ارجوكم لاتهملون طلبي بلييييز

السلام عليكم اختي ...
انا ما فهمت ان زوجك بعيد عنك ... يعني عمله بعيد ؟؟؟ او انه الانسان القريب البعيد ؟؟؟
شوفي إذا كان عمله بعيد فأعذريه وقدري الظروف وتذكري دايما انه يحتاج الحنان منك لأنه يفتقده كثير بوقت غيابه عنك ...
وذا كان قريب منك بس تحسيه بعيد ... حاولي تسوين له مفاجأت والهدايا والليالي الرومنسيه ... كثري من الغزل والكلام الحلو ... تعطرررري وتزيني وتبخري ...
طاوعيه ... بس عانديه شوي (( عناد دلع .. مب عناد حقيقي ))


تحياتي لك ... اختك كحيلة العين

السلام عليكم ورحمة الله وبركاته

توقعت اني بحصل صدى بس يمكن الموضوع مب مهم

شفت زيارات كثيره بس ولا رد يعطيني دافع ويحسسني انكم مهتمين ..تراني وحده منكم ولا لا؟؟

عزيزتي كحيلة العين .. مشكوره على ردج الطيب بس زوجي قريب وبعيد.. وانا حاولت بكل الوسائل.. ماخليت هدايا ولا خليت مفاجآت

ويوم اتكشخ ولا اتعدل لع مايمدحني بالعكس يقولي روحي مسحي اللي حاطته على ويهج مب حلو عليج وحتى اذا لبست له ولا مره

مدح ذوقي ولا مدح لبسي...صدقيني زوجي ماعنده ردة فعل ولا عنده عاطفه والله والله مره هديته هديه بمناسبة عيد زواجنا

تخيلي شو قال( بصراحه ماعيبتني الهديه)...
ويوم زواجنا الثاني..

رحنا فندق وكنت مستانسه وومستعده له وخلاني شوي وطلع الكوفي ويوم رجع طفى النور ونام وخلاني صدقيني بدون اي كلام

وانا اللي انتظره بشوق ولهفه...وشو تبيني اقول واقول.. مااقدر اتكلم انا ودي حد يفهمني ويتكلم معي انا محتاجه لصديقه...وايد محتاجه لصديقه..بنفجر

حبيبة قلبي والله توي قاريه موضوعج.........اناحاسه فيج والله انااشوف اخووي ينام من يجي من الدوام لين دوامه اليوم الثاني اقول الله يعين الي بتاخذه ...........بس الحمدلله انه اهماله لج مع النوم مب شي ثاني.......شوفي اختي نفس ماقالولج توديله زياده قبل اينام وبعد مايقوم اعزمي نفسج معاه على عشا رومانسي حاولي طول ماانتي معاه تكون عينج في عينه حسسيه بحنانج وخلج كاشخه واستمري عالكلام الحلو ولاتقولين كله اقوله وهومايقول لاتحبطين عمرج.............لواناامارتيه كان عطيتج رقمي بس انا من قطر ياعسل..............قوليلنا شيصير معاج

امممممممممم... مادري.. دار سؤال في بالي...

زوجك من الاهل؟ او متزوجنك بالغصب؟؟

لانه اغلب الازواج اللي يكونون من الاهل والاقارب.. او متزوجين بالغصب.. تعاملهم جاف.. كأنهم يجازون الزوجه اللي وافقت تاخذهم
لاتآخذين ع كلامي... بس مجرد اسألة عشان نعرف نحل المشكلة...


تحياتي لج.. والله ان شاء الله يهدي لج زوجج..

حبيبتي كثير حريم يهانون مثل ماتعانينه من جفاف بعض الازواج
اهم شئ تكونين ماقصرتي قدامه وقدام نفسك
وانتي خليك على وضعك وعلى لسانك الحلو
تحملي حبيبتي الكلام الحلو يحرك جماد ويغيره ماراح يعجز لسانك وتصرفاتك باذن الله انه يلينه لك

هلا والله يا صاحبة السعاده

غريب إسمج يدل على إنج في قمة السعاده والله ياعمري إني حاسه فيج والله يعينج وبدعيلج بهالشهر الفضيل إن الله يهديه ويسخره لج بس إذا تبين تسمعين نصيحتي قعدي معاه وصارحيه وفهميه إنج زوجه وبنفس الوقت الحبيبه إللي عمري ماعصيتك بشي ماأستاهل هالأفعال هذي منك؟ المفروض إنك تعطف علي وتحسسني حالي حال كل وحده متزوجه وكل زوج يعطف ويقدر ويحب زوجته ويشبعها بالكلام الطيب وإنه الزواج مو بس نوم لاا الزواج تبادل مشاعر وأحاسيس وكلام حلوو وطيب وطبعا لما تقوليله هالكلام لازم تكشخيله وتعطري وسويله عشا وسويله جوو رومانسي ونصيحتي قبل ماتكلمينه إقري سورة يس قبل الليله إللي بتكلمينه إقريها 3 مرات بليل بعد منتصف الليل وإدعيله من كل قلبج وبعدين سوي إللي قلته لج

وإذا تبين أي شي قوليلي يالغالي بس كثري من سورة يس وسورة الزلزله والله يوفقج يااااااااااااااارب ويهدي سركم
ويسخره لج ياااااااااارب العالمييييييييييييييييييييييييييييييييييييييييييييييييييييييييييييييييييييييييييييييييييييييييييييييين

وتقبلي تحياتي أختج : فطوطه

مثل ما قالوا البنات يا الغالية

اهتمي في نفسج دائما ولا تهمليها وتكشخي وتعطري وسمعيه احلى الكلام وصدقيني في الاول والاخير انتي المستفيدة
وديري بالج لا يعلى صوتج معاه بالكلام

وواضبي على صلاتج واكثري من الدعاء ومثل ماقالت الاخت فطوطة قراية القران دواء وهداية وراحة بال

يلا حبوبة طمنينا عليج

اختج

n3nooo3aa

الحمدلله والصلاة والسلام على رسول الله وعلى آله وصحبه أجمعين وبعد صديقتي العزيزه لي انا شخصيا راي اخر غير راي البنات وهو انكي من المفروض ان تواجهيه فلعله من الرجال الذين لايعرفون كيف يعبرون عن مشاعرهم من الممكن ان يكون زوجك يحبكي كثير ا ولكن لايعرف كيف يعبر ففي اعتقاده انه يحبك وهذا يكفي تكلمي معه بصراحه وبادب واحكي له حكايه مثلا عن واحده يعاملها زوجها بجفاء ثم كلمها رجل عن طريق الهاتف وقال لها اشياء لاتسمعها من زوجها فانساقت له اي عزيزتي خوفيه دون ان تجرحيه ثم لماذالاتبتعدين عن المعاصي الا تعرفين ان الاحتفال بعيد الزواج بدعه نصيحة اخيره اسمعا انتما الاثنان شريطي السحر الحلال للشيخ ابراهيم الدويش وايضا شريط بحر الحب لنفس الشيخ فقد غير هذا الشريط كثيرون وتمنياتي لكي بحياة سعيده

هلا حبيبتي ..

انتو توكم معرسين صح...؟؟؟

شكلكم بعدكم عرسان يدد..

لان نفس سالفتي من اول ماعرست...وحتى كنت اقول حق البنات اللي في المنتدى ريلي من النوع اللي يسهر وما يهتم فيني...

بس بعد فترة والين الحين هو غير عن قبل يعني انسان ثاني...بس والله من اتيبيله ياهل بيتغير ... وبيهتم فيج وفي اليهال..

بس انتي تمي عامليه معامله عادية بس لاتزودين في كلامج الغزل .. قوليله كلام حلو بس مب كل مرة اتمصخينها لانه بيمل..

وكلميه واتفاهمي وياه..
بس صدقيني بعدين بيتغير... لانه اكيد ريلج عايش في بيئة يعني اهله مب من النوع اللي يحبون يمدحون او يقولون كلام حلو حق حريمهم..او البيئة اللي عايش فيها غير..

نفس ريلي يوم اقوله ليش ما اتقولي كلام حلو قال انا مب متعود على ها الشي...هو صدق احس فيه انه يحبني يبا يقولي بس ما يقول..
وقال انا هلي معودين عالسهر وعالرقاد وضرابة وعصبية ما عودوني على كلام حلو اسمعه..

حبيبتي هم الرياييل جي طبعهم... وصدقيني ريلج يحبج بس ما يقدر يقولج اللي في قلبه....
انتي عوديه على انه يقولج كلام حلو ... صدقيني بيتعود بعد مرور سنوات... بس اصبري..

والله يوفقج ويهنيج انشاءالله...

وانا مستعدة اني اكون ربيعتج....

اذا تبين اتكلميني طرشيلي رقمج عالخاص.. وفالج طيب..

عزيزاتي...وحبيباتي كل اللي كتبولي وردوا علي اشكركم واايد على الكلام الحلو واللي اعتبره نصيحه من اخوات غاليات

مع اني قمت باللي قلتوا عنه بس احس انه يحاول بس مايقدر وانا اعطيه فرص وفرص بس بعدني ماافقد الامل...

وشوفوا الحظ انه من يومين اخوه صار له حادث وهو بالمستشفى والله العظيم انا مب زعلانه ومقدره ودايما اقول قدر الله ماشاء

فعل وهو الوحيد دون عن اخوانه اللي يالس 24 ساعه في المستشفى وصدقوني يمكن هذا من ربي اللي يختبر صبري وانا

ولله الحمد ازعل يوم بس بسرعه ارضى مااقدر ازعل عليه وايد... الله لايوريكم مكروه في عزيز انشالله واللحمدلله على كل شي

الله يشفي اخوه ويرجعلي ريلي احسن من قبل تراني مااشوفه الا وقت الرقاد يرجع البيت يفطر ويطلع على طول بس ماعليه

بعد بصبر والله يثبتني انشالله ...وعلى فكره اخت خاوطر ترا زوجي مب من الاهل ولا متزوج غصب عنه وانا بقولج سالفه بعدين

تخصنا انا وزوجي بس على الخاص وذكريني عنها..ويااخت بنت دبي انا صار سنتين من عرست بس ماعليه الصبر مفتاح الفرج..

بس بعدني ينقصني صديقه وفيه مخلصه والله يرزقني اياها تخاف علي واخاف عليها ..لاتستهينون فيه تراني صديقه لقطه...(r):shy::smile::cool2:

مرحبا أختي الحبيبة صاحبه السعادة ..

ربي يسعدك دايما في حياتك ..

حياتي .. البنات ماقصروا معاك أبدا .. وكل وحده قالت رايها وأنت بتشوفين الشئ المنطبق على زوجك .. وتطبقينه

وربي يشفي له أخوه .. بالعكس أنتي المفروض تفتخرين بزوجك لانه وقف لأخوه 24 ساعه ماشاء الله عليه

لانه فيه ناس ما يراعون اخوانهم

ولا تحسسينه انك زعلانه او شئ بخاطرك .. لانه تدرين هو يجي تعبان فيبي حد يخفف عنه .. وانتي ماشاء الله عليك قدها وقدود

ياعمري .. الأيام تيجي وتكشف لك حقيقة وطبع زوجك ..

وأنا أحس لو أنك تصارحينه يكون أحسن ..

وإذا ماتقدرين تصارحيه وجها لوجه

بإمكانك تكتبين كل اللي بخاطرك تقوليه له .. بس طبعا مو بجفاف .. مع كلام حلو ..


وخليها في مكان بحيث يقدر يشوفها .. ممكن في كبته او سيارته او غيرها ..

وهو بيجي ويخبرك ..

وهذه طريقة مضمونة 100 % ب 100%

والله يوفقك عيوني ويرزقك بالذرية الصالحه ويهنيك انتي وزوجك ..

ونحن لنا فخر أننا نكون صديقات لك

ممكن نتواصل على الماسنجر .. وبعدها تيلفون ..

أحنا كم صاحبه سعادة عندنا ؟!


بالتوفيك لك

محبتكِ
نور اليقين

حبيبتي حياتكم فيها ملل حاولي انج تحملين وتجيبين بيبي وبتلاحظين الفرق في المعاملة وبتشوفينه انسان ثاني وبيلتفتلج اكثر الله يرزقج بالذرية الصالحة ان شالله ويهدي لج زوجك

حبيبتي انتي ادعي ربي انه يسخره لك ويحببه فيك اكثر واكثر ولاتقولينله انت ماتحبني انت ماتعاملني زين كذا يطفش ويخرج من البيت ويتعود انه يخرج عشان يرتاح من زنك بلعكس دلليه واهتمي فيه من جميع النواحي ولاتقصرين عليه في شيء لافي لبسك ولا في كلامك الحلو ولااهتمامك في بيتك وحاولي انك تنشغلين عنه اسبوع اسبوعين يعني سويله كل شيء يحبه بس ابعدي عنه لاتسولفين معاه خليك رسميه بس موتتعاملين معاه كنك زعلانه عليه لا خليك طبيعيه معاه لاتتكلمين لين تحسين انه يبيك تتكلمين خليه يشتاق لك وشوفي كيف يجي يدورك ترى الرجال مايحبون الروتين اليومي غيري حياتك ونضامك كوني علاقات اجتماعيه جربي الطريقه هذي وشوفي النتيجه يبيلها ثقل