كوافيرات جدة يابنات ضروري محتاجتكم....

اهليين حبيبتي

انا حالتي نفس حالتك ملكتي في العيد بس خلاص حجزت مكياج عند وحدة اسمها مها من صالون ستارز .. هوا جديد في الخالدية بس شغلهم مرة حلو و ناعم .. و الشعر برضه انشالله حسوي عندهم
امارة ما قد سمعت عنه صراحة

في ريما يقولو لينا مررة كويسة للميك اب بس برضه ما تضمني لأنه شفت كم عروسة عند لينا و كل وحدة فرق عن التانية وحدة مطلعتها قمر و التانية مطلعتها خفااش .. مرة خفت منها صراحة

و منه سنتر يقولو في وحدة اسمها نجلا كويسة بس ما شفت بعيني

انشالله اكون افدتك و لا تنسي دعواتك :smile:

كيفك ياعيوني

شوفي اماره يقولوا حلوو لكن ماشفت شغلهم بصراحه

اما ريما اعرف صفيه وخلود ولينا ووحده ناسيه اسمها بس صارت اخلاقهم في خشمهم ومره شايفين نفسهم

اما منه سنتر ماقدر سمعت عنهم ابداا

وفي كوفيره اسمها شيخه مكياجها مره حلو وناعم انا سويت عندهم وحده اسمها هناء والشعر حنان

وفي وحده اسمها منى اعتقد كمان مكياج اذا تحبي تروحي تشوفي مكياجهم

والله يوفقك ياقمر