بنات العين،فزعتكن ،،ابغي اشتري لاب توب ،؟؟؟

د

درة العين

عروس مشاركة

18-10-2005 | 10:19 AM

مرحبا خواتي،، كيف حالكم؟ عساكم بخير

بغيت اطلب منكم طلب ، ابغي اشتري لاب توب من العين ، ومب عارف اي نوع اشتري؟؟ابغي لاب توب بسعر معقول ،ويكون زين، وبعد ابغي اشتري الجهاز اللي يكون مع الاب توب مشان الاتصال اللاسلكي بالنت؟؟؟والبطاقة بعد ،ياليت تنصحوني..........واللي تعرف تقولي...
ومشكورين

ا

المزاجية

عروس مشرقة

19-10-2005 | 04:41 AM

الغالية بالنسبة للابتوب.. ماحددتي المواصفات اللي تبينها.. او عالأقل طبيعة الاستخدام ؟ هل استخدام عادي مثل الأوفيس و النت و لا لأشياء تخصصية و برامج معينة..
و بالنسبة للجهاز الخاص بالاتصال بالنت.. هذا تطلبينه من اتصالات.. اطلبي خط الشامل و استغلي الفرصة لأنهم الحين مسوين عرض حلو..
بالنسبة للأماكن اللي تلاقين فيها لابتوبات .. جمبو والامارات للكمبيوتر ..

d

danatty

عروس نشيطة

19-10-2005 | 05:10 AM

انصحج بكارفور افضل الاسعار والعروض عندهم

بتلاقين توشيبا و ديل و اي بي ام و ال جي و اسر

الاسعار بحدود ال 3000 الي 6000

د

درة العين

عروس مشاركة

19-10-2005 | 07:56 AM

مشكورات يا خواتي،،،

انا الله يسلمكن اريد اللاب توب للاستعمال العادي،،،اما بالنسبة للمواصفات عادي كل المواصفات بس انا ما اريد فيه بلوتوث والا سي دي رايتر،،،،المهم اريد اعرف سعر الجهاز اللي تبع الاتصال اللاسلكي للنت من الاتصالات؟؟؟

اما بالنسبة للاجهزة المحمولة من كارفور،،يقولون مب لين هناك ، ومب اصليه ،،وصراحة اخاف اجازف..

وشكرا

ا

المزاجية

عروس مشرقة

20-10-2005 | 04:50 AM

بالنسبة للي في كارفور.. صح عندهم اشياء زينة و اسعارهم حلوة.. بس انا ما اتشجع اخذ من عندهم.. بس هذا مايمنع انه اللي عندهم احسن من الاماكن الثانية.. اذا رحت كارفور اليوم بشوفهم..
وبالنسبة للجهاز اللي من اتصالات (المودم).. بصراحة مب متأكدة من السعر ممكن تتصلين بهم و تسألينهم..و اذا ماخاب ظني انه في حدود ال 400.. لو تسألين و تعرفين التفاصيل احسن.. لانج بتحتاجين انهم يركبون لج خط تيلفون خاص بهالجهاز.. و مثل ماقلتلج هالفترة عندهم عرض يعني مابتدفعين غير نص سعر المودم.. و بيكون عندح اول شهر مجاني و التركيب ببلاش..
أتمنى اكون افدتج..

D

Dloo3t AD

عروس مشاركة

20-10-2005 | 05:10 AM

انا انصحج ب دل (Dell ) عندهم لابتوب لونه ابيض و سلفر واااااااايد حلو و مواصفاته حلوه.. و الكمبيوترات احين مافي داعي تاخذيلهم وايرلس كارد لان فيهم هالخاصيه (Intel Centrino )

د

درة العين

عروس مشاركة

21-10-2005 | 11:33 AM

مشكورين خواتي على ردودكم الحلوة
بس بغيت أسال شو (Intel Centrino )؟؟؟؟؟

ا

المزاجية

عروس مشرقة

26-10-2005 | 04:17 AM

عزيزتي الانتل سنترينو هو نوع المعالج.. و هاي الخاصية تساعد انج تستخدمين اللاب توب للوصول للنت لاسلكيا.. يعني ماتحتاجين بطاقة خاصة من اتصالات عشان تشغلين النت و لا تحتاجين واير عشان تشبكين عالنت...
وأناأتفق مع Dloo3t AD بالنسبة للـ Dell.. خواتي يستخدمونه للجامعة و النت.. و وايد مريح لهن....