كارد للعيد

* ينقل لركن الأعمال اليدوية *

السلام عليكم ورحمة الله وبركاته
عندي فكره أتمنى تعجبك و لو ما عندي صوره لكن سأحاول توضيح فكرتي
لازم الأول تختارين صوره حلوه من النت و تكتبين عليها عبارة التهنئه و تطبعيها بحجم الكرت اللي تحبين تعمليه و لصقيه على ورق كرطون ملون بنفس حجم الصوره .
بعدين تجبين عقيف لامع و بأشكال وأحجام مختلف بس لازم تكون صغيره إلى صغيره جدا و يفضل تكون بألوان مناسبه لألوان الصوره
تأخدي ورق كرطون ثاني بنفس اللون و الحجم للأولاني و لكن تقطعين وسطه مربع أصغر اللي ستنزعيه بحيث يصير عندك إطار و تلصقين عليه ورق بلاستك شفاف كأنك تصنعين زجاجه الإطار:) و بعدين تأخدي العقيق اللي إختارتي من قبل و تحطيه على الصوره الأولى ثم تلصقي الإطار فوق الصوره
بالنهايه سيصبح عندك كرت بداخله أشياء براقه حلوه بتتحرك و حلو لأنو من صنع اليد
أتمنى أكون وصلت فكرتي لك أختي العزيزه

متأخر بس يمكن للحين ماوديتيها

انا شفت فكرة في برنامج اجبني في التلفزيون وعجبتني بقول لج عليها وانشالله تعجبج
هي كلش بسيطة بس حلوة تصير

هي انك تاخذين ورق دفتر رسم ملون حسب اللون الي تبينه
وتجيبين الوان من جميع الانواع يعني ماجيك كلار.. وشمعية.. وخشب.. وحتى لو أقلام حبر الا تجي الوان واجد
وتقعدين تكتبين العبارات الي تبينها على الورقة على مساحة معينة تكون اكبر من حجم البطاقة الي تبينها
والعبارات بالانجليزي وااايد احلى يعني هابي عيد او اشياء مثل هذي حتى لو تكررين العبارات عادي بس تكون بشكل عشوائي وفوق بعض ومن جميع الاتجاهات بالعدل وبالمقلوب ومن كل صوب وبجميع الالوان
وتقدرين تضيفين كم وردة على كم قلب
وبعدين تقصين الورقة على شكل البطاقة الي تبينها يعني الاطراف بيصير الكلام مقطع شوي حلو
وبعدين لصقيها على ورقة ملونة لون ثاني يناسبها او حتى نفس اللون
وباقي الورقة الي مكتوب عليها الكلمات العشوائية تقدرين تقصصينهم على اشكال صغيرة كلش وتلصقينهم على خلفية البطاقة

انشالله تعجبج الفكرة