتقربي منه وتأكدي أنج أفضل منها...


الله يهديج وأسأل الله أن ييسر أمرج ويفرج همج.. وأتقي الله حبيبتي

والله يرزقج بالزوج الصالح ويرزق كل بنات المسلمين..



و السلام عليكم ورحمة الله وبركاته

مرااحب لصاحبة الموضوع...

اتمنى انج اتصلين الاستخارة اول شي وصدقيني هالسوالف كلها خرابيط انتي ما بتنسينيه الا اذا رجعتي لربج وصلاة لاستخاره وايد بتفيدج اذا كنتى تبين ترتاحين..

ومافي حب يفوق حب الرحمن ولاتقولين انج اتحبني موووت ترا العكس صحيح كيف اتحبين شخص اكثر عن رب العالمين ولا تقولين لا انا احب رب العالمين ترا هالسوالف ما ترضي ربنا فكيف انسوي شي الله سبحانه وتعاله مب راضي عليه من وين تبين الله يوفقج معاه وانتي ماترضينه قبل ورب العالمين يعرف ما تخفيه قلوبنا..

اتمنى انج تسمعين نصيحتي وصلين صلاة الاستخااااااااااااره والله انج بتحسين براحه وبتحسين ان هالسوالف تافه مالها معنا مجرد تضيع وقت فالحرام لا تعزلين نفسج عن العالم اختاري الصحبه الصالحه ..وحاولي انج تسمعين اشرطه دينيه محضرات موجوده عن قصص الحب وهالسوالف..

اذا احتجتي اي شي انا وخواتج الي فالمنتدى موجودين ماعليج الا انج اتراسلينا وحنا تحت امرج

تحياتي..
عروس الموج

بسم الله الرحمن الرحيم

الحب موجود أكيد

بس انتي حبيتي انسان غلط

يعني راعي ديسكو.......توقعي الغلط منه
ما تخافين انه بعدين يشرب الخمر في
هالاماكن الوصخه؟؟


خانج ويا وحده تعطيه كل شي.....وانتي
بنفسج قلتي من الشارع وما تسوى نعالج
كيف ترضين على نفسج هالشي؟؟
تخافين عليه من الامراض؟؟ ليش عيل ما
اشوفج تخافين على عمرج لو رد لج؟؟
عاشر وحده من الشارع...

ليش طلبتي من الاجنبيه تودره؟؟؟ اذا
هو بمنتهى الوقاحه ودرج عشان الحرام
وما سوى لج سالفه؟؟

يا بنت الناس خافي على عمرج منه
ممكن لو شافج ذاله نفسج، يساومج
ويقول لو تبيني اودرها عطيني اللي
تعطيني اياه...الحمدلله انتي عاقله لين الحين

عنده الوقت والبيزات عشان يسير الديسكو
ويرابع الوصخات، بس ما يروم يخطب وحده
تحبه وتخاف عليه؟؟؟

نصيحتي لو الله هداه ورده لج خليه يتقدم لج
بأسرع وقت.....وتأكدي انه ما جاسه مرض
من الحرام اللي يسويه..

صدق الله يهديج انتي بعد ,,,,,يالسه تضرين
عمرج ومنكده على عمرج.......اختي العزيزه
تقربي من الله اكثر واقري قرآن وادعي رب
العالمين.......

عزيزتي
انتي قلتيها بنفسك فضل الاجنبيه علي
يعني انه مااهتم فيك دامك ماعطيتيه الي يبه
يعني علاقته معك كان يبي يوصل لشئ الاجنبيه عطته اياه وانتي لا
وهو الحرام
حبيبتي عزي نفسك ولاتنزلين نفسك لكذا عينات
حبيبتي الشخص هذا ماحط ربك بين عيونه كيف بيحط كلامك بباله
يقولون مصائب قوم عند قوم فوائد وهو وقع في مصيبه ماراح يدفع ثمنها الابعدين
لكن استفدتي انك عرفتي معدنه
والدنيا تجارب
طبعا بالاول اقطعي علاقتك فيه واحمدي ربك انه ماجعلها اعظم من كذا عليك
وادعي له ان ربي يهديه
لان هذا حق كل مسلم علينا
وانتي سويتي الي عليك
والشئ الحرام ماراح يطول
زي علاقتك كانت محرمه من البدايه فمااستمرت
كذلك علاقته بهالانسانه
حبيبتي كلامي يمكن شوي حاد
بس صدقيني لمصلحتك لااكثر ولااقل

شي واحد بس
متكدره..لو تشتطين..لو تصيحين..حتى لو تموتين بعد عمر طويل ان شاء الله
اللي بياخذج هو اللي الله كاتبه لج بسسسسسسسسسسسسس...واللي يختار نصيبه ويصر عليه بدون هدايه من الله ورضا منه سبحانه الله ما يوفقه وحتى لو خذيتيه بتمين تعيسه معاه لانه هب هو اللي الله كتبه انه يكون من نصيبج

حبيبتي اش لج بعوار الراس..خلي قلبج الكبير حق ريلج بو عيالج ان شاء الله اللي باراده الله بيكون انسان صالح مهتدي هب هذا اللي تعرفيه ويروح ديسكو ويمارس الزنا

اعقلي وفكري وتعوذي من الشيطان اللي يشجعج على هالافعال وعودي الى الله وادعي الله انه يغفرلج ويرزقج باللي يستاهل طيبتج وقلبج العود

وهالانسان ودريه وخليه لامثاله..رواد الديسكو والله يهديه ويصلح كل مسلم

والله يهديج بالاول والاخير

الغاليه بخبرج دام انه هو اللي هدج الحين وما يبا يرمسج هاي نعمه من رب السما عشانج انتي .. صدقيني ربج بعده يبالج الخير ولا تضيعين هالفرصه اللي يتج لانج الحينه تقدرين تقطعين العلاقه معاه نهائيا وحتى لو فكر عقب ودق لج لا تردين عليه كأنج اختفيتي من على الارض وهو ما بيلومج ولا بيكون في قلبه حقد عليج ويبغي يبرده بفضيحتج لانه عارف من البدايه انه هو بنفسه تركج وبيحاول يرجع يكلمج قبل ما يسوي اي شي وان قدر تراج بتضيعين لكن ان ما قدر يوصل لج عقب هالسالفه بيضطر انه ينساج دون ما يسبب لج اي فضايح واحراجات ..

صدقيني لو حاولتي ترجعينه الحين وفعلا قدرتي ترجعينه وتميتي ماشيه معاه في الغلط بيي اليوم اللي ربج بيبليج وياه بمصيبه لو تدورين الارض كلها تبين حد يطلعج منها ما بتحصلين .. الله يستر ويصبر ويحلم ويستر عل وعسى عبده يرجع له ويتوب لكن بعد كل الصبر اذا ما تاب الانسان لااازم يعقه في مصيبه تخليه يعض اصابعه من كثر الندم

اتركيه دام ان الغلطه يت منه ولا تحاولين ترجعين له ابد لان هالنوع من الرياييل مهما اعتدل فتره بييه يوم ويرجع مثل ما كان وانا هالكلام شفته في اكثر من شخص للأسف تغيروا فتره بسيطه بس اللي هي اول ايام العرس بس عقب ما قدروا ورجعوا مثل ما كانوا لان الشاب يعتقد الزواج كأنه مانع بيمنعه من كل شي وان زوجته مخلوق مش طبيعي بينسيه الدنيا وكل هالخرابيط بس عقب ينصدم ويكتشف ان الحياه عاااديه وان ما فيه شي تغير والزواج شي طبيعي مب معجزة تمنعه من الحرام .. مافيه شي يمنع الانسان من الغلط الا الايمان واللي يسوي السوايا اللي رمستي عنها بايع الايمان والاخره عشان دنيا فانيه .. لا تنسين بان المرأ يوم القيامه مع من احب وأانا ما أظن انج تبين تحشرين معاه في الاخره لانج بس حبيتيه وهو ما يستاهل كل هالحب ..
الحب شي حلو مثل ما يى يقدر يروح .. وباجر لما بييج الانسان اللي شارنج وياينج لباب البيت مختارج انتي بالذات عشان يخليج زوجته وام عياله ويرفع قدرج بين الناس مب يذلج بسواياه هذيج الساعه بتعرفين منو اللي يحبج واللي المفروض يكون له كل قلبج ..

اتمنى انج ما تضيعين نفسج بيديج .. ودامج طلبتي النصيحه اخذي بها لانج الحينه تحبين هالشخص فما بتشوفينه الا بأحسن صوره عكس اللي حولج بيشوفونه بصورته الحقيقيه ..

اختي والله انج غاليه فلا تفرطين بعمرج لان كل شي يتعوض الا شرف البنت وعزة أهلها .. وان ما همتج نفسج دخييلج فكري في أهلج .. ابوج المسكين وامج صدقيني ما ربوج الا وهم يتريون منج كل خير فلا تخيبين ظنهم بمصيبه هم في غنى عنها ..

الله يحفظج اختي ويهديج وينور لج طريقج ويجعلج من عباده الصالحين امين

شي أخير بس خليه في بالج

(( من ترك شيئا لله عوضه الله بأحسن منه ))

والسمووحه

حبيبتي متكدره اولا الله يعينك لانه انا احاسه بيك وثاني شي لاتدوريه وصدقيني راح يجي يوم ويعرف انك انت احسن وحده بس لو صرتي تلاحقية وتتصلي بيه هو راح يكرهك لان الراجل يحب المرأة الي تنطش عليه
خوذي نصيحتي وبكرة تشوفي
والله يساعدك ويعوضك احسن منه

أسأل لج الهدايه أختي
وييسر أمووورج بإذنه تعالى
وماتلاقين شي في طريجج غير كل خير لدنياج وآخرتج أهم شي

مابزيد على كلام خواتي ... غير انج اقري كلامهم مره مرتين ثلاث لي ماترتاحين
لانه رجووعج لربج وكثرة الاستغفار هو الحل الوحيد ...
وطبعا مابقولج الابتعاد عن اللي تكلمتي عنه ...لانه اكيد اتأكدتي انج لازم تبتعدين عنه
نصحتييه وسويتي اللي عليج ... ان شالله ربج مابظيع أجرج في نصيحته
كملي حياتج عاادي ولا كأنج عرفتييه ... بالعكس بتكونين مرتاحه لانج نصحتي وخذيتي أجر بارك الله فيج

ربي يوفقج للخير دوووم

من عافنــــــي عفته ولو فيــــه روحــــي

من عافنــــــي عفته ولو فيــــه روحــــي

من عافنــــــي عفته ولو فيــــه روحــــي

من عافنــــــي عفته ولو فيــــه روحــــي

اختي مااعندي اقولش الا ها الجمله اللي فوووق ..

ولاتضعي عمرش مع شخص مايسوا ..

يعني افهمي هو كان معاش لغرض وماعطيتيييه ايااه .. ورراح لغيرش ..وخلاش

الكل يفهمها اختي ..

تحياتي

بارك الله فيج يا اختي على خوفج من الشاب من هاذي البنت بس هو مو حاس فيج الا لمن يير له شي وصدقيني يرجعلج بس انتي انصحيه وادعيله بالهدايه والله يوفقج انشالله بس نصيحه من اختج كرامتج فوق كل شي ولا تذلين نفسج ترى الريال مايحب البنت الخفيفه اللي ترخص بعمرها والله طيعيني من مجربه 00


واي شي تبينه راسليني ع الخاص


تحياتي لج 000 الكاسكو

شكرا لكل من رد علي ..... بس انتو ادعولي الله يفكني منه و ارتاح ..لاني من عرفت و انا ما عرفت طعم النوم و لا الراحة ...... انا بحاول اشغل عمري في اي شي عشان انسى ......

والله انتي امعوره راسج ابواحد ما يسوا بيييييييييييزه
مالت عليه وعلى امثاله
اقولج حبيبتي انتي فكري ابعقلج مو ابعواطفج
حرام الي اتسوينه ابعمرج عسب واحد جيه ما يسوا شي فكري ثم فكري ثم فكري ابعقلج

السلام عليكم ورحمة الله وبركاته ...

اختي ماقوول الا الله يعينج ...... وانسيه .. والله يقدرج على هالشي وربي يوفقج ...