موعدي يوم الاربعا و مافيني صبر .. تعالووو

انشاء الله يساعدوكي البنات 0000000000000 000 لان ماعندي خبره بها السوالف00000000000 والله يتمم لكي على خير

مشكوره يا ام خالد على الرد .. عالاقل احسن من اللي يقرا و يمشي :)

تسلمين الغاليه

هلا مراوي
تقومين بالسلامة يا رب
عقبال بشارة الولادة

اول شي .. هل في احتمال وانا بالاسبوع الثامن مايكون في نبض؟ قاعده احاتي
لازم يكون النبض موجود من الاسبوع السادس


ثاني شي .. ولدي بيكون له شكل ولا بعده شكله مثل خليه دائريه؟ ابي اشوفه
بإذن الله بيكون له شكل انسان صغنوووون و يبان قلبه ينبض
و اذا امكن خذي صورة له لج عشان تسوين البوم صور من يوم البيبي في بطنك

ثالث شي وهو الاهم ... الكشف عن نبض الجنين لازم يكون عن طريق سونار من تحت؟ لاني قريت جم موضوع ان البنات حصل معاهم اجهاض يوم سوو لهم فحص من تحت حق نبض الجنين
اوضح طريقة هو الكشف السونار من تحت و ما عليج شر
مستحيل الدكتورة تسوي شي غلط يسبب الاجهاض
الاجهاض له اسباب اخرى مو من جهاز السونار او الكشف المهبلي العادي
فلا تحاتين ابد

في طريقه ثانيه يكشفون عن النبض غير هالطريقه؟
يوجد طريقة اخري و هي وضع ميكرفون على البطن
لكن لا تصلح للأشهر الاولى لانه الجنين صغير و قلبه اصغر فصعب ينسمع بسهوله
بس من بعد الرابع بسهوله ممكن تستخدم الدكتورة هذا الجهاز لسماع النبض

مشكووووره اختي فوانيس على الاجابات الشافيه

بس انا الحين خفت من الكشف حق النبض والله خايفه يصير له شي

يعني انتو مجربينه حق عيالكم و كان عادي؟؟؟

مجربين و نص ههههههههه

عادي حبيبتي

حتى جهاز كشف المهبل _ بوز البطة)) عادي استخدامه

توكلي على الله و خبرينا شو بيصير معاج و طمنينا عن البيبي

مشكوره حبيبتي فوانيس والله انك ماتقصرين مع البنات كالعاده

تطمنت شوي بس بعد بحاول مع الدكتوره تجرب السماعه عاد اذا ما رضت مالي الا اخضع للامر الواقع

وان شاء الله اطمنكم عليه .. قصدي عليها :)

انا الدكتورة دايما من لشهر الرابع على مااذكر تسمع نبض البيبي عن طريق الجهاز سماعه بس ...وهذا يكفي وماسوت لي فحص داخلي الا عشان تشوف الرحم ...والله يهون عليج ويطمن قلبج

الله يسهل عليك اختي ويرزق كل محرومه ويسهل على كل حامل ووالد

ان شاء الله مافي الا الخير وطمنينا عليك :)

الله يتمم لك بخير ويسهل عليك اختي ... يوم شفتك تقولين ولدي فكرتك في الثامن

لا تحاتين مثل ماقالت لك فوانيس مستحيل الدكتورة تسوي شي يسبب الاجهاض واكيد له اسباب ثانية والله كانت كل الناس اجهضت بسبب هالفصح

صحيح هو محرج بس الشكوى لله بكرة جايتك الولادة وبلاويها ... تحملي والله يكون في عونك

طمنينا عليك بعد الموعد وعلى البيبي وان شاء الله خير

فوانيس كفت ووفت

الاخت " زوجي حبيبي" مشكوره عزيزتي و عسى الله يتمم لك بخير جزاك الله الف خير :)



********************************

الاخت " دراعه " الله يسمع منك و الله يفرحنا ان شاء الله ونسمع كل يوم عن وحده تخبرنا انها حامل ببركه هالشهر ان شاء الله :)



*********************************
الاخت رومي ... فعلا السالفه محرجه جدا بحاول قد ماقدر انها تستخدم السماعه عن الفشيله

بالنسبه حق "ولدي" مادري ليش دايما اكلمه على انه ولد .. ماما كليت؟ ماما انت نايم؟ مع اني حاسه فيها بنت :)


*******************************

الاخت ريم 81 مثل ماقلتي الاخت فوانيس ماتقصر كعادتها و لكن هالشي مايمنع انك نورتينا بتشريفك للموضوع :)

الله يستر ان شاء الله قريب جاينا الدور بس ان شاء الله ما نحاتي

الله يتمم لك على خير اختي سندس ومشكوره عالمرور :)

توي راجعه من الدكتوره

اول شي .. الحمد لله البيبي سليم و شاطر صار طوله 2 سم و شفت قلبه ينبض في الالترا ساوند :)

ثاني شي مااحتجنا حق الكشف من تحت مجرد التراساوند و كان قلب البيبي مبين نقطه تنبض

حبيت اطمنكم خواتي ..وادعولي الله يتمم حملي على خير :)