يا امهات شوروا علي - منتديات عروس

ن

نور المدينة

عروس مبدعة

17-10-2005 | 07:24 PM

السلام عليكم ورحمة الله وبركاته

اللهم صل على النبي محمد وآل محمد..

الله يخليكم شوفوا موضوعي وردوا علي ..

يا بنات لاحظت قبل اسبوع ان ابط ولدي اللي عمره شهرين وثلاثة اسابيع فيه خرزة ( غدة)..

اتصلت على دكتور الأطفال وقال انه شي عادي بس للاحتياط لازم يشوفه..

خذيت الموعد ورحت ..

الدكتور شافة و على طول حولنا على جراح وبالفعل رحنا له قال لازم نسوي بعض الفحوصات..

و خذوا منه دم ..

وخذوا عينة من الغدة..

وسوا له التراساوند..

النتايج طلعت ان كل شي ولله الحمد زين وما في شي يخوف..

بس الدكتور يقول يفضل يجرون جراحة ويشيلونها ويزرعونها عشان يعرفون السبب لأن طفل عمره شهرين ليش تطلع له..

انا حيرانه.. وخايفة على ولدي مووووووت...

زوجي يقول لا ما بيسوي الجراحة و لمن يكبر ولدي راح تروح بإذن الله ..

وأنا اقول اخاف اسكت واخليها وبعدين يصير شي لا تحمد عقباه واندم.

ساعدوني الله يخليكم ..

ج

جمـــانة

مشرفة سابقة

17-10-2005 | 08:00 PM

هلا هلا ببنت ديرتي.. الف سلامة لولدج وما يشوف شر يا رب..

اكيد قلبج يعورج على ضناج انتي وريلج بس لازم بعد تتبعون شور الاطباء، اذا قالوا لج تشيلونها الحين افضل فلازم تنشال.. انتي ما تدرين لو خليتوها لما يكبر شنو بيصير لما سمح الله..

انصحج تروحين دكتور خاص اذا ما رحتي للحين ، واما اذا رحتي ، فتوكلي على الله وسمعي شورهم..

بنت عمي طلع لبنتها الصغيرونة غدة هم لكن بمكان ثاني، تخيلي فوق الجفن وتحت الحاجب!!!

وخافت موت عليها ، ولما طمنها الكتور وقال لها مثل الكلام اللي قاله لج، قالت عيل خلها لما تكبر!! الحين اخاف عليها بعدها صغيرة!!

وتخيلي هالكلام عمره 5 او 6 سنوات والام للحين مب " صاخية" تسوي العملية لبنتها!!

بصراحة انا اشوف البنت تعقدت خصوصا عقب ما راحت الروضة الكل يسألها ويطالعها شنو ذي؟ لو سوت العملية من صغرها كان افتكت..

الله يشافي وليدج وطمنينا عليه..

الا بسألج ، منوين انتي وريلج يايبين هالتفكير ان الغدة راح تروح بروحها؟؟؟؟

م

مرموم

نائبة المشرفة العامة

18-10-2005 | 10:28 AM

السلام عليكم و رحمة الله و بركاته

هلا بيكي أم علي...

ألف ألف سلامة على علي الحلو...الله يشفيه إن شاء الله..

بصراحة أول مرة أعرف إنه الغدة ممكن تروح لوحدها !

إذا مش واثقين في كلام الدكتور...روحوا أخصائي أو إستشاري ثاني...المهم تطمنوا...

و إن شاء الله ما يصير إلا كل خير...

R

RoOoOmy

عروس ماسية

18-10-2005 | 10:43 AM

سلامته علاوي

مايشوف شر

اهم شي تسوين second consultation يعني تاخذين راي طبيب ثاني وشوفي جراح أطفال واستشاري اطفال وغدة عشان تتأكدين وان شاء الله انه ما يحتاج

وطمنينا عليه

b

bj3a

عروس ماسية

19-10-2005 | 02:18 PM

خليج ورا شور الدكتور احسنلج ... نصيحه !!

ن

نور المدينة

عروس مبدعة

20-10-2005 | 12:33 AM

السلام عليكم ورحمة الله وبركاته

اللهم صل على النبي محمد..

جمـــانة..

هلا بيك جمانة حبيبتي..

أنا رحت عيادة الدكتور قاسم استشاري اطفال في مستشفى البحرين التخصصي وبعدها حولني على دكتور محمد راغب ( جراح )..

وفكرة ان الغدة تروح بروحها هذي فكرة زوجي الظاهر من حرته على ولده قام يخربط بس وش اقدر اقول له وهو معصب.. بس هذا راي زوجي وأنا لح دالحين ما اتخذت قرار غير اني اشوف دكتور ثاني مثل ما قالت RoOoOmy_M..

ولك جزيل الشكر...

مرموم...

هلا بيك ام مريم..

الله يسمع منك ويصير الخير يا رب..

RoOoOmy_M..

هلا حبيبتي ..

انا سويت مثل ما قلتي شفت استشاري اطفال الا هو دكتور قاسم .. وحولنا على جراح وقالوا لنا ان الغدة ما فيها ولا شي سلبي .. ولله الحمد..

بس يقولون لو يشولونها عشان يزرعونها ويشوفون شنو السبب..

bj3a..

انا الدكتور حيرني مو ووووووووووت.. وشكرا على النصيحة..

ن

نــورة

مشرفة سابقة

20-10-2005 | 03:05 AM

اهلا اختي نور المدينة مايشوف شر بو حسين

لاتنسين اتطمنينا عليه لما تستشيرين دكتور ثاني

ا

اعذروني

عروس جديدة

20-10-2005 | 03:18 AM

الله يصبرج ويطمن قلبج ان شاءالله
ولا تنسين تطمنينا على ولدج علاوي

s

smsm78

مشرفة سابقة

20-10-2005 | 03:18 AM

[frame="5 80"]^&)§¤°^°§°^°¤§(&^الله يشفيه يا رب عورتي قلبي عليه^&)§¤°^°§°^°¤§(&^[/frame]