افكاركم في تنظيف(......)؟؟

اول شي نظفي الارضية بالماي والصابون والكلوركس

وعقب بالديتول...

نظافة مابعدها نظافة

مرحبااااااااااا

بحاول اشرح طريقتي

اول شي ابدي بخلط المنظفات مع بعض يعني الصابون ( احب احط كذا نوع ) ومعاهم طبعا ماي وبعدين انا مخصصه اسفنجه خاصه لكل شي .
ابدي اول شي بمغسلة اليد وبعدين المرايه ( المنظره اللي فوق المغسله وعلى طول انظفها عن الصابون وامسحها عدل عشان ماتبقع )وبعدين ابدي بالبانيو واخر شي الله يعزكم المرحاض .
مرات ابدي بالمرحاض احط فيه اشوي من المطهرات عشان النظافة تكون احسن يعني احط من السائل وارد ابدي الخطوات اللي ذكرتها اول شي .
المهم بعد مااخلص كل هالاشياء انظف الطوفه اللي صوب البانيو ( لان الصابون اذا لصق على البلاط يصير لونه باهت ومع الايام يكون مكان للجراثيم والبكتيريا وانا بصراحه اسوي هالشي مره كل اسبوعين ومرات كل 3 اسابيع يعني على حسب اذا شفت في بقايا صابون ولا اذا كان لي نفس انظف :)
بعد مااخلص كل هالاشياء اللي ذكرتها ابدي بغسل الارضيه طبعا كل شي له فرشاه خاصه ( المغسله لها شي خاص والمرحاض وحتى الارضيه هذا عشان ماننقل الجراثيم والبكتيريا من مكان لمكان )
انا احط لصابون الغسيل اشوية كلوركس بس اهم شي اني اخلط الكلوركس مع الماي وبعدين اضيف الصابون ( المهم مااحط الصابون مع الكلوركس لاني مره نسيت وخلطتهم واختنفت واغمى علي :( ومن ذاك اليوم قلت توبه )
باخر شطفه بعد غسل الارضيه بالصابون احط الديتول بالمغاسل والمرحاض واخذ اشوي منه واخففه بالماي واحط بالارضيه واشطف الارضيه عن الماي الزايد .....

وبس هذي طريقتي :)

تحياتي للجميع
نوارة قطر

نوارة قطر.. طريقتك روعة ما شاء الله عليك ربة بيت ممتازة :)

نوارة قطر ماشاء الله عليج ... تغسلين الحمام كل يوم ؟؟

نهى الحلوة:
نوارة قطر.. طريقتك روعة ما شاء الله عليك ربة بيت ممتازة :)

:) :) تسلمين اختي نهى الحلوه هذا من ذوقج




تحياتي لج

نوارة قطر

الأميرة النائمه:
نوارة قطر ماشاء الله عليج ... تغسلين الحمام كل يوم ؟؟

:)

تسلمين فديتج الاميرة النائمه

بالنسبه لي غسيل الحمام ضروري يوميا واذا الاستخدام على حمام معين زايد خصوصا اذا كان حمام العيال لازم اغسله مرتين ( عشان نتجنب الروائح وبالوقت نفسه اظمن نظافة المكان )

بس مثل حمام المجلس بصراحه مااغسله يوميا لان محد يستخدمه فبيكون نظيف اللهم اذا كان بيجيني ضيوف بس بالايام العاديه كل اسبوعين اغسله مره لو محد جاني يعني :)

:)

مادري طريقتي صح جذي ولالا ؟؟؟


تحياتي للجميع

نوارة قطر

ماشاء الله عليج نوارة قطر

نوارة قطر

تقريبا طريقتج نفس طريقتي بس انا مااحط كلوركس

وقبل ماابدي اغسل الحمام بخمس دقايق احط هاربيك في المرحاض

واذا شفت اصفرار في الحمام احط صابون اسمه فلاش على البقع الموجودة في الحمام واخليه تقريبا 10 دقايق طبعا في هالحالة اشغل مروحة الحمام لانه ريحته تخنق وعقب ابدا بغسل الحمام

سوي طريقة نوارة قطر

لان طريقتها نفس طرقيتنا..

و اذا عندج استفسارات زيادة لا تستحين .. كلنا خواتج و بنساعدج

انا حبيت اسئلكم شلون اغسل الحمام بالفلاش اوالكلوركس

اضيف للاخوات امسحي المرايات بالجرايد تلق لق