هل ادخل ابني حضانه والا لا

ل

لبى قلب وليدي

عروس مشرقة

23-09-2005 | 01:36 PM

السلام عليكم ورحمة الله وبركاته 000خواتي عندى طفل واحد بيكمل السنتين بعد شهر وهو وحيدي بالبيت واجتماعى يحب الناس والطلعات المهم من بلش الدووام واهو يقعد الصبح من فجر الله ويبجي يبي يروووح وياي انا ودى ادخله حضانه بس خايفه من الحضاانه لانه ما ادرى شو يسووون من ورااااااااي وبعدين اخاف من عدوى الامرااض واخاف عليه حد يضربه وياذيه 000 وهم يكسر خاطرى لما اسير الدوام واخليه مع الخدااامه احسه لو كان مع يهاال بيستانس اكثر 00انا بيت هلى بعيد شويه عنى وزوجى ما يقدر يوديه يوميا لامي واما ام زوجى فهي كبيرة بالسن وما تحب اليهال 00عاد شوروا على ادخله حضانه ولا اخليه بالبيت

b

bj3a

عروس ماسية

23-09-2005 | 02:30 PM

شوفي حبيبتي ... الحضانه الحين غير عن قبل .. الحين عليهم رقابة ... اتكلم عن الحضانات المعروفة ...

اول شي الياهل يوم مثلا يكون زجمان ما يدخلةنه يردوونه لاهله .. وثاني شي اذا يصحى من الصبح و انتي تشوفين ان ولدج بيستفيد من الحضانه .. يعني يعلمونهم شي وديه ...

بس لازم تستخيرين .. لانه هذا طفل .. لا تجازفين في اي حضانه نقي بعناية ودراسة.. كانج تختاريلة عروووس بمواصفات معينه ...

(((( تشبيه حلوووووووووووو))))

انا عن نفسي لو كنت اشتغل وولدي يصيح وراي والله لقدم استقالتي

ع

عروس المحيط

عروس متألقة

23-09-2005 | 03:12 PM

الله يعنك ليش ما تجربي وشوفي ردة فعله...اختاري له حضانه زينه بس يكونوا عرب افضل من اجانب....عن تجربتي ولدي تعود اوديه وماشالله عليه يعلموهم اشياء ..و غير النظام في اوقات الاكل والنوم وهو كان يصيح بالبدايه ليمتعود يعني بعد كم اسبوع.
واتابعي معاهم سلوك وتطورات ولدك بصراحه اامن من الشغالة وحدها هي وياه في البيت..

ج

جمـــانة

مشرفة سابقة

23-09-2005 | 06:15 PM

يتراواى لي الحضانة أأمن من الخدامة في البيت بروحها معاه..

وبنفس الوقت راح يستفيد ويتعلم اشياء جديدة..

اهم شيء تختارين مكان وحضانة سمعتها قوية..

والله يعين الامهات العاملات,
انتم السابقون ونحن اللاحقون.. :)

م

مرموم

نائبة المشرفة العامة

23-09-2005 | 06:19 PM

السلام عليكم ورحمة الله وبركاته

أنا شايفة إنه الحضانة أأمن بكتير من الخدامة...

هناك في رقابة...في ألعاب و أطفال يلعب معاهم و يصير إجتماعي...

ممكن ينضرب مرة...بس بعدها ما بيخلّي حد يضربه ابدا...

بس إختاري حضانة لها سمعة حلوة...:)

a

alfajer _alb3ed

عروس مبدعة

24-09-2005 | 04:39 PM

طبعا الحضانه افضل بوايد عن الخدامه...الخدامه ماتدرين شو تسوي في الياهل بروحها اما هناك في الحضانه في رقابه شوي وتأمنين على ولدج اكثر...انتي داومي ويا ولدج كم يوم عشان تشوفين طريقة تعاملهم مع الاطفال عشان ترتاحين اكثر

a

amooli

عروس مشاركة

03-10-2005 | 09:17 AM

حبيبتي أنا أودي بنتي الحضانة من عمرها خمسة أشهر ... وبالفعل بنتي صارت إجتماعية وتنطلق وتتأقلم مع كل الأطفال وأحس إنها تفرح لما تروح لدرجة إني لما أروح آخذها ما ترضى تطلع تحب الأطفال والألعاب حتى المشرفات (طبعاً مواطنات مب وافدات) تحسين إنهم حنونين ويربونهم على تقاليدنا ما تخافين على لسانهم ينعوي باللهجة الهندية أو الفلبينية المكسرة .. زائد ما تحاتين إنها تنضرب أو تتعذب نفس ما نسمع ونشوف.. وبعدين حتى لو كانت مع الوالدة أو الخوات بالبيت .. فالياهل يحب يلعب مع منهم بسنه أكثر من الكبار .. أشجع انك تحطينها بالحضانة عشان ما تتعبين لما تبتدي المدرسة ويكون البيبي متعود على قومة الصبح.

مع محبتي
موووولي

R

RoOoOmy

عروس ماسية

03-10-2005 | 12:28 PM

أنا مع البنات

بصراحة انا ناوية لو الله رزقني اودي عيالي الحضانة على طول حتى لو جبت شغالة يمكن اول الاشهر اودي البيبي لأمي بس بعدين حضانة منها يشوف ناس ويكون نومه منتظم ولا ينعس في النهار

بعدين احسن له من الشغالة اللي تظل معاه في البيت

الله يعينك ... شوفي له حضانة مناسبة ومعروفة تكون نظيفة والمربيات فيها فاهمات وفيها برامج تسلية للطفل بجميع الأعمار وجربي

g

guarded pearl

عروس نشيطة

07-10-2005 | 11:21 PM

أختي لا أنصحك بإدخال ابنك في هذه السن ، قبل أربع سنوات لا يكون الطفل مستعدا نفسيا ، أما إذا لم يكن لديك خيار آخر،فاسألي من تعرفين عن الحضانة التي ستسقبل طفلك،أو إذا لم يكن لديك مانع، يمكن أن تركي طفلك مع أمك خلال الآسبوع و تأخذيه منها نهاية الآسبوع ـ

ع

عروس اللولو

عروس مبدعة

11-10-2005 | 04:29 AM

لبى قلب وليدي ... الحضانة احسن و اامن من انج تخلينه عن الشغالة ... اصلان الشغالة ياية تشتغل مب ياية اتربي العيال .. و اكيد مع شغل البيت ما بتتبرض لهم و اكلهم و صياحهم ..

انا الصراحة حتى لو امي عندي .... بوديهم الحضانة .. يعني هي وحليلها كم بتربي .. يدة تبا تلعب ويا احفادها مب تمسكهم من الصبح للعصر ... وين تقدر .. خله ترتاح على عمرها

و انا الشغالة ابدا ما اامن لهم .. انا اشوف الشغالات و الله يعلون اليهال كلام مو زين .. و الياهل ما يتعلم بسرعة الكلام ..حتى لو كان ذكي النطق عنده وايد يتأخر

و الله يعينج .. و الاستقالة طبعا صعبة هالايام ... وين الواحد يحصل شغل عشان يستقيل .. رافعين الايجار ... والبنا نار .. البترول .. و الاغراض اسعارها مب بسيطة و غيره و غيره ...

الله يعينج و يعطيج الصحة والعافية

ل

لبى قلب وليدي

عروس مشرقة

25-11-2005 | 03:26 PM

مشكوورين وانا عني دخلت ولدي فترة تقل عن اسبووع الحضانه وطلعته 00 لاني بصرااحه ما تحملت صياااحه

ويمكن عرفتوا شنو صارلي قبل فترة لما اكتشفت انه الخدااامه تضربه 00

انا حاليا اوديه لامي كل يوم 00 بس مشكلتي الجديده انه زوجي ماله رغبه يوديه كل يوم 0يقول انه تعب عليه
الله يعين يارب بس لا تخاافوا باظل اتحااايل على زوجي واوديه لامي كل يوم الين الاجااازة

r

remaas

عروس متألقة

25-11-2005 | 07:59 PM

الصراحه انا بنتى عمرها 1 و6 شهور وأوديها للحضانه.. تدروون ليش لانها حركيه وتحب على الأطفال ودائما تبي تلعب معاهم.. مع اني جالسه بالبيت بس اوديها للحضانه عشان تلعب وعاهم وتتعلم اساليب صعب اني اعلمها أياها لوحدي.. كل ماتشوف الاطفال يسوون شي صح تسوي مثلهم.. هناك يعلمونهم اللعب مع بعض ومشاركه الألعاب مع الغير والرسم والتشجيع من الكل هناك يحسسها بالفرح.. صدق ترجع البيت ولهانه ولكنها مبسووطه جدا.. والحمد لله الحضانه معروفة في منطقتنا وعليها رقابه ويخافون على الأطفال واجد... ما أتوقع انو غلط الواحد يودي طفله الى الحضانه لفتره من الوقت عندي احسن من اخليها مع الخدامه لحالهم محد يدري شنو تسوي فبه.... هذا رأي