@ الخيمة الرمضانية * مع شجونة الحلوة@

شجونة الحلوة 03-10-2005 534 رد 30,580 مشاهدة
a
قلبي العنيده
تامرين اذا على الاكل بس ماعليك ابشري

شو اقولج.. انا سلحوفه و ما اخون السلاحف خخخ

تعالي يالجوري قلتيلي حطمت الرقم القياسي بس وين جائزتي؟؟ >>>>> وحده فاهمه غلط خخ

تسلمين حبيبتي النور نوركم..

ومرة ثانيه بكون انا السواق عسب انتوا اللي تسألوني خخخ


هههههههههههههههههههههههههههه

ياقلبي والله
ش
اهلين ملوكه تمام الله يسلمج
وقسم العربي ايسلم عليج
ويسأل عنج >>>>>قويه هذي عاد

او كفووووا والله راعيتها
ننتظرج لا تطولين علينا يالغلا
ترى مستعده لرحلتج من الآن
هههههههههههه غصب هالروحه
الله يعينج بس هههههههههههه
س
المرتحله:

سهورة لا تتهربين

ترى ملابس العيد عليك هالسنة

أشوفك كل شيء رديتِ عليه إلا هالنقطة

وبنتظر تمرين علي وتعطيني ملابسي

ولا تقعدين في الخيمة لحالك

ترى موب زين

أخاف تطلع عليك حمارة القايلة


تسلمين حبيبتي .. رحولتي ..
أدري أنك المدافع عني ..
بس ما أدري من اللي وشى بك .. وتحولتِ مهاجم ؟؟!!

وأبد أبشري كل فستاين العيد تاصلك ..
أنتِ بس آمري .. كم رحولة عندنا..
وإذا بعد العيلة كلها والجيران .. قولي لايردك إلا لسانك
( خايفة من حمارة القايلة )
س
شجونة الحلوة:
هلااا والله سهووره
صج لي قالوا مطول الغيبات ياب الغنايم
ومادامج ذاكرتنا وشاريه لنا معاج اغراض
خلاص يبت لج تذكره معانا واحنا نستغني
عنج ....
وتسلمين على هالاغراض الحلوة ويسلم ذوقج
ولا تطولين علينا مره ثانيه مادري شعندج
كم اشك انه عندج شركات ومشاريع
تخليج تغيبين عنا كل هالمده ....
رحولتي شرايج انشغل رادار المراقبه
على سهرات نشوف وين تغيب هههههههههههههههه



تسلمين .. شجونتي الغالية ..
بس من ذوقك ..
وين تذكرتي .. عشان أضمن .. لا أحد يغير رايكم !!
سبحان الله بهالخيمة .. دوام الحال من المحال ..

وبعديت .. استري على ما واجهتي ..
كم مرة أقولك أسرارنا لاتنشرينها ..
وإذا ودك أدخلك شريكة .. ما عندي مانع ؟؟!!
ترى فيه عذال .. ( يعرفون حالهم .. أهل رفع القضايا ) هههه
س
aljory:

رحوله وليه ان شاء الله حطيتيني بالقايمه السودا
سهرات ممكن تحطينها ومن الاوائل بعد براحتك

سهوره
يالذكيه لا تفضحيننا
انت عطيها العنوان الغلط وانا بعدل لها العنوان وال (( ماني)) بالنص..
فهمتي

نعم نعم...اشوف الاتهامات تتحذف علي

اقوووووول انتي وياها
اذا مارفعت عليكم قضيه تهجم مااكون الجوري
وحده تقول مجرمه والثانيه تقول في القايمه السودا

لكن الحين برمضان ماني رافعه القضيه خبركم انا مسامحه <<<<<<<< المحكمه مسكره برمضان ههههههههههههههههههههه


جوري حبيبتي ..
تكلمي عن نفسك .. والقائمة السوداء لك
أنتِ اللي تسوقين الباص وما تنتظرين أحد ..

وبعدين ما أحب أعطي الناس شي غلط ( مسوية نزاهة )

وأقولك .. ماحنا بخايفين أرفعي قضاياك ..
أصلاً من كثر ما ترفعين قضايا ..
راح تسكر المحاكم على طول .. هههههه
وآخرتها بتصير براسك على اعتبار أنك صاحبة مشاكل وقضايا يعني ( مشكلجيه ) ويفتكون من قضاياك التعبانة خخخخخخخ
س
elmaha:

سهرات
عجبتني الجلابيات واااااااااااااااااااااااايد

انتي تشرفين والله, يا حيا وسهلا فيج, بس عاد لازم تتفاهمين مع شجونه والجوري<<<====حشا كأنهم ماسكين التاشيره عنكم.هههههههه



تسلمين يالغالية
هذا الكلام والا بلاش ..
تعلموا السنع والذرابة من المها ..

خلاص أهم شيء صاحبة الخيمة شجونة موافقة .. وقطعت التذكرة ..
والباقي ماله داعي .. خخخخخخخخ
جايتك مع شنطة كلها جلابيات .. تستاهلين ..
س
العنيــــــدة™:

يعلني ما انحرم منج سهرات

انا راضيه بالبايت.. بس أكلوووني..

سهوره
يالذكيه لا تفضحيننا
انت عطيها العنوان الغلط وانا بعدل لها العنوان وال (( ماني)) بالنص..


طاعوا انتوا بس..

ما عليه سواا اللي تبونه بس ييبولي اكل.. ومعاه كندر.. اوكي؟؟
:flower: :flower:



أفا يالعنيدة .. مانرضاها لك ..
تجينا يوم ونأكلك بايت ..
وش دعوى وين سلوم العرب ؟؟؟

ولايهمك .. الكندر تلاقينه على الفطور ..
وآمري تدللي .. بس لاتقاطعينا ..
ياليت كل يوم لقاء .. تصدقين ليتني تنازلت بيومي لك
عشان نضمن جيتك ..
س

والحين يا جماعة الخير ..
يمكن تتساءلون ليش سهرات معسكرة اليوم ..
وترد على كل وحدة ..
تبون تعرفون السبب ..؟؟!!

لأني خايفة من لقاء صائم .. اليوم دوري ..
مع أن عندي عتب عليكم ..
ما أحد واساني .. ولا زال خوفي ..
وأنا كل يوم أدخل أواسيكم ..
اسمحوا لي أقول .. صحيح أنكم قليلات خاتمة ..
ومالكم صاحب ولا صديق .. معليش رادتها لكم ..
m
صباااااااااااااااااااااااااااااااااااااح الخير ..


انا اقول ليه سهرات مرتزه من ذا الوقت
:think:
لقاء صائم دايم ودي ادخله بس اهون اجل اللحين ابعسكر فيه خخخخخخخخخخخ
ش
اهليييييين سهوره
اهاااااا يعني التوقع صح
الاخت عندها مشاريع او شركات
امرأة اعمال مااشاااااااااءالله
خلاص دخليني شريكه وما اقول
ههههههههههه

سهرات واللقاء اعذريني اختج توها قاعدة
من النوم يعني متأخره في القعده والا ما نست
دورج ...

بس ما شاءالله عليج ابدعتي عيني عليج بارده

الا البنات وينهم ماكو احد ,,,
a
هلا صبايا

سهرات
الحين انا كل شوي مرتزه في لقاء صائم وكل شوي اواسيك وانتي الحين تتهجمين علي

لكن وش نقول خير تفعل شر تلقى

عموما بترتاحوا مني هاليومين وبتفتكوا من قضاياي اللي شكلها بتطيح فوق راسي يوما ما..

أنتِ اللي تسوقين الباص وما تنتظرين أحد ..


اصلا انا في رحلتي جبت لكم طايره مو باص
عشان تعرفين انك كنت مخربطه وظالمتيني <<<<<<<<<< تكسر الخاطر


ترى فيه عذال .. ( يعرفون حالهم .. أهل رفع القضايا ) هههه


خخخخخخخخخخخخخخخخخخخخ الحين انا -----

ماعليه يجي منك اكثر ياسهراتوووووووووووووووووووه

يلا الحين خذي فترة نقاهه بهالخيمه بترتاحين مني
>>>>>>>>>> هاذا اذا ماطليت عليكم<<<<<<<<<<<<

تحياتي
ل
السلام عليكم و رحمة الله تعالى و بركاته

كيــــفكم بنـات اشتقت لكم كثيـــــــــر و الله ما منعني عنكم إلا هذه الدراسة لكن فرجت الحمد لله عندنا أسبوعين إجـازة و جد فرحـــــانة و فرحـــانة أكثر لأن الوالد و الوالدة راح يرجعون من المغرب الإثنين إن شـاء الله يـا حلاوة باقي يومين :bigsmile:

غالياتي رووووعة رحلاتكم و الله لكن لا تنسو تاخذوني معكم عند المها ههههههههههههههههههههههههههه حضري حالك يـا المها راح نهجم عليك و بعدين آخذكم معي إلى بلجيكا شجووووونة تدرين عندنا مطر و برررد<<< ههههههههههههههههههه راح تقول واااااو يالله نتبادل

المهم جيت أسلم و راح أرجع إن شاء الله
ا
بسم الله الرحمن الرحيم
السلام عليكم ورحمة الله وبركاته

سهورة يا بعد عمري

تراني اليوم ما كنت بالبيت وهذي بالنسبة لي مشكلة كبيرة يعني مافي نت يعني مافي خيمة يعني مافي لقاء

وعسكرة العافية عيوني

كل يوم بنخلي ابو داحم يستضيفك في برنامج

أقصد في لقاء عشان نشوفك

بس تعالي ما قلتِ لنا وين تغطس سهرات طول الأسبوع

وليه ما نشوفها إلا بالويك أند :think:

والصراحة ودي إني لا حقة عليك باللقاء عشان اتحفك بكم سؤال :gum:

بس الظاهر الوالدة داعية لك :up:

عموماً ترى الخيمة من غيركم ما تسوى



أختكم
المرتحله
ش
هلا والله لحونه حيااج ربي
وتشتاقلج العافية ..
واهنيج مقدماً على قرب عودة الوالد
والوالدة ربي يحفظهم وعلى الاجازة السعيدة

ربي يسعدج دووم ...

وبالنسبة لرحلة المها خلاص استعدي وبعدها
بنكون عندج مادام ماشاءالله جوكم مطر او برد
هذا اللي نبيه هههههههههههه

يسلموووو لحونه شرفتينا ياقلبي
e
السلام عليكم ورحمة الله وبركاته
رحلتنا اليوم احبائي الى دولة اسلامية صديقة وهي

جمهورية الصومال الديمقراطية


الصومال بلد مسلم يسكن في منطقة معروفة هي القرن الافريقي وقد دخل الاسلام الصومال منذ عهد النبي صلى الله عليه وسلم وعددالمسلمين في الصومال «10» ملايين نسمة مسلمون مائة في المائة وليس هنالك في الصومال اي مذهب آخر او ديانة اخرى.
يعتبر سكان الصومال بصفة عامة من الشعوب العربية التي هاجرت من الجزيرة العربية الى منطقة القرن الافريقي او خليط من الشعوب العربية والافريقية.


يستقبل الصوماليون شهر رمضان بكل حفاوة وترحاب ومنذ عهد بعيد يصوم الصوماليون شهر رمضان و6 ايام من شهر شوال ويصومون يومي الاثنين والخميس من كل اسبوع على امتداد السنة كلها.

العبادات في رمضان
تقام في الصومال كل يوم من شهر رمضان كل العبادات الدينية الذكر وحلقات القرآن الكريم والصومال فيه اكبر عدد من حفظة القرآن وهو من اكثر الشعوب المسلمة حفظا للقرآن وتكاد تكون الدولة في هذا الجانب الدولة الاولى في حفظ القرآن.
الطقوس.
يستقبل رمضان في الصومال وكذلك بالطلقات النارية وكذلك عيد الفطر بمثل ما يستقبل به رمضان ويحدث ذلك الآن ويفضل الصوماليون رؤية الهلال .

العشر الاواخر

الصوماليون يقومون هذه الليالي بكل جد وهنالك اعتكافات في المساجد بدءاً من يوم 21 رمضان حتي نهايته وحلقات الذكر وتلاوة القرآن الكريم وتفسير الاحدايث ويقوم الوعاظ بترجمة فورية للقرآن من اللغة العربية الى اللغة الصومالية.


الفطور في رمضان

تقدم على مائدة الفطور في رمضان مشروبات ومأكولات خفيفة ويتناول الصائم مشروبات من عصير المانجو والجوافة وكذلك يتم تناول الموز وهو موجود بكثرة في الصومال وكذلك البطيخ والباباي و اللبن يشكل وجبة اساسية في الصومال وخاصة في المناطق الجنوبية وحتى في العاصمة ثم يتوجه بعد ذلك لاداء صلاة المغرب وبعد العودة من الصلاة يتناول الصائم فطوراً مكوناً من الارز والخضروات والشعيرية والمكرونة والعصيدة واللحوم.
عادة صومالية

كل وجبة من وجبات شهر رمضان المعظم تطبخ في موعدها على ان تكون عمليةالطبيخ جديدة بمعنى ان لا يأكل الصوماليون بقية الوجبة الماضية بل يطبخون من جديد كل وجبة.
السحور

السحور في الصومال يعتمد الناس فيه على الحليب والشعيرية والمكرونة اما كيف؟ تبدأمراسم السحور فإنها تكون كالتالي. تقوم مجموعة من الشباب يتجولون في الطرقات ويضربون الدفوف ويقولون سحور /سحور/ سحور ذلك يحدث قبل الفجر حتى يتمكن الناس من اداء فريضة صلاة الصبح.

ليلة ويوم العيد

تستعد الاسر الصومالية بشراء ملابس جديدة للاطفال وفي صباح يوم العيد وبعد الانتهاء من الصلاة تبدأ الزيارات وتقديم التهاني للاسر وغالباً ما يتم الذبيح ايام العيد وتوزيع اللحوم وكما يستقبل رمضان باطلاق النار كذلك يتم اطلاق النار يوم العيد.

كل الشكر للاخت شجونه الحلوه
e
ليش الخيمه فاضيه؟
ل
أهلا بالمها كيفك يا الغالية هههههههههههههههههههههههههههههه المها نسيتي الناس عندهم دوام غدا مو مثلا ويكند

مشكورة على المعلومات الرائعة استمتعت لقراءتها

والصومال فيه اكبر عدد من حفظة القرآن وهو من اكثر الشعوب المسلمة حفظا للقرآن

مـا شاء الله عليهم
e
تسلمين يا لحن على مرورج
ا
بسم الله الرحمن الرحيم
السلام عليكم ورحمة الله وبركاته

ما شاء الله عليك حبوبتي

المها

رحلة رائعة إلى بلد إسلامي رائع

والله إن هذه الرحلات التي قمن بها في هذه الخيمة جسدت وحدة الدين

غاليتي

سلمتِ أناملكِ على هذا التقرير

تقبلي شكري وتقديري



أختكم
المرتحله
e
بارك الله فيج عزيزتي المرتحله
بس ليش اليوم الخيمه فاضيه؟
لا يكون فيه طلعات من وراي؟
X