يا أمهات التوائم إتفضلوا

السلام عليكم ورحمة الله وبركاته
في الحمل التاني لي واللي جا بسرعه ما كنت فرحانه فيه وما راجعت طبيب بس في الشهر السادس صارت تجيني آلام في الجناب قلت اروح أشوف اش في وحط الدكتور الموجات الصوتيه الا ويقول البيبي طيب بس راسه صغير صرت امزح قلت له يمكن معاه احد تاني الا وضحك الدكتور وقال فعلا معاه ماصدقته مره واقوله انت كداب انقهر مني الرجال وقال (هو في كدب في الحاجات دي كمان) وكان من اجمل الايام في حياتي يوم عرفت ان في بطني توأم وفجأة خفت وقلت لزوجي اللي هو كمان مان حيطير من الفرحه قلت له كيف حاولدهم؟؟؟؟؟؟؟؟ وجلست ابكي ورحت أسأل اي وحده جابت توام كيف ولدتهم وجاء اليوم النتظر وسبحان الله بفضل الدعاء ما حسيييت باي الم والله يا بنات والدكتور يقولي دفي وخرجت مروج ويقول يلا دفي تاني وخرجت مرح (قولوا ماشاالله) وصرت مذهوله من قدرة ربنا اتنيييييين .....اتنين يا ناس والبكا حقهم كان مره يضحك ورجعت بيهم البت طبعا تربيتهم عذاب بس عذاب حلو الان عمرهم 3سنين ولين الان كل ما اطالعهم اقول سبحان الله يا ليت اي وحده جابت توأم تكتب لنا عن تجربتها بالتفصيل ويا رب يا بنات يعطي كل وحده قريت الموضوع توأم قولي آمين