ساعدوني ..تعبانه ..بارد الاحساس

الله يعنيج حبيبتي
أنا متزوجة من ثلاث سنوات
وأعاني من نفس المشكلة
آلبس آتعدل آحط مكياج آتعطر وأبو الهول آبد ما في حس (صماً بكماً عمياً)
في ناس نصحوني أني أتكلم معاه
وأخبره عن مشاعري بصراحة
وفعلاً تكلمت معاه وقلت له
أنا آتعدل وآتزين حق من
حقك أنت طبعاً
أنا وحدة أتحب أنك تهتم فيها
تمدح لبسي مكياجي عطري تسريحة شعري
أحب تلاحظ أي تغيير فيني أو في البيت
بعد ما أكلمه في الموضوع بس يومين يتغيير
وبعده ترجع ريمه لعادتها القديمة
ونرجع ونتكلم
وبعد يومين ترجع ريمه لعادتها القديمة
لحد أني بصراحة بعد ما كنت قبل الزواج أحب ألبس وأتعدل وآتكشخ صرت عادية في البيت

سوري على الإطالة بس شاسوي أعاني مثلج

ألف ألف مبروك على الخطبة...

بعدين لا تتسرعين بالحكم آنه مو مهتم فيك يمكن لأنكم جداد وبعدكم ماخذيتوا على بعض،،،

آنه يوم أنخطبت بعد الحفلة خرجت معاه للأستديو وبعدين تعشينا بالفندق، تصدقين ولا حتى حط يده في يدي مع أني خلاص ملجنه يعني زوجته ولا قال شي عن لبسي أو مكياجي ويوم ثاني جاني الظهر وأخذني بيت أهله للغداء حتى مامسك يدي وقعد بعيد يلعب مع عيال أخته، بس أتصدقين ماطاف الأسبوع الا هو واحد ثاني وقلت له يوم تزوجنا أنك اول كم يوم حطمتني قلت شنو هالجاف الي مايحس؟؟
يعني شوي شوي راح تاخذون على بعض وترى لازم أحيانا يصير فتور في العلاقة,,,دام أنك أستخرتي وأنت مرتاحة الله يوفقك ويهدي سركم إنشاء الله,,,

تسلمون خواتي على المرو والرد ..ادعولي ..
يمكن انا رومنسيه وايد ..ومثل اي بنت لما تنخطب تنتظر من خطيبها كل الكلام الي كانت تحلم فيه وتتمناه ..
بس الله كريم باصبر ليما يمل مني الصبر !!
بس دعواتكم لي ..
وكل وحده اتمر على موضوعي لاتبخل علي بالنصيحه

الغالية صدق انج طماعة .... انتو توكم مالجين.. أنا اشوف احلى و اصدق الكلام ايي بعد العرس لأنه بعيد كل البعيد عن المجاملات

انتي اصبري شوي .. اصلان لا تفكرين بهالموضوع ..لأن مب وقته .. تبغين حد يقولج غزل و دلع و بعدين خلاص فنيش .. و لا تبغين السالفة اتييج شوي شوي و تستمر .. تعالي .. وبعدين انتي و اسلوبج .. اذا انتي تمدحين ريلج و تكشخينه هو نفس الشي بيهتم .. و كله خطوة خطوة ..

و الله يكتب لكم السعادة

صج في شي كنت باقوله لكم ..
بصراحه شغله نرفزتني منه اشوي ..
يوقول مايبي (طقاقات ) يعني فرقه موسيقيه في العرس ويكفي دي جي ..
بصراحه هالشغله نرفزتني ..لان ودي اسوي عرس حلو ..هذه ليله في العمر ماتتكرر ..
ادري ان فكرته انه مايبي يسوي شي يغضب رب العالمين ادري والله وانا بعد الواحد يطلب من ربه انه يوفقه ويستر عليه دوووم..بس ياناااااااااااااااااااس هذا فرح ..عرس ..وانا بنت ..واهو اول فرحتي ..ابي استانس وابي اهلي يفرحون ..يعني موكفايه انه جامد لا وبعد يبي يحرمني فرحتي !!!
اوووووووووووووف

اصبري (r) انته توه مالجين بالعكس لو كان قالج احبج ويصير من لسانه مو من قلبه ...

طولي بالج شوي

بعدين انتي بسلوبج وبتعبيرات غير مباشرة تعلميه انه يتكلم ..

الحياة جدامكم ان شاء الله .. مو شرط كل شيء يتغير خلال ايام او حتى شهور

افضل شيء في الموضوع انه انسان خلوق ومتدين احمدي ربج على هذا شيء

اما سالفه تبين طقاقات ووزوجك يبي دي جي..حاولي تتفاهمين وياه اواحد من الاهل

اذا ما وافق اختي خلاص

لا تخلين اشياء لا تغني ولا تسمن من جوع تخرب بينكم

خلي العوض عند ربج

الله يوفقكم ان شاء الله ويسعدكم

اختي العزيزة

خطيبج ما عليه يا عمري ... وانه بارد .. هذا كلام مو صحيح ... يا اختي توكم ببداية علاقتكم وعلى ما يتعود عليج يحتاج لفترة .. خصوصا انه مبين عليه من خلال كلامج رجال محترم وثقيل ... وانتي اثقلي عليه وتدللي وان شاء الله بالصبر والوقت والتعود على بعض راح يقول لج كل الكلام الي تتمنيه ... ومن كل قلبه ..

وبالنسبة للطقاقات ... طيعي خطيبك بالي يريده .. يعني حطي دي جي افضل ... حتى الله يبارك لكم بكل حياتكم ... لا تبداين اول لحظات حياتك بحراااام ... ترى ما بتحصلي دلع ولا كلام حلوو .. فايهما تفضلين ؟؟؟

لا تقولين هذي ليلة وابغي افرح فيها ووووو من هالكلام .. بصراحة هالليلة قد تكون مصير لحياتج كلها ... بهذه الليلة المباركة لا تفسدينها بحرام .. هي مجرد ساعات .. لا تخلينها تخرب عليج العمر كله ..

سامحيني اذا ضايقتج بكلامي
الله يووووفقج معاه ... وتفرحين طووول العمر

الف الف الف مبرووووووك لكم

عزيزتي تصرف زوجك جدا طبيعي انتي مالك الا اسبوع وتبين انه يتغزل فيك من اسبوع بس
الفتره قصيره عشان ياخذ عليك وتاخذين عليه
وايضا قلة المكالمات افضل
انا بنظري ان تصرفه المفروض يعجبك لانه انسان مو هدفه من الزواج هدف تفريغ مشاعر فقط والدليل انه مالزق فيك من اول ماملكتوا
اختي اقولك كلمه وخذيها مني
الي يتغزل بزوجته ويترك الرسميات من البدايه مصيره يبرد
وبعد الزواج بتقولين بارد مو قبله
وانتي انتظري بعد شهر بتشوفين شلون بياخذ عليك
وبعدين قلتي انسان متدين يعني مو راعي كلمات والفاظ يستخدمها الشخص العادي المتعود على التغزل
يعني كلمتي هي انتظري

السلام عليكم ورحمة الله وبركاته


أختي الحبيبة (عروس الاسياد2006)

أول شي ألف مبروك على الملكة والله يتمم لج على خير

الشي الثاني ، أحمدي الله وأثني عليه دايما لأنه رزقج بزوج صالح

أسأل الله أن يجعله قرة عين لج وأن يجعله أب صالح لعيالج إن شاء الله

راح أبتدي بسالفة الطقاقات ، أختي صحيح هو يوم فرح لكن مو معناها تغضبين الله

يعني هو مو متشدد حيل، لأنه لو متشدد كان حتى الدي جيه ما رضى فيه

بس سالفة الطقاقات أعتقد أنج تقدرين تتنازلين عنهم علشان تعيشين عيشة طيبة

ولا تخلين موضوع مثل ذي يكون سبب في مشاكل بينج وبين زوجج..

أما بخصوص طبع زوجج، فهذا مو بارد بالعكس أنتوا توكم مالكين يعني عطيه فترة ليما

يتعود عليج ، وبالنسبة لي لازم تفرحين لأن هذا معناه أنه زوجج ما عنده خرابيط

علشان جذي الكلام الحلو إللي تنتظرينه ما طلع منه بسهولة..

وفيه شي لازم كل البنات يعرفونه ، أن مو شرط الرجال يعبر عن إعجابه بكلمة

لاحظوا تصرفاته معاكم .. يمكن هو ما يقول (أنتي حلوة) لكن تلاحظون عليه أنه

مستانس وهو قاعد جنبكم .. ما يشيل عينه عنكم أو لازق جنبكم...

أختي لاحظي هالأشياء على زوجج.. لما يكون معاج شلون يتصرف

مو شرط بالكلام ، لاحظي التصرفات..


الله يوفقج في حياتج ويتمم لج على خير


و السلام عليكم ورحمة الله وبركاته

تسلموووووون خواتي ..كلامكم ريحني حيييييييييييييل
الله يريحكم دنيا واخره يااااااااااااااااااااااااااارب