الثالول..مشكلتي الاكبر في الحياة..ساعدوني

انا ظهرت لي وانا حامل وسويتها عادي بس كنت في الخامس يمكن ...

حبيبتي انا عقيت نعولي كلها بس سبحان الله ماشي فايدة

مادري من وين ايي هو فايروس في الجسم والمفروض على كلام الدكتور انه اتيني مناعة من هالشي لأنه ياني 3 مرات

علاجه باذن الله دواء سائل اسمه ساكتول

(SACTOL(

اختي الفيروس متأكده ؟؟

زين اوصفي لي الدوا وسو يسوي ...

ياريت توضيح اكثر

انا خوافة ما اظن اسوي كوي ... سوت مرة و انا صغيرة و رقبتي و خفت من يومها

كيف عيل يحفرون الريل

الله يعافينا

اللي فهمته من الطب المتقدم انك لما تعرفي اول ثالول طلع عندك تقدر تتخلصي من الباقي

بالمستشفى يحدد لك الدكتور مواعيد وجلسات للعلاج بالكي

وليس مؤلم وبعض العقاقير والمعقمات

لما تنكوي لأم بين المجموعه يموت باقي الثالول بدون كي او حتى تعب

يتلاشى جميعه بعد لأستمرار على العقاقير فقط

لا تخافين ام مصبح من وصفك اللي فيك مسمار قدم

روحي لاخصائي جلدية شاطر واستمري على العلاج وفيه علاجات تخفف من الألم وتساعد انه يطيب بسرعة جربي منتجات Dr. Scholl ترى الكل يشهد بفعاليتها

حبيبتي عيون انا زوجي كان فيه وتعالج فمستشفى زايد العسكري وسووله كي بالنيتروجين كذا جلسه مب مره وحده وكان يوم يرد البيت عمي يحط عليه ثوم مدقوق ويلفه صدقيني راحت عنه مووليه لانها كانت عميقه وااااايد بس للاسف كنت استخدم نعاله وانتي بكرامه فالبيت واستوت ليه وحده وانشالله يوم نرد لبلاد براجع مستشفى زايدالعسكري وبسوي هذي الطريقه

تحياتي اختج ام فطامي

أختي الكريمة.. أولا كل سنةو إنت طيبة مقدما و إن شاء لا باس عليج طهور غن شاء و لا تنسن غن هذا كله أجر و عافية لج .. أنا باقولج من واقع تجربة شخصية مريرة مع الثواليل استمرت سبع سنين.. كانو تارسين أصابع إيديني العشرة من اليمين و الشمال! و تميت أروح أتعالج بالمستشفى الحكومي ست سنين ما في فافيدة مرة بالحرق، مرة بالنيتروجين (و كم مرة كان يغمي علي لأني ما أقدر أستحمل برودته) و مرة بالجراحة .. تقولين كأنها عين .. من يحرقون ثالولة و تموت يجون بدالها ثنتين أو أكثر .. و وايد أثر هذي على نفسيتي .. لدرجة كنت ما أسلم باليد عشان ما ينتبه حد على ثواليلي البارزة .. و لدرجة ما كنت أبي أروح التربية العملية في المدرسة عشان ما يخافون الطاتلبات أو يستهزئون ببنت الجامعة .. و كنت خايفة حتى إنه زوجي ما يتقبلني عشان هذي المسألة و لكنه الحمدالله بالعكس وداني حق كذا دكتور و جاب لي ماي مقري فيه.. و لكن سبحان الله ما عرف لي إلا دكتور واحد خاص كان في قطر إهنيه و بعدين سافر حق مصر .. أول شي ضرب لي إبرة بنج تخيلي إبرة حق كل ثالولة (و يمكن عددهم فوق العشر) و بعدين حرق لي كل وحدة كهربائيا و حفرهم عدل.. و كان كل كذا يوم يتابعهم و بعدين عطاني حبوب رافعة للمناعة لمدة شهر و مرهم موضعي وايد قوي أحط منه نقطة بسيطة في الليل لو شفت أي ثالولة صغيرة.. و ألحين ما أقدر أقول إلا الحمدالله لك يارب العالمين.. إذا حابه أطرش لج اسمه و رقمه الخاص أنا حاضرة. و ترى باقولج على شي أهم شي إن نفسيتج لازم تكون مرتاحة و معنوياتج عالية لأنه الثالول ما يجي (حسب كلام هالدكتور الفاضل ) إلا للناس إلي تكون مناعتهم منخفضة و واحد من الأسباب اللي تخفض المناعة النفسية اللي مب مرتاحة. و ترا هاي الدكتور إنسان جدا خلوق و ملتزم و متدين و صراحة وايد بروفيشينال و وايد خدوم .. و إذا تبين أدز لج اسمه و رقمه في مصر على الخاص أنا حاضرة.

خواتي اشكركم من قلبي والله

اليوم انا كان موعد عشان الثالوله .. والله من وصلت المستشفى انا قلبي يرقص من الخوف بعد ...

بس يلست راويتها الدكتورة قالت لي هذي بسيطه مب عميقة ... قلت لها كيف تعورني وايد ..

بعدين قالت بتكويها بالبرودة وانا شوي بصيح نفس اليهال من الخوف ... استعديت وكل شي ...

اول ما جهزت الابرة انا كنت بصرخ وبقول خلاص ما ابا ... ولعنت الشيطان وسكت ...

:pain: حطت الابرة وانا ادعي وادعي ... وفي البداية تميت اون ... بعدين لما تعمقت الابرة صرخت ... والله يعور وااااااااااااااااايد :cry:

تمت اعصابي مشدودة تقولي انتي ما تحسين بشي الحين ليش خايفة وشادة على نفسج ؟؟ انا خلاص صار لي رعب طبيعي من هالشي ...

بس مادري ما حسيتها عادت عليها وايد .. وقالت لي لا طلعت عميقة وايد

وعطتني موعد بعد العيد عشان تشوفها بعد ما تنشف وان احتاجت بتعيد عليها ... ياربي وين اقدر اتحمل الالم مرتين ... :cry:

والحين اعاني شوي من آلام خفيفة .. بس احس اني اشوف الثالولة بعدني يعني يبين راسها مادري كيف ..

اختي rockerbabe
اشكرج عزيزتي .. بس خوفتيني لما قلتي 7 سنين ياربي انا ما اظن اقدر اتحمل الالم اكثر من جي ..

غير جي انا اتوقع انه ثالول الريل غير الاصابع.. لان الاصابع اهون عن الريل .. :down:

بالنسبة للدكتور الي قلتي لي عنه ... تقولين انتي انه في مصر .. انا شو بيوديني مصر :(

بس طرشي لي عنوانه والله يفرجها ان شالله

تدرين يا عيون هالسوالف اشك انها تطلع من روحاتنا لصالونات بدكير ومنكير وتصيبنا الامراض اتصدقين

انفكر في كشختنا ومليون وحدة حاطة ريلها وما يندرى شوفيها من امراض

انا مرة كنت قارية انه المقراضة قصاصة الاضافر محد يستخدمها غيرج عادي تنقلج امراض انتي في غنى عنها

الله يكون في العون

وسلامتج

انا ترى عيون .. هذا نك اختي ما انتبهت انها مسجلة

يالله بالستر

بس الغالية ام مهره انا اصلا ما اسير حق هالسوالف
هههههههههههههههههههههههه

يعني انا مب مربية ظفور يديني .. ولا اسوي شي في ريولي .. مرة بس سويت في ريولي وكان وقتها 2 ثالولة ظاهره لي ...

الله المستعان

احسلج والله

عيل الله يكون في عونج ويشفيج من الثالول لانة حاسة بمعاناتج والامج

هاي




بنتي عمرها سبع سنوات وطلع لها ثالول تحت العين وماخلينه دكتور مارحنا له وكلهم يقولون مافي شي ضمان يمكن يرجع في البداية وصفت لها دكتوره الدوه الحار الي قلتو عنه وبعد فتره طااااااااح وبقى اثره وعقب سنه رد طلع



شاسوي كلش كاسره خاطري






بليز الي عنده حل

[align=right]
السلام عليكم

كيف حالكم .. انا حبيت ارد على الاخت لانو صادني مثل المشكلة والحين الحمد لله راحت ومالها اثر واتمنى اني افيدك

اختي هذا الا في ريلج مو ثالول هذا يسموه مسمار لحم جي قالو لي عنه وطلع لي في ريلي اثنين حتى انهم كانو يعوروني وايد لاني كنت احوس فيهم وبعد العلاج اختفو وماعاد ظهر لي بعد ..

هو كان عبارة عن حبة سودة تطلع في قاع الرجل بشكل دائري كأنه في شي داخل في الرجل ويسبب وخزات عند المشي صح؟
انا طبعا رحت المستشفى وسولي كي وخرابيطهم ومافاد .. لكن الا فاد معي اني كنت دايم اشكتي من هالشي ونصحتني جارتنا وهي مرة كبيرة اني اخلي دوا طبيعي من الحواج يشترونه اسمه ((خلتيت)) هو لونه اصفر ومره خايس اتحملته بس عشان يروح

يشترونه من الحواج وينقع في ماء دافي ويستمعل مثل الكريم هو حجر ويلين بالماء وادا اشترتيه من الحواج هو راح يقولك طريقته وشو هو كل ماعليك تسويه اختي تخلي شويه وتسكري عليه بشاش مو شي ثاني وتبدلينه كل يوم مرتين وراح يتنفخ ويطلع كل الا داخل اتحملي شوي وتالي بروح وبتحسين براحه حتى مكانه بصير ابيض يعني بيطلع لك جلد جديد وماراح يظهر لك هالشي مرة ثانية

هذا عن تجربتي له شخصيا محد قال لي ... اتمنى انك تستفيدي
وعذرا ..

مع السلامة