كل وحده تقول لنا بإيش توحمت؟؟

انا عن نفسي سافرت الى اوروبى في اسبوعي الخامس ..فكان الجو البارد والنسمة الحلوه ما خلفتني احس بأي وحام :) بس الشي الوحيد إلي ما حبيتة ريحة حلج ريلي ههههههههههههه مسكين والحمد لله ألحين خاز عني هالاحساس مع اني توني داخلة الثالث..

بس في حملي الاول اذكر اني كرهت ريحة حجرتي وريحة حجرة ابو ريلي كنت اروح فيها ريحة عطر عيايز خاااااااااااااااااايسة وكنت احس بكتآب وتعب ..

أنا الحين في الأسبوع الثاني من الشهر التاسع..

و حبيت أستفسر عن الوحااام.. يوم الوحده تشتهي تاكل شي معين..

سألت ربيعتي و قالت عنه مرض نفسي أنا الحين أبا أتأكد..

لأني ما كنت أكل كل شي أشتهيه و خاطري فيه و أخاف الحين تطلع علامات في ويه الياهل ..

أبا أعرف يعني لازم ناكل أي شي يخطر على بالنا..

انا الله يسلمكم

صرت ما اشتهي اشوف اكل وطباخ ام زوجي يعني من اشم ريحته او اشوفه ارجع على طول والدليل امس من شميت اكلها رجعت على طول الله يعيني

وصرت ما احب اطلع من البيت وكله ابي اصيح بس صار خاطري بسمك مشوي ولوز من يومين ومسكين زوجي ما يقصر اللي ابيه اييبه لي عاد يقولي بس خلاص مصختيها ههههههه

اي اي وبعد صرت ما احب اتزين ولا اكشخ مثل قبل وداما متملله بس ما ابي اطلع من البيت ياربي تعدي هالثلاث شهور على خير وافتك

dalolh ما حطت في خاطرها أم زوجك؟؟؟ لأن بعضهم يحطون في خاطرهم....

أنا مش حامل بس أم زوجي تجي بعض الأحيان وتعطيني أكل والصحن يكون مأكول منه يعني فيه أحد قبلي أكل منه وأنا لما أشوف صحن أحد أكل قبلي منه ما أشتهي أكل منه... وكل مره تجيب لي أطالع في الصحن وأقول مو مشتهيه... وهي تحط في خاطرها إنتي شكلك ما تكلين من عندنا... إيش أقول لها أنا ما أكل شيء فضيل أحد... ما أدري ودايم تحط في خاطرها....

على العموم كل الحوامل ما يحبون يتكشخون أتوقع... لأن التعب يخليهم يملون يسوون أي شيء...

عروس فبراير ما عندي خبره آسفه حبيبتي...

بسمة الصباح: شكلكم كلكم توحمتوا على سمك... لاحظي كم وحده توحمت على السمك...

أم خلفان: ناس واجد تكره ريحة غرفتها أو ريحه زوجها...

big baby: كيف إذا ركبتي سياره زوجك ما تشمين ريحة العطر؟؟؟

روينا: مشكله إذا الواحد يسوي شيء غصبا عنه وهو ما يشتهيه الله يعينك إن شاء الله ويعين كل الحوامل...

مشكورين على ردودكم ياحوامل عروس...

لا والله اهي متفهمه بس انا ما ابين لها اني ما ابي طباخها اقول اني ماكله في الدوام او باكل بعدين وتخليلي وبعدين اعطيه حق زوجي مسكين انتفخ من الأكل
بس شاسوي ما اقدر اكل اصلا من اشوفه ارجع على طول حالتي حاله

وبالنسبه للتكشخ صدقتي ما احب اطالع نفسي بالمرايه ولا ابي اتكشخ ولا احط مكياج مثل قبل


وبالنسبه للسمك انا عكسكم صرت احب السمك بأنواعه مع اني قبل ما احمل ما احب الا نوع واحد بس والحين ابي كل الأنواع لا وصرت احب الأشيه الحامضه اكثر من قبل

الله يعينكم يا حوامل

امممممممممممممممم انا في نساتي

نووووووووووووووووووم واكتئاب

واكل ما اكل كيف طلع هالبيبي سبحانك يارب

والشيء اللي تنسيت عليه الفرواله اموووووووووووووووووووت فيه

واحبه يكون مثلج يعني موب طازج

فكرتيني بأيام الوحم

خدي عندك

توحمت في الأول على البطيخ (كنت باكل كميات مهولة) وبعدين على التين، وبعدين الخوخ
وبعدين المشمش
وبعدين المانجة

كل ما كنت اشوف حاجة اشتهيها حاجة غريبة

اما الفراول فرغم اني اموت فيها طول عمري كنت اكره اشوفها او اشم ريحتها

انا كنت احب الربياان جداا

وكنت اكره ريحة الطبخ خصوصا الدجاج:sad:

وشكرا

التوحم للمعلومة مو لشي حبيتيه ممكن كرهتيه بعد وانا الصراحة ما حبيت شي بس كرهت :

كرهت المرق والصالونة بأنواعها

كرهت بعض أنواع العطور

كرهت ..... اللي بالي بالكم

هههههههه هذي إللي بالي بالكم خطيره صراحه..

هههههههههههههههه شو ما خطيرة إلا خطيرة ونص

توحمت على على الرمان والسفرجل

مع ان الموضوع قديم بس حلوو..


خلنا نشارك فيه..

انا عن نفسي حبيت الروبيان مع اني كنت مااطيقه ..

وطبعا على كل شي حامض ..

وكرهت الفمتوو يااااااااااااااااربي للحين مقدر عليه ولا على اسمه :confused:

وكرهت التبوله خساره مع اني كنت اعشقها ..

انا مثلك يااا الناعمه زوجي وغرفة نوووومي كرهتهم كره مو طبيعي شهرين انااام في الصااااله وبس ابغي اكل سلطة البيتزااا حق بيتزا هت اموووت عليها اقووول ترى شوقتوووني للحمل احسن لي اطلع من الركن دا واروح لركن الطبخ ههههههههههههههههههه

اموووووووووووووت بالشي الحاااامض
واحب ريحه الغباااااااار هههههههههه حتى زوجي اول مايفتح مكيف السياره اوقات تطلع ريحه غبااااااار ووووووواااااااااااي استانس وارتاح نفسيا

حلو المووووووضوع بس قدييييم
أنا
أكره كل العطور
وأكره معجون الاسنان بسس أقاوم مضطره
كنت أمووووووووت في شي إسمة الوجبات السريعة ومن حملت ما احبها أبدا أبدا
ما احب أشرب الماي أتلوع منه قليل أشرب بعد الغدى أو العشاء بكمية بسيطة جدا بسس
وما صرت أكل مثل قبل أكلي صار بيسط يادوب أتغدى شوية .. وعشى خفيف خبر وجبن ,,,أشياء بسيطة بسس

موضوع قديم بس عاجبني

انا حملي الأول .... بنت

حبيت زوجي وااايد وريحته كانت ......:o

وكرهت الشاي كره فظيع ،، وكرهت الطبخ كله

بس حبيت السي فوود وااااااااااااايد مع اني مب من عشاقه ،، وحبيت التفاح الأخضر واللوز الأخضر والسنطرة والأناناس (الفواكه الحامضة)

وكنت على طول يوعانة واحلم بالأكل :lol:


أما حملي الحالي .... ولد

عشقت الفواكه بكل انواعها واشكالها خخخخخخخخخخخ ما في تمييز ،، وحبيت الفطاير والبيتزا وايد

كرهت اللحم كره شديد

نفرت من الشاي والحين رجعت اشربه خفيف

زوجي عادي ما كرهته بس ما حبيته نفس المرة الأولى .. وما احب ال ..... وايد :cool: