تنظيف البشرة..... بنات قـــــــطـــــــر

اشدعوه يعني محد شاف موضوووعي وين ردودكم


في انتظاركم

عندج مركز لارين اللي يم القمر
امي جربت شغلهم
بس اذا تبين شي احسن
عندج دانيال بجاني
بس اسعارها نااااار

واذا تبين تهتمين ببشرتج بخطوات يوميه وسهله تابعي موضوعي
عندنا جدول للعنايه بالبشره خلال شهر رمضان

http://www.3roos.com/forums/showthread.php?t=145767

اتمنى اكون افدتج

أنا بعد ابي مكان يسووون تنظيف بشره مضموون ... لأن مره رحت مركز ساره و اللي تسوي شنو خلت ويهي يحمر و وسعت لي المسامات ...
والمره الثانيه عند دكتوره الما كان اوكيه بس ما حسيت يعطي تألق للبشره ...

مشكووووره حبيبتي دلوعه قطريه على ردج..... ويانورينا على مشاركتج

مرحبا اختي وحدانية ... بالنسبة للمراكز اللي عندنا وااااايد .. بس وين اللي يجربها كلها علشان يعرف الزين والشين منها ....
بالنسبة لي انا جربت كذا مركز بس اللي عجبني واااااااايد وحسيت بشرتي تغيرت طبعا -في الاشراق والنضارة والنعومة -

مركز دايموند اللي عند اللاند مارك،، وعندهم تنظيف عادي بـ 150 ، وتنظيف طبي بـ 200 ريال ..
وصراحة انا جربت الطبي فعلا فظيييييييييع لدرجة ان كان عندي مناسبة ثاني يوم مالت الصالون تبي تحط لي المكياج
تسألني اذا حاطة كريم قبل ماجيها ................؟؟؟ يعني تمت الرطوبة يمكن لمدة اكثر من يومين اما النعومة والاشراق فتمت لمدة
حلوة اانا ماحسيت بس الكل يسألني عن بشرتي لكن انا شفت النتيجة في وجه اختي وعند نفس المركز .....


هــــــــــــــــــــذا للإفــــــــــــــــــادة ...


تحياتي القلبية

:flower:

مشكووووووووووره حبيبتي تغاريد الغلا على افادتج والله شكلي بجرب عند داايمووند

بس بعد ياريت البنات يعطونا مشاركاتهم وتجاربهم في تنظيف البشره

انزين شرايكم بعد (في مركز العنايه بالبشره) في مجمع الغرافه انا جربته من سنتين يعني لابأس فيه بس مادري في حد منكم جرب

هالفتره واتقولي عن رايها ...

وحدانيه بشري .. سويتي تنظيف بشره والا بعدج ؟

سوووري على التاخير نورينا ............... لا والله لحين يمكن اسوووي حق العيد :smile:

اختي اكتبي الموضوع بركن العروس بتلاقين 100رد ورد لان البنات دوووم هناك

وعن تجربتي جربت دايموووند ب150ريال حلووو شغلهم بس الاكثر اني استخدم خلطات بالبيت

وناويه اعمل قبل اسبوع من عرسي عند دايموند

هلا أختي ..
..
عندج مركز شارما في طريق سلوى ..
اللي تشتغل اسمها رين ..
ممتـــــــــــــــــــــــــــــــــــــازة .. وعندها شهادات بهالمجال ..
مو مهنة وبس .. وعندها أجهزة حديثة وماسكات وكريمات حديثة ..
..
عندها كريم تبيعه اسمه بيوتي لكن شنو روعة يخلي الويه صافي ..
كلامي عن تجربة وانا ما استغني عن رين أبد ..
..

أتمنى أكون أفدتج ..

امممممم حماتي كانت تسوي تنظيف بشرة عند صالون دايموند بس ما شاء الله صارت بشرتها حلوة وايد يوم العرس ,,

هذا اللي أعرفه ..

[align=justify]اختي ليش ماتروحين تسوين تنظيف بشره عند دكتور مختص احسن من مراكز التجميل..... لاني انا سويت عند مركز مايا للتجميل لكن شنو العبت في وجهي صار كله حبوب و بقع وقعدت اسبوعين لين راحت آثارها ..... و مع هذا ماتبت قبل عرسي باسبوعين رحت سويت عند مركز الماسه للتجميل ورا اللولو هايبرماركت كان تنظيفهم حلو بس حطت على وجهي كريم شوي حار سوا لي بقعه بس الحمد لله انها راحت قبل عرسي و من عقبها ......توبه .........ماراح اسوي تنظيف بشره الا عند دكتور مختص واذا تبين دكتور عندك دكتور أحمد غازي بمركز المنصور الطبي او الدكتوره الما الرفاعي ........... و ارجو اني افدتك

كريشما اشكرج على مشاركتج وبعد في وحده تمدح التنظيف الطبي عند دايموند ...وبحاول انقل الموضوع في ركن عروس



عروس اغسطس يعطيج العافيه على المشاركه بالضبط وين مكانه مركز شارما وبكم تسووي تنظيف البشره وبالنسبه للكريم يوميا تستخدمينه ؟؟؟


دوحانيه نورتي بمشاركتج حبيبتي يعطيج العافيه


وردة اللوتس انا بشرتي مو ذاك الزووود تعبانه يعني بس جذي ابي اسوي يعني عادي

مراحب أختي ..
..
السموحة غلطت في الإملاء هو اسمه مركز شارم .. في طريق سلوى .. المشكلة صعب أدلّيج الحين ..
لأن مكانهم داخل مو على الشارع .. بين المحلات .. لو تتصلين عليهم بيوضحون لج مكانهم اكثر ..
..
سعرهم معقول مو أقل من 150 ولا أكثر من 200 ..
..
الكريم يوميا استعمله .. وخلص من عندي وشريت غيرة صراحة وايد ممتاز ..
وانا كانت عندي خطوط صغيرة بالرقبة .. وهذا الكريم طيّرهم نهائيا ^_^
..

بصراحة أنصح كل البنات يروحون عندها .. لأنها تشتغل بضمير ..
لأني أحب الناس اللي جذيه وما أستغني عنهم أبد ..
بالتوفيق ..

مرحبا اختي

انا جربت تانيا .. هي تشتغل في الصالون الأزرق
ألمانية متخصصة في هالمجال..

شغلها نظيف وحلو.. يعني غير التنظيف تسويلج تدليك للوجه والرقبة

تخليج ريلالالالاكس ..
بس اسعارها غالية شوي 280 ريال
لكنها تاخذ في الجلسة الوحدة ساعتين

يعني يسوى


واذا بغيتي الرقم ممكن ارسله على الخاص


وبالتوفيق

عروس اغسطس مركز شارم له فرع بدبي ؟؟؟
ومن اللي تمكيج عندهم ؟
لاني جربت مكياج الفرنسيه بالامارات عجييييييب

البيت الحديث فيه وحده لبنانيه اسمها ميشلين الاسمر يمدحونها بس ماجربتها للحين
وفي الصالون الازرق كانت تانيا الالمانيه بس الحين استقالت وبتفتح محل بروحها

أختي عمري قطر ..
..
مركز شارم مختص بس بتنظيف البشرة ..
وما اعتقد لهم فرع بدبي .. بس بالنسبة لي هذا افضل مركز من خلال تجربتي الواسعة بمراكز تنظيف البشرة ..
..