@-@ سوالف رمضانية مع صــارع @-@

صـــارع 05-10-2005 19 رد 1,921 مشاهدة
ص
[frame="2 100"]





[grade="008000 00008B 008080 00008B 008000"]اخواني الأعزاء .. أخواتي الكريمات
تقبّل الله صيامكم و قيامكم وأكرمنا وإيّاكم بالرحمة والمغفرة والعتق من النيران

لا يكاد ينقضى شهر رمضان المبارك ، بدون مواقف طريفة حدثت في الماضي و تحدث الآن وستحدث في المستقبل ان أحيانا الله ، حبيت تشاركونا في هذي الصفحة بالمواقف الطريفة اللي صارت لكم في رمضان.

راح احط لكم كذا سؤال ... اللي حاب يجاوب عليها يتفضل
وللي يبي يسرد سرد ويقول كل اللي في خاطره يتفضل واللي يبي يجمع بين الاثنين يتفضل بعد

[size=6]الاسئلة تقول

(*) هل صار و افطرت وانت ناسي .. وشلون تذكرت انك صايم وشو كان موقفك ؟

(*) رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟

(*) نبي نسمع موقف طريف حدث على المائدة من احد اطفال العائلة الله يحفظهم ؟

(*) صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟

(*) شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟

واللي عنده اسئلة ياليت لو يسعفنا فيها
وانا لي عودة للإجابة على نفس الاسئلة اللي نزلتها لكم .. انتظروني

اخوكم صـــارع[/grade][/size][/frame]
ص
وهذي اجوبتي على الاسئلة

هل صار و افطرت وانت ناسي .. وشلون تذكرت انك صايم وشو كان موقفك ؟
صراحة زمان كانت اتصير وايد ، بس سالفة ناسي هذي ماذكرها ، اذكر اني فطرت متعمد وانا اصغير ، والاكل مسروق بعد ، دخلت حجرة الوالدة وانا عارف انها داسة عنّا ( سنكرز ) وبما انها مشغولة بالمطبخ خذيت حبتين من السنكرز << شوفو الافتراء ، وبما اني شخص حالم كان يبي لتطبيق الجريمة جو رومانسي ، رحت البلكونة وبلعت السنكرز ولا من شاف ولا من دري ولكن بالليل مادري شلون درت الوالدة اني انا المجرم !!!! للحين ماقالت لي شلون درت

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟
اذكر كنّا بالمسجد الحرام في ليلة 29 وكانت ليلة ختم القرآن الكريم ، الناس كلّها متشوقة وعطشى والجو روحاني لدرجة ماتتصورونها ، كنت انا واخوي يم بعض ولما قمنا للصلاة دخل بينا فجأة واحد من المصلين يبي يوقف بالصف ، زين ما خلع كتفي بالأول ابتسمت له ابتسامة صفرا وعقب تداركت نفسي وقلت هذا بيت الله مو بيتي وصلينا والريّال قطّع قلبي من البكا ... ما شاء الله عليه كان خاشع جدا

نبي نسمع موقف طريف حدث على المائدة من احد اطفال العائلة الله يحفظهم ؟
طبعا نحن مائدتنا على الارض وكنّا متحلقين البارحة على غير العادة ، لأن في افراد من الاسرة غايبين ، بالاول كانت سفرتنا على شكل مستطيل ، الله يرد كل غائب لأهله ، المهم واحد مسكين كانوا حاطّينة بره الحلقة ، عرفتوه !!! حمودي لأنه صاير مزعج ويبي يسحب السفرة بإيده ، المسكين كنت اراقبه ... يراقب امه .. كل مدّت يدها عينه محل يدها .. واذا يت تاكل يرفع عيونه معاها .. موقف كان صدق طريف والكل ضحك عليه

صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟
بحكم اني مريض بمرض الربو الله يشفي كل مريض ، كانت ماتجيني نوبات الربو إلا برمضان .. ليش مادري .. وكان يحتم علي الافطار لان نوباتي بعيد عنكم قوية وكنت آخذ الدواء 4 مرات باليوم ، والحمدلله اول رمضان صمته كامل وانا بالصف 3 الثانوي والى الآن والحمدلله

شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟
رمضان هذا .. الى الآن الوضع مستقر وماشفت ولا مسلسل ... ادعولي اكمّل رمضان كلّه بدون مسلسلات ، مافيني اضيّع شهر الرحمة بكلام فاضي

بانتظاركم
e
مشكور على الموضوع الحلو

تدري ان اغلب اسالتك ما اذكر اي شئ منها؟!!!!!!!!!!!!!!!!!!!!!!!!!!:s2
صايره الذاكره معي ميح هالايام............

هل صار و افطرت وانت ناسي .. وشلون تذكرت انك صايم وشو كان موقفك ؟


ما اذكر اني فطرت وانا ناسيه,, بس يجي على ذاكرتي مثل الضباب مو متذكره عدل هل صار بالحقيقه ولا مجرد احلام يقضه بس!! اللي اذكره ان مره كنت اطبخ الفطور وبغيت اذوق الطبخه اذا طالعه زينه وملحها مكفيها , فاخذت شئ بسيط جدا جدا في فمي وبسرعه تذكرت ورجعته طوالي من فمي,,لا بعد ورحت اغسله بماي<<<====احد يغسل لسانه ,,فركته فرك .خخخخخخ بس عشان ما احس بالطعم. لكن ما قد فطرت واكلت وجبه او لقمه حتى ودخلت في بطني ابدا ما صارت,, يقوللك اللي يفطر وهو ناسي فهي نعمه من الرب لان الله يبي يطعمه من رزقه , والله اعلم.

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟

اذكر مره كنت اصلي التراويح بالمسجد في عمان, والحاجز بينا وبين الرجال كان عباره عن ستاره بس, المهم واحنا في وسط الصلاه, الاحظ الستاره تتحرك كثير, لما رفعت عيني الا اشوف طفل جالس يفتح الستاره ويقفلها ويطالع على الحريم على باله الناس تلعب لعبة استغمايه على قولة اخوانا المصريين, هو يرفع الستاره ويشوف ويعطينا ابتسامه اوين عاد شفتكم.خخخخخخخ يا حليله,,
هالموقف ما يضحك بس ابتسم كل ما استرجعته في ذاكرتي.
ومره بنفس المسجد , تعرف مو كل الناس تتابع لاخر الصلاه, مو كل ركعات التراويح يصلونها واكثرهم الصبيه, المهم وهم مارين واحنا كنا وقتها واقفين الركعه الاولى والاطفال هذولا بغوا يطلعوا قبل لا تبدا الصلاه وهم طبعا يمروا في اواخر الصفوف عشان ما يضيعوا على المصلين , واخر صفوف الرجال طبعا الستاره اللي بينا وبينهم, الا وما تسمع هذيك الطيحه على ارضية المسجد, نص جسم الولد باين في قسم الحريم,,, ساعتها مسكت نفسي والا كنت بضحك,, استغفر الله بس.


صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟


وبصراحه ما اذكر ابدا,,,, اللي اذكره ان بالبدايه كنت اصوم يوم ويومين لا, وبعدها اسبوع واسبوع لا وهكذا وايامها كانوا يقولون لنا ان غرة رمضان ما يجوز نصومها لاننا ما راح نصوم الشهر كله,, اللي اذكره اني كنت دايم اطلب من اهلي يسمحوا لي اصوم بس كانوا يرفضوا لان بنيتي الجسمانيه ما تسمح,, بس متى بديت اصوم الشهر كامل ما اذكر,, يمكن بالصف السادس ابتدائي,,يمكن ما متاكده,,او اول اعدادي...
شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟


لا في مسلسلات ولا شئ,. اصلا ما عندي ستالايت عربي,, افضل لي جذيه اريح بوايد,, لما كنت بعمان كنت اشوف المسلسل التاريخي اللي يجيبوه قبل صلاة المغرب, عن هارون الرشيد وووالخ,, حلوني كل اخواني كنا نتجمع نشوفه, اما بعد الفطور نشوف فوازير تلفزيون السلطنه, بعدها طبعا نروح للتراويح, وبعدين نشوف مسلسلات خليجيه,, والله وهذا اكبر غلط,,, رحت العام اللي طاف عمان في الاسبوع الاخير من رمضان بس الحمد لله ليش اني تعودت هنا ما اشوف مسلسلات رمضانيه فما كنت اتابع معاهم التلفزيون,, يا رب دوم يضل الوضع جذيه.


واذا تذكرت شئ فلي عوده بعون الله
&
حياك الله اخي صارع
شهر عظيم ورمضان كله بركه الي خلاني من الاوائل الي يلحقون على المواضيع(دايما متاخره)

عموما بابدى بالاجابه



هل صار و افطرت وانت ناسي .. وشلون تذكرت انك صايم وشو كان موقفك ؟
ماحصل اني افطرت وانا انسيه بس حصل اني قمت بالليل متاخره وشربت مويه وماامداني اخلص الا وهو يقيم للصلاة
طبعا لما سمعت الاذان شهقت شهقه قومت البيت وطبها كان ابوي رايح للمسجد فطلبيت منه يسال الامام عن حكم صيامي
والحمد لله مرت بخير




رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟
لما اروح اصلي بالمسجد ويبدى بالدعاء الحريم مايصدقون هات صياح ونياح واصوات مرتفعه انا فيني طبع اذا جيت اصلي مااحب الصوت فكيف بصياح طبعا من عادتي انا صيوحه ولما يجي دعاء مايمدي الامام يقول اللهم الا وانا مصيحه بس هالمره الحريم لبتدوا يصيحون بدري وانا عصبت حتى استغفر الله ماادري وش يقول الامام ولما بدى بالابتهال والرجاء لله سبحانه وتعالى رفعت يديني وقعدت اصيح مو من الدعاء بس من هالحرمه الي وراي تصيح وتنيح وسبحان الله مهما غيرت مكاني بالمسجد تكون وراي والله يستر اليوم هل هي وراي ولالا
تكفون ادعوالي:cry:
والموقف الثاني فيه عندنا بالحي حرمه عجوز الله يصلحها عثيثه شوي كانت بيني وبينها حرمه الحرمه هذي راحت بقى المكان الي بيني وبينها فاضي قامت وانا اصلي تجرني من عباتي جر وبغيت اتعكرف(اطيح)من جرها:o


نبي نسمع موقف طريف حدث على المائدة من احد اطفال العائلة الله يحفظهم؟
عموما اخواني الله يصلحهم مايخلون احد يقدر يدعي ربه او يعرف وشو ياكل هواش ومناقر هذا الصحن حقي وهذا انا مسويته وهذا الكاس ليه مو مليان وهذا الصحن قريب من فلانه ومو قريب مني
يعني لحد الحين مااذكر شئ بس طبعا اخوي الصغير لازم يبدى السيرك حقه مع الاذان





صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟
يمكن لما كنت باولى متوسط يعني التزمت التزمت لكن قبل اصوم يوم ومااكمله او اصوم يوم وافطر عشره
عدد الرمضانات يمكن تقريبا 10



شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟
بصراحه اكذب عليك لو قلت مطنشتها لكن احاول ابعد عنها بقد مااقدر كفايه الرمضانات الماضيه راحت علي لو دقيقه قدامها
لكن فيه مسلسل حريصه اشوفه لانه يتكلم عن قضيه معينه مهمه جدا وابشوف تصويرهم لهذي القضيه كيف كان
لكن السخافات الباقيه ابحاول مثل ماقلت ابتعد عنها



استمتعت بالاجابه على الاسئله
س



(
السلام عليكم ورحمة الله وبركاته

اخوي صــــــــارع
مواضيعك كلها حلوة ماشاء الله تبارك الله عليك

بالنسبة لأسئلتك راح اجاوب عليها بس تسعفني ذاكرتي


هل صار و افطرت وانت ناسي .. وشلون تذكرت انك صايم وشو كان موقفك ؟
ياكثر هالمواقف بس اشدها قبل كم سنة كنت اقلى بطاطس وياربي كل ماطالعت للصحن قليل
المهم اختكم كانت تقلى بطاطس وتاكل ويوم شبعت وخلصت وشربت ماء تذكرت انها صايمة
والصحن مافيه الا الحتاويت

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟
بصراحة من يوم كنت صغيرة اصلي بالبيت قليل ماصليت بالمسجد
لكن اطرف شيء وانا بالحرم كنت اقاوم النوم

نبي نسمع موقف طريف حدث على المائدة من احد اطفال العائلة الله يحفظهم ؟
كثيرة المواقف بس للاسف ما اذكرها

صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟

بصراحة ولله الحمد لي 20 سنة اصوم وما افطرت فيها الا للمفطرات الشرعية

شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟

الحمد الله ما أشوف التلفزيون لاهية بعيالي الله يصلحهم

وارجع واقول مشكوووور صـــــــــارع على الموضوع
ص
هلا

elmaha

مايشوف شر الياهل اللي طاح بالمسجد ... :bigsmile:
صراحة مواقف حلوة واجابات رائعة ، وسالفة غسل اللسان ماعليج ترى تصير وايد في المطابخ حزة تحضير الفطور
اتمنى لج شهر ملئ بالطاعات تضئ و تنور لكم غربة UK
تحيتي
ص
هلا

عاشقة الجوري.

حال سفرتكم مثل حالنا
اختي الصغيرة مو عاجبها ليش نبدأ بالتمر ، نقولها سنة ، تقول ليش الرسول ماكان ياكل بالأول فطاير وعصير !!!!! :s
والله يعينكم على نياح الحريم في المسجد ، بس ان شاء الله الصوت مايوصل لمسجد الرياييل ، لأن حرام المرأة تصيح والرجال يسمعها
الله يمد بعمرك وتصومي رمضانات عديدة مديدة ويخلي لكم صغيرونكم اللي يبدأ السيرك مع الآذان
تحيتي وشكرا على المرور
ص
هلا

سفيرة فوق العاده

موقف المايكرفون صعب جدا ... الواحد يحس كأنه بدوامة لما ينقطع الصوت فجأة
الله يرزقكم من خيره اولاد وبنات بارّين وبارّات فيكم
دمتِ بصحة وعافية
تحيتي
ص
هلا

(اساهي2)

معنى هذا اذا شفتي صحن بطاط في رمضان على طول تذكرين اللي صار زمان !!!!
على سيرة مقاومة النوم في الحرم ، مرة كنت انا و واحد من الربع نصلي التراويح في المسجد النبوي الشريف ، سلّم الامام و ربيعي ماسلّم ، اثريه نايم هههههههها ، مسكين من التعب كان مواصل و تونا نازلين المدينة بعد ما اعتمرنا
الله يحفظ عيالكم وتلهين بهم عن المسلسلات الفاضية اكثر واكثر
تحيتي
a
[grade="00008B FF6347 008000 4B0082"]اخيرا دخلت 000 كلما ادخل يعلق علي

عفوا نسيت ارد السلام
وعليكم السلام ورحمة الله وبركاته

موضوعك رائع اخوي صارع واجوبتكم تجننننننننننننننننن

عجبني موقف حبيب عمري حمودي ومت ضحك على سالفه العصير والفطاير

هههههههههههه

اجوبتي 0-0-[/grade]

هل صار و افطرت وانت ناسي .. وشلون تذكرت انك صايم وشو كان موقفك ؟

ياااااااكثرها طبعا اكثرها ايام وانا صغيره000 مره امي الله يحفظها كانت تسوي لنا فيمتو
وحطت كاس كبيره بالفريزر عشان تبرد لها

ونستها وبعد فتره جات وطلعتها من داخل الا وهي صارت ايس كريم( تثلجت )
وحطتها تذوب المهم000 جيت انا من المدرسه (( ايام الابتدائي)) وكنت صايمه وماااااااااااااايته عطش

دخلت المطبخ الا واشوف الكاسه الكبيره فيها شي احمر وباااااااااااااااااااااارد

وماصدقت خبر شربتها لييييييييييييييين خلصتها 000وطلعت من المطبخ بعد ارتكاب الجريمه00 الا اختي اللي اكبر مني ب3 سنواتتشوف اثار الجريمه (( على فمي علامات الفيمتو ))

وتقولي :: فطريتي ؟؟ ياويلك من امي0000 وانا توني اتذكر اني شربت الفيمتو <<< من الخرعه تذكرت

واررررررررررررركض واتمضمض واقول اللهم اني صايمه واسغفر ربي واختي تطلعني مستغربه وتقول خلاص ماني معلمه

خخخخخخخخخخخخخخخخ
ياحلو ايام الطفوله والله00

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟

في رمضان هاذا ماصار شي 000 بس في احدى الرمضانات السابقه <<<<ياعيني ع اللغه بس
كنت انا ويا اختي اللي اكبر مني 00 نصلي جنب بعض ( صلاة التراويح ))

والامام كان يقرأ ولما وصل لآيه فيها سجود( سجده ) سجد وقال الله واكبر وفي امام ثاني كبر مره ثانيه ( عشان نعرف ان السوره فيها سجده ))

وبعد ماخلصنا الصلاة الا واختي خاااااااااااااايفه موت وتتلفت000 اقول لها شفيك مخترعه عسى ماشر

تقول والله حسبالي في ارهاب او شي لما الامام سجد والامام الثاني كبر مره ثانيه

هههههههههههههههههههههه
وانا انفجرت ضحك 00هذا ايام ( المتوسط)


نبي نسمع موقف طريف حدث على المائدة من احد اطفال العائلة الله يحفظهم ؟
حالنا مثل حالنا اختي عشوقه00 هواش وخناق00
بس بأول ايام رمضان هاذا00 اخوي بخامس ابتدائي كان صايم وتعبااااااااااان من الصوم00
ويترجى امي انها تخليه يفطر00 وامي معييه00

ولما اذن قاعد بقول لامي :: ابي عشر سمبوسات 000 وابي ازيد خمسه كيلو

هههههههههههههههههه
اخوي عنده طموح

صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟

من ايام الابتدائي ولله الحمد 000 بس في البدايه كنت اصوم لين العصر وبعدين افطر <<< تمارين وبروفات

بس بعدين يمكن بصف رابع او خامس بديت اصوم رمضان كامل

شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟
بصراحه 00 رمضان اللي فات 00 كنت اشوف ومااخلي مسلسل يفوت علي

اما رمضان هاذا احاول اطنش قد مااقدر 00
والدليل ان في هاذه اللحظه اهلي يشوفون مسلسل وانا ع النت <<<< يعنني اطنش


0-0-0-0-

[grade="00008B FF6347 008000 4B0082"]تحياتي لك اخوي بو محمد -- وعذرا ع الاطاله[/grade]
ص
هلا

aljory

مواقف جدا طريفة
اشوا ان اختج شافت آثار الجريمة ولأ صارت الجريمة الكاملة
انا استمتعت كثيرا بقراءة هذي المواقف الرمضانية ومرة ثانية قولي لأختج تنتبه لآية السجود عشان مايروح بالها بعيد
شكرا على المرور
تحيتي
أ
عليكم السلام ورحمة الله وبركاته

اممممممممممم موضوع نايس لوووول
بجاوب ترااني ... اوكيييييه ..

يالله


هل صار و افطرت وانت ناسي .. وشلون تذكرت انك صايم وشو كان موقفك ؟
في رمضان هذا ولا مرة فطرت وانا نااسية .. الحمدلله

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟
ولا مرة رحت اصلي صلاة اتراويح في المسيد .. اصليها في البيييت ...

نبي نسمع موقف طريف حدث على المائدة من احد اطفال العائلة الله يحفظهم ؟
اممممممممم ما صارت مواقف طرييفة .. كلها مواقف مزعجة ... ياخي ما يخلوني ادعا من حشرتهم
نحن من يأذن المغرب تبدا اختي الصغيرة واخوي الصغير الضرابة عالسمبووسة خاصة اللي فيها جبن .. وتبدا عااد الحشرة... يااصبر ايوووب
مشاء الله علييهم ابدا ما يقروون ...

صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟
انا بديت الصوم من صف ثالث ابتداائي .. بس كنت اذا جعت او عطشت اروح اكل واشرب وبعدين اكمل صياامي وكأن شيئا لم يكن لوووووووووووول
بس كنت اصوم تقريبا الشهر كله .. قولوا ماشاء الله
ومن صف راابع .. خلاص بدييت اصوم الشهر كله .. وما افطر الا لو كنت مريضة او تعباانة ...
مافيني احسب كم شهر .. احسب انته لووووووووول

شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟
شووف انا اصلا ما عندي وقت اشوف مسلسلات .. امتحانات فووق راسي .. وبعديين امي صاارت شوي مشددة عليينا .. اذكر اول يوم رمضان فتحت التلفزيوون وهدت علييه ... لووووووووول
بس اشوف مسلسل حاير طاير لانه ايي عقب الفطوور وفهالوقت يكووون عندي بريييك .. اضحك شويه ويا حاير طااير وبعدين اوح اصلي ..
P
موضوعك حلو صارع

وانتظروني لي عوده
م
اريد ان اشارك في موضوعك الجميل اخي العزيز صارع .. بس للاسف لااعرف استخدم امكانيات الكمبيوتر في عملية وضع السؤال ثم الاجابه عليه

لذلك سأجتهد لتذكر الاسئله والاجابه عليها


- اولا انا لم افطر ساهيا في رمضان مطلقا ولا متعمدا لاي سبب او اي عذر ..

وصيامي رمضان كاملا كان ابتداءا من سن 12 سنه .. لاني كنت نحيف بالاضافه الى ان امي كانت تعاني مني لاني لاأكل مثل الاولاد في سني



- صادفني موقف في المسجد وهو ان احد المصليين دخل مصليا للتراويح ولم يصلي العشاء فقلت له لابد ان تصلي العشاء قبل التراويح ودار بيني وبينه جدل تدخل فيه بعض المصلين حولي لتهدئته لانه كان عصبي بدون داعي وايدوا ماقلته له


- وفي مره كنت اصلي بالجامع الازهر .. واثناء القاء الخطبه وكان المصليين منصتين للخطبه التي كانت رائعه .. فوجئنا بدخول احد الشخصيات الرسميه الكبيره جدا .. فوجدت خطيب المسجد ينهي الخطبه فجأه ويقوم بالصلاه بعد ماتعكر صفو المسجد



بالنسبه للتليفزيون هناك بعض البرامج الحواريه وبعض اللقاءات مع شخصيات وحلقات عمرو خالد من المدينه المنوره وكذلك حلقات عمر عبد الكافي وغيره من البرامج المتعلقه باستفسارات دينيه .. واترك للاولاد المسلسلات



كل عام وانتم بخير


- اولادي الصغار كانوا لايصومون ولكن قبل المغرب بساعة يجلسون معنا على السفره وكانهم صايمين


-
a
مواقف رائعه واجابات اروع

استمتعت بقراءة الاجوبه

اخوي مجدي بالنسبه لطريقه تنظيم الجواب والسؤال فبإمكانك فعل ذلك ::

عندما تضغط على ( رد على الموضوع )) انزل الصفحه الى عند السؤال الذي تريد الاجابه عليه وقم بتضليله واضغط كلك يسار وقم بنسخ السؤال ثم قم باعاده الصفحه الى الاعلى حيث يوجد مربع كبير لتكتب الرد 00واضغط كلك يسار واضغظ لصق 000 واكتب الاجابه

اتمنى ان الشرح يكون واضح 00 تحياتي لك
ص
هلا

بنفسجة العين

شكرا على الإجابات و المرور
الله يحفظ هالصغارية وكثّروا من سمبوسة الجبن ... يستاهلون والله
بانتظار مواقف اخرى
تحيتي
ص
هلا

* ْ * عبير الورد * ْ *

حلت أيامك اختي الكريمة ونحن بانتظارك
تحيتي
ص
هلا

مجـدي

وليش الاسف .. مو شرط تجاوب على الاسئلة المذكورة
تقدر تقول لنا عن أي مواقف صارت لك وبالطريقة اللي تعجبك اخوي مجدي
انا مثلك تابعت كذا حلقة من حلقات الاستاذ عمرو خالد على قناة اقرأ وكذلك انا من محبّي الشيخ عبدالكافي فأسلوبه يعجبني كثيراً
لا تترك المسلسلات للأولاد ... اغلبها مامنها فايدة
شكرا لمرورك الكريم
تحيتي
ش
[frame="9 80"]
بسم الله الرحمن الرحيم
السلام عليكم ورحمة الله وبركاته ،،،
الحمدلله والصلاة والسلام على رسول الله وعلى آله وصحبه أجمعين ،،،

هل صار و افطرت وانت ناسي .. وشلون تذكرت انك صايم وشو كان موقفك ؟
ههههههههههههههههههههه لا الحمدلله انا من النوع الخواف واحاسب نفسي وايد
بس مرة صارت معاية ومانسيتها لين الحين ههههههههههههههه ...
كنت في المطبخ اسوي سويت جان _ اطعم = اتذوق _ السويت ونسيت اني صايمة هههههههههه
بسرعه رحت اغسل ايدي واغسل ثمية = فم _ هههههههههههههه قعدت اظحك على نفسي

رمضان شهر العبادات واشهر عبادة رمضانية هي صلاة التراويح ، هل صادك موقف غريب وانت بالمسجد اتصلّي ؟
انا ما اروح المسيد ابد ودي اوح بس الله ايسامح العادات والتقاليد حتى في الدين تتدخل &#61516;

نبي نسمع موقف طريف حدث على المائدة من احد اطفال العائلة الله يحفظهم ؟
ههههههههههههههه ما عندنا ياهال في البيت بس قريب انشالله حفيد العائلة ههههههههههههههه
بس اخوي الي معرس دوم ايسويلنا جو على الفطور ودومه يلعب عليه ويتغلس ومرات ما ايكون لي مود بس هو الله يحفظة دوم جي مثل الفراشة في البيت هههههههههههههههههه _ الله يحفظة

صراحة .. متى التزمت بصيام رمضان كاملا ، ياليت لو تعد لنا كم شهر رمضان صمته بالكامل؟
الحمدلله كل رمضان ما احب افوته لني وايد افرح في رمضان احس ان حياة المسلم دايمن مشغولة مش فاظية نفس .... الله يهديهم للدين الاسلامي يارب

شخبار المسلسلات !!! مضيّع وقتك فيها ولأ مطنشها وخايف يضيع عليك الأجر ؟
بحكم التلفزيون الكبير الي في بتنا ههههههههههههههههههههه الله ايطول بعمرة اخواني على طول يشوفون تلفزيون بس الوالدة الله يحفظها تمسك العصا واتروغهم هههههههههههههههههههه
ومرات حد ايشوف بالدس

هههههههههههههههههههههههههههههههههه اما انا مرات ومرات بس رمضان هذا حبيت مسلسل اماراتي اسمة _ الدريشة _ وحبيت مواضيعه وقلت صدق انه يعالج مشاكلنا في الدولة

كل الشكر_ لأبوداحم_ على التوقيع



وفــــــــــــــــــــــــــــــــــــالكم طيب ،،،
تحياتي لكم ،،،
ديــــــــــــــــــــــــــب[/frame]
X