الرئيسية ركن العروس تجهيزات و استفسارات العروس صالون مورا ...

صالون مورا ...

بنت زايد 26-09-2005 39 رد 1,033 مشاهدة
ش
شيخة البيت
عروس مبدعة
28-09-2005 | 10:04 AM
شغلهم مب حلو بالمره ,,, انصحج ما اتسيرين عندهم ...
a
angel eyes
مشرفة سابقة
28-09-2005 | 10:10 AM
حبيبتي لا اتمين جيه...ترا الحلو حلو بأي مكياج :)

انتي بس قوليلها انج تبين بسيط و خفيف لانهم ماخذين فكره عن الاماراتيات يحبون المكياج الثجيل فيتمون يحطون الوان و الوان و طبقات لين ما تستوي الوحده جنها شبح او وحش

انا ولله الحمد دوم اي وحده تمكيجني يطلع زين لاني اقولهم شو يناسبني و شو ما يناسبني و اقول لهم ابا بسيط
ا
ام محمد&
عروس متألقة
28-09-2005 | 10:14 AM
الغالية انا جربت الاسبوع اللي فات عند صالون السنديان وايد حلو مكياجهم غريب
ن
نوووسهUAE
عروس ماسية
28-09-2005 | 10:18 AM
اذا تحبين البسيط

قنطار
مكياجهم ناعم
a
angel eyes
مشرفة سابقة
28-09-2005 | 10:25 AM
نووسه الننوسه :)

وين السنديان؟؟
ب
بنت زايد
عروس مبدعة
28-09-2005 | 10:49 AM
اقول تعرفون ليال في مورا

او اسير عن زرينه ماجد سرت هناك شو رايكم.... شو مكياجها

اعرف اني ملعوزتنكم استحملوني شوي....

ردوا علي بسرعة لانه ما باقي شي عالوقت
u
um_hamdaan
عروس متألقة
28-09-2005 | 11:00 AM
هلا حبيبتي انا اتمكيجت عندهم ابشهر 8 مكياج اسبشل عند وحده اسمها ليال الصراحه انا عيبني مكياجهم
وبعد كنت وايد مميزه انا اقولج

اتوكلي عالله وقوليلها انتي شو تبين بالضبظ ، وقبل لروح عندهم كنت سايره عرس وجفت وحده وايد عيبني
مكياجها وايد راقي وهي كان فستانها اورج وحاطتلها

مكياج برونزي ودرجات الورنج مع البرتقالي بس وايد كان حلو من جي سرت ابدون ما احتار اتوكلي عالله وانشالله بتطلعين
قمر انتي روحج قمر بس هي بتبرز ملامحج اكثر ....
a
angel eyes
مشرفة سابقة
28-09-2005 | 11:03 AM
ليال اوكي بس مخلينها بس للعرايس..اتصلي و شوفي قوليلهم انا حاجزه بس ابا ليال
ا
ام محمد&
عروس متألقة
28-09-2005 | 11:28 AM
الغالية بتحصلين الرقم في البدالة وسامحيني
ب
بنت زايد
عروس مبدعة
28-09-2005 | 11:31 AM
هي اتصلت.... وانا كانت حاطتلي قبل ليال بس من زماان....

وقالولي الجين هي بس اتحط سبشل... 400 د
ب
بنت زايد
عروس مبدعة
28-09-2005 | 11:32 AM
انا طالبه ليال اصلا
a
angel eyes
مشرفة سابقة
28-09-2005 | 11:34 AM
ماداني حركاتهم!!!!!

خلاص توكلي على الله ...جربي ديانا او رين او سحر...يلسي فوق و شوفي اللي يطلعون من عندهم كيف مكياحهم
ا
ام محمد&
عروس متألقة
28-09-2005 | 11:42 AM
الغالية انجل ايز بتحصلين رقم السنديان في البدالة وسامحيني
ب
بنت زايد
عروس مبدعة
28-09-2005 | 11:49 AM
مشكورين خواتي بطلع الحين وبتوكل على الله...ما عرف وين اسير

حجزت عند مورا و زرينه وشارم ... بشوف الحين

ولله ماعرف شو اقولكم بس عن جد مشكورين...

باجر بقولكم وين سرت وبخبركم شو المكياج

مع السلامة
ش
شيخة البيت
عروس مبدعة
28-09-2005 | 12:03 PM
شوفي الغاليه ,, انا ما ابه اخوفج ... يوم تحجزين عند حد معين .. يقولولج تكرم عينك ويوم اسيرين والله يتعذرون ويطلعون اسباب تافها ويبولج وحده ثانيه ... ما دام انا في عرسي سواو فيني جذي .. طلبت ندى ابصراحه كانت احسن وحده في الميك أب بس الحين طلعت ... ويوم العرس قالو لي والله عندها ضروف المهم طلعت رقمها من تحت الأرض اتصلت فيها قالت لي لا عندي شئ ولا هم يحزنون بس هم دوم ما يبوني اطلع للعرايس لاني احسنهم ... المهم سويتلهم مشكله لاني كنت دافعه وحاجزه عند ندى ,,,, في النهايه بعد صياح يابولي ايها ....


اتمنى انهم ما يسون فيج نفس إلي سواو فيني وفي غيري ..
ب
بنت زايد
عروس مبدعة
03-10-2005 | 02:42 PM
هلا بنات عروس ...........

ما سرت صالون مورا ......... لانه اعرف مكياجهم مب حلو وانا سايرة عندهم بس من زمان يعني من فترة طويله واخر مرة ما عيبني مكياجهم ........

المهم بقولكم عند منو سرت ... سرت عند ريحانه في صالون ايمان مكياجها كان حلو وناعم..... احلا عن صالون مورا ....

ومشكورين والله صدق ماعرف شو اقولكم .... صدق ما قصرتو....
a
angel eyes
مشرفة سابقة
04-10-2005 | 11:50 AM
الحمدلله حبيبتي :) اهم شي ان المكياج عيبج :)
ب
بنت زايد
عروس مبدعة
04-10-2005 | 03:17 PM
هلا angel eyes

الحمدلله مكياجهم كان زين وبسيط
H
Hanayeh
عروس جديدة
18-11-2005 | 12:10 AM
salaaaaaaaam ..

BintDubai

mumken please tgooleeli wain 9aloon Iman hatha?

w ray7anah elly enty etmakyajti 3endha.. sho a9elha?

oo mumken please tgooleeli sho as3arhom?

thaaaanks in advance...
ع
عذاري دبي
عروس متألقة
19-11-2005 | 09:55 AM
انا ابى رقم عايشة اللي تمكيج ، و هي من اي امارة ؟
X