فستان العروس.. ما هو مصيره بعد الزفاف؟

مصير الفستان الصراحة ينحط فوق الخزنة.................وبعدين محل التاجير واذا اجروة مرة او مرتين و تنتهي صلاحية الفستان

بنت المنصوري.. ما تنفع معاج ولا معانا ان شالله ;) بس ما قلتيلنا شو ناويه تسوين بفستانج في المستقبل ان شالله..

هلا اختي الحرمان.. مشكوره على المشاركه.. وصدقتي ما انتبهت لهالنقطة.. المحل بيأجره مرة أو مرتين وما تضمنين حد يستأجره أو لا.. لو ينباع لمحل أحسن عن الايجار يكون.. ولا اشرايكم؟

خواتي المتزوجات.. قولولنا شو كان مصير فساتينكم عقب العرس؟

كلامكم كله صح انو لما تسوي الوحدة فستان بمبلغ كبيير ...و تلبسه ليله وحده ...انا فستاني بحاول اسويه بسعر معقووول ...مب لالالازم يكوون من الغالي ..يكون شي بسيط و حلو ..ومرتب ...علشان بعدين ما اندم و اقول ليتني ما سويته .:(

انا لسى مو متزوجه لكن اقدر افيدكم :
صديقتي احتفظت بفستانها وخلته عندها على منكان (المجسم اللي يعرضون عليه الملابس بالمحلات)
وحطت الطرحه فوقه ومسكه الورد اللي كانت معها وحطته في ركن من غرفة النوم.
حركه حلوه للذكرى:)

صدقتي اختي بنت المنصوري.. حلاة العروس مب بفخامة فستانها... الإضاءة والطرحة والمكياج والباقة كلها تلعب دور.. وكل ما كانت أبسط كلما برزت أنوثة العروس..

هلا اختي هيفونة.. مشكورة على المشاركة.. وحركة ربيعتج حلوة للي عرسوا وتوهقوا ويا فساتينهم.. بس أخاف عقب كم سنه يتحول الفستان إلى بيوت عنكبوت!! ما قلتيلنا يوم تعرسين ان شالله شو ناوية تسوين بالفستان عقب العرس؟

انا يوم فصلت فستان الزفاف كنت حاطه في بالي من قبل اني استغله لان مستحيل راح البسه مره ثانيه الفرحه الحقيقيه مره وحده بالعمر وبس فصلته بسعر 30000 ألف شامل القماش والحذاء والطرحه والتفصيل وبس بعد العرس اجرته ب 5000 على كذا بنت وبعدين 4000 وبس طلعت اكثر من قيمته والحمد لله رجعت لي فلوسي والحين هو عند محل تصميم ازياء هو للبيع باي سعر ان شاء الله 5000 مو مهم لاني انا ما خسرت بل ربحت والحمد لله هذي تجربتي مع الفستان الزفاف اتمنى انكم تستفيدون منها

هلا اختي قطرية..

مشكورة على المشاركة.. وسالفة فستانج حلوة.. تجارة مربحة :) بس يبالها شوي مجازفه.. يعني من حظج حصلتي مجموعة يستأجرونها.. بس المشكلة ان ما حصلتي حد يأجره وتكونين صرفتي عليه هالمبلغ الكبير..

بغيت اسألج تسمحين للي تأجره انها تضيف شي للموديل أو تعدل القياس أو ما تسمحين؟ واذا ما تسمحين لهم.. كيف يضبط الموديل على اكثر من وحده؟
وسلامتج

انا بالنسبه لي فستاني بيكووون اجار ويوم بيخلص العرس برده على المحل ............:)

بنت الكويتي فكيتي عمرج من الصدعة

بصراحة اجمل لحظة يوم تروح كل وحدة وتشتري فستان الزواج والاجمل اذا احتفظت فيه
لانه ذكري مرررررررر حلوة
هذا رائي وما ادري عن الباقيات
مزيونة الرياض:o

هلا فيج بنت الكويتي.. صدقت اختي الحرمان فكيتي عمرج..


هلا اختي مزيونة الرياض.. مشكورة على المشاركة.. وبغيت اعرف رايج من تجربة يعني انتي معرسه.. ولا ناوية تسوين جيه يوم تعرسين ان شاالله؟

لأن أغلب المعرسات قالولي انهم متحسفين على الفستان المعلق في الدولاب بدون فايده..

بصراحة الموضوع واااااااايد حلوووووو


وبالنسبة لي انا زواجي قررريب
واقترحت علي وحده من صاحباتي فكره مره حلوووووووه لفستان الزواااج
وهي

اني اصمم فستان بسيط وناعم وبعد الزواج ادخل عليه بعض الاضافات البسيطة بحيث ممكن استفيد منه في مناسبه ثانية وبببسسسس

وان شاء الله تعجبكم فكرة صاحبتي


ودعواتكم لي بالتوفيق ........................

هلا اختي وجه القمر..

مشكوره وايد على المشاركه الرائعه..

أول مرة أسمع بهالفكره.. بصراحه فكرة وايد حلوة ويبالها ابداع :)

مثلاً لو عندج صوره للفستان البسيط واقتراحج بالحركه الي نضيفها له بعد الزواج أرجوا انج تخبرينا..

وتسلمين..

مرحبا اختي والله شكرا على الفكرة والردود وانا عرسي جريب وكنت افكر في سالفة الفستان وعن جد استفدت من الاخوات الة وصو على فيرارا وكوتورز

هلا اختي شمه.. تسلمين والله..

الله يوفقج الغاليه ويباركلج في حياتج اليديده.. وما قلتيلنا قررتي تفصلين وتأجرينه عقب ولا؟

انا يوم عرضت الفستان كان هو اعلان في صفحه اعلانات مبوبه في الجريده وبس كتبت المقاس نوع الموديل وجاو البنات وقاسو الفستان طبعا ما جاو الا لما تاكدوا انه راح يدخل فين وبس وعلى فكره الفستان كان الغسيل عليهن ومكان انا اعرفه علشان ما يخترب

السلام عليكم و رحمة الله و بركاته

***********


الصراحه فستان عرسي لي اليوم

معلق .. متحسفه عليه لأنه طلع وااايد حلو

و خايفه اأجره أخاف يخترب

بس اذا في وحده منكم تبي تأجر فستان

و تقدر تحافظ عليه


انا عندي استعداد



******

ملاحظه: الفستان للمصمم اللبناني ( زياد انطون ) . من ايتيليه رشا شيك .

:D :D

عزيزتي روح الأمل..

الف شكر على هالموضوع المهم .. واللي فعلا نحتاج فيه لوقفة .. كثير مننا يفكر ان هذي ليلة العمر .. ويصرف على فستان الفرح الوووف مع ان الوحدة ماراح تجلس بالفستان اكثر من ساعات .. وان كان حظها طيب وكانت مدعوة لأفراح بعد فرحها ممكن تلبسه ثاني..

أنا توي مملكة وبعد ماصار فرحي .. ويوم فكرت اسوى فستان الخطوبة عملته ثلاث قطع بلوزة وتنورة ضيقة وذيل .. طبعا الذيل اختياري .. يعني ممكن البس الفستان بالذيل وممكن لا .. وبكذا حللت الفستان في الكثر من مناسبة ولبسته كأي فستان سهرة عادي ..

أما بالنسبة للفرح .. فأنا مترددة بين اختيارين اني استأجر .. أو اني اختار موديل بسيط مو مكلف .. منشان اقدر البسه في مناسبات ثانية مثل ذكرى الزواج ..

اقتراح وجه القمر عملى جدا .. خاصة للي يحبوا يحتفظوا بالحاجات اللي لها ذكرى خاصة زي فستان الفرح ... ويمكن هذا اللي مخليني مترددة في حكاية الاستئجار ..

اما عن الافكار .. فممكن لو كان الفستان ضيق .. تضيفي عليه بعض الاكسسوارات الملونة (ورود أو تطريز) راح يغير من شكله وتلبسيه في مناسبات مختلفة..

مرة ثانية اشكرك على الطرح الرائع ..

تحياتي
نبضة قلب

هلا خواتي ومشكورين عالموضوع المتميز
بالنسبة لفستاني انا خططت من قبل ما اسويه اني اعمل موديل مميز وسهل فكه لقطعة ممكن اعيد خياطتها.. لانه كان تل مطرز
وفعلا تزوجت من سنتين والان اخذت القماش ورجعته لنفس الخياطة عشان افصل موديل جديد على بطانة لون غريب وطلع الفستان حلووو