السلام عليكم ورحمة الله وبركاته
كيفكم؟ عساكم طيبين. وقبل كل شئ كل عام وانتو بصحه وسلام ويا رب تبلغنا رمضان اجمعين.
الموضوع اللي بطرحه هو الحدث اللي الكل ينتظره بشغف وفضول وفي نفس الوقت ما يتمنى يعيشه من رهبته.
الموضوع الله يسلمكم هو لحظة تلقيك لخبر اجتيازك للثانويه العامه وسماع النسبه.
*) وين كنتوا لما تلقيتوا الخبر؟
**) من وصل لك الخبر؟ احد من العائله_ ولا انت من خلال الجريده او الانترنت؟
***) هل حصلت على النسبه اللي توقعتها ولا لا؟
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
هاه خبروني شو سويتوا بالضبط وشو كانت ردة فعلكم بس لا تخافوا ما راح نسالكم عن النسبه.:pain:
اتمنى اشوف تفاعلكم في الموضوع
تحياتي
شو كانت ردة فعلك لما سمعت ...........؟؟؟؟؟
e
27-09-2005 | 11:44 PM
س
28-09-2005 | 12:27 AM
بسم الله الرحمن الرحيم الموظوع حلو يسلمو
كنت نايمه في بيت خالتي
الي وصل لي الخبر الوالده لانها كانت اكثر مني خوف على النسبه
ابدا النسبه الي حصلت عليها الى الاسف مو الي تمنيتها
عصبت لاني ما كنت بلبيت لاسف وتمنيت اني بلبيت لكن لاسف البيت كان بعيد ولازم انتظر الويكند ومت من القهر
ايه كنت نادره والحمد لله وفيت بيه
لا ماحد عاتبني لانهم شافو تعبي لكن انا عاتبت نفسي
كنت نايمه في بيت خالتي
الي وصل لي الخبر الوالده لانها كانت اكثر مني خوف على النسبه
ابدا النسبه الي حصلت عليها الى الاسف مو الي تمنيتها
عصبت لاني ما كنت بلبيت لاسف وتمنيت اني بلبيت لكن لاسف البيت كان بعيد ولازم انتظر الويكند ومت من القهر
ايه كنت نادره والحمد لله وفيت بيه
لا ماحد عاتبني لانهم شافو تعبي لكن انا عاتبت نفسي
ا
28-09-2005 | 12:34 AM
أنا عن نفسي عرفت الخبر من إتصالي على الجريدة وأيامها كان لي أخت تدرس معاية في نفس المرحلة
لكن إلي كلمني قال إسمها مو موجود وطبعا أنا عشان مشاعر أختي كتمت فرحتي في قلبي و قلت لأهلي لسا النتائج ماوصلتهم واليوم الثاني
جبنا الجرايد ولقيت إسمي وإسمها وفرحنا طبعا لما شفنا الفرحة على عيون أمي وأبوي وقعدت أقول حسبي
الله على الي ماخلاني أفرح مثل العالم لأنه ماتأكد من إسم أختي إذا موجود ولا لأوكسر خاطري
المهم إن النسب كانت حلوة تدخل الجامعة الحمد لله
أشكرك والله ذكرتيني بأحلى أيام في حياتي وهي أيام الثانوية العامة
م
28-09-2005 | 12:35 AM


السلام عليكم ورحمة الله وبركاتــــــه
**) وين كنتوا لما تلقيتوا الخبر؟
في بيتنا
**) من وصل لك الخبر؟ احد من العائله_ ولا انت من خلال الجريده او الانترنت؟
خالي ( ربي يحفظه ) أتصل علي وخبرني وهو كان بمنطقه بعيده عنا لكنه كان متابع للجرائد وينتظر نتيجتي أنا وبنته (بنت خالي)
**) هل حصلت على النسبه اللي توقعتها ولا لا؟
أممممممم
لااااا
**)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
أنا ماسمعت النسبة شفتها بعيوني لما أستلمت الشهاده الحمد لله حلوه لكن مو المتوقع أبداا
**)هل كنت ناذر نذر قبل لا تسمع النتيجه؟ هل اوفيت بيه ولا لا؟
نذرت والحمد لله وفيته
**) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
لا ماحد عاتبني ولاحد قسى علي مو لأن النسبه عندهم حلوه وأنا اللي ماكانت عاجبتني لكن اللهم لك الحمد دخلنا بيها الجامعه وتخرجنا
يسلمووو خيتي على الأسئله اللي رجعتني كم سنه للوراء
لاحرمناكِ
ولكم فائق تقديري وإحترامي
دمتم بخير
e
28-09-2005 | 01:00 AM
سحر العرايس
صحيح كل واحد ياخذ نصيبه في هالدنيا. والحلو ان الاهل كانوا متفهمين وشايفين تعبج
ربنا يوفقج دنيا واخره
مشكوره على المشاركه
صحيح كل واحد ياخذ نصيبه في هالدنيا. والحلو ان الاهل كانوا متفهمين وشايفين تعبج
ربنا يوفقج دنيا واخره
مشكوره على المشاركه
e
28-09-2005 | 01:04 AM
النجم الساطع
فعلا موقف لا تحسدين عليه..
اهم شئ انها عدت على خير والحمد لله
اسعدني تفاعلج في الموضوع
مشكووره
فعلا موقف لا تحسدين عليه..
اهم شئ انها عدت على خير والحمد لله
اسعدني تفاعلج في الموضوع
مشكووره
e
28-09-2005 | 01:12 AM
مملكة القلوب
مرات الواحد ما يعجبه اللي يحصل عليه. وفي النهايه يكون حالنا احسن من غيرنا وما شاء الله عليج دشيتي الجامعه وتخرجتي
تمنياتي لج بالتوفيق دايما
مشكوره على ردج وتفاعلج في الموضوع والحمد لله ان موضوعي رجعكم لايام حلوه . عشان يقربنا من بعض وتتذكرونها معانا بالمنتدى.
مرات الواحد ما يعجبه اللي يحصل عليه. وفي النهايه يكون حالنا احسن من غيرنا وما شاء الله عليج دشيتي الجامعه وتخرجتي
تمنياتي لج بالتوفيق دايما
مشكوره على ردج وتفاعلج في الموضوع والحمد لله ان موضوعي رجعكم لايام حلوه . عشان يقربنا من بعض وتتذكرونها معانا بالمنتدى.
ر
28-09-2005 | 01:23 AM
وين كنتوا لما تلقيتوا الخبر؟
في بيتنا
**) من وصل لك الخبر؟ احد من العائله_ ولا انت من خلال الجريده او الانترنت؟
من الجريدة
***) هل حصلت على النسبه اللي توقعتها ولا لا؟
لا تضايقت بس أهلي قالوا ما عليه أن شاء الله تخرجين من الجامعة بتقدير أعلى .
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
أكيد حظنت أبوي و أمي
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
لا
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
لا بل عكس ما أحد فعلا أنا تعبت في الدراسة بس أهلي قالوا مو مهم أهم شئ دخولك الجامعة وتخرج بتقدير أعلى
في بيتنا
**) من وصل لك الخبر؟ احد من العائله_ ولا انت من خلال الجريده او الانترنت؟
من الجريدة
***) هل حصلت على النسبه اللي توقعتها ولا لا؟
لا تضايقت بس أهلي قالوا ما عليه أن شاء الله تخرجين من الجامعة بتقدير أعلى .
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
أكيد حظنت أبوي و أمي
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
لا
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
لا بل عكس ما أحد فعلا أنا تعبت في الدراسة بس أهلي قالوا مو مهم أهم شئ دخولك الجامعة وتخرج بتقدير أعلى
e
28-09-2005 | 02:00 AM
ريوووووف
هلا والله نور الموضوع يا الغاليه
وينج من زمان عنج<<=====بدا طق الحنك
فعلا اهم شئ انج تدشين مكان تثبتين نفسج فيه وتاخذين شهادتج وعلمج ويكون سلاحج في هالدنيا لان المال يجي ويروح وممكن ينسرق الا العلم والشهاده ما في احد يقدر ياخذه منج. كلام اهلج كلام ناس فاهمه وواعيه
مشكوره على مشاركتج وربنا يوفقج دوم
هلا والله نور الموضوع يا الغاليه
وينج من زمان عنج<<=====بدا طق الحنك
فعلا اهم شئ انج تدشين مكان تثبتين نفسج فيه وتاخذين شهادتج وعلمج ويكون سلاحج في هالدنيا لان المال يجي ويروح وممكن ينسرق الا العلم والشهاده ما في احد يقدر ياخذه منج. كلام اهلج كلام ناس فاهمه وواعيه
مشكوره على مشاركتج وربنا يوفقج دوم
ص
28-09-2005 | 02:01 AM
1) وين كنتوا لما تلقيتوا الخبر؟
كنت بالبيت
2) من وصل لك الخبر؟ احد من العائله_ ولا انت من خلال الجريده او الانترنت؟
ربيعي اتصل فيني وليتني مارديت عليه ، لأني ماكنت ابي احد يقولي نسبتي ولكن لقافته سبقته وقالي النتيجة على طول
3) هل حصلت على النسبه اللي توقعتها ولا لا؟
لا .. توقعت اكثر
4)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
على طول رحت عند امي وقلت لها .. باركيلي جبت 82 وعلى طول بدأت انهار دموع الفرح بالجريان ، حليلها امي كانت هذيك الأيام حامل بالشهر السابع بأختي آخر العنقود ، وكانت كل يوم الصبح توعّيني وتجهز لي الريوق وتودعني ليين اركب السيارة ، واذا رجعت تسألني عن اخبار الامتحان ، ثاني شيء رحت عند ابوي وقلت له ولكنه مافرح كثر امي ، شسوي بأخواني الاثنين اللي قبلي جابوا نسب فوق التسعين .. ابوي كان مسوّي روحه مصدوم ولكن ثاني يوم اوصلت الهدية اللي هيّه
5)هل كنت ناذر نذر قبل لا تسمع النتيجه؟ هل اوفيت بيه ولا لا؟
الحمدلله لا نذر ولا هم يحزنون
6) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
صراحة ابوي عاتبني بنظرات بسيطة ولكن الوالدة ماقصرت ويّاه وجت على طول حضنته وباركت له بنسبتي ، فديتها هدّت الوضع اشوي
كنت بالبيت
2) من وصل لك الخبر؟ احد من العائله_ ولا انت من خلال الجريده او الانترنت؟
ربيعي اتصل فيني وليتني مارديت عليه ، لأني ماكنت ابي احد يقولي نسبتي ولكن لقافته سبقته وقالي النتيجة على طول
3) هل حصلت على النسبه اللي توقعتها ولا لا؟
لا .. توقعت اكثر
4)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
على طول رحت عند امي وقلت لها .. باركيلي جبت 82 وعلى طول بدأت انهار دموع الفرح بالجريان ، حليلها امي كانت هذيك الأيام حامل بالشهر السابع بأختي آخر العنقود ، وكانت كل يوم الصبح توعّيني وتجهز لي الريوق وتودعني ليين اركب السيارة ، واذا رجعت تسألني عن اخبار الامتحان ، ثاني شيء رحت عند ابوي وقلت له ولكنه مافرح كثر امي ، شسوي بأخواني الاثنين اللي قبلي جابوا نسب فوق التسعين .. ابوي كان مسوّي روحه مصدوم ولكن ثاني يوم اوصلت الهدية اللي هيّه
5)هل كنت ناذر نذر قبل لا تسمع النتيجه؟ هل اوفيت بيه ولا لا؟
الحمدلله لا نذر ولا هم يحزنون
6) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
صراحة ابوي عاتبني بنظرات بسيطة ولكن الوالدة ماقصرت ويّاه وجت على طول حضنته وباركت له بنسبتي ، فديتها هدّت الوضع اشوي
e
28-09-2005 | 02:23 AM
اخ صارع
دوم الاخوان اللي قبل يكونوا معيار او مقياس للاي اصغر منهم بس كل واحد ياخذ نصيبه في هالدنيا.
لكن ربنا يخلي لك الوالده كانت سيدة الموقف بصراحه. :clap:
اشكرك على تشريفك لي بالاخص انه اول موضوع لي ترد عليه اذا ما خانتني الذاكره !!:pain:
هاه خبروني شو سويتوا بالضبط وشو كانت ردة فعلكم بس لا تخافوا ما راح نسالكم عن النسبه.
على طول رحت عند امي وقلت لها .. باركيلي جبت 82:up: احيي شجاعتك وصراحتك
دوم الاخوان اللي قبل يكونوا معيار او مقياس للاي اصغر منهم بس كل واحد ياخذ نصيبه في هالدنيا.
لكن ربنا يخلي لك الوالده كانت سيدة الموقف بصراحه. :clap:
اشكرك على تشريفك لي بالاخص انه اول موضوع لي ترد عليه اذا ما خانتني الذاكره !!:pain:
ص
28-09-2005 | 02:41 AM
بالفعل امي كانت سيدة الموقف .. فديتها
صحيح نسبتي ماتسوى شيء بالنسبة لأخواني اللي جابو 95 و 92
ولكن انا من النوع اللي مايستحي من نتيجته وهذا اللي انا قدمته وحصلت عليه
لا يا اختي ، هذا مو أول موضوع ارد عليه ، هذا سابع موضوع من مواضيعج اشارك فيها
وصراحة فكرة الموضوع جذّابة جدا ، لأنها اخذتني لذكريات صار لها تقريبا ست سنوات وماحبيت اطلع إلا وانا مسجّل ذكرياتي هنا
شكرا مرة ثانية وماقصرتي
صحيح نسبتي ماتسوى شيء بالنسبة لأخواني اللي جابو 95 و 92
ولكن انا من النوع اللي مايستحي من نتيجته وهذا اللي انا قدمته وحصلت عليه
لا يا اختي ، هذا مو أول موضوع ارد عليه ، هذا سابع موضوع من مواضيعج اشارك فيها
وصراحة فكرة الموضوع جذّابة جدا ، لأنها اخذتني لذكريات صار لها تقريبا ست سنوات وماحبيت اطلع إلا وانا مسجّل ذكرياتي هنا
شكرا مرة ثانية وماقصرتي
e
28-09-2005 | 03:02 AM
لا يا اختي ، هذا مو أول موضوع ارد عليه ، هذا سابع موضوع من مواضيعج اشارك فيها
قلت لك الفيوزات ضاربه شوي هالايام. السموحه
ترى هالموضوع ابي اطرحه من فتره لكن كلما احاول اكتبه تجيني الرساله ان بعد 96 ساعه لازم اكتب الموضوع عشان يقدروا يتحكموا في المشاركات وهذا شئ حلو بس كان يطفر بي لاني ما الحق احط الموضوع!!! وجيت اليوم وكنت متوقعه بتظهر لي نفس الرساله بس ضبطت معاي ولحقت احطه قبل لا احد يسبقني ويحط مشاركات ثانيه:cool2:
مشكور اخوي على المشاركه. واسعدني اكثر ان الموضوع اعجبكم واثار الذكريات
ص
28-09-2005 | 03:07 AM
elmaha:
ولحقت احطه قبل لا احد يسبقني ويحط مشاركات ثانيه
اختي elmaha
ترى هذي الـ 96 ساعة او الأربع أيام تحديد للعضو نفسه وبس
يعني اذا انتي نزلتي موضوع في العام ماتقدرين تنزلين موضوع ثاني إلا بعد 96 ساعة
وهالنظام يمشي على جميع الاعضاء .. يعني ماحد يسبق احد
e
28-09-2005 | 03:30 AM
هيه فاهمه هالشئ انه عام لكل عضو واعرف انه لصالح تنظيم المشاركات بالمنتدى
ما في خلاف ان شاء الله
ما في خلاف ان شاء الله
&
28-09-2005 | 01:55 PM
[size=4]*) وين كنتوا لما تلقيتوا الخبر؟
كنت بالبيت لاني تلقيت الخبر في الفجر
**) من وصل لك الخبر؟ احد من العائله_ ولا انت من خلال الجريده او الانترنت؟
بنت خالتي طلعت لي نتيجتي المشرفه من النت
***) هل حصلت على النسبه اللي توقعتها ولا لا؟
بصراحه انا توقعت ارسب بصريح العباره وصح نسبتي تفشل بس الحمد لله الي اكرمني بالنجاح(جدا طموحه)
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
ابدا قفلت السماعه وكان وابوي نازل يصلي الفجر بشرته(امحق بشاره)مااتذكر تعابير وجهه بس اكيد اكيد حس بخيبة الامل لانه الله يحفظه لي للاسف وفر لي كل شئ وانا ضيعت الفرصه
لكن الحمد لله الحين بالجامعه احاول ارفع راسه ولو شئ بسيط والحمد لله
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
انا مانذرت لان النذر اساسا مايجوز لانها زي المبادله بينك وبين ربك لذلك مااعترف بهالشئ
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
انا جبت شئ يرضي طموحي الي طمحت له مع ناها تفشل بجد لان طموحي كان النجاح لكن اهلي اكيد انصدموا بس الي يحزني انهم ماعاتبوني وسكتوا واحس الحره لين الحين بقلبي وهذا الي دفعني اني اجتهد في الجامعه وطبعا يظل اجتهاد على قدي
كنت بالبيت لاني تلقيت الخبر في الفجر
**) من وصل لك الخبر؟ احد من العائله_ ولا انت من خلال الجريده او الانترنت؟
بنت خالتي طلعت لي نتيجتي المشرفه من النت
***) هل حصلت على النسبه اللي توقعتها ولا لا؟
بصراحه انا توقعت ارسب بصريح العباره وصح نسبتي تفشل بس الحمد لله الي اكرمني بالنجاح(جدا طموحه)
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
ابدا قفلت السماعه وكان وابوي نازل يصلي الفجر بشرته(امحق بشاره)مااتذكر تعابير وجهه بس اكيد اكيد حس بخيبة الامل لانه الله يحفظه لي للاسف وفر لي كل شئ وانا ضيعت الفرصه
لكن الحمد لله الحين بالجامعه احاول ارفع راسه ولو شئ بسيط والحمد لله
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
انا مانذرت لان النذر اساسا مايجوز لانها زي المبادله بينك وبين ربك لذلك مااعترف بهالشئ
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
انا جبت شئ يرضي طموحي الي طمحت له مع ناها تفشل بجد لان طموحي كان النجاح لكن اهلي اكيد انصدموا بس الي يحزني انهم ماعاتبوني وسكتوا واحس الحره لين الحين بقلبي وهذا الي دفعني اني اجتهد في الجامعه وطبعا يظل اجتهاد على قدي
r
28-09-2005 | 02:01 PM
وين كنتوا لما تلقيتوا الخبر؟
كنت في البيت انتظر الخبر ..
**) من وصل لك الخبر؟
الوالد ..الله يحفظه
***) هل حصلت على النسبه اللي توقعتها ولا لا؟
الحمدلله حصت على 90% مع اني كنت متوقعه اعلى بس الحمدلله ..
****)شو التصرف اللي سويته اول ما سمعت النسبه سواء كانت زينه او لا؟
بكيت وايد .. واتصلت على امي في الدوام وقعدت اصيح :)
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
لا ماكنت ناذره
تسلمين على هالموضوع الحلو.. ذكرنا بذكريات حلوة .. صار لها 5 سنين :)
كنت في البيت انتظر الخبر ..
**) من وصل لك الخبر؟
الوالد ..الله يحفظه
***) هل حصلت على النسبه اللي توقعتها ولا لا؟
الحمدلله حصت على 90% مع اني كنت متوقعه اعلى بس الحمدلله ..
****)شو التصرف اللي سويته اول ما سمعت النسبه سواء كانت زينه او لا؟
بكيت وايد .. واتصلت على امي في الدوام وقعدت اصيح :)
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
لا ماكنت ناذره
تسلمين على هالموضوع الحلو.. ذكرنا بذكريات حلوة .. صار لها 5 سنين :)
م
28-09-2005 | 02:21 PM
السلام عليكم ورحمة الله وبركاته
*) وين كنتوا لما تلقيتوا الخبر؟
في البيت الحمد لله...
**) من وصل لك الخبر؟ احد من العائله_ ولا انت من خلال الجريده او الانترنت؟
واحدة قريبتنا...الله يجزاها خير...اتصلت بنا على التيليفون...
***) هل حصلت على النسبه اللي توقعتها ولا لا؟
توقعت نفسي من الأوائل على الدولة...و لكن العاشر على الدولة جاب 98%...و أنا جبت 97.7 %...يعني بفرق 0.3 % بس...لكن الحمد لله رب العالمين...نسبة مشرفة...و طلعت بها من الأوائل على إمارة أبوظبي...و كرّموني كمان :)
****)شو التصرف اللي سويته اول ما سمعت النسبه سواء كانت زينه او لا؟ بكيت؟ حظنت اللي جنبك؟ ركضت ولفيت البيت كله؟ عصبت ورحت عن اللي معك واضربت عن الاكل؟
ركضت و لفّيت البيت كلّه من الفرحة...و حضنت والدتي الله يخلّيها...
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
لا الحمد لله...لا نذر و لا شيء...
******) لو كانت النسبه لا سمح الله مو اللي توقعتها. هل احد عاتبك؟ هل قسيت على نفسك؟
يمكن أكون أنا اللي قسيت على نفسي...لكن كل اللي حولي...أبي و أمي و إخوتي و قرايبي كانوا فرحانين لي جدا...
الحمد لله رب العالمين...عرفت بهذه النسبة أدخل كلية الهندسة...و صرت مهندسة...ما شاء الله...و لله الحمد و الشكر....:)
م
28-09-2005 | 03:04 PM
عاشقة الجوري.:
*)
*****)هل كنت ناذر نذر قبل لا تسمع النتيجه؟ هل اوفيت بيه ولا لا؟
انا [color=#996699]مانذرت لان النذر اساسا مايجوز لانها زي المبادله بينك وبين ربك لذلك مااعترف بهالشئ
[size=4]


السلام عليكم ورحمة الله وبركاتــــــه
قال الله تعالى في صفة الأبرار: " يُوفُونَ بِالنَّذْرِ وَيَخَافُونَ يَوْماً كَانَ شَرُّهُ مُسْتَطِيراً "
سورة الإنسان آية رقم ( 7 )
وقوله : " وَمَا أَنفَقْتُمْ مِنْ نَفَقَةٍ أَوْ نَذَرْتُمْ مِنْ نَذْرٍ فَإِنَّ اللَّهَ يَعْلَمُهُ "
سورة البقرة آية رقم ( 270 ) .
وفي الحديث عن عائشة رضي الله عنها عن النبي صلى الله عليه وسلم قال: ((من نذر أن يطيع الله فليطعه، ومن نذر أن يعصيه فلا يعصه )).
أخرجه البخاري
حكم النذر:
النذر مشروع في حق من يعلم من نفسه القدرة على الوفاء به، ومكروه في حق من يعلم من نفسه عدم القدرة على الوفاء به
ياريت يالغاليه تتأكدين قبل كتابة الحكم الشرعي للنذر
وربي يوفقك ويسدد خطاكِ وخطانا أجمعين
ولكم فائق تقديري وإحترامي
دمتم بخير
e
28-09-2005 | 05:29 PM
عاشقة الجوري
ما شاء الله عليج وكيف تفشل النسبه بعد وانتي دشيتي بها الجامعه. وايد ناس يتمنون يشوفوا اولادهم بالجامعه.
ودام عندج الرغبه والاراده انج تكوني افضل وترفعين راسهم فهذا بوحده دافع كبير
للامام ان شاء الله
ربنا يوفقج دوم
ما شاء الله عليج وكيف تفشل النسبه بعد وانتي دشيتي بها الجامعه. وايد ناس يتمنون يشوفوا اولادهم بالجامعه.
ودام عندج الرغبه والاراده انج تكوني افضل وترفعين راسهم فهذا بوحده دافع كبير
للامام ان شاء الله
ربنا يوفقج دوم