ماذا لو أخذته ولم ترجعه أو أرجعته متلفا؟؟؟

مرحبا يا عرايس ...
بالنسبه لي أنا صارتلي وااااجد واذا ما رجعلي الغرض اللى البنت ماخذته منى انساااااااه وما اتذكره الا اذا شفته عليها مره ثانيه واستحى اقولها اللى عليج لي والحين اذا حد طلب منى اي شغله عندى وانا ما أثق باللى ماخذته اقولها والله مو عندى عند اختى او بنت عمي لان كبتى صاار فاضي واذا حبيت اطلع او معزومه عند حد ما القى شي كامل

غلا المشاعر:
أنا صارلي موقف مشابه ..

بنت خالتي خذت عني فستان وطقم وساعة اوميغا ..

عسب تحظر فيهم عرس اخوها عشان تقهر خواتها من أبوها لانهم دوم يعايرونها ..

المهم خذت الاغراض .. ولا ردتهم وعقب تقريباً اربع شهور قالت لي انتي تبين الطقم !!!

انا استغربت سؤالها قلت لها أكيد أريده لانه هدية ريلي ليلة الدخلهـ !!

قالت لي أنا تصرفت فيه وبعته <<<<< صدمتني الصراحه ..

قالت لي عادي اونه الهندي قالها انه قيمته 5000 درهم واهي باعته بـ 3700 على بالها ما خسرت فيه وايد ..

قلت لها انتي شو تخربطين هذا قيمته 17000 انصدمت وقالت اوونه الهندي مال المحل قالها اني اشتريته بـ 5000 قهرتني وسكرت فويهها من القهر ..

عقب اتصلت لي وقالت لي انزين اصبري الهشر الياي برده لج .. قلت لها مشكووره ما أريده خلاص كرهتني به ..

وتمت كل شهر تقول الشهر الي عقبه .. المهم طافت اكثر عن سنه .. عقب اتصلت لي قالت لي انه راع المحل طالب فيه 14000 اوونه اذا تبينه طرشي البيزات وبيبه لج .. مت من القهر قلت لها ..

الغاليه ريلي كذا مره سألني عن العقد الحين شقوولهـ .. حاولي تدبرين عمرج وتردينهـ انا ما فيني على المشاكل ويا ريلي وأهله عقب بيقولون مهمله وفرطت بأول هدية عقب عرسها ..

عقب اتصلت لي قالت لي خلاص انا رديت العقد .. وانها في دبي .. ونحن كنا في دبي بعد بس كنا بنسير السينما فقلت لها وديه الفندق وعطيتها رقم الغرفه وخلت الاغراض وياهم ..

ولما ردينا فليل .. جيكت ع الاغراض الفستان من تحت حدثي ولا حرج صار فيه حاشي لونه بني من الوصخ وعليه بقعة كريما << طول هالسنه ما لحقت توديه اللاندري .. <<<<< جان اعطيه حق واحد مصري بيزوج ولده دفع بلى مثل ما يقولون ..

والعقد على كلامها تقوول انها ردت اشترته عشان خاطري .. بس العلبه الي كان فيها العقد شكلها جديمه وااايد حتى الفصمه مالت العليه مقطوعه وملصقته بلصقه !!!

أما الساعه كانت واقفه .. انقهرت منها لما جفت انها بهدلت اغراضي ومن عقبها قطعتها ما قمت ارمسها من قهري منها وانها سوت لي سالفه ويا اهلي ريلي ..

لا وبعد الي صار لي ما تبت .. عطيت وحده ثانيه فستاني الي لبسته بعرس اخوي .. ولما ردته عقته في بيت اهلي شهر محد يدري بوجوده .. حتى لونه تغير .. على الاقل ومن الواجب انها لما ترد الفستان تتصل وتقوولي انه في بيت اهلي .. مش تعقه صوب الزراعه وما تخبر حد ؟!؟!؟!

والله قهر انا مره وحده في حياتي اضطريت اخذ فستان من اخت ريلي لاني حامل وفساتيني كلها ترص علي .. وطول الحفله احاتيه لا يصير فيه شي .. واول ما رديت من العرس طرشته المصبغه ورديت لها اياه مثل ما خذته ..

يعني ما أدري هاييلا ما يستحون لما ياخذون الشي ويردونه مبهدل !!

:eek2::eek2::eek2: الصراحه قويـــــــــــــــــــــــــــه سوري بس هذي لاعندها أدب ولا مذهب أنا يمكن إذا خالاتي يتأخرون لما يردون الشغله لكن عمرهم ماردوها تلفانه وإلا فيها عوق والله فشله يعني مايحسون بالإحراج

تسلمي أختي
موضوعك فعلا حلو و مهم, بصراحة أنا ما صار لي هذا الموقف لأنه بحكي بكل صراحة أني ما أعطي أغراضي لغيري و باعتذرو خلاص لأن هذا حقي, و أبرر قراري أني لما أحتاج شئ أشتريه و ما أستلف من غيري و بس:smile:

آنه عن نفسي ما أحب اعطي حد ثيابي يعني عندي فستان لبسته من 5 سنوات لبسته مرتين بس وواقف في الكبت لكن مستحيل أعطيه احد، مره كانت وحده من الأهل تبغيه وخليتها تقايسه لأن جسمها مثلي وبعدين غيرت رايها وآنه كان قلبي ماكلني حتى وهي ما أخذته :D2

وعندي قناعة في نفسي لا أستلف ولا أسلف أنا عمري ما أخذت فستان من أحد لأني ما أحب ألبس إلا على قد ميزانيتي، وحتى إني ما أسلف لأن ما في داعي الواحد يلبس ويتسنع بمال غيره:up:، أما الذهب والإكسسوار فهذي على صوب مستحيل أعطيه لأحد.

مره صار لي موقف بس بعد مو لي آنه، صار لأختي الصغيره هي عمرها 11 سنة وإحنا كان عندنا عرس ولد خالي وآنه اللي اشتريت لها الفستان وتعرفون اشكثر يكلف ولبسته مره وحده بس، كل هذي مو مشكله، يعني في بنت أخوي حطت عينها عليه لأنهم نفس العمر أو بالأحرى أمها حطت عينها عليه وتعرف إنه بفلوسي لأنه ما اتكلمني ولا أكلمها والعمليه تمت بسريه تامه وما شفت إلا بنت أخوي لابسته لا وماخذه التاج بعد وبنفس التسريحه حتى أختي حطت في خاطرها قلت معليش مهما كان بنت أخوي خلها تستانس.:mad2:

وبعد 3 أسابيع دريت بالموضوع كانوا خاشين علي تصوروا رجعت التاج مكسور وحبات اللولو طايحه يعني خلاص أرميه في الزباله، والفستان تصوروا اللي صار لأني ما أتصور إن ناس حسودين لهذي الدرجه فستان حفلات بجيبون تغسلينه في الغسالة:gum:، قمت أغلي من النار :mad2: قلت لأمي ما شاء الله عليها جنتج نظيفه غاسله الفستان في الغسالة إذا ما عندها فلوس حق المغسلة معليش خلها تجيبه وصخ آنه أغسله، ولفيت على أختي قلت إياني وإياج تعطين فستانج لأحد إلا إذا صغر عليج. وهي تقول آنه ما عطيتها هذي أمي.:sad:

ومره صار لي موقف كنا رايحين عرس ولابسه عادي بنطلون وقميص وطبعا علي عبائتي وعمتي وبناتها كانوا رايحين معانا الحفل، تصوروا شنو قالت عمتي: قالتلي حلو هالقميص عطيه بنتي تكشخ فيه:pain:، أنا عطيتها لكن شنو عطيتها نظره:bigsmile:، وقلت لها اللي معندوش ميلزموش:clap:، وآنه ما أعطي ثيابي أحد إلا إذا ما أبغيهم. عشان ما يعورني قلبي على خرابهم.:up:

ومره صار لي موقف كنا رايحين عرس ولابسه عادي بنطلون وقميص وطبعا علي عبائتي وعمتي وبناتها كانوا رايحين معانا الحفل، تصوروا شنو قالت عمتي: قالتلي حلو هالقميص عطيه بنتي تكشخ فيه:pain:، أنا عطيتها لكن شنو عطيتها نظره:bigsmile:، وقلت لها اللي معندوش ميلزموش:clap:، وآنه ما أعطي ثيابي أحد إلا إذا ما أبغيهم. عشان ما يعورني قلبي على خرابهم.:up:[/QUOTE]


رد عجيب
((اللي ماعندوش مايلزموش ))

انا اعاني نفس المشكله عايشه مع بيت حمولتي وهم عندهم من الخير بس دايما عينهم بالشي اللي عندي ودايما اكون بالجامعه او الدوام ارجع القى وحده منهم داخله غرفتي ومآخذه اللي يعجبها وحاطتني امام الامر الواقع وتكتب لي مسج ترى خذت الساعه والا العقد !!!!

ما عندي خصوصيه ابدا انا ما اكرههم هم طيبين ويرجعون الشي مثل ما خذوه بس قلبي يعورني على ملابسي وخاصه ان مقاساتهم اكبر من مقاسي ،، وحتى بالنسبه للمجوهرات حنا مناسباتنا واهلنا تقريبا من قبيله وحده ما احب اللي عندي يشوفونه على غيري ،،،

بنت الصقور مشكورة كلج نظر

أما حماواتج هذلين حكايه:eek2:، تدرين أنا غرفتي مفتوحه والباب مثل ما تقولين مشرع لكن مستحيل أحد يفكر ويدخل غرفتي وإلا يفتح كبتي ويشوف اش فيه لأنهم يعرفوني زين ويعرفون إني راح أغسل شراعهم:bigsmile:، لدرجه إن ثياب العيد شريتهم من فتره لما سافرنا السعوديه وللحين محد شافهم غير أختي اللي كانت معاي في السفر، وخواتي الباقي لا، مو عشان أنا ما أحب أراوي أحد أو أنانيه بس إحنا في البيت متعودين على جذي لأن كل وحده تلبس على ذوقها وميزانيتها وإحنه ناس قنوعين، لكن اللي مب قنوع تشوفينه دايما عينه في لقمة غيره إنزين إنته تاكل بعد إش هاللقافة:down: لكن الواحد شيقول ناس ما تستحي ولا تخيل.

انا ولامره وحده خربة اغراضي لاني قبل مااعطيها اقولها بصراحة بدون مااستحي وقت ما تردينه لازم يكون مثل مااخذته, يعني لامقصوص او مخترب او لونه متغير . واذا تغير تاخذ نفسه او تعطيني حقه , لانه مثل مايقولن اخوانها المصرين : ((الي اوله شرط اخره نور )). و انا اعطي بس حق اختي او بنات عمتي او حريم اخواني وهم والحمد الله يردون الغرض مثل ماعطيتهم ولا بعد احسن , لاني اقولهم بصراحة اني مااحب اغراضي تخترب. والكل يعرف بطبعي ازعل اذا اي واحد خرب شي في اغراضي او حتى حجرتي.
وانا مااحتاج اخذ اغراض حد , لانه والحمد الله الوالد والوالده واخواني مايقصرون لو طلبت منهم حتى لبن العصفور, يبونه بسرعة.

هذا الموقف يصير الي وايد
مرة خالتي طلبت مكياجي لانو عندها زواج وماتبي تخسر نفسها تروح كوافير ولا تبي تشنري مكياج وأنا استحيت أردها وعطيتها شنطة المكياج كلها وتعرفون المكياج مب رخيص وبعد الزواج أتصلت فيها أبيها ترد الشنطة قالت الي أووه تصدقين عاد نسيتها في سيارة زوجي ولمن رحت الها شفت المكياج كله خرب قلت الها ماعليش جيبها أنا أتصرف قالت رميتها في الزبالة أنا وجعني قلبي عندي أشياء جديدة ماستخدمتها ومت من القهر ومنها حرمت أعطي أحد شي

اختي بنت قمر وراكبه همر


وايد ناس جذي مايستحون ياخذون اغراض غيرهم بس اذا انتي تبين منهم شي مايعطونج
بقترح لج حلين
الاول
تقولين لها انج مأجره النفنوف حق وحده او معطته وحده من اهلج واهيا بره الديره او حتى بعتيه
وفهمي ريلج انه ماتبين احد يلبسه(واهيا لازم تلبس نفنوف يديد عروس وتلبس نفنوف مرت خالها ليش مسويه عرس بعد)

والثاني
اهيا الحين انخطبت واذا استلمت المهر
كل مره روحي عندهاواخذي شغله توها شاريتها يديده وبعد فتره بتمل من تصرفاتج واذا مارضت تعطيج قوليلها عيل لاتطلبين مني شي بعد
وبجذي ارتحتي منها للابد

وايد ناس جذي ولمن تقول حق زوجها ماياخذ موقف عادي مايهمه

رفيجتي تزوجت باول شهر من زواجهم شرت نظاره ب90 دينار ماركه

وعلى يوم ريلها خذاها ولبسها وراح بيت اهله ونساها

يوم تسئله يقول لها مادري وين حاطها نسيت
بيوم راحت بيت اهل ريلها تلقى حماتها لابستها لووووووووووووووووووول تقول تفجأة شلون اقول لها هذي نظارتي

ردت وقالت حق ريلها نظارتي عند اختك

قال لها فشله اقول لها يبيها انا اشتريلج وحده ثانيه
وشرالها

بس هم عيب هذيج خذتها ولبستها
بس لا حول ولا قوة الا بالله


وبس
تعبت وانا اكتب