من اللي تجهز السمبوسه والسبرينغ رول قبل رمضان وتحتفظ به ؟؟ممكن افكاركم وطريقتكم؟؟

هلا أخواتي

بخصوص جبن البرايد في نوعين كامل الدسم وعلبته كرتون لونها أصفر أنا اللي أشتريه مش علب

يكون بقسم الأجبان

والنوع الثاني قليل الدسم وعلبته لونها أزرق وطبعاً في أحجام كبير وصغير

ومكتوب بالأحمر

برايد







[grade="00008B FF6347 008000 4B0082"]


هلا ملوذة

لا شكر على واجب غاليتي

حبيت أقول لك أول شي جربنا السمبوسة والسبرنغ رول اللي حشيناه

كان في عندنا ضيوف

وقلينا كبة وسبرنغ رول وسمبوسة وسويت بيتزا وفطاير جبن وزعتر

وكان طعمه خطير

بنات ترى والله لا تفوتكم جربوا وعطوني النتيجة

بخصوص ورق العنب

عادي سلقناه شوي طبعاً بعدين جهزنا الرز المصري كان منقوع ومغسول

وقطعنا شوي طماطم ونعناع أخضر وبقدونس وفلفل حار وبارد

ونعناع مجفف شوي وملح وزيت زيتون

والخلطة جاهزة بعدين عادي لفينا ورق العنب ورتبناه بصحون بلاستيك وبعدين بورق النايلون وبالفريزر حفظناه




وعند الطبخ

طبعاً قطعي طماطم وبطاطا في أسفل الطنجرة يكونون وفوقهم ورق العنب بيكون متجمد مش مشكلة

وفوقهم صحن عشان يثبت مكانه حطي ماي وملح وملح ليمون وفلفل حار هندي وشوي زيت زيتون

واطبخيه ساعة تقريباً ويكون على نار هادئة وترى ممكن يستوي قبل الساعة إنت ذوقيه

وصحتين وعافية مقدماً [/grade]

[grade="00008B FF6347 008000 4B0082"]

نسيت أقول لكم عجينة البيتزا أحسن طريقة وأنا مجربتها اخبزوها من فوق وتحت إذا بتاكلوها

خلال 4 – 7 أيام مش أكثرعشان طعمها لا يتغير

أما إذا فترة من أسبوعين لشهر

اخبزوها من تحت شوي ومن فوق شوي " نصف استواء "

بحيث العجينة تتماسك وما تستوي من تحت وفوق

يعني لونها بكون أبيض وبعدين خلوها تبرد واحفظوها بعلب بلاستيك محكمة

وقبل التقديم رجعوها بالفرن اخبزوها من فوق وتحت

ولا تحطون جبن الموازريلا من المرة الأولى لا

في نهاية الخبز وقبل لا تستوي من فوق جيبوا جبن شدر واخلطوه مع موازريلا

ورشوا فوق العجينة طعمه كأنك عاجنه وخابزة الحين

وادعولي طيب

وأي سؤال أنا حاضرة [/grade]

[grade="00008B FF6347 008000 4B0082"]

بعطيكم خلطة البيتزا

طبعاً أول شي شوي صلصة طماطم كي دي دي على القرص

وبعدين أضع الخلطة عبارة عن

مشروم وفلفل بارد وطماطم وبصل

مقطعين شرائح

وزيتون أسود وأخضر أو الموجود شرائح

وملح وشوي زيت زيتون

والطعم والسر الخطير شوي نرش عليه زعتر

الأوريغانو مع الخلطة


وصحتين وعافية [/grade]

ال الف الف شكر على هالحشوات والطرق الخطيره وان شاء الله راح اجربها وانا الحين قاعده اطبعهم ويكونون تحت عين
فالف شكر لج اختي الغاليه نعيمه

مشكورين على هذا الموصوع وبصراحة انا استفدت منكم وافيدكم بحشوة من عندي بس مجربة وروعة ولذيذة
المقادير ورق سمبوسة سويترس تعرفونه
جبن كرافت كاس
كزبرة والقليل من الفلفل الاخضر بس شلي البذور منه
المايونيز
تخلطين كل المقادير الي عندج وتحشين السمبوسة بس سويها على شكل مربع تخلين ورقتين على شكل زايد +وبعدين تحشينها وتلفينها مع خلكة العجين(ماءوطحين)وتقلينه في زيت عميق

[grade="00008B FF6347 008000 4B0082"]

العفو ملاذ ما سوينا شي

ومشكورين خواتي كلهم إنشاء الله بنجرب طرق بعض

يا لله يا بنات اللي عندها أي شي تتفضل ناخد طرق بعض [/grade]

أنا جهزت من قبل أسبوعين بس سمبوسة دجاج ((( حمسي بصل أخضر مفروم مع الأوراق + فلفل بارد مفروم على النار بعدين حطي فوقه دجاج مسلوق وجزر مبشور وعلبة ذرة وعلبة مشروم مفروووووم وملح وفلفل أسود وشيلية من النار وحطي عليه مايونيز وجبن كاسات وجبن كرافت مبشور وبقدونس مفروووووووووم ))))

سمبوسة جبن كرافت وذرة عااادي

سمبوسة خضرة((( بصل محموس + ماش مسلوق+بطاطس مسلوق+جزر مبروش+كزبرة خضرة وملح وبزار

أصابع سمبوسة كيري عاااادي

سبرنغ روووول دجاج تشاينييز (( ملفوف شرايح+ بصل أخضر+ جزر مبروش +فلفل بارد شرايح+مشروم شرايح... كله على النار مع قليل زيت لين يستوي شوي بعدين ضيفي فوقه دجاج مسلوق و ملح وفلفل أسود وصويا صوص وماجي مذوب في شوي ماي حاااار)))

سبرنغ روووول كيري مع زيتون أخضر عااادي

وبعد كبات أنواااااع بس ما أحب أفرزن المعجنات فرش أحسن............

وناوية أجرب سبرنغ رووول اللحم بسوي الحشوة وخل الخدم يلفون..........

بروح لولدي قااااااعد يصيح............

بااااااااااااااااااااااااااااااااااااااااااي

ياحبي لكم يابنا ت ذاالمنتدى الكل منكم متعاونات وشكلكن راعيات بيوت ماشاءاللة عليكن
بس أنا ودي أسأل عن حشوةالخضار بصراحة معقدتني ؟؟
أقصد ذيك الحشوة اللي فيها الخضار مثل الكوسة ، الباذنجان ويكون معها طماطم واللة ماأعرف أبد طريقتها بس طعمها جنان ونكهتها بالمرة حلوة أذكر بس إن الخضار تقلى بالزيت والباقي ماأدري !!! عاد اللة يعافيكم اللي عندها خلفية تعلمني
وشاكرة لكم:cool2:

واااااااو استفدت كثير منكم خصوصا الاخت نعمه

الله يعطيكم العافيه يارب

اهلين بنات وكل عام وانتم بخير

اما انا ما قد سويت شي بعد اللهم اليوم جهزت اللحمة للكفتة (يعني حطيت لها البصل والثوم و البقدونس والبهارات والملح) وفرزتها

اما بخصوص الحشوات انا بعد دقايق رايحة السوبر ماركت اجيب الخضار والمعجنات

واطعم حشوة للسبرينج رول ومفضلة عند الكل هي

بصل مفروم صغير جدا ***شوية ثوم*** بطاطس مبشورة***جزر مبشور***ملفوف مفطع سرائح رفيعة***بقدونس ****وكوسا مبشورة **بهارات وملح حسب الرغبة

الطريقة
اسخن الزيت واحط البصل والثوم وعقب دقيقة الجزر والبطاطس الملفوف واخرشي قريب النضج الكوسا واللي يحب يزيد الفلفل البارد والبقدونس والملح والبهارات وقلبيهم وخليها تبرد واحشي معجناتك وبالعافية

تري كل الطبخة ما تاخذ ربع ساعة لان الخضار مبشور وبسرعة يستوي

وياليت اللي عندها طريقة الكبة تنزلها بالتفصيييييييييييييل المملللللللللللل

بالنسبة لي

بسوي بكره باذن الله صرر الاوزي (الوصفه موجوده بالمنتدى) وبفرزها ويوم ابغاها بس احطها بالفرن او المايكروويف

كمان راح اسوي سمبوسه بالخضار وسمبوسه بالجبن

وبسوي ان شاء الله كوسه صغيره محشية بلحم مفروم وصنوبر ومقليه ومفرزه عشان اسوي منها كوسه باللبن

وبسوي باذن الله كبه باللحم المفروم

والله يسهل