يا أمهات يا عاملات ويا ربات بيوت شنو رايكم؟ بليز محتاجه مشورتكم خواااااتي

أختي الغالية

لا تهملين بنتج وتخلين الخدامة تربيها


ولا انتي محتاجة ؟؟؟؟؟؟؟؟؟؟؟؟؟؟
ولا ريلج راضي ؟؟؟؟؟؟؟؟؟؟؟
ليش عيل تشتغلين

نصيـــــــــــــــــــــــحة لوجه الله

قعدي ربي بنتج واهتمي بريلج
ولا تامنين الخدامة على بنتج ابدا

وانا مع راى اختى نبضه قلب

هلا اختي ..

اذا امش تقدر تاخذ بنتش .. وتراعيها في وقت ما انتي في الدوام خليها.. وبتكووون في اماان اكيد وانتي متطمنه علييها

ودااومي .. وانشالله يبعد عنش الملل ...

وسوي الشيئ اللي يريحش .. وعشان بنتش بععد :)

طمنينا ..

يمكن لقافه .. لانش طلبتي بس من المعرسين ..

بس هذا رأأيييي

السلام عليكم ورحمة الله وبركاته
هلا غاليتي بصراحة كنت بنصحج انج تشتغلين وانا اشوف كل الظروف مهيأة و وضعج يساعدج تشتغلين
تاخذي لج خبرة وتثبتي ذاتج بالمجتمع وتكوني عضوة فعال وصدقيني لما تشتغلين بتكتسبين خبرات وبيكون عندج خلفية عن العالم وبتصادفين انواع واشكال من البشر وبتعاشرين ناس والناس
بتكوني منفتحة ولا قولي لي شو لازمة الشهادة اذا الواحد ماراح يخدم وطنه
واتمنى انج تقتنعين بكلامي لاني انصحج تدخلين المجتمع وفي نفس الوقت ماتقصرين مع ريلج وبنتج ..............انا بصراحة اقولج وخلينا واقعيين جدا نظرة المجتمع حتى للموظفة غير عن العاطلة
وانا هالشي جربته وشفته بعيني من واقع تجربتي...............واسمحيلي يالغالية طولت عليج
واعيد واكرر استفيدي من الفرصة هاذي ..............والفرصة اذا راحت عليج بتندمين
ظروفج كلها مناسبة انج تشتغلين وانتي عايشه وسط اهلج بنتج في الحفظ والصون ان شاء الله
سامحوني على اطالة

أنا رايي من راي عايشه 18 بما إن الظروف مره مناسبه حقك إنك تشتغلين وإنتي ساكنه في بيت أهلك..

وما تغسلين ولا تطبخين ولا تنظفين... إيش تبغين أكثر من كذا صراحه...

أثبتي وجودك في الدنيا حتى لو قلتي إنك مش محتاجه..

إذا ضاعت الفرصه عليك بعدين بتندمين أشد الندم صدقيني...

مع احترامي لجميع آراء الأخوات

ترى مو كل موظفة مهملة في بيتها وأولادها وزوجها ..... ولا كل ربة بيت تؤدي واجباتها على أكمل وجه

العمل استقرار نفسي واجتماعي ومادي للمرأة وسبق وتكلمنا كثير عن هالموضوع

احنا ما نقول نترك اولادنا مع الخدم ونهمل بيوتنا ... بس مو معقولة ادرس واتخرج واعلق شهادي على الجدار خاصة اذا كانت الظروف مهيأة لي اني اشتغل واخدم نفسي ومجتمعي

انصحك اختي نورة انك تدورين لك على وظيفة ترتاحين فيها انتي وزوجك ( ولازم يقتنع ) خاصة ان الوالدة الله يخليها لك مريحتك كثير في شغل البيت وبالاهتمام ببنتك

السلام عليكم و رحمة الله و بركاته

يا هلا بيكي يا نـــورة...

بصراحة...أنا شايفة الظروف جدا مواتية لك إنك تشتغلي...

بس أهم شيء في الموضوع...إنك تأمني بنتك فعلا...يعني هي ما شاء الله بدأت تاكل الحين...فراح يكون الموضوع سهل عليكي...و لو خليتيها مع الوالدة بيكون أفضل أكيد...

و حاولي تلاقي شغل دوامه مش كبير...علشان ما يصير في تقصير في البيت أو الزوج...

و إن شاء الله زوجك يلاقي نفسيتك تحسنت بعد الشغل...و يوافق عليه...

بالتوفيق إن شاء الله...

أختي العزيزة ماشاء الله الظروف كلها مهيئة أنك تشتغلي الوالده الله يخليها لك موجوده وانتي عايشة وسطيهم أنصحك اختي روحي أشتغلي وجيبي لك مربية عشان اتساعد الوالده ترا الشغل صدقيني ممتع أتحسي نفسك انك تعملي شي بهالدنيا ولا تنسي قول المصطفى صلى الله عليه وسلم (العمل عبادة) عيل شو فايدة التعب والدراسة . كان أحسن خذيتي لك ثانوية عامة عشان تعرفي تقري وتكتبي وجلستي بالبيت كيف وانتي ماشاءالله عندك شهادة ؟؟؟؟

صدقيني معظم اللي جالسات بالبيت مو مرتاحات وبنفس الوقت مش كل اللي يشتغلن مرتاحات يعني الدنيا فيها كذا وكذا وأنتي بإمكانك انك اتريحي على عمرك حتى لو كنتي تشتغلي .

هذا أحنا والحمد لله نساء عاملات ومتزوجات وعندنا اولاد بعد والحمد لله أمورنا تمام أهم شي ترتيب وتنظيم الوقت وحياتك بتكون سعيده.

اختي الصراحة بقولج نصيحة ولا تزعلين مني حمدي ربج على النعمة اللي انتي عايشة فيها وحاولي انج تشغلين نفسج بأشياء مفيدة يعني مثلا في فترة الصبح اشتكركي في نادي رياضي او انج تحفظين القرءان يعني تسوين خير في حياتج ينفعج لآخرتج

هلا إختي نوره

آنه موظفه وأشتغل من 3 سنوات لأني بنت بس اللي شفته في الشغل خلاني أقول الريال اللي يمنع زوجته من الشغل على حق
لأن شغلي مختلط يعني هذي طبيعه الأشغال في البحرين، قلة الأدب وقلة الذوق والإحترام من الشباب شي مو طبيعي وآنه بطبيعتي
حساسه، فقررت إني أول ما أتزوج راح أترك الشغل عاد زوجي مرتاح ماديا أو لا، وأبغي أجابل عيالي أحسن لي من ناس
تذلني في العمل

إنتي الحين مرتاحه ليش تتعبين نفسيتج، إلا هذي قالت لي وإلا هذي فعلت وجرحتني ترى الواحد ما يأمن الجرح والناس ما ترحم

والله إختي آنه نفسيتي تعبانه مع أني قويه والكل يشهد لي، صج ما يبان علي لكن داخلي بركان راح يثور في أي لحظة

وإن كان على إثبات الذات إشتركي في جمعيات، مجالس دينيه، وغيره وايد شوفي شو اللي يناسبج وإلا سوي لج مشروع صغير

تشغلين به وقت فراغج

والله ينور دربج للصواب

ماشالله تبارك الرحمن صج صج صج صج انكم بنات عروس كل هالردود في اقل من 24 ساعة

جزاااااكن الله كل خير

هلا اولله اختي نبضة قلب صحيح كلامك انا بعد اخاف من الخدم لكن المربية لو يبتها بتكون مع امي في البيت تحت عيونها بإذن الله

وبعدين قعدت البيت تملل خصوصا اني ماعندي شي اسويه

مشكوره اختي بونيتا

جزاكي الله خير اختي إبتسام العمر

مشكوره اختي عايشه18 حمستيني لفكرة الشغل

هلا بنت قمر راكبه همر ..... نكك ظريف :)

مشكوره عزيزتي على نصيحتج

هلا اختي رومي كلامك صحيح وموزون ان شاء الله ربي يسوي لي اللي فيه الصلاح

هلا وغلا اختي مرموم ... كنت انتظر ردك لانك اهم شخص احب اسمع رايه بالموضوع مع احترامي للكل

اي اكيد بتكون المربيه مع الوالده تساعدها بس يعني سبحان الله يمكن امي تطلع اشوي الضحى ولا تنشغل يعني مو معاها على طووووول

عموما ان شاء الله اذا تيسرت لي الظروف وحصلت الشغل المناسب ماراح اتردد خصوصا بعد ماسمعت تشجيع معظمكن

مشكوووووووره اختي الغاليه ام انوار .... جزاكي الله كل الخير والله يزرقنا على نياتنا