التعامل مع المغص

تسلمين على النصيحه ببتدي اسجل هالسوالف الي لابد منها المغص وملحقااته قبل لا يشرف ولي العهد..

ههههههه شكراً يا اوشن..

الرضع والغازات والزمن طوووووويل..

بصراحة ما شفت ام تقول ولدها ما ياه غازات.. لو مهما تسوي...

اليهال ييون وتيي الغازات معاهم لازمة ...

عن نفسي مافاد مع ولدي غير المرقدوش..
لأني كنت اخلط بين الصناعي ( المسبب الاكبر للغازات) والطبيعي بحكم الدراسة..

بس الحمدلله احسن شيء ان الياهل من يوصل 4 او 5 شهور تخف الغازات بشكل كبير تزامناً مع بدءه في الحركة ومحاولة الانقلاب..

الله يحفظ عيالنا ويصبرنا :D2

من متى استخدمتي مع ولدك المرقدوش؟

شنو المرقدوش؟؟؟؟؟:gum::think:

ماء المرقدوش:

خلطة اعشاب طبيعية تصل الى 20 نوعاً من الاعشاب، معروف جداً في مملكة البحرين، يستخدم بشكل رئيسي لتخفيف مغص البطن ، يستخدمه الكبار والصغار على حد سواء، لكن بالنسبة للرضع يجب تخفيفه بالماء ،

من اغراض استعماله :
طارد للغازات، آلام البطن، مضاد للمغص مضاد للتشنج ، مقوي ، مدر للبول ، مهضم..

ربما يعرف باسم آخر في الامارات، لا اعرف.. ربما البنات يفيدونك..

بالنسبة لأوشن استعملته بعد الاربعين لطفلي، وكان مخففاً جداً بالماء.. :)

جمانه ..

انا ولدي الحين بيكمل 5 شهور والغازات ذابحتنه ...


اقدر اجرب معاه المرقدوووش .... احصلة عند العطاريين ..

واذا ماشي وين احصلة فالبحرين .. لانه اهلي كلهم فالبخرين بنشدهم عنه وبخليهم يطرشولي ....

انزين هذا بالبحرين يسمونه مرقدوش اذا امكن تقولولي بالانجليزي شيسمونه تعالو لا يكون شااي اطفال بس؟؟اذا هو تماام عيل اكيد بلاقي بالصيدليه بس شقولهم بيبي تي؟؟؟؟

السلام عليكم ورحمة الله وبركاتة

فعلا ياأخواني وأخواتي المرقدوش وايد زين ويخفف الألم
بصراحه جربته وفادني واااااايد

جمانه

وينج يالله عاد ولدي تعبان من المغص ...

اذا فاده والله بدعيلج ليل ونهار ....

انا اجرب مع ولدي كل شي مو نافع معاه شي كلش
الله يحفظة لي يااااارب

هلا خواتي في خلطة وايد زينه حق الغازات واهي ....................
مغلي ماء الرز + ينسون

مسامحة على التأخير بجعة والباقيات..

نسيت عمري في تنظيف الفرن وما دشيت اليوم الا الحين <<<< تقول قصة حياتها :D2

المهم ماء المرقدوش متوافر في البحرين في جميع الصيدليات والبرادات واعتقد لابد موجود عند العطارين،

واذا كنتي يا بجعة بتطلبينه من اهلج بالبحرين بيحصلونه بكل سهولة من اقرب سوبرماركت،

عندنا بالبحرين مصانع حديثة لانتاج مياه الاعشاب، ويمكنك ايضا طلب ماء الحلوة وهو كذلك مفيد للرضع ومقوي,,,

لحظات باصور غراش المرقدوش والحلوة وبحط الصور بعد قليل...

انتظروني :)

برق لامع:
هلا خواتي في خلطة وايد زينه حق الغازات واهي ....................
مغلي ماء الرز + ينسون

الينسون هو نفسه ماء الحلوة عندنا :up:

هذي الصور..















وموجود على الغراش ايميل المصنع، تقدرون تراسلونهم وتسألون اذا يقدرون يوصلنهم لمكان اقامتكم مع الرسوم.. :)
[email][email protected][/email]

والسايت ..مصنع الكامل


وتمنياتي لاطفالكم بالصحة والعافية

ولا حتى شكراً؟؟ :(

تسلمي يا حبيبتي على هذا الموضوع .... لانا الحين كل الاطفال اول ما ينولدوون يعانون من المغص بشكل مستمر ... وانا عن نفسي تعبت وايد مع بنتي والسبة المغص تخيلي طول الليل وانا سهرانة وساعات الى الساعة 10 او 11 الصبح بدون نوم وبدون راحة ... فاكون راحمه نفسي اني تعبانة وما نايمة وتعبانة علشانها وعلشان الالم الى عندها وظليت على هاذي الحال اكثر من 50 يوم الى ان فرجها عليي ربي العالمين والحمد لله على كل شئ ... لكن اختي بغيت اسال يعني المرقدوش ما يصير نعطية حغ الاطفال وهم بعدهم مواليد جدد ولا لازم يكملون الاربعين ... واذا اي احد من الاخوات فى الامارات يعرفون وين يبيعون هذا المرقدوش ... او ماء الحلوة يدلوني عليه وجزآهم الله خيرا عني وعنهم ...

ومشكورة حبيبتي

حبيت اوضح ان ماء الحلوة هو يانسون مغلي بالماء :)