سؤال محرج (بس ابغي المساعدة)

أهلين بنات
بالنسبة للمنطقة الحساسة أنا غيرت من الحلاوة للشفرة وارتحت من العذاب, صدقوني بما إنها ذكرت كدا في الحديث الشريف فهو الأفضل لأن الحلاوة شديدة جداً على منطقة حساسة جداً ولها أضرار على الرحم ,الأفضل إننا نطبق كلام نبينا وحبيبنا وما نستنى لين يكتشفوا إن النتف له أضرار على المنطقة الحساسة , وبعدين فيه شفرات نسائية ومن شركات كويسة وحتحسي بنعومة :)
وبالنسبة لروكلة موجود في صيدلية المتحدة ويشبه تماماً بوهلي
أتمنى لكم التوفيق

بنت البر ..

أختي هلا فيك ..

وبطرحك لهالموضوع المهم للنقاش فيه ..

عيوني ...

أنا معاك ان الحلاوة تعووووووور وااجد ..

لكن كله فــدا البياض والنعومة وان الشعر مايطلع الا بعد شهر ..

وبعدين في طرق تخفف الألم ..

وأختنا عروس المدينة ماقصرت بالحلول ..

جربي المعجون والله خطييييييير يخفف الألم بنسبة كبيرة ..

وأختنــا السلطانه,,,

ماقصرت بالحل وانا واااثقة من كلامها انه حييييييييل ممتاز ...

اتوكلي على الله وخلي عندك عزيمة وإصرار ,, والتوفيق انشاءالله حليفك.

***********************

بالنسبة للسواد ..

البنات ماقصروا ومدحووا في كريم ( ROKLE) وأنا بعد سمعت عنه ..

لكن عندك حل طبيعي وآآمـــــــــن :

جلسرين + ليمون وومكن تضيفي شوي ماء ورد .

وضعي منه على مكان السواد في اليوم تقريبا 5 مرااات ..

خليها عقب كل صلاة عشان تتذكــرين :)

تحياتي لك وللأخوات اللي ساعدوك ..

أختك المحبة : الحضن الحنووون

السلام عليكم
مع اني اول مره اكتب لكن حبيت انقلكم معلومه ان ازالة الشعر من المنطقه الحساسه بالحلاوه يرهل المنطقه ومع الوقت يبعد الاحساس منها واعتقد انكم فهمتو القصد من انه يزيل الاحساس :o
هذي المعلومه نزلتها احدى الاخوات في عالم حواء وكان زوجها دكتور وحبت تضيف هذي المعلومه للجميع ومافيه اجمل من انا نستفيد من احاديث الرسول الكريم
وتقبلو تحياتي:)