السلام عليكم ورحمة الله وبركاته ...
والله أني ماعرف شو أكتب ؟ و شو أقول ؟ بس صدقوني مالجأت لكم إلا وأنا عارفة أنكم مابتخذلوني ..
الموضوع
من فترة شهر تقريباً في واحد من الدوام صارحني بشعوره تجاهي أن هو يحبني وأتعلق فيني من أسلوبي وأن هو جاد ومايلعب معاي .. لأن إذا بغى يلعب ويتسلى وااااايد بنات يتمنون يكلمونه و يتسلو معاه لأنه وسيم وجذاب وغير كل هذا هو مشهور عن طريق دوامه ... وأنتوا أدرى مني في بعض البنات إلي مايهمهم شي غير الظاهر وبكون صريحة معاكم أصلاً قبل مايصارحني بشعوره والله أني كنت معجبة في شخصيته و أسلوبه مع الناس .. بس والله ماكنت أشوفه إلا بنظرة الإخوة ... وعقب ماصارحني أستانست واااايد في داخلي بس مابينت له . المهم مع مرور أسبوعين على مصارحته في واحد يقرب لأمي ياي يخطبني وااايد أتوترت وأتضايقت وسرت كلمته قلتله في واحد خاطبني وإذا تباني تعال أخطبني قالي بكون صريح معاج أنا أحبج وأباج تكونين لي بس أنتظريني أخلص البيت إلي أبنيه ...
وأهل المعرس كانوا ينتظرون الرد وبصراحة ولدهم ماينعاب بس أنا قلبي مع الثاني وصليت أستخارة 3 مرات أول مرة حلمت والتفسير كان ضد موضوع الخطبة من المعرس والمرة الثانية والثالثة كان شعوري خوف و توتر بس عقب تفكير أستغرق خمس دقايق وافقت و رديت على أهل المعرس و يوم عرف إلي معاي في الدوام تضايق وقال ليش وافقتي ؟؟ وأنا بصراحة مب مقتنعة من الخطبة مع أني في البداية رفضت وسألوني عن السبب وقلت أبى أكمل دراستي وأداوم وأكيد هو مابيرضى بس هم قالوا له وهو قال أنه راضي على كل شروطي ....حسيت أنه شاريني والكل مدح فيه فوافقت من غير أقتناع لأن قلبي مع الثاني والله محتارة دخيلكم ساعدوني !!! أسكت على الموافقة ؟؟؟؟ولا أرد أقولهم مب موافقة !!!! ساعدوني أرجوكم
مستقبلي في خطر..بتساعدوني ولا بتخلوني أضيع!!!!
أ
22-10-2005 | 01:50 PM
ش
22-10-2005 | 02:00 PM
ولله ما اعرف شو اقولج
بس اكيد خيرة ربج هي الاصدق والاحسن
والله ايعينج
بس اكيد خيرة ربج هي الاصدق والاحسن
والله ايعينج
ا
22-10-2005 | 02:37 PM
حبيبتي زميلك الي في الدوام يلعب عليك لأنه لو كان صادق كان تقدم لك وخطبك والعرس يتأجل لبعد ما يخلص البيت
عشان كذا أقول لك لا تصدقينه ونصيحة لا ترفضين العريس المتقدم لك لأن عصفور باليد أحسن من عشرة على الشجرة
والله يوفقك
عشان كذا أقول لك لا تصدقينه ونصيحة لا ترفضين العريس المتقدم لك لأن عصفور باليد أحسن من عشرة على الشجرة
والله يوفقك
س
22-10-2005 | 02:42 PM
بصراحه اختي ورايي في الموضوع ولو انا كنت مكانك
باخذ اللي يجيني اول وبعدين البيت مب سبب مقنع يخلي الأول ما يخطبج وبعدين لو هو صدق يبيج كان على طول خطبج لان اصلا انتم مب طالبين بيت علشان يعطيج تبرير ببناء البيت،،،
والله انتي سويتي السنع اللي جاج من الباب ما رديتيه وهذا الصح لاكن اللي يلعب عليج هذا ما عليج منه،،،واذا هو فعلاً شاريج كان ياج وخطبج رسمي مب يعطيج اعذار،،، بس الظاهر هو يبي يشوف مايج يمكن توافقين تكونين رفيجته ولا شي
توكلي على الله والله يوفقج ان شاء الله مع اللي وافقتي عليه
إختج/ سفيرة فوق العاده
باخذ اللي يجيني اول وبعدين البيت مب سبب مقنع يخلي الأول ما يخطبج وبعدين لو هو صدق يبيج كان على طول خطبج لان اصلا انتم مب طالبين بيت علشان يعطيج تبرير ببناء البيت،،،
والله انتي سويتي السنع اللي جاج من الباب ما رديتيه وهذا الصح لاكن اللي يلعب عليج هذا ما عليج منه،،،واذا هو فعلاً شاريج كان ياج وخطبج رسمي مب يعطيج اعذار،،، بس الظاهر هو يبي يشوف مايج يمكن توافقين تكونين رفيجته ولا شي
توكلي على الله والله يوفقج ان شاء الله مع اللي وافقتي عليه
إختج/ سفيرة فوق العاده
أ
22-10-2005 | 03:58 PM
اختي
مب شرط تحلمين بعد الاستخاره و لكن بعد صلاه الاستخاره ييسر الله لك الامور
فان كانت لصالحك قربها منج احيانا ماتكونين مرتاحه بس تسوين الامر و ان لم تكن خير سترين ان كل شيء ينتهي لوحده
بما انج قررتي بعد استخاره انج توافقي فنا اظن هذا خير لج والله اعلم
ثانيا اختي..لو كان يبيج صدق كان تقدملج على اقل خطبه او ملجه وبعد ما يخلص البيت تزوجون
كل يسوي جيء
وما خاب من استخاره الله
توكلي على الله
والله يسعدك ويوفقك
مب شرط تحلمين بعد الاستخاره و لكن بعد صلاه الاستخاره ييسر الله لك الامور
فان كانت لصالحك قربها منج احيانا ماتكونين مرتاحه بس تسوين الامر و ان لم تكن خير سترين ان كل شيء ينتهي لوحده
بما انج قررتي بعد استخاره انج توافقي فنا اظن هذا خير لج والله اعلم
ثانيا اختي..لو كان يبيج صدق كان تقدملج على اقل خطبه او ملجه وبعد ما يخلص البيت تزوجون
كل يسوي جيء
وما خاب من استخاره الله
توكلي على الله
والله يسعدك ويوفقك
&
22-10-2005 | 07:45 PM
عزيزتي
البيت مو حجه لتاخير الخطبه
بامكانه انه يتقدم لخطبتك وتاجلون الزواج لحد مايترتب البيت
لكن ابقول شئ عن سالفة الاستخاره
الاستخاره مو شرط شعور ومو شرط احلام ويمكن حلمك حلمتي فيه عشانك تفكرين بالموضوع ومتعلقه بالاول
لكن الاستخاره هي توكيل امرك لرب العالمين اذا اكن فيه خير يتممه واذا شر يصرفه
وانا رئيي مع الي تقدم لك وتوكلي على الله
وطبعا استخيري لين ماتقتنعين
البيت مو حجه لتاخير الخطبه
بامكانه انه يتقدم لخطبتك وتاجلون الزواج لحد مايترتب البيت
لكن ابقول شئ عن سالفة الاستخاره
الاستخاره مو شرط شعور ومو شرط احلام ويمكن حلمك حلمتي فيه عشانك تفكرين بالموضوع ومتعلقه بالاول
لكن الاستخاره هي توكيل امرك لرب العالمين اذا اكن فيه خير يتممه واذا شر يصرفه
وانا رئيي مع الي تقدم لك وتوكلي على الله
وطبعا استخيري لين ماتقتنعين
ك
22-10-2005 | 09:36 PM
انا رايي من راي الاخوات .... روحي حق الي شاريييج.. ولي يلعب على طرف ماعلييج منه .. خذيها مني .. هل لعابيين لهم طرق مختلفه حق اللعب و الغش .. يغشون في كل شي حتى في النصيب و الزواج و ماهمهم غير انه يوصللون للي يبونه .. وافقي على الي اختارج شريكة لحياته و خلي عنج الي اختارج كالعبع تسليه و الله اعلم رقم جم انتي منهم .. الله يوفقج يا اختي و اتمنى لج كل خير من قلبي .ز طمنينيه عنج
م
22-10-2005 | 10:12 PM
عليكم السلام و الرحمه
عزيزتي سبب تأخيره مب سبب مقنع .. لو هو صدق صادق جان خطب على طول و كلم أهله
لكن إلي سويتيه هو الصح لأنه هذي الايام صعب تحصلين أحد شاريج
الله يقدم إلي فيه الخير و يوفقج يا رب و يسعدج
عزيزتي سبب تأخيره مب سبب مقنع .. لو هو صدق صادق جان خطب على طول و كلم أهله
لكن إلي سويتيه هو الصح لأنه هذي الايام صعب تحصلين أحد شاريج
الله يقدم إلي فيه الخير و يوفقج يا رب و يسعدج
أ
23-10-2005 | 02:27 AM
اللي سويتيه عين الصوااااااااااااب :up:
لنه لو يباااج بيخاف انه يفقدج يعني على طول بيتقدم لج .... مب يقولج اترييني ليما اخلص البيت ( يعني البيت يبنيه مب انه ابد ما سواه )
الله يوفقــــــــــــــــــــــــــج :shy:
لنه لو يباااج بيخاف انه يفقدج يعني على طول بيتقدم لج .... مب يقولج اترييني ليما اخلص البيت ( يعني البيت يبنيه مب انه ابد ما سواه )
الله يوفقــــــــــــــــــــــــــج :shy:
ر
23-10-2005 | 03:19 AM
ما خاب من استخار وانتي باستخارتك ربي سهل ويسرلك الي فيه بإذن الله الخير لك والله يوفقك وإذا تقدرين تغيرين مكان عملك عشان تبعدين عن الشخص الثاني وعن التفكير فيه يكون افضل .
د
23-10-2005 | 07:15 AM
مدام انك استخرتي وهذا اللي حسيتيه توكلي على الله ....
u
23-10-2005 | 11:28 AM
اختي الفاضلة
السلام عليكم ورحمه الله وبركاته
انا ما راح ازيد على كلام خواتي الفاضلات ... وكل الي كتبوه صح .. شباب الايام هاذي اذا يبون يماطلون يقعدون يطلعون الف عذر بكره لو طار منك الريال يمكن تقعدين تتحسفين .. وايش ضمنك ان اصلا بيخطبك ...الكلام ما ينفع .. وهو لو صج يبغيج .. كان على طول اول ما سمع انج انخطبتي يطرش اهله مو يزعل ويسوي فلم هندي ... وبعدين نصحيه اخذي الي يحبك وشاريك .. والريال دام ما يعيبه شي بتحبينه .. وياما في تجارب مثل تجربتك وطلع ان الريال الي كانوا يخافون ينخطبون له هو الافضل لهم .. توكلي على الله وبشرينا عنك ان شاء الله وبالنسبه لصلاه الاستخاره .. هي تيسير من رب العالمين وربما ما رأييتي في الحلم هو مجرد تمسك قلبك وعاطفتك مع ذلك الرجل ... استعذي بالله منه ... ولا تعلمين ماذا يخفي هذا الشخص وراء وسامته .. توكلي على الله وخبرينا عن الي صار والله يوفقك ...
تحياتي
السلام عليكم ورحمه الله وبركاته
انا ما راح ازيد على كلام خواتي الفاضلات ... وكل الي كتبوه صح .. شباب الايام هاذي اذا يبون يماطلون يقعدون يطلعون الف عذر بكره لو طار منك الريال يمكن تقعدين تتحسفين .. وايش ضمنك ان اصلا بيخطبك ...الكلام ما ينفع .. وهو لو صج يبغيج .. كان على طول اول ما سمع انج انخطبتي يطرش اهله مو يزعل ويسوي فلم هندي ... وبعدين نصحيه اخذي الي يحبك وشاريك .. والريال دام ما يعيبه شي بتحبينه .. وياما في تجارب مثل تجربتك وطلع ان الريال الي كانوا يخافون ينخطبون له هو الافضل لهم .. توكلي على الله وبشرينا عنك ان شاء الله وبالنسبه لصلاه الاستخاره .. هي تيسير من رب العالمين وربما ما رأييتي في الحلم هو مجرد تمسك قلبك وعاطفتك مع ذلك الرجل ... استعذي بالله منه ... ولا تعلمين ماذا يخفي هذا الشخص وراء وسامته .. توكلي على الله وخبرينا عن الي صار والله يوفقك ...
تحياتي
ط
23-10-2005 | 11:59 AM
وأنا اقولج إذا صدق يباج خلي ايي بيتكم ويخطبج من اهلج وذيج الساعة بتشوفين إذا كان صادق ولا يتهرب وشكله يريد يربطج فيه لين ما يخلص البيت
ت
23-10-2005 | 10:27 PM
بسم الله الرحمن الرحيم
السلام عليكم ورحمة الله وبركاته
فعلا أختى كلام البنات صحيح
إذا كان ينوى أن يخطبك حقا لما تردد لحظة بعد سماعه منك أن هناك من تقدم لكِ
ماكان تعذر وتحجج بحجج واهية
وبصراحة ردة فعله غريبة ( تضايق ) ... ما تقدم للخطبة .. يعنى مجرد ضيق .. فقط ؟ المفروض موضوع مثل هذا يحركه للخطوبة
الحمدلله أن الله رزقك بواحد ما ينعاب فى الوقت المناسب
توكلى على الله واسكتى على الموافقة فالخير فيما اختاره الله إن شاء الله
السلام عليكم ورحمة الله وبركاته
فعلا أختى كلام البنات صحيح
إذا كان ينوى أن يخطبك حقا لما تردد لحظة بعد سماعه منك أن هناك من تقدم لكِ
ماكان تعذر وتحجج بحجج واهية
وبصراحة ردة فعله غريبة ( تضايق ) ... ما تقدم للخطبة .. يعنى مجرد ضيق .. فقط ؟ المفروض موضوع مثل هذا يحركه للخطوبة
الحمدلله أن الله رزقك بواحد ما ينعاب فى الوقت المناسب
توكلى على الله واسكتى على الموافقة فالخير فيما اختاره الله إن شاء الله
e
24-10-2005 | 06:38 AM
وعليكم السلام ورحمه الله
اختى احلى قطوه موضوع جدا مايبغاله كل هذا التفكير
انتى والشخص الاول إلى صارحك إنه يحبك
دام أنتى وهو بدوام واحد , اعطيه فرصه اخيره يفكر فيها ليوم واحد وخليه يرد عليك بجواب نهائى اليوم الثانى
إن كان يحبك وشاريكى صدقينى بيواقف إنه يخطبك ويا اهله
وإن كان لعاب او حب يتسلى بيقولك والله ما اقدر عندى الظروف والعمار والله يعين
وقتها اختى احلى قطوه اعرفـى إن الشخص إلى جا وخطبك هوه الاولى برتباطك معاه
لـكـيـ خـالـصـ تـقـديـري وأحـتـرامي .
اختى احلى قطوه موضوع جدا مايبغاله كل هذا التفكير
انتى والشخص الاول إلى صارحك إنه يحبك
دام أنتى وهو بدوام واحد , اعطيه فرصه اخيره يفكر فيها ليوم واحد وخليه يرد عليك بجواب نهائى اليوم الثانى
إن كان يحبك وشاريكى صدقينى بيواقف إنه يخطبك ويا اهله
وإن كان لعاب او حب يتسلى بيقولك والله ما اقدر عندى الظروف والعمار والله يعين
وقتها اختى احلى قطوه اعرفـى إن الشخص إلى جا وخطبك هوه الاولى برتباطك معاه
لـكـيـ خـالـصـ تـقـديـري وأحـتـرامي .
e
24-10-2005 | 06:39 AM
وعليكم السلام ورحمه الله
اختى احلى قطوه موضوع جدا مايبغاله كل هذا التفكير
انتى والشخص الاول إلى صارحك إنه يحبك
دام أنتى وهو بدوام واحد , اعطيه فرصه اخيره يفكر فيها ليوم واحد وخليه يرد عليك بجواب نهائى اليوم الثانى
إن كان يحبك وشاريكى صدقينى بيواقف إنه يخطبك ويا اهله
وإن كان لعاب او حب يتسلى بيقولك والله ما اقدر عندى الظروف والعمار والله يعين
وقتها اختى احلى قطوه اعرفـى إن الشخص إلى جا وخطبك هوه الاولى برتباطك معاه
لـكـيـ خـالـصـ تـقـديـري وأحـتـرامي .
آسـفـه عـلـى تـاخـرى بـرد عـلـى مشـكـلـتـك
اختى احلى قطوه موضوع جدا مايبغاله كل هذا التفكير
انتى والشخص الاول إلى صارحك إنه يحبك
دام أنتى وهو بدوام واحد , اعطيه فرصه اخيره يفكر فيها ليوم واحد وخليه يرد عليك بجواب نهائى اليوم الثانى
إن كان يحبك وشاريكى صدقينى بيواقف إنه يخطبك ويا اهله
وإن كان لعاب او حب يتسلى بيقولك والله ما اقدر عندى الظروف والعمار والله يعين
وقتها اختى احلى قطوه اعرفـى إن الشخص إلى جا وخطبك هوه الاولى برتباطك معاه
لـكـيـ خـالـصـ تـقـديـري وأحـتـرامي .
آسـفـه عـلـى تـاخـرى بـرد عـلـى مشـكـلـتـك
أ
24-10-2005 | 09:10 AM
,السلام عليكم ورحمة الله وبركاته :flower:
والله أنكم ماقصرتوا خواتي وأنا شاكرة لكم مشاركتكم في مشكلتي ....
وأنا سكت على الموافقة وعقب العيد الخطوبة وراح أوافيكم بالتفاصيل إن شاء الله ....
أدعوا لي بالتوفيق .. والله يوفق الجميع .
والله أنكم ماقصرتوا خواتي وأنا شاكرة لكم مشاركتكم في مشكلتي ....
وأنا سكت على الموافقة وعقب العيد الخطوبة وراح أوافيكم بالتفاصيل إن شاء الله ....
أدعوا لي بالتوفيق .. والله يوفق الجميع .
ق
24-10-2005 | 09:36 AM
مبروك يا أحلى قطوه في دبي
وقرارج هذي عين الصواب، ولا تندمين في اللي ما شراج ترى كلام صاحبنا اللي في الدوام ما يطمن، يمكن إحنا البنات نعجب بشخص
لكن مب شرط إنه يكون كفووو.
بس حبيت أنورج لأنج قلتي: أن هو جاد ومايلعب معاي .. لأن إذا بغى يلعب ويتسلى وااااايد بنات يتمنون يكلمونه و يتسلو معاه لأنه وسيم وجذاب وغير كل هذا هو مشهور عن طريق دوامه
تعرفين الشباب في الدوام شنو يسوون يتراهنون تعرفين يعني شنو يتراهنون : يعني شفتو فلانه هذي إذا ما طيحتها في حبالي خلال شهر بتشوفون وعاد هم يقولون له ما تقدر ويقول إمبله أقدر تراهنون إي نراهن على كم، على 1000 درهم.
وتصيرين إنتي لعبه في يده، وإنتي ربج يحبج عشان جذي بعدج عن درب إنسان إنتهازي لا تصدقينه لو شو يقول هذي إنسان مغرور وإبتعدي عنه وقوي قلبج ترى القلب ما عنده عقل وما يعرف يميز بين الصالح والطالح.
وخطيبج هو الصالح ومبروك
وقرارج هذي عين الصواب، ولا تندمين في اللي ما شراج ترى كلام صاحبنا اللي في الدوام ما يطمن، يمكن إحنا البنات نعجب بشخص
لكن مب شرط إنه يكون كفووو.
بس حبيت أنورج لأنج قلتي: أن هو جاد ومايلعب معاي .. لأن إذا بغى يلعب ويتسلى وااااايد بنات يتمنون يكلمونه و يتسلو معاه لأنه وسيم وجذاب وغير كل هذا هو مشهور عن طريق دوامه
تعرفين الشباب في الدوام شنو يسوون يتراهنون تعرفين يعني شنو يتراهنون : يعني شفتو فلانه هذي إذا ما طيحتها في حبالي خلال شهر بتشوفون وعاد هم يقولون له ما تقدر ويقول إمبله أقدر تراهنون إي نراهن على كم، على 1000 درهم.
وتصيرين إنتي لعبه في يده، وإنتي ربج يحبج عشان جذي بعدج عن درب إنسان إنتهازي لا تصدقينه لو شو يقول هذي إنسان مغرور وإبتعدي عنه وقوي قلبج ترى القلب ما عنده عقل وما يعرف يميز بين الصالح والطالح.
وخطيبج هو الصالح ومبروك
ت
24-10-2005 | 04:22 PM
أحلى قطوة:
,السلام عليكم ورحمة الله وبركاته :flower:
والله أنكم ماقصرتوا خواتي وأنا شاكرة لكم مشاركتكم في مشكلتي ....
وأنا سكت على الموافقة وعقب العيد الخطوبة وراح أوافيكم بالتفاصيل إن شاء الله ....
أدعوا لي بالتوفيق .. والله يوفق الجميع .
وعليكم السلام ورحمة الله وبركاته
عين العقل ياغالية
والله انك فرحتينى ..
خطوبة مباركة إن شاء الله
الله يسعدك ويوفقك ويتمم لك بخير
e
24-10-2005 | 11:52 PM
,السلام عليكم ورحمة الله وبركاته
والله أنكم ماقصرتوا خواتي وأنا شاكرة لكم مشاركتكم في مشكلتي ....
وأنا سكت على الموافقة وعقب العيد الخطوبة وراح أوافيكم بالتفاصيل إن شاء الله ....
أدعوا لي بالتوفيق .. والله يوفق الجميع .
وعليكم السـلام
ربـى يوفقك ويوفقك الجميـع
نكون بنتظراك إن شاء الله ومبروك الخطوبـه اخـتـى عقبال الجميـع
ننـتـظر جديدكـ