أرجوكم طالبه مساعدتكم

ياليت تيلغين اهلك في اقرب فرصة قبل ما توهقين بالعيال وتقولين ياليت ..................
شاوري امك وشوفي وش تقول انا لومكانك كان سويت كذا ..................
ياليت تستعحلين....
الله يكون بعونك يارب ........................... قولي لامك لاخوك الكبير اللي تحسين انه يفهمك او كلامة تحسينة حكيم ولا ابوك .....................زز استعجلي صدقيني لسه اني باول الطريق

مشكورة ياقلبي انج رديتي علي بس انا ما اقدر لان اهلي كانوا يتمنون اليوم اللي اتزوج فيه والحين عمري 25 يعني مو صغيرة لو بتطلق راح ينصدمون في شغله عن جد نسيت اقولها بعض المرات يكون حنون وهذا الشي بعد يخليني ساكته :sad:
انا محتاااااااااااااااااااااااااااااااااااارة ياربي شسوي تمنيت يكون بحياتي انسان عنده نفس الرومانسيه اللي موجوده فيني ليش ياربي هالحظ:cry:

طيب انتي مقتنعه باللي يسوية .
يعني . يطلع كثير من البيت لغير سبب .......... علية حركات انتي مو مرتاحة لها ......
بعدين شوفي حبيبتي كل الرجال لهم ماضي خلي هالمعلومه في راسك حتى البنات بس البنت تكون بسيطةوخفيفة يعني لا ضرتها ولا ضرت سمعتها .......... اما الرجال لهم ماضي خفيف وثقيل بعضهم وهم الاغلب يقوم بالحرام ......
المعنى كله انتي الحين حياته من قبل انتي مالك وجود عندة وعشان كذا يوم فتحتي معة الموضوع تضايق .
شوفي انتم في بداية حياتكم ....... ولا تشكين وابعدي ابليس عنك اشغلي عمرك باي شئ ......... ويقفل الجوال يمكن خلاص يبي اللي كان معهم ينسونة اللحين حبيبتي جاء دورك .
دلعية وخذية بالحنية وتراه بشر يحس وله احساس الرومانسية ولا ما كان له علاقات معة قبل .
اما اذا جامعك فانتي حاولي انك........................... ممكن ارسلك على الخاص احسن .................

حبيبتي انتي في اي بلده متغربه؟؟ اول شي

ثاني شي .... اعتقد انه له علاقات قبلج مع بنات بس اهو دايما يسكر التليفون معاج والا في كل مكان يروح له ؟؟

والشي الثالث انه ما يهتم بحقوقج فهذا يخوف صراحه انا عن نفسي ماقدر اسكت لانهاا حقوقي وما يخاف علي ... لازم اقول حق احد احسن لي... لا تتورطين معاه اول شي كلميه وصارحيه احسن لج وبعدين شوفي ردت فعله ...

مشكورين حبايبي على الرد انا ادري ان كل واحد لازم يكون عنده ماضي لما شفت الرسايل قلت يمكن ان يكون ماضي ويبي يتخلص منه بس السالفه غير جذي لما ايي اتصل على اهلي بديرتي الاقي اهو بعد متصل قبلي طبعا في رقم معين نتصل وبعدين نقدر نتصل على الديرة اللي نبيها والحين هاليومين ماسكلي النت وتارك التلفون احنا الحين بامريكا وهذه بحد ذاتها غربه ياليت اقدر اعرف أحد جان شوي نسيت مشكلتي مو عارفه اتصرف بهالغربه ما ادري اختي كتبتيلي اكتبلج عالخاص شلون انا ما اعرف. اي شي انا راح اتقبله انتوا مثل خواتي لاتنسوني عفيه الله يخليكم وعطوني حل غير اهلي تراهم مرضى وما يتحملون وما بقى شي على الدورة اذا نزلت ابي حل واذا حامل الله يستر ابـــــــــــــــــــــــــي حــــــــــــــــــــــــــــــل:sad:

السلام عليكم و رحمة الله و بركاته

هلا بيكي أختي العزيزة...

أختي...إنتي و زوجك دخلتوا على مرحلة مهمة في حياتكم...و دخلتوها بسرعة...لذلك...اللي يصير طبيعي جدا...

أنا ضد الإنفصال و هذه الشغلات...

الرجل مش متعود على وجوجك في حياته...لذلك في شوية عدم تفاهم في الأول...

إستهدي بالله أختي و ابعدي الشيطان عن وساوسك...

زوجك محتاج لك دايما بجانبه...مش بس إغراء و لبس...لأ...محتاجك تفهميه و توقفي بجانيه...تحسسيه بالأمان و الحنان...و إنك قادرة تتفاهمي معاه...

بالنسبة لموضوع الرسائل...يمكن هذا ماضي و راح...و هو يريد ينساه...بحكم إنه خلاص اتزوج...

و بالنسبة لعلاقتكم مع بعض...هو لسه جديد...و ما بيعرف إنه لازم ينتظر لحد ما تاخذي حقك...لذلك...إنتي بلطافة ...تفاعلي معاه...و دلعيه و قولي له انتظر شويه...و من هذا الكلام...و هو صدقيني لو كان سعيد...راح تلاقيه يتفانى في إسعادك...و يحاول بقدر الإمكان يرضيكي...

إنسي موضوع أهلك تماما...إنتي لسه في أول الطريق...مش معقول كل مشكلة راح تتصلي في أهلك و تقولي لهم إلحقوني...

و صدقيني كل هذا نحن مرينا به في أول حياتنا...و كانت صدمة عدم التوافق بين الإثنين...و لكن كل شيء الآن تمام و الحمد لله...

و إن شاء الله تكوني حامل بإذن الله...و تملي البيت عيال...:)

اختي الحبيبه لا تضعين ايدك على خدك وتطلبين الحل من الغير لان الحل بيدك وانتي ادرى مننا برجلك وياما اخوات قبلك صادفتهم مشاكل اكبر من كذا واعرفهم شخصيا وبذكائهم واسلوبهم الراقي مع ازواجاهم قدرو يتغلبون على مشاكلهم اذا هاذي اول مشكله لك في حياتك الزوجيه وتعاملتي معها بانك تطلبين حلها من الغير لا ابدا لانك انتي ادرى برجلك مننا ولا فيه رجل ما تقدر عليه أمراءه لان الرجل طفل يبي الدلا ل والرحمه يعني تكونين امه واخته وصديقة وبعدين هاذي تحصل كثير في السنه الاوى من الزواج بسبب اختلاف ثقافاتكم وتربيتكم ومبادء كل واحد فيكم وشو بعد هدفه بحياته لاكن مع مرورالوقت والعشره ويكون بينكم التسامح والرحمه والتعاون وانو كل واحد فيكم يرفع غلط الثاني بكل صدر رحب صدقيني راح تذوب مشاكلكم مع الثلج الي عندكم بالديره الي انتو مغتربين بها وصدقيني هو راح يندم على كل شي بس يبيله وقت ويعرفك منو انتي وانتي اكسبيه وبعدين مو كل شي الاهل يدشون فيه اهلك ما زوجك علشان ترجعين وياما صبرنا وتحملنا وعشنا وفي الاخير كسبنا ليه يقلون حياةالمرأه جهاد لان فيها الصبر والقهر والتحمل فوق الطاقه وكثير وكثير تضحيات ولاكن تكون بعقل ومنطق اختي صدقيني الحل بيدك بس ينقصك خبره وتقدرين تكسبينها من صديقات مثقفات مو متعلمات فقط لانو الدنيا ثقافه وليس فقط علم وشهاده وانتي حاولي تتعرفين على بنات لهم باع طويل بالحياة وتكون حياتهم مستقره مع ازواجهم ليكون لكي جسر الوصول الى حياة مستقره وصدقيني باسلوبك مع رجلك راح تخلينه يتلعق مع البنت الي يعرفها حتى ولو كنتي ازين منها .اتمنى لكي حياة مستقره .

مشكووووووووووووووورين على ردكم وكل وحده انصحتني راح اخذ نصيحتها وانتو كلكم خواتي ولا راح ازعل من اي شي واي وحده تدخل على موضوعي لاتبخل علي بالنصيحه ومشكورين ياقلبي

الله يوفقك يااارب .. عليج بالدعاء ثم الدعاء ثم الدعاء ..
وتقربي من رب العالمين اكثر واكثر وانشالله راح يجعلج مخرج من هالضيق والحيره الي انتي فيها ..
ادعي لزوجج بالهدايه والصلاح وربج كريم حبيبتي ..

مبروك على الزواج حبيبتي
أنا مع الأخت مرموم
أتبعي نصيحتها ، ترى كلامها كله عدل
وبعدي فكرة الطلاق من بالك الحين
بس أنا أختلاف مع الأخت مرموم في موضوع الحمل
أنا اشوف لو أتأخرين الحمل شوية لين تتعودون على بعض وتتفاهمون أكثر وتحلون هل المشاكل
نصيحة( لا تحسسين زوجك أبداً انج ما عندك ثقة فيه)
والله يوفقك

مرموم قالت الحق وماازيد عن كلامها شئ
لكن فكرة الانفصال اتركيها حتى لو كان عمرك 20 الانفصال غلط بكل الاعمار وحاولي تصلحينه
والحمل اجليه لحد ماتعرفين امورك معاه

انشالله حبايبي مشكووووووووووووووووووووووووورين أحبكم:yes: