الحقوني قبل لا أهدم بيت صديقتي

حبيبتى الغاليه

اول شي اشكرج على طرح مثل هالموضوع القيم .. والله يعافينا مما ابتلاهم

بالنسبة للاخوات اللى ذكروا انه الرجل لا يخون زوجته إلا اذا كانت مقصره.. فأنا ضد هالكلام .. لانه بعض الزوجات لا يكن مقصرات ويقمن بواجباتهن على أكمل وجه .. بس قلة الوازع الدينى يدفع بعض الازواج لخيانة زوجته متناسين إنه ربما قد ينتقل له مرض الايدز.. لو ان الوازع الدينى موجود وخوفه من الله ومن مرض الايدز لفكر ألف مرة ان يحافظ على شرفه من أن يلطخه بالسموم


بالنسبة لصديقتج حبيبتى الغاليه .. اذا زوجها لم يعترف او انكر .. فأنصحها بأن تراقبه حتى لا تكون لديه حجة .. كيف؟؟
على اساس نهاية الاسبوع متعوده إنها تروح بيت اهلها .. هالمره شو تسوي تجهز اغراضها على اساس انها بتروح بس تغير طريقة وجهتها وتقعد عندج وخليه تشوف بنفسها خصوصا إنه قالت إنها شاكه في تصرفاته.. وفي نفس اليوم اللى بيب فيه وحده ثانية تقوم تدخل فجأة عليه البيت وتشوف بنفسها .. طبعاً زوجها بيكون مب متوقع تماماً على اساس انها رايحه عند اهلها .. وتكون هي مسويه فيه هالمقلب بحجة انها مسويه له مفاجأة حق العيد فما راحت بيت اهلها عسب تجهز المفاجأة


وهنا تبدأ المصارحه .. ويبدأ السؤال بينهما .. واهم شي تمسك اعصابها شوي وتسمع شو راح يقول
واحنا ما نتمنى أن يتم الفراق خصوصاً أن هناك طفل في الموضوع .. خليها تسمع وتشاور المتخصصين في العلاقات الزوجية واذا تم الصلح بينهما فلا تترك زوجها ,, أو ان تتفق معه ان يذهب معها نهاية الاسبوع

هذا رايى لكشف لعبة الزوج وخيانته .. ولا تحسسه ابداً حتى وإن تم الصلح وعادت المياه الى مجاريها أنها علمت من صديقتها او احد قريب

وسامحونى عالاطاله

الصراحة هاذي صديقتك باردة


ايه والله باردة

اعنبوة ماتحس انه في حد وبالتحديد حرمة تدخل بيتها... اصلا يبن وبسهولة اذا حد دخل بيتك وبعدين حد يترك زوجه في احلى يومين بالأسبوع ودام ما لها بد من اهلها ليه تزوجت ....

وبعدين من يقول ان قص الشعر وصبغة وعمل عيد ميلادوووووو يأثر على العلاقة الزوجية او يجددها اذا هو اصلا زير نساءءء وعيونة فارغة؟؟؟؟؟؟

لابد من وجود حلقة مفقودة بينهم ..... اكيد هو فاقد شيء في زوجتة وحصلة عند الثانية....

شوفي لو انه مكانك اول ما اسوية.....

اصورهم بالنقال واحتفظ فالفلم كدليل.
وثانيا امسك صديقتي واعطيها كم إشارة عشان تصحى من العسل .....

وثالثا احاول الحق بالحرمة الثانية واكلمها على اساس اني شايفة وعارفة كل شي واوقفها عند حدها....
او ابلغ عنهم السلطات واخليهم يراقبونهم ويمسكونهم متلبسين بقضية زنا................

الله يسهل امووورها ويهدي زوجها ...

مب اي شي يسويه زوجها يكون الغلط منها ممكن هو عنده علاقات من قبل ويقدر لو ماسوى هالشي في بيته ممكن يسوويه خارج البيت والله يكون في عونها ان شاء الله

وبالله المستعان!!!!!

و الله انها كسرت خاطري و احسن شئ انج قلتيلها عشان تقدر تعالج الموضوع قبل ما يتفاقم و الله يصبرها وتكون هاديه لما تساله و خبرينا شو سوت والله يوفقها مع زوجها و الله يهديه و يبعد عنه بنات الحرام

السلام عليكم و رحمة الله و بركاته

و الله صعبة جدا عليها...

الله يكون في عونها يا رب و يصبرها...

و إن شاء الله ربي يرزقها التصرف بحكمة...

و إنصحيها أختي ما تترك زوجها يوم إجازته...مش لازم كل أسبوع أهلها...و بيات كمان...

الله ييسر لها الخير إن شاء الله...طمنينا عليها...

[align=justify]تجاوبكم حلو مع ان فيه ردود ماعجبتني بصراحه بنات الله لا يقول بس كل وحده تحط نفسها مكانها ترى كل وحده معرضة لهالموقف مو شرط تكون مقصره بحق زوجها حتى يتصرف بهالشكل هذا ماله داعي حتى لو كانت منورة اصابعها شمع في النهاية تربيته واخلاقه هي اللي ترده وفي رجال كثار الحرام يكون احلى بالنسبة لهم يعتبروه شجاعة وممكن رجولة لانه مو ممكن اصحابهم يحكوا عن مغامراتهم الغرامية وهو يحس انه اقل منهم او بمجرد تزوج صار غير ملفت للنظر وليس محط اعجاب بالنسبة للبنات فيبغي يشوف جاذبيته وقد تبدا السالفة اول باعجاب ورقم ومكالمات هاتفية .. المرحلة الثانية تدخل بالوازع الديني اذا كان عدم ومو ملتزم فتبدا المقابلات السرية المحرمة واحنا لسنا بالمدينه الفاضله وهالشي موجود بكل المجتمعات ...
فمافي داعي نقلب السالفة على الحرمة يكفيها اللي فيها ولو حتى فرضنا انها مقصرة او مايبغيها تروح عند اهلها فما كان ممكن يكلمها ويتفاهموا ... بصراحه هذي مو شماعه ولو كل زوج مرته طلعت عنه وهو بخاطره ما يبيها تطلع يجيب وحده مكانها فعلي الدنيا السلام .

فعلا" يا اختى انا معاك خيانة الزوج مو معناها دايما" تقصير من الزوجة ولكن فى طبع الزوج واخلاقه لاننفى ان فى عوامل تشارك فيها الزوجة لكن ليس بالضرورة هى السبب وفى النهاية كل وحدة وبختها...... انشاء الله صديقتك اتعدى ها الازمة على خير وخاصة المسكينة اتنكدت فى رمضان .
ربى يفرج همها ويهدى زوجها ويهدينا جميعا"

أرجع وأقول حتى لو الزوجة قصرت مع زوجها في اي شي هذا مو مبرر للخيانة ولا للزنا ومستحيل انه متزوج هالانسانة لانه لو متزوجها أكيد عندها سكن مو لازم يجيبها بس في الويك اند

الاهمال والتقصير مو مبرر للخيانة والزوجة العاقلة تعرف متى الرجال يخونها ومتى يكون مخلص لها

انا رايي غير عن الاخوات صوريه بكاميرا جوالج
وطرشي لها بلوتوث من دون ماتحس انج انتي
اللي دازته لها ويمكن تحس شوي وتفتح عينها
مجرد راي لا اكثر ..

طمنينا عن صديقتج شغلتي بالنا عليها

الله يفرج عنها كربتها يارب

طمنينا عن صديقتج شغلتي بالنا عليها

الله يفرج عنها كربتها يارب

[grade="DC143C DC143C DC143C DC143C"]
السلام عليكم ورحمة الله وبركاته

أسأل الله أن يمر هالموضوع الصعب على خير،وتقدر صديقتج تتعامل مع المشكلة بكل روية وعقل..آمين

أختي كوني معاها في هالفترة،صحيح انج ماتريدين تتدخلين في مشاكلهم،لكن اتصليلها تطمني عليها،أكيد

في هالوضع تحتاج تفضفض وترتاح شوي نفسيا..

أريد أقول كلمة لأختي دوحانية،لفت انتباهي انج قلتي الرجل مايعيبه شي،ولو خاطرة بالخطأ بيسويه في البيت أو غير

البيت،تعليقي لهالكلام انه منو قال الريال مايعيبه شي،نحن في مجتمعنا يطيح الريال من عينا لوسمعنا عنه قام بخطية حتى

لو كانت أقل من (الزنا)والعياذ بالله،الريال ينعاب مثله مثل الحرمة،والكل ينظر له نظرة مش طيبة الا

إذا تاب وانصلح حاله..

ومهما كان الوازع الديني قليل،ومهما مساحة الحرية الموجودة عند الرجل أكبر من المرأة،يعني

خلاص الدنيا سايبة بيروح يلعب

وعلى على باله،مايقوم بهالشي الا الضايعين والفارغين،ومش كل الرياييل جذيه،أي نعم قد يفتتن

الرجل ويغلط بس يعرف مساحة غلطه ويحاول يعالجها مش يبالغ بالخطأ ويقول عادي انا ريال ما

يعيبني شي..

أرجع للموضوع،بالنسبة لصديقتج،زوجها غلط غلطتين كل وحدة أكبر من الثانية،الاولى قام

بالحرام والخطأ الثاني انه يدخل غريبة في بيت زوجته،يعني قمة الاهانة،لان البيت يعتبر مملكتها

الخاصة فلما تحس انه زوجها اعتدى على هالمملكة بإدخال غريبة فيه طبيعي راح تنطعن

ومستحيل راح يندمل هالجرح،لكن أسأل الله إنها تتعامل مع المشكلة بكل عقلانية،الله يصبرها

يارب ويشرح صدرها،ويهدي زوجها،ويبعد عنهم شياطين الانس والجن،آمين يارب..

في أمان الله[/grade]

اجازه الريال اكيد الخميس والجمعه وهالوقت يكون فاضي ويبى اللي يونسه ويسهر معاه يعني غلط في هاليومين تروح عند اهلها

شي ثاني انا ما افق مع اللي يقول الخيانه سببها التقصير عادي تكون كامله والكامل الله وريلها يخونها لانه هذا مرض في الريال

لا تقوليلها لانج بتخربين بيتها بس قوليلهاانا اختج ونصيحه مني لج كيف تهدين ريلج هاليومين قوليلى انه وحده تعرفينها كانت تسوي نفس اللي تسويه الزوجه الغدور فيها وريلها خانها لانها ما تقعد معاه في وقت فراغه وقوليلها مع انهم نفس العسل مع بعض

يعني خوفيها وخليها تدير بالها على ريلها وقوليلها ختى انا قمت اخاف ودومي لاصقه بريلي لانهم مالهم امان

يعني جذي بتخاف وبتدير بالها على ريلها

والله يعينج ياااااااا رب والله قلبي معاج

تاخرتي علينا طمنينا ؟

طمنينا عنك وعن صديقتك

الرجاال مع الرجال يتفاهم خليه يكلمك

يمكن تنحل المشكله

طمنينا

للتو قرات الموضوع و الله كسرت خاطري صديقتك

الله معها و ان شاء الله يجعل لها مخرج مما هي فيه

اختى حرم احمد ما زلنا بانتظار مستجدات القضية
اتمنى من كل قلبي ان لا يكون الموضوع اتخذ منحى خطير او صارت مشاكل اكبر
الله يهدي زوجها . و يخليهم لبعض

بليييييييييييييز طمنينا

وصيري قريبه منها ترى اهي محتاجتك الحين