قهر الزوج الخفي

اريد ان اعقب على هذه المشكله .. واخشى رفضكم لتدخلي

شي يقهر بصراحه و الله يلوم اللي يلومك بس رغم هذا ابي اقولك شي

خذي الامور بالسياسه لو انتي فعلا حابه زوجك و تبينه

انتي تقولين ان صار له متزوجها 4 سنين يعني مو توه عشان نقول انه توهم عرسان جدد

فعشان جذي ابيك تشوفين شنو اللي اهي عطته اياه وانتي ماقدرتي تعطينه

غير سالفه الفلوس لان الفلوس مو كل شي بحياه الرجل

في شغله اهم .. هي راحه البال و السعاده

راجعي نفسك وشوفي شنو الاشياء اللي هو يحبها بزوجته و سويها له

لاتعايرينه بالفلوس ولاتجيبينها بينكم لانها راح تنحسب نقطه ضدك و تعزز مركز الثانيه

و بالتوفيق ان شاء الله عزيزتي :)

مع احترامي الشديد لكم بس والله لو زوجي يسوي كذا قدامي لاوريه نجوم القايله ؟؟؟

لكن انتي يمكن معودته على اسلوب ثاني والحل انك مهما سوو قدامك حركاتك ولا تعبرينهم ولاااااااكنهم سوو شي
يمكن والله العالم يبي يقهرك او هي الدلخه اللي هي شريكتك وعدته بشي عشان كذا وعفوا على الكلمه((راز وجهه عندها)) لين ياخذ اللي يبي

وشكرا
بس انتي جربي واحقريهم والمثل يقول الحقران يقطع المصران واكيد هي متعمده تغيظك وهي تضحك مع زوجك.

حبيبتي ليش قاهره عمرج ومتنكده
عشان ما عرفتي سر وناستهم ويا بعض؟؟

انا وياج ان الوضع يقهر بس حطي في بالج
انهم زوجين يعني اي شي او اي تصرف
منه خلاها تحس بالوناسه حتى لو كلمه
ولا تحطين في بالج ان زوجج ممكن
بيريحج وبيقول لج السبب بالضبط ولا تنسين
انه تزوج عليج...يعني المصيبه العوده
استوت خلاااااااااص...

ومثل ماقالت الاخت وسن يمكن يبون
يقهرونج، وخصوصا هي ولا تعطين
لعمرج مجال للنكد، اضحكي انتي بعد
وياه وكلميه جدامها وسوي حركات مشابهه
يا اختي..........وحده بوحده فديتج


اما بالنسبه انج تذكرين له مساعدتج له
مافي داعي منها بس لو انتي تبينه يرد
لج (حقج) كلميه بطريقه غير مباشره
بدون ما تحسسينه انج تمنين عليه

وبقول لج عن راييي الشخصي في مساعدتج
لزوجج ويمكن البعض يعارضني بس ما اقدر
ما أعبر عن رااييييييي:mad2::

لو كان زوجي لي بروحي بساعده ماديا على
قد مااقدر بس انه حاط فوق راسي وحده
تقهرني، مستحييييييييل اساعده..الخير
ممكن يكون لها ويكون تعبج راح في غير
اهله.. سوي لج حساب خاص تحطين فيه
مبلغ معين كل شي وسوي حسابج للزمن
ممكن تساعدين زوجج بانج تشترين اغراض
لبيتج (انتي اصلا تساعدينه عشان مثل
ماقلتي اغلب مصاريفج من راتبج)
الحق حق وما ينزعل منه

الله يوفقج اختي ويبعد عنج النكد
والهم

[size=7][size=3]اشكر كل اللي ردوا علي ولازلت بانتظار اراء القية لاني ما ابي اتهور او اسوي تصرف غلط اندم عليه وبنفس الوقت ما ابيهم يحسون ان ما عندي كرامة ويتعودون على تقبلي لاي اهانة او جرح [/size][/size]

حبيبتي
صح الي يده بالمويه مو زي الي يده بالنار .. حاولت احس باحساسك بعد موقف زي كذا

اختي احنا الحين برمضان شهر المنفعه للناس كثري من العبادات وادعي ان ربي يسخرلك زووجك ويعينك على الضيقات الي تجيك بس انتبهي انتبهي تدعين عليها
ماعليك منها انتي ادعي لنفسك ولزوجك بان ربي يحببه فيك اكثر واكثر ويسخره لك

لازم يصير بين الزوجين كلام خاص بينه وبينها .. بينك وبينه شي طبيعي
واحنا الحريم على اتفه سبب واصغر كلمه ننبسط ونتشقق من الوناسه .. وانتي قلتي ان هي الي جت مره مبسوطه وهو عادي او يمكن شويه مبسوط لانه شافها انبسطت
وهذا للرجال معناه اقل مشاكل ووجع راس .. علشان كذا بس انبسط مو اكثر

لاتقهرين نفسك بانك تكبير الموقف لنفسك طنشي .. او اذا خفتي انه الموضوع يتكرر وحسيتي انهم بالهحركه اهانوك مع ان مافي اي شي
عادي زوج نادى زوجته ودار بينهم كلام او موقف طبيعي يحصل بين كل زوجين
قوليله وانتي تتدلعين عليه انك تضايقتي من الي صار وياريت حبيبي ماتحطني موقف زي كذا مره ثانيه قدام اهلك اذا انا موجوده عندهم كلها ساعتين او ثلاثه بالكثير وراجعه بيتي (يمكن هو من نفسه هنا يجي يقولك لا عادي انا كنت مناديها بقولها كذا وكذا ممكن مو اكيد لاترجعين تنقهرين اذا ماقلك)

ماعندي شي كثير اضيفه للموقف الي صار بس عنديلك كم نصيحه

اذا جاء يستلف منك فلوس مره ثانيه خليه يكتبلك ورقه ولا شيك بالمبلغ ويكون مصدق(تاكدي من موضوع الشيك اذا ينفع لاني ما اعرف بهالاشيياء بس جاء على بالي) يعني شي يضمنلك حقك
لاتنسين حقوقك ترا بعدين تنساك
وطالبيه بفلوسك اذا انتي محتاجتها او مانتي مطمنه (ما اشوف ان الموقف الي صار ببيت اهله يخليك ماتتطمنين وتطلبين فلوسك علشانه)
خليه يكتبلك فيهم ورقه مصدقه ولاتبين له انك شاكه فيه لا .. تبين هالورقه علشان تضمن حقك مو منه هو لا من الزمن
وقوليله تبين تضمنين حق عيالك من ورثك انتي بعد عمر طويل لان الانسان ينسى
اطلبي منه الفلوس تبين تشترين شي معين او بتدخلين مشروع اخوك مثلا اقترحه عليه علشان بس يجيب الفلوس وبعدين قولي غيرت رائي ولا فعلا روحي اسئلي اخوانك عن الاستثمارات الحلوه علشان يصير عندك خلفيه واقعيه اذا سئلك وشو المشروع

الواحد مايضمن هالزمن ولا الناس الي عايشه فيه
انتي قلتي انك موظفه ومن اسبلوبك حسيتك سعوديه والي تسلف زوجها 90 الف غالبا ماتكون مدرسه
والحمدالله رواتب المدرسات عندنا بالسعوديه توكل مو بس عيش لا عيش وعليه حلاوه طحينيه مشالله تبارك الرحمن
زي مالقلت الاخت حطيلك حساب مستقل مو لازم يدري عنه ودخلي فيه كل شهر مبلغ معين اقتطعيه من راتبك بشرط يكون حساب توفير يعني ماله بطاقه صراف وتجلسين تصرفين منه
امني نفسك وبيتك
استثمري فلوسك اشتري بيت لو بالتقصيد ممكن تخلينه للزمن وممكن تاجرينه ويرجعلك منه مبلع حلو (الدفعه الاولى ياتجمعينها من اول وجديد ولاتكون الفوس الي سلفتيها لزوجك )

بلا مصاريف مالها داعي اذا رحتي السوق مو لازم تشترين ماركات واشياء غاليه اشتري اشياء مرتبه ويطلع شكلك حلو وانيق قدام الناس وزوجك من غير فخشرتنا حنا السعوديات بالماركات
على الاقل بس الين ماتامنين مستقبلك
كل وحده بهالدنيا لازم تحرص تامن مستقبلها مو من زوجها من الزمن ماتدرين وين يرميك فيه بعد كم سنه
بشهاده بوظيفه بملك يسادها على غرابيل الزمن

ايه نسيت شي مره ثانيه الله يعافيك تبين تستثمرين فلوسك تشرين ارض ولا غيره حبيبتي اكيد عندك اخوان .. ولا عمان ليه ماتوكلينهم هم يشترونها لك ؟؟و بمشورت زوجك علشان مايقول من وراي مع انه من حقك مايدري
بعدين هو يروح يشتري الارض ليه ؟؟ مو هي حقتك وباسمك ؟؟ تروحين انتي وياه سوا علشان توقعين على العقد ولا كنتي تبينه يكتب العقد باسمه ؟؟

احس اني شيشتك على زوجك بس والله مو هذا الي اقصده .. مافي رجال مافيه الزين مهما كان
وبرضوا الزين عمره مايكمل
هذا الكلام لك ابيك تصحين وتخافين على حقوقك الي ربي اعطاها لك .. ماقلتله خليه يصرف عليك زيها لا حلو انك تساعدينه وخصوصا وهو عنده بيتين بس بالمعقول
لاكن تعطينه وتسلفينه مبالغ كبيره من غير وصولات .. انا ما اشكك بزوجك لا انشالله ان معدنه طيب واصيل ومستحيل ياخذ فلوس من غير حق بس احنا مانأمن الزمن
عنديلك فكره .. اذا هو صرف الفلوس وراحت وصعب يدبرها الحين خليه يكتب لو نص البيت باسمك شي يامن لك حقك واذا انتي ماتبين البيت تبين فلوسك اوكي قوليله خلاص حبيبي لما ربي يرزقك وتقدر ترجعلي الفلوس ابيعلك الجزء الي باسمي بنفس المبلغ الي اخذته
ارجع اقول ما ابيك تشكين بامانه زوجك بس احنا مانامن الزمن وكلامي هذا مو لانه متزوج عليك لا لكل البنات

وياريت عندي اسلوب او طريقه حلوه يمكن تستفيدين منها وتبدين الكلام مع زوجك بالامور الماليه بس انا لا ني موظفه وانا وزوجي باول حياتنا يعني لسى ماجربنا حكايات السلفات ولما تخيل نفسي اقوله خلينا نكتب ورقه اذا بيستلف مني بستحي واقول عيب لكن يمكن لاننا تونا ببدايه حياتنا مع السنين الحياء يروح
و ربي يعون العبد مادام انه مايسوي غلط بالعكس هذا الواجب وفيه اياه بالقران بس ماني حافظه النص .. انوا لما يصير اتفاق بين اثنين لازم يكون بينهم عقد يضمن حقوقهم

ربي يصبرك ويسعدك ويسخرلك زوووجك ويملى قلبه بحبك وعينه ماتشوف بالدنيا احلى منك وعقله مايعرف اعقل وارجح من عقلك
مره سمعت ان الي يتزوج عليها زوجها وتصبر وتحتسب الاجر لها باذن الله اجر المجاخد فبي سبيل الله لاتضيعين كل هالجر من يدينك وهو مقدملك على طبق من فضه
الدنيا ماتسوى ولا يدري الواحد كم بيعيش فيها

واليوم رحت افطرت عندهم وبعد الفطور تفاجأت بزوجي يناديها وصعد هو وياها لشقتهم وتركت بنتها عندنا تحت وطبعا هذا كان قدام امه وخواته ولما نزلوا كانت الفرحة والوناسة باينة في عيونها علما اني حامل في نص التاسع

احس انه السبب وواضح

بعد الفطور

راحوا الغرفه بدون بنتهم

يعني مفهومه !!!!! اكيد شي جدااا خاص بين المتزوجين :o:smile:

صح انه يقهر

بس ماله اي داعي تروحين تطالبينه بالبيزات
يعني مثل ماقلتي ابلعيها وطنشيها

لانه هذه زوجته بعد

بس المفروض مايكررها جدام اهله

السلام عليكم و رحمة الله و بركاته

بصراحة يعني...هي حركة ممكن تقهر الزوجة الأولى...بس باقي الناس بيشوفوها عادي...

لكن أختي إنتي كمان إتذكري...إنه مسكنك في بيت لوحدك..و هي ساكنة مع أهله...و لا تعمل...يعني مقابلاهم طول الليل و النهار...و زوجها مش عندها كل يوم...

لذلك...هي أكيد تحب تخلي الناس تشوف إنه زوجها يحبها و يموت عليها...وضع طبيعي...

هذا موضوع مختلف عن موضوع الفلوس..زيعني ما تربطي بينهم...لأنه الحين إنتي حامل و راح يصير لك عيال منه...لذلك...خلاص الروابط بينكم وثيقة...و الزواج تم من 4 سنين...يعني مدة مش بسيطة...

الأرض اللي طلبتيها لحّي عليه إنه يجيبها...ليش ما طالبتيه فيها من يوم من أعطيتيه الفلوس ؟

و الله يتمم لك حملك على خير و يقومك بالسلامة إن شاء الله...

مرموم:

السلام عليكم و رحمة الله و بركاته

بصراحة يعني...هي حركة ممكن تقهر الزوجة الأولى...بس باقي الناس بيشوفوها عادي...

لكن أختي إنتي كمان إتذكري...إنه مسكنك في بيت لوحدك..و هي ساكنة مع أهله...و لا تعمل...يعني مقابلاهم طول الليل و النهار...و زوجها مش عندها كل يوم...

لذلك...هي أكيد تحب تخلي الناس تشوف إنه زوجها يحبها و يموت عليها...وضع طبيعي...

هذا موضوع مختلف عن موضوع الفلوس..زيعني ما تربطي بينهم...لأنه الحين إنتي حامل و راح يصير لك عيال منه...لذلك...خلاص الروابط بينكم وثيقة...و الزواج تم من 4 سنين...يعني مدة مش بسيطة...

الأرض اللي طلبتيها لحّي عليه إنه يجيبها...ليش ما طالبتيه فيها من يوم من أعطيتيه الفلوس ؟

و الله يتمم لك حملك على خير و يقومك بالسلامة إن شاء الله...

اضم صوتي لصوتها .....
والحركات تجي مو بس من ضره الله يسلمك تجي حتى من سلفتي.......
متى ما شافونا انا وزوجي ماعاد تعرف تقر.... يامناديتة ....يارايحلها..... يا مبتسمة...... يايروحون لغرفتهم................ ويتركون العيال عندنا وترجع مبسوطة .............
بس عقب اكتشفت هذي حركات ..........هي غريانه لاني برا البيت وهي عند اهلة .......
......... يعني صدقيني حتى لو سووا اللي في البال ............ما عليك منهم انتي في بيتك معززة مكرمة والله مغنيك عنها............. والفلوس انشاء الله يرجعها لك ... انتبهي بس للجنين ومثل ما قالوا البنات انا في شهر الخير كثري من العبادات والله يوفق انشاء الله ......
ويا عيوني عوضي انشاء الله بعد النفاس يعني.......خذي برامج من هالمنتدى للعناية بالجسم..........الخ ... وغيري اللوك تبعك ..........

وصدقيني بتحتترق منك مو بس بتنقهر .............. ويتطلعون من الغرفة مبسوطين............ز

حبوبة
دام أنت رضيتي أنت تجتمعين مع زوجك وضرتج في مكان واحد
يعني لازم تتحملين كل ألي يصير
هي زوجته وعادي أن يناديه
بس المو عادي أن يناديه جدامج (حفاظاً على مشاعرك )
مثل نصيحت باقي الخوات طنشي هل المرة
بس إذا كرره مرة ثانية
كلميه وصارحيه بأن هل الشئ يضاقيج
لا تكليمينه بموضوع الفلوس وأنتي متضايقة أجلي الموضوع لمه تروقين وبعد من حقج أطالبينة بفلوسك
بس حبيت آسال
شنو علاقتج بزوجته
دام أهيه ساكنة في بتن أهلة يعني لا زم ليج علاقة معها

ومثل ماقالت الاخت وسن يمكن يبون
يقهرونج، وخصوصا هي ولا تعطين
لعمرج مجال للنكد، اضحكي انتي بعد
وياه وكلميه جدامها وسوي حركات مشابهه
يا اختي..........وحده بوحده فديتج

اعجبني رأي الاخت
قومي بحركات مثلها وتفلحي
وامامها وامام اهله
في ناس ماتجي الا بهالشكل
ربي يعينك
غاليتي كيد المرأة معروف فما لكي الا أن تأتي على نفسك وكبرياءك وتتعلمي فن الاغراء
الاغراء الحلال
قد اعود

مدري وش نصحوك فيه الخوات بس من وجهه نظر شخصيه
اشوف انك تعدينها هالمره ..والمره الجايه لوتكررت صارحي زوجك وعبريله عن مشاعرك بدقه ..ولا تحسينه انو غلطان وانك حاقده
بس عبري عن مشاعرك له ...عشان يحس الدفع غيره حب مو غيره حسد من ظرتك
هي لاتجبيهااا في الموضوع ولاتركزي عليها ..
ركزي على المشاعر اللي بينك وبينه باسلوب مره هادي
...
اتوقع ان حيفهمك ويقدر لك ..

يالله الله يهدي سركم يارب ..

اسمحولي

صحيح الموضوع يقهر ولكن .......

تعرفون لو انا ريال بقول كيفي انا حر انتو الثنتين زوجاتي انادي اللي ابي ، محد يقدر يقولي ليش او يحاسبني كلكم حلالي

لكن المشكلة في المشاعر مثل ماقالوا البنات واحساس القهر هذا ماتحس فيه الا الزوجة وبعدين يا الغالية لاتضايقين روحج على موضوع مثل هذا لان مثل ما انتي لج حق هي بعد لها حق

وتتوقعين لو قلتي حق ريلج السالفة بيطيعج شو دراج يمكن ياخذها نقطة ضعف عليج وكل ما حب يضايقج او يقهرج وينرفزج يكرر هالحركة بالعمد اذا كانت هالمرة مو مقصودة .. ويمكن يقولج ليش تقولين لي هالكلام انا لاغلطت عليج ولابلعت حقج ولا رحت للحرام ويمكن يقولج عادي شو صار

يا بنت الناس دام انه متزوج ثانية لازم تتحملين ومب لازم تحتكين في زوجته اذا تضايقج وبعدين انتي حامل وقربت ولادتج مايصير تضايقين عمرج

وبالنسبة لانج تسوين حركات جدام اهله او عشان تضايقينها انا اقولج مالها داعي بالمرة لان شكلج بيكون وايد سخيف وانتي تسوينها وبتستوين مضحكة جدامهم وبيتمون يتطنزون عليج وبتصغرين في عيونهم ويمكن يقولون عنج ياهل بعد ،، انا لو مكانج طالما اهله موجودين او زوجته موجودة بطنش وبكون عادية جدا لا ولا ببين اني متضايقه وبسولف وبتكلم معاهم بكل احترام عشان اكبر في عينهم
واكسب ودهم .. وكلها كم ساعة وارد بيتي وارتاح

وموضوع الفلوس لا تييبين طاريه ولا تتمننين عليه فيه لانه عيب بس عقب فترة اسأليه قوليله هاه شو صار عشان موضوع الارض

تحيااااتي لج

وتقبلي مداخلتي

نعنوووعة

الله يكون بعونش يا اختي الصبر زين ...............


مكانش بالجنة تتحملين


مو المهم انه راح اياها الغرفة او ضحكوااا ............... فكري في باجر مستقبلش انتي و اولادش ..... و مصيرش انتي الحين بقوتش و عافيتش تتعبين و تكدين على روحشش....


فكري ببكرة لازم تأمنين مستقبلش و هذه الفلوس تجمعينها و تشترين لش عقار او بيت او مشروع بسمش


ترى الرجال ما فيهم خير و في لحظة يبيعون رجلش حاله حال آلاف ...... هو تزوج غيره يلعب و المرة نايمة و بعد ما تكبر شوي دق على راسها حرمة ..... و هجرها



بس انتي مازالت الفرصة بيدش.....


الله ينتقم من اللي خذت كل زوج من زوجته و نيمت وحدة بدموعها و آلامها


و من كل زوج خاين و ناكر للمعروف و جاحد و متضطهد لزوجته

الله يعينج حبيبتي حسيت بج
بس مابينتي يعني زوجج يعدل بينكم مسوي ايااااااااام
يعني مثلا لوكان يومك من حقج تسالينه ليش راح عندها او انه يوم بيي يومها انتي كرري الحركه بعد وناديه اقهريها حبيبتي