بنات قطر المعرض

مشكووورين خواتي بمر المعرض بعد مايخلصون خواتي الامتحانات ونفس سؤال الاخت كريشما متى اخر يووم؟؟

اللللللللللله

انا بعد خاطري ارووووووووووووووووووووح

:(

اعتقد بيخلص عقب العيد بكم يوم

-كححححححح
وين ردي؟؟
كنت كاتبه رد طويل وعريض وراح علي اهئ اهئ
برد اقولكم مره ثانيه
عندهم شنط تقليد من الكويت حلوه بس ماخذت منهم ماحب التقليد مع انه كان مضبوط
وفي محل شيل حلوه من الامارات شيل سودا ومطبوع عليها رسوم ملونه ب100
وعندكم محل ام عوض القبيسي للعطور والدخون
عندهم عود مميز ونوع اسمه عود معطر ب100 وماينزل ولا ريال بس ريحته عجيبه
اممممم بعد شنو
عندهم شراشف للطاولات راقيه وغريبه
الاكسسوار في الغريب وفي القديييييييييم
بس كله غالي
امممممممم والبيجامات ماعندهم
في محل يبيع جلابيات للبيت ب30 بس مادري عن الموديلات اوكي ولالا
وللعرايس ماشفت شي



عاد بخليكم الحين اختي تصيح بروح لها
.

أنا سمعت إن فيه شغلات حلوة
بس لحد ألحين ما رحت ..
اللي راحت تخبرنا شنو شافت

ان شاءالله بكرة رايحه وبخبركم

لاتنسين شوووفي شي حق عرايس وقولي لنا

بنات انا رحت وعجبني المعرض وايد.....اول شي الجلابيات الكويتيه روووعه وسعرها رووعه ب350 وشغلها راقي وايد.....هي يبيعها واحد سوري والمحل من الكويت......وشريت شراشف من عند الصينين لليهال بس لاني ماحب الرخيص بس لليهال عندهم رسومات حلوة وولدي تم يصيح يبي اشتري له...بس حسيت ان قطنهم حلو......وحتى بيجامات اليهال من الصينين قطنهم حلو وقالوا لي اللي استخدموها انهم غسيل ولبس ولا يتغيرون...انا شريت وحدة لكل واحد وقلت بجرب(البيجاما اللي معاها نعال)
وشفت عند السوريين بيجامات حلوة قطن بس ماشريت يعني اللي يدور ويركزز بيلقى اشياء حلوة

مشكورة ام ياسمينا على التفاصيل

انتظروني بكرة بنات اول ماارجع بقولكم

انا ما رحت للحين بس شفت الاعلان ان اخر يوم بتاريخ 8/11

هلا بنات فديتكم رحت المعرض شنووووووووووووو زحمه لعت جبدي واليهال قاموا يصارخون من زحمه ماتقدرين تمشين المهم تخيلو رحنا ساعه 8اول مافتح وخلصنا ساعه 11 ولكن شنووووووووووووو زحمههههههههههههه موووووووووووووووووووت

المهم حبايبي بقولكم المعرض يجنننننن مش للعروس فقط لا ايضا للعوايل لليهال ولكل فرد في الاسرة (حلو هذي)

المهم الجلابيات الكويتيه والسوريه لكن انصحكم نصيحه اخت لاتكثروون غاليه زين اذا حصلتي من 500 ريال وهذي اللي تكون رزه اما بو300 عادييين كلش ومايستاهلون

وبيني وبينكم موحلوين كقماشه نوعيتها شينه تخترب بسرعه اما تطريز واشكال عيووونج تطلع وانتي تشاهدينهم لكن شوفي الخلق لووووعه واللي يتنتف بسرعه ويخترب

خذت بس جلابيتين عن خاطري اول مادشون المعرض على يدكم اليمين يبيبع سوري شوفي جلابيه سوده وذهبي قالي ب700واخر شي ب500 ريال لكنها رزززه للزيارات والمناسبات وخذت اللي جنبها قالي 350 ولما قتله خلاص ماابي وعطيته فلوس ل500 دخلها خريطه وقالي انتي لج ب300 وهي جنبها على طول خلقها اشلون اقولكم مثل الصوف وتطريز يعني نفس جلابيات البدو القديمه لكنها حلوة حق الشتاء والبرد ومع ان الصراحه ماتستاهل ب300 زين عليها 180 ريال

لكن شاسوي خذتهم

وعندكم محلات عطورات ودخون ماخذت شي لان الدووحه متروسه محلات ارقي ودخونهم مايستاهل على 100و200 ليش اشتري اخذ نفس السعر من محلاتنا احسن وابرك

المهم الشنط والجواتي الصراحه مااعجبوني لانهم يبينوون تقليد

وفي محلات للبشرة والشعر بس بيني وبينكم ماامن فيهم

وعندكم محلات اكثر شي للمفارش السرير والطاولات يجنوووووووووووون للي تبغي شي سنع لبيتها

وعندكم شيلات مااعجبوني صراحه احسهم عاديين مايسون ب100ريال

واللاكسسوارت في السنع والشين
لكن اسمعوااا لكن الاكسسوارات الهنديه تجننننننننننننن روووعه وشغاباتهم تجنننن

والمكياج ماشريت خذت لفه فقط

ولكن اللي صج عجبني محلات صينيه واليابانيه والله يابنات انصحكم شوفوا ملابسهم داخليه رخيصه على5و10و15و25 لكن قطنياتهم عجيبه ومريحه للحركه ويمتصون العرق طحت فيهم شريت كميه والحلو انهم اشكال وانواع انصحكككم فيهم وانا اتكلم عن تجربه مايختربون ولايتغيرررون

انتوا شوفوهم وامسكوا قماشتهم واحكموا بنفسكم

وبعد قمصان نوم تجننن لانها اولا خلق زين واشكالهم حلوة صج موماركات بس مايمنع لانهم حلوووين عيوني تطلع وتدخل بس لاني شريت كميه كبيرة خلاص وحرمت نفسي اني اخذ وخذت 5 بس عن خاطري هههههههههههههههومشيت قبل لااخذ اكثر

وصح خذت دلاقات اللي على اشكال اللي نفس البستان خذت 5 ب50ريال وحده ب10

وبجامات وقطنيات وقمصان للبيت حلوووين والاحلى انهم مريحين بس امانه ماخذت لاني شاريه كميه من الراشدي والجبر فمااقدرت اشتري قلبي يعوورني بس مااقدر ووين بوديهم !!!!!!!!!!!!

وحطيت ميزانيه للاغراض فمااقدر اخذ من عندي خلاص قررربت على الافلاس

انصحكم يابنات روحوووا بس قبل لاتشترون فكروااا الف مرة لاتحطون فلوسكم وتحسفون تري نظر يغري لكن شوفو نوعيه قماش وفكروا انا محتاجته او لا

لكن اللي انصحكم فيه محلات صينيه واليابانيه ملابسهم دااخليه تجننن ومريحه

واتمني اني افدتكم بس اصدقووااا المعرض غالللي

مشكوره اختي عروس الدوحه عالتقرير الوافي
انا لحين ما رحت ماجات لي فرصه اروح انشالله بروح له بكره
وننتظر باقي البنااااااااااات

السلام عليكم..
اسمحوا لي بادش عرض معاكم..

امس رحت احس اشياءهم حلوه بس انا مليت من المعارض
كنت ناوية امشي بدون ماشتري

بس غصباً عني وقفت عند محل عطورات أم عوض القبيسي
عطوراااتها :up: عندها مخلط فتون فيه دهن عود ب200
وعطر هبوب المسك ب120 والكريم ب60 "فيه مسك روز من أجمل"

وخذت بخور السلطانه ب100 ريحته زينه
وفي عطر ماذكر اسمه بس فيه شي السلطان
ريحته حلووه بس عندي عطر تشبه ريحته "يكون فيه من عطر السلطان الي بالتوله"

لما شميت البخور رز لي غرشة العطر لانهم حلوين مع بعض

وخذيت لي ملحف عن خاطري حق العيد
وشغابات من عند السوري شوي اشكالهم غير عن الباقي
واختي تقول في بحريني بس انا ماشفتهم..

تشااااو..

مشكووورين خواتي ماقصرتوااا ونخدمكم بافراحكم ان شاءالله

يابنات في شغلات حلوه عند الصينين لبسات دلع صج معضمهم شكلهم جيييب بس اذا دورتي بتلقين شي خيالي في اللبس على كل المحلات الموجوده في المعرض لقيت لي شغلتين حلوين بس من لبسات الدلع بصراحه خواتي قالولي الوانهم حلوه وتشكيله نادره لاتفوتكم دورو عدل .

وخذت لي كمن جلابيه من عند المصري لان انا بصراحه احب القطن المصري في الجلابيات اغسلي والبسي ولا يتغير لونهم خلكم عن محلات السوريين بصراحه يلوعون الجبد غالي على ولا شي .

امممممم بعد اشخذت لي اي والله تذكرت خذت عطورات من عند الهنوف فديتها والله حليوه ودايما اخذ من عندها بصراحه سالت عن العودر الفرنسي ا وقالت لي انه خلص تحسفت والله اني مالقيته ولقيت عندها بخور اسمه شيوخي لكن شنو ريحته لين البقت في الثياب ماتطير وحياتكم ورشي عليها مثبت البخور عطتني اياه هديه يعل ربي يسلمها اسمه مخلط عليا وقالت لي انه اخر علبه عندها وشريت بعد عطر بوغايه هذا العطر حبيبي كل مايخلص اطير عندها واخذه في اي معرض هي تكون موجوده فيه ووخذت عطر تدلل روعه ريحته وبصراحه خذت عطر اسمه بوشباب تهبل ريحته قلت لها عطيني عطر بوشباب حق بو شباب اللي عندي طبعا اقصد زوجي .

وخذت ملحفين من عند الصينيين ملحف ماروني حق غرفتي الحاليه وملحف وردي حق غرفتي اللي في عش الزوجيه باذن الله ..

بنات بصراحه ترى ملاحفهم تدوم والله وزينه اخبر خذت لي واحد في معرض كان في بوظبي من عندالصينين تقريبا من سنتين وحياتكم لحد اللحين يديد على كثر ما انغسل يعني ملاحفهم مالت كراف .

وتحياتي واتمنى اكون افدتكم

اختكم في الله / الموناليزا

انا صار لي 3 ايام وانا اروح هالمعرض .. وباقول لكم شخذت ..

اممممم خذت طقم مفرش من عند الصينيين حق غرفتي بعدين بإذن الله .. تشكيلته حلوة وايد 11قطعة بـ250 ريال .. كلنا خذنا منهم انا ومرت أخوي و مرت عمي وبنت عمي : )

خذت شناط يد من عندهم حلوين و عمليين وايد .. بس هذا اللي خذته خفت اخذ من الملابس الداخلية و ابتلش بهم حتى الجلابيات لأن مرة شريت من المعارض من اول غسلة كروا مع انهم مب رخاص ..

عطورات ما عطورات شميت عندهم بس ما خذت منهم ..

فديتكم بنااات مشكووورين على المشاركه

الموناليزا مشكوره عالتقرير الوافي وانشاء الله بمر عند الهنوف
وشكرا لكل البنات اللي شاركوا

هلا عمري قطر تسلمين على المرور وقوليلنا عاد شنو شريتي(0لقاااااااااااااااااااااااااااافه)

بنات هالاياام متي المعرض يفتح ومتي اخر يوووم؟ضرورري ردوااا علي

هلا عروس الدوحه
كل عام وانتي بخير وكل البنات بخير انشاء اله
رحت للمعرض مره وحده وشريت لي شنطتين تقليد روعه وبالذات لويس فيتون
وشريت لي حلق وردي كبير من عند الهنود وحلق ثاني فصوصه ملونه
وشريت ملحف من عند وحده صينيه ب 150 وايد حلوه الوانه بنفسجي باعت مع فستقي مكسر وتطريز حركات يعني
وبس وانشاء الله بروح لهم قبل لا يسكرون واظن اخر يوم 8 /11