بعيدا عن الروتين والتقليد .. لنبتكر ..مسكه للعروس ليست باقه ورد ..

مراحب فيكم خواتي

أنا بصراحه رحت عرس شفت عروس ماسكه مظلة بيضة دانتيل مزينه بكرستال
و اول ما دخلت مع المعرس فتحت المظلة ليما المسرح بعدين سكرتها وتمت حاملتها بيدها
اهي كانت حلوة الفكره بس أنا افضل الورد

نجمه ليوا حلوه فكرت الفرو بس يبالها تضبيط ..
_____________
علايه سالفه المظله خلاص انتهت ..:) سووها وايد
_____________________
ليالى شكرا على الصور

اختي كان عرسها من شهر و كان ثيم عرسها ايطالي " Venetian night" و كانت شاله ماسك مزين بالريش الأبيض و سلاسل كريستال و ورد كريستال ..

نوره ماعندج صوره للمسكه اتخيل شكلها حلوووو

عندي صورة الماسك بس ماعرف كيف احط الصوره في المنتدى!!!!!

خلاص عرفت :bigsmile:

هاي صورة الماسك اللي اختي كانت شالتنه في عرسها ...الماسك مثبت على عصا بيضا عليها شرايط ساتان باللون الأبيض و الفضي طولها تقريبا 30 سم و لافه عليها سلسلة كريستال

واااااااااااااااااااااو والله انها قمه في الروعه حتى طريقه التصوير خياليه /.. بصراحه ماشاء الله عليها ذويقه ...

عيبتنى الفكره ...

بدرسها عدل عشان عرسى ان شا ءالله

السلام عليكم ورحمة الله وبركاته

عندي فكره مسكه جدا غريبه وشفتها نبدا الوصف:

مسكه على شكل حوض سمك .................................

لاتستغربون اقولكم كيف!!!!!!!!!!!!!!!!!!!!!!

تجيبي حوض سمك علي شكل كوره يعني مدور بس يكون له غطاء محكوم عشان المويه

ماتنسكب وتختاري لون السمك على لون الميك اب الي حتسوينه وطبعا يكون فيه مثل سلسله

كلها مرصعه بالكرستال وحتي الحوض نفسه واخر السلسله حلقه عشان العروس تمسك

الحوض منها

والله فكره جدا جديده

يسلموووووووووووووووووووووووووو على الافكارر

سمسوسه حلوه الفكره بس ضنج السمك صدقى ولا شو ؟؟ يعنى كيف بعيش والهوى مسكر ؟؟؟ ياريت اعرف

انا احلى مسكة عروس عيبتني اللي تعرف باسم شلال جدا راقيه

العين الزرقاء كيف شكلها ياريت توصفيلنا

ما يظهرون عندي الصور المسكات وابي افكر بصراحه انا ما اعرف شو اسوي وما باقي شي بصراحه عجبتني مسكات كريستالت ويا الورد بس ممكن توصفوا لي ايها ومن وين اقدر اسويها بدبي


هذي سوها وايد واكثر شي بالملجة

نوره ابي اعرف هذي المسكه شكلها قناع هل هي يودتها بيدها والا حطته على وجها

حركة القلوب وحرف الزوج عجبوني

ماشاء الله عليكن


حلوه افكاركن



بس مافي احلى من الورد....


يعطيكن العافيه

اعتقد الافكار تقدرين تسوينها في في جاردينا بس مادري في فرع لها في دبى ولا لأ شوفى افخم محل ورود اكيد يقدر يساعدج :)

وتسلمولى باقى العظوات على مروركم

هاي حركه يديده اللى اقولكم عنها بيضه النعام

سوري هيل

مشكورين على هالافكار الجديده

بس بيضة النعام كيف تكون مو فاهمه
يعني شلون تمسكها بايديها ولاتكون مثل الاكسسوار

تكون عليها صور

مو فاهمه

اخت جيلان على حسب ما انتى تبين ..
اذا بصوره او لأ ..

تكون ماسكتنها بسلسه عقب فيها البيضه اللى عليها سلاسل عقب تحتها مجموعه من السلاسه والفكره حلوه بصراحه