اللي صار لها متزوجة من 1-6 شهور تدخل >>>>>>

غاليتى ود الامارات معليش انا اشوى ملقوفه انا صار لى 13 سنه وان شا الله العمر كله بس ذكرتينى بأيام الزواج كانت من احلى الليالى وكلامك صح لو تسألينى اول او الحين احسن اقولك الحين لاننا خبزنا بعض بس هذا ما يمنع ان ايام الزواج كانت حلوه لانها كانت حياه جديده بحلوها ومرها وبالتوفيق غاليتى اختك توتى

ما شاء الله يا عرايس
شو هالتفاعل الجميييييل منكم
بصراحة خليتوني اندم على عنوان الموضوع لان المفروض الكل يستفيد خاصة اللي على وجه زواج الحين "صحيح ملاقيفنا الحلوات اللي الله يرزقهم ان شاء الله بالزوج الصالح دخلوا :D2واتمنى حضور اكثر بعد من غير المتزوجات"
لان التحضير المسبق والا ستعداد النفسي لخطوة الزواج لازم يكون موجود علشان تقدر تتفادى مشاعر الاحباط على قد ما تقدر وتعرف كيف تتعامل مع هذه التغييرات خاصة النفسية:up:

بنت قمر راكبه همر:
أنا لي متزوجه شهرين و 24 يوم ونفس الشيء أحس بإحباط لأني أفتكر إن الوحده إذا تزوجت كله تشوف الرومانسيه خصوصا في بداية الزواج

بس أنا شفت الرومانسيه لمدة أسبوع يمكن وبعدين كل شيء عادي بالمره...

وما عجبني الوضع لأني أنا رومانسيه وأحب الرومانسيه

في فترة خطوبتنا كان رومانسي واجد وبعدين طلع على حقيقته..

هلا بقمر راكبة همر
اسعدني مرورك
شدتني كلمة طلع على حقيقته
اسمحيلي اسألك ليش تتوقعين انه كان مخفي حقيقته عنك
المسألة ببساطة هي ان الشوق والتولع يزداد مع البعد ويستبدل بعد هذا بالحب والمودة والرحمة بعد ان يتلاقى الطرفان
وهذا معروف من قصص روميو وجوليت
البعد هو المحرك الرئيسي للولع
فلا اتظنين انه اتغير بل العكس يمكن مشاعره صارت اعمق وبتبين مع المواقف
وهذا هو موضوعنا الفترة الانتقاليه صعبه
وان شاء الله اتعدينها بخير وتتبدل نظرتك للامور
واتخبرينا

RoOoOmy_M:
اختي ود الامارات

اول شي اشكرك على الموضوع المهم .... حلو نتشارك الخبرات عشان البنات يستفيدون من تجاربنا

انا مثل ما سبق وذكرت لكم بكمل السنتين بعد شهرين وثلاثة أيام ان شاء الله ...

خطوبتي كانت سنتين وخمسة اشهر بعد اتفاق بيني وبين خطيبي وابوي شرط عليه ان الخطوبة ما تقل عن سنة ونص عشان التعارف لاني ما اعرفه من قبل .. بس كان فيه فترة تعارف قبل العقد

وعشت أحلى ايام خطوبتي والحمدلله كنت مرتاحة كثير ... بعد الزواج ماحسيت ان فيه شي تغير علي سوى اني صرت معاه في بيت واحد ..عمره ماوعدني بشي وخلف وعده لا في الخطوبة ولا قبلها ولا بعد الزو اج

السنة الأولى كانت حلوة وصعبة في نفس الوقت .. لانه صعب على كل بنت تترك بيت ابوها وتلتزم بمسؤلية بيت واسرة وزوج ... خاصة اللي تعود على الدلع في بيت اهله صعب انه يمسك بيت ويهتم فيه

انا شفت حلقة اوبرا اللي بعد الزواج وعجبتني كثير .. واعرف بنات كثير في محيطنا تعرضوا لصدمة بعد الزواج خاصة انهم يفترضون ان الحياة لازم تكون كلها عسل في عسل

نسوا ان الزوج في احيان كثيرة يكون معرض لضغط نفسي وديون من بعد الزواج وتكاليفه ولازم هي تراعي هالشي ...

الحياة الزوجية حلوة بحلوها ومرها .. باللحظات الرومانسية .. بالرضى بعد الزعل ... بكلام الحب ... بالهواش

كل شي في الدنيا يبي له ملح وفلفل .. اهم شي ان الزوجين مو يلبسون قناع في فترة الخطوبة ويفصخونه بعد الزواج وهنا الصدمة .... فترة الخطوبة كلها مجاملة لكن الزواج يختلف تماما .. والأفضل ان الزوجين يكونون صريحين مع بعض في تصرفاتهم وآرائهم عشان مايخدعون الطرف الثاني بعد الزواج

هلا بالغالية RoOoOmy
اشكرك على مشاركتك معانا لتجربتك المهمة في نظري لانك بينتي نقطة مهمة وهي فترة التعارف مش المهم فيه المدة وطولها بل الاهم منها نوعية العلاقة واساسها
وانتوا ماشاء الله عليكم انبت علاقتكم على الصراحة من البداية + التآلف اللي صار مع الوقت
هذا اكيد يخفف صدمة بعد الزواج
واعتقد بعد ان الشخصية تؤثر كثير بعد
النضج والواقعية اتخفف من حدة الاحباط والصدمة
كثير ياخذون فتره الخطوبة بانها مرحلة وردية ومبنية على العواطف بس
وبعد الزواج ينصدمون بالواقعية
اتمنى الكثير يستفيدون من تجربتك عزيزتي
والله يديم عليكم المودة والرحمة يا رب
تسملين مره ثانية

صلصوحه:
ود الامارات حتى انا ابا احس بهالاحساس مب بس سفيره فوق العاده:cool2:

يالله ابا اسمع منج دعاوي حلوه:shy:


ويسلموووووو عالموضوع

هلا صلصوحه الاموره ههههههه :D2
رووحي يا بنتي عسى الله يرزقج بالزوج الصالح اللي يستتك ويدلعك وانشاء الله وما تحسين بالاحباط معاه بالمرررررره
بس بشرط اتين واتشاركين مره ثانية في الموضوع هههه
موفقه حبيبتي

angel eyes:
الله ود المارات


موضوعج حلو :)

انا اليوم كملت 5 اشهر من الزواج

الصفعه كانت لاني فجاه حسيت نفسي مسؤوله عن بيت و زوج...وانا كنت دلوعه ما اسوي شي في بيت اهلي...

هالصفعه حسيت فيها اول ما ركبنا الطياره رادين لبلاد من شهر العسل :(
كان اكتئاب شديد...كنت اصيح في الليل..واتوله على اهلي ..بس ريلي كان واقف معاي و يقوللي انه هالشي وايد عادي....
وكنت ازعل من كل شي بس اسكت وما اقول...حساسيتي زادت تجاه كل شي...

بس الحمدلله يوم بعد يوم احس بتحسن ..وقمت اعرف اواجه المشاكل افضل...
حتى زوجي الي عرفته سنتين خطوبه و ملجه قمت اكتشف فيه اشيا يديده بعد العشره

هلابك حبيبتي
نورتي الموضوع
ماشاء الله استنتجت من كلامك ان ريلج كان متفهم الوضع كثير
وهذا مهم كثير لان لو الزوج ما كان متفهم ممكن تتطلع منه تصرفات كثير اتزيد الطين بله واتعقد الامور
في هذه الحالة لازم الزوجة اتوعيه واتبينله ان هذه الامور طبيعية وتطلب منه انه يتحملها شوي
الصراحة والتواصل وايد مهمين في هذه المواقف
تسلمين مره ثانية حبوبه

business_girl:
في نظري

الزوج له دور كبير .. هو لازم يخفف عالحرمه ويحسسها بالأمان ويواسيها


بس اذا الزوج لا يعرف يدلع واهتمامه محدود ما نقول الا الله يعين


وفي النهـــــــــاية

الحمدلله على كل حال

هلا اختي
مشكوره على مرورك ومداخلتك المهمه
فعلا الزوج له دور كبير
وللاسف في مجتمعنا مش كثير اللي واعيين بهذه الامور
ودور الزوجة انها اتفهمه حتى لو قبل العرس
لان اعتقد حتى الازواج ممكن يصيبهم احباط بعد الزواج اتصدقون عاد هههههه:D2
الله يعين
مشكوره مره ثانية عزيزتي

tuty2003:
غاليتى ود الامارات معليش انا اشوى ملقوفه انا صار لى 13 سنه وان شا الله العمر كله بس ذكرتينى بأيام الزواج كانت من احلى الليالى وكلامك صح لو تسألينى اول او الحين احسن اقولك الحين لاننا خبزنا بعض بس هذا ما يمنع ان ايام الزواج كانت حلوه لانها كانت حياه جديده بحلوها ومرها وبالتوفيق غاليتى اختك توتى

الله يا tuty
اكيد ذكرنااااااج بايام العسل وحنيتي لها
يالله لازم تبدون شهر عسل ثاني هههههه
وفعلا الوقت خير دواء لاي مشكله او صعوبه ممكن ان الواحد يمر فيها
الله يديم عليكم السعاده ان شاءالله والتفاهم
وتسلمين على مرورك

صح الازواج بعد يصيبهم احباط و زوجي اعترفلي بهال شي..مسكين كان عزوبي مستانس بحياته و فجاه صار مسؤول عن بيت و حرمه و حياته اتغيرت تماما...بس بمرور الوقت كل شي يتغير

صحيح angle eyes خاصة انهم يحسون انهم بينحرمون شوي من حريتهم اللي يقدسونها قبل الزواج
واصدقاءهم اللي لين الحين مش فاهمة شو ايعلقهم فيهم لهذه الدرجة!!!!!!!!!!!

انا من بداية ملجتي وحتى لين الحين
احاول ابد اني ما اقول حق ريلي ليش وايد اتسير عند ربعك
ليش ما تيلس معاي
امخلتنه على راحته عشان ما يحس بفرق وما يتضايق مني
بس هذه الطريقة يبالها وقت لين ما يتعود الزوج ومن نفسه يبدأ يغير من اسلوبه
الله يعين بس
الحرمة دايما تدخل الحياة الزوجية وهي مستعده استعداد كامل للتغيير
اما الزوج فلا
يحتاجله صبر وتعود
لازم الزوجة تؤمن بهذه الحقيقة عشان ما تنصدم
والله يعين

بسم الله الرحمن الرحيم



خلاص اختي ود الإمارات انا بوقف المشاركه في هالمنتدى كلها مواضيع متزوجات

أشوفكم شفتو نفسكم علينا علشانكم متزوجات

عالعموم ان شاء الله كلكم بتسمعون اخبار حلوه.....................................................................:cry: متى عاد هني السؤال


سفيرة فو ق العاده

انا بعد نفس الشي

اول ما تزوجت و بأول اسبوع لي كنت اقعد بالصاله اطالع حواليني اقول في نفسي : يعني بظل طول عمري هني بروحي .. اخواتي ماراح يعيشون معاي مره ثانيه .. بتملل بروحي ومن هالكلام :)

الحين صرت ماحب اطلع من شقتي كله لازقه فيها لاني خلاص تعودت :)

سفيرة فوق العاده:


بسم الله الرحمن الرحيم



خلاص اختي ود الإمارات انا بوقف المشاركه في هالمنتدى كلها مواضيع متزوجات

أشوفكم شفتو نفسكم علينا علشانكم متزوجات

عالعموم ان شاء الله كلكم بتسمعون اخبار حلوه.....................................................................:cry: متى عاد هني السؤال


سفيرة فو ق العاده

افا يا سفيره ليش عاد
حاشانا انشوف عمارنا على اي حد
بالعكس احنا نريد انفيدكم يقولك اسأل مجرب ولا تسأل طبيب
وبعدين ليش متسعيلة لاااااااااااااااااحقه عالهم صدقيني هههههه
استمتعي بحياتك الحين وادعي ربك ان الله يرزقك الزوج الصالح
وان شاء الله اللي مكتوب بيصيبك بلا تقديم ولا تأخير
اتوكلي على الله
ويااارب نسمع اخبار حلوه عنك
بس اخاف بعدين انتي تتكبرين علينا وما انشوفك بالمره هههههههه

ان شاء الله على السنه اليايه بخبركم شو الاحساس

بس احس اني بحس باكتئاب لانها حياة جديده وناس مب متعوده عليهم
خاصة السكن مع اهل الزوج


لاني خلاص متعوده انام على كيفي واسهر على كيفي واكل على كيفي
والمصيبه اني من النوع الغير اجتمااعي

الله يصبرنا

مراوي:
انا بعد نفس الشي

اول ما تزوجت و بأول اسبوع لي كنت اقعد بالصاله اطالع حواليني اقول في نفسي : يعني بظل طول عمري هني بروحي .. اخواتي ماراح يعيشون معاي مره ثانيه .. بتملل بروحي ومن هالكلام :)

الحين صرت ماحب اطلع من شقتي كله لازقه فيها لاني خلاص تعودت :)

هلا مراوي
صدقك والله حتى انا ما ارتاح الا في غرفتي ونسيت غرفتي اللي في البيت
نذاله فينا صح ههههه

نوووسه:
ان شاء الله على السنه اليايه بخبركم شو الاحساس

بس احس اني بحس باكتئاب لانها حياة جديده وناس مب متعوده عليهم
خاصة السكن مع اهل الزوج


لاني خلاص متعوده انام على كيفي واسهر على كيفي واكل على كيفي
والمصيبه اني من النوع الغير اجتمااعي

الله يصبرنا

تفااااااااااائلي بالخير يا نوسه
الهدف من الموضوع الاستفاده
وبعد اتقولين باكتئب
يعني مصممة انتي ههههههه
الله لا يجيب الاكتئاب
انا ساكنة مع اهل زوجي ومرتاحة الحمدلله
مع اني من النوع اللي وايد اقدس حريتي وخصوصيتي
بس مع الايام تتعودين
الحين صرت اضيق لما اقعد بروحي
خذيها يوم بيوم ولا اتشيلين هم الايام اللي يايه ما اتعرفين شو بتيبلك
الله يوفقك وتسلمين على مرورك

ود الإمارات:
افا يا سفيره ليش عاد
حاشانا انشوف عمارنا على اي حد
بالعكس احنا نريد انفيدكم يقولك اسأل مجرب ولا تسأل طبيب
وبعدين ليش متسعيلة لاااااااااااااااااحقه عالهم صدقيني هههههه
استمتعي بحياتك الحين وادعي ربك ان الله يرزقك الزوج الصالح
وان شاء الله اللي مكتوب بيصيبك بلا تقديم ولا تأخير
اتوكلي على الله
ويااارب نسمع اخبار حلوه عنك
بس اخاف بعدين انتي تتكبرين علينا وما انشوفك بالمره هههههههه

بسم الله الرحمن الرحيم



ما عاش من يشوف نفسه عليكم وبعدين لا تخافين بتلوع جبدج من مشاركاتي كل يوم شي يديد حق الزوج

الحين ما عندي ريل فمشتغله على المكياج والجسم وغيره

بعد الزواج بشتغل على شي اعمق

هههههههههههههههههههههه


سفيرة فو ق العاده

شكرا على هذا الموضووووووووووووع الوايد مهم

بصراحة كنت اعتقد اني الوحيدة في هذي المشكلة

بس بعد ما قريت الموضوع وايد طمنتوني

انا جتني حالة اكتئااااااااااااب شديدة

وكنت احس ان زوجي بعدني عن اهلي واني راح اموت اذا ما رجعت لحياتي الاولية

وهذا الاحساس عندي للحين وانا كملت خمسة اشهر من الزواج

بس اذا كنت راح اتعود على الوضع فالحمد لله

ونسيت اقول لكم ان زوجي ماخذ لي شقة يم بيت ابوي يعني كلها خطوتين واشوفهم بس للحين ما تعودت على الوضع لان زوجي يكره ابتعد عنه حتى لو شوي

كانه طفل

ياي اخاف اقولك حكايتي تضحكون
انا من شد الاحباط والخوف اللي جاني اول شهرين تقريبا
كنت ندمانه اني وافقت على الزواج كنت اقول العيشه
ببيت اهلي احسن بكثير
طبعا واللي خلاني اسوي كذا
زوجي يستحي بقوه
ماحسيت بحب برومانسيه بداية الامر
وحتى كنت اخاف اذا ركبت معه السيارة مدري وين بيوديني
كان حاسه بعدم الأمان
بس اللحين والحمد لله سعيده بحياتي مع زوجي
وادعولي بالذريه الصالحه
وبــــــــــــــــــــــــــــــــــــــس

ويني انا عن هالموضوع << اسالي نفسك ..

والله موضوعج وايد حلو أختي الغالية ,, تصدقين أنا أفكر في هالشي أو مثل ما تقولين مهيأة نفسي لأشيا ممكن إنها ما تبين

الحين فترة الملجة ..

والحمد لله انا إنسانة واقعية حيل تقدرين تقولين من ناحية المسألة ما حطيت في بالي إن حياتي بتكون وردية وناس طايرة في الخيال

و كل شي بالعكس الا أفكر و أحاول إني أهيء نفسي لشي جاي << بعبع مو حياة : )

السبب اللي يخليني أتهيأ نفسياً هو إني الحين في بيت اهلي ما أقول دلوعة بس مش محتاجة أسوي الأشيا اللي تقوم بها الشغالة ولا

الوالدة لأن كل شي متوفر ما أشيل هم غير غرفتي .. لكن من بعد ما تملجت حسيت نفسي مسؤولة أكثر عن زوجي صحيح بعيد عني

لكن كل ما قرب العرس زادت مسؤوليتي زاد خوفي منها بعد ,, زاد همي << ما لقيت تعبير أهون ^^ من مسألة بيت كامل و زوج وفي

المستقبل عيال إن الله كتب يعني أحس إن حياتي راح تتغير من إلى ,,,

الكلام كثير في هالموضوع ,,, تجاربكم نفعتني و استفدت منها ( لو إني حاطة هالشي في بالي مو انصدم لكن أكيد بيكون في

حاجة شبه مختلفة راح تتضح بعد الزواج ) وإن شاء الله تكون حاجة حلوة ^^

و الله لا يصدمكم بشي و تكون حياتكم كلها عسل و فلاور ,,,,, و يارب إنك ترزق كل محرومة ..