بنات قطر :: كريستال&ألوان الخليج ::

كريستاااااااااااااااااااااااااااااااااااااااااااااااااااال

يسلمو

حبيبتي توكلي على الله

مافي احسن

من الكريستال

والله يوفقج

اختي انا حجزت عند الوان الخليج..
لان يوم الخطوبة حجزت عند كريستال تصووووويرهم زفت
ومرت حماي كانت حجزهم عندهم ولانهم يعرفونها عدلوا الصور والوان وحاله
وانا كنت دافعه اكثر منها..

والوااان الخليج كل الالبومات الي شفتها رووووعه وتعديلهم للألبوم وايد حلو
بس البواماتهم غالية شوي
وانا شريت البوم وباوديه لهم..

اختي ميمي من وين شريتي الالبوووم وبكم ؟

لاني نفسج بحجز عند الوان الخليج بس ماابغي البوماتهم غاللليه حيييل

هلا عرووس الدوحه

كان ب 1000 وشي بس مب اكثر من 1500
خذته من ستديو صوب ناشيونال لو تشوفينه ستديو هنوووود(r)

لما ودتني اختي كنت اشوفها وانا مستغربه:rolleyes::think: بس طلعت البوماتهم حلووووه
واحجامهم كبيرره..

بس باجر ان شاء الله باتأكد لج من اسمه ومكانه بالضبط وباقولج.. :)

يعطيكم العافيه وبانتظارج ميمي

هلا بنات اسمه الخليج للتصوير
ومكانه صوب ناشيونال..

مرحبا بنات قطر الغاليه شوفوا ا لامارات مليانه استديوهات تصوير ديجتال بس انا اعرف استوديو خطيييييييييييييييييييييييييييير في بوظبي -اسمه" فوتغرافيا" تصويرهم تحفه مثل تصوير العارضات واحلى،، العرايس تطلع ملكات ايجيبون معاهن كوشايات على شموع على شالات على كرستال ويدخلونها في الديكور شفت صور عرايس خياليه مره وحده منسدحه على الكرسي بطريقه حلوه والشموع حواليها ومنظره تحت جنب الكرسي وعاكسه وجه العروس والشال مرماي على الكرسي كانت صوره رومنسيه هم يعلمونج الحركات ويضيفون على الديكور اغراض موجوده عندج فالبيت بس هذا شي وشكل الصوره شي يوم تلمسينها ملمسها غير مااعرف اوصفه وتطلع ضبابيه ع خفيف بس طبيعيه 100% لانهم مايعدلون على كلامهم،بس ثمن التصوير مع الالبوم 8000 من غير الفيديو هم يتعاملون مع استيديو من دبي عشان الفيديو واذا من عندج الفيديو بعد يصير،في استيديوهات يكلف التصوير والفيديو 3000 وارخص بس فوتغرافيا لو بعد عشرين سنه ماتندمين عليه اتحسين طريقه تصويرهم كلاسيكيه ماتنتهي بمرور الزمن وكل فتره يجددون ، انا ماسوي دعايه بس اللي خلاني اقولكم اني سمعت ناس مناصير من قطر اتعاملوا معاهم والاستيديو يروح اي مكان بالخليج وصاحبته اماراتيه ووااااايد محترمه...الله يوفقكم باي

انزين اختي اذا بنجيبهم دوحه كم بيكلللف ؟

هلا اختي عنود الصيد
انا كلمت هالاستديو بصراااااااحه وايد غالي بدون معنى يبتدي بــ 19000 ريال من غير فيديو لأن اصلاً ماعندهم
اللي اذكره ان عندهم ثلاث عروض (الماسي والذهبي والبرونزي) كل واحد على حسب عدد الافلام ونوعية الالبوم والخلفيات و.. الخ
وهاي غير السكن والفيزه والتذكره ....

يووووووووووووووووووووو 19 الف غالي مايسووووي واذا طلعت صووور لوووعه صج قهررررررررررررر

انا حجزت عند الوان الخليج وافتكيت

بالتوفيق كلثم

الله يوفقكج ويوفقك الجميع يااارب

:) ان شاء الله :)

بنات من سمع عن اون لاين للتصوير وجربهم

انا ماعندي فكره
ان شاء الله البنات يفيدونج

-%-سحابة حب-%- وااااااااااااااااااااااااااااااو السعر خيالي انا سالتهم في معرض العروس قالولي اقل شي ب ثمانية آلاف من غير الفيديو مثل ماقلتلكم بس 19000 وااااااااااااااااااايد غالي يمكن هالسعر مع السكن والفيزا انتي متاكده سحابه ؟
بس تصويرهم لايعلى عليه وفي واحد اسمه "سولو استيديو" في دبي يحطولج جهاز بالالبوم عباره عن مشغل DVD يعرض الصور ورا بعض ويشغل الفيديو صراحه تصويرهم كله لعب بالكمبيوتر بس غاااااااااااااااااالي بالDVDبعشرين الف من غيره بعشره بس جنااااااااااااااااااااااااان انا بيمع من الحين عشان يوم عرسي اسوي عندهم هاهاهاهاهاها..

هههههههههههههههههههههههههههههههههههههههه حلوه عنود الصيد.....
ياليت سويت مثلج ويمعت للتصوير.........

والله انج صادقه تصويرهم رهييييييييييييييييييييييييييييييييييب انا مريت عليهم في معرض العرايس
يووووووووووووووووووووووووووه قعدت فتحت ثمي اقول فخاطري وهي تتكلم وووووووع
صج الاستديوهات عندنا متخلفه..والله يااااااااااابنات رووووووووووعه..يوم سالتها قالت تعالي تفاهمي فالمحل..
بس كنت ثاني يوم مسافره......انا صراحه ابي اصور تصوير دجتال وطلع الصور عندهم يعني ترتيب الالبوووووووم..

شرايكم بنات؟؟ومن قالت لي عن الاحلام والذكريات تقول تصويرهم حلو...
لو ابيهم بس يصورون والطباعه في فتوغرافيا بكم بيطلع علي؟؟

هاهاهاهاهاهاهاهاهاها عروس فرش شو نسوي الزين هالايام كله غالي بس تدرين ان فوتغرافيا يحطون الصور في شريحه وبروحها اتكلف عليهم سبعة الاف ومايعطونج اياها يعني مافي الشريط البني اللي فيه صورج ومايتعاملون معاه اذا جبتي من استيديو ثاني الا اذا جبتي الشريحه اللي قلتلج عنها وهذي مكلفه عشان جذيه صورهم حلوه واسعارهم غاليه..